Knattspyrnudeild KR

17.5 | 2012

Póstlisti Knattspyrnudeildar

Frekari upplýsingar um styrki til íþróttaiðkunar barna má finna á eftirfarandi heimasíðum:

Frístundakort Reykjavíkurborgar - Heimasíða ÍTR

Tómstundastyrkir Seltjarnarnesbæjar

Skráning og greiðsla æfingagjalda Knattspyrnudeildar KR

Knattspyrnuárið 2010 - Skráningarblað og greiðsla æfingagjalda

Smellið hér til að sækja skráningarblaðið.

Fyllið út wordskjalið, vistið á tölvunni hjá ykkur og sendið síðan á netfangið martha@kr.is.

Foreldrar iðkenda geta ráðstafað af frístundakortinu allt að kr. 25.000 á árinu 2010.

Athugið að við hjá KR þurfum að skrá barnið fyrst inn í Rafrænu Reykjavík áður en þið getið farið þar inn og ráðstafað styrknum. Skráningarblað knattspyrnudeildar þarf að skilast til skrifstofu KR svo skráning geti farið fram.

Nánari upplýsingar veitir skrifstofa KR í símum 510-5314 og 510-5310 og í netfangi knattspyrna@kr.is.

Almennt um Frístundakort Reykjavíkurborgar

Meginmarkmið Frístundakortsins er að öll börn og unglingar á aldrinum 6-18 ára (miðað við fæðingarár) með lögheimili í Reykjavík geti tekið þátt í uppbyggilegu frístundastarfi óháð efnahag eða félagslegum aðstæðum.
Með Frístundakortinu má greiða að hluta eða að öllu leyti fyrir íþrótta-, lista- og æskulýðs-starfsemi á vegum félaga og samtaka sem starfa í Reykjavík og nágrannasveitarfélögunum.
Hverju ári verður skipt í þrjú tímabil, haustönn, vorönn og sumarönn. Heimilt verður að nýta styrkina til greiðslu allt að þriggja greina á hverju tímabili.
Ekki verður um beingreiðslur til foreldra að ræða heldur fá foreldrar rétt til að ráðstafa tilgreindri upphæð í nafni barns síns til greiðslu á hluta þátttöku- og æfingagjalda.
Upphæð ráðstöfunarstyrks til barna á aldrinum 6-18 ára með lögheimili í Reykjavík er:

Frá 1. janúar 2010 kr. 25.000

Forsenda þess að hægt sé að ráðstafa styrknum er að búið sé að skrá barn í tómstund hjá félagi sem er aðili að Frístundakortinu og að félagið sé búið að skrá barnið í Frístundakorts-kerfið á Rafrænu Reykjavík.
Athugið að ekki er hægt að fá endurgreidda þá upphæð sem búið er að ráðstafa til félags.
Hafir þú einhverjar spurningar eða athugasemdir, vinsamlegast sendu þær á fristundakort@itr.is eða hafðu samband við símaver Reykjavíkurborgar í síma 411-1111. Einnig er hægt að fá aðstoð hjá þjónustumiðstöðvum borgarinnar hafi foreldrar ekki aðgang að tölvu.

Leiðbeiningar um ráðstöfun

Farðu inná vef Reykjavíkurborgar www.reykjavik.is
Farðu í UMSÓKNIR, Rafræn Reykjavík og svo í INNSKRÁ.
Ef þú ert að fara inn í fyrsta skipti skaltu fara í NÝSKRÁ.
Þegar þú hefur skráð þig inn í Rafræna Reykjavík skaltu velja flipann FRÍSTUNDAKORT.
Veldu RÁÐSTAFA STYRK.
Veldu nafn barns af fellilista.
Þá birtist námskeið sem barnið er skráð á og heildarupphæð námskeiðs.
Skrifaðu upphæð ráðstöfunarstyrks í kassa fyrir aftan námskeið og staðfestu ráðstöfunina.
Ráðstöfunarupphæð birtist hjá félagi, sem lækkar reikning iðkandans sem nemur ráðstöfunarupphæð.
Ef upphæð námskeiðs er hærri en þú ráðstafar, þarft þú að greiða mismuninn til félagsins.
Ekki er hægt að ráðstafa hærri upphæð til félags en námskeiðið kostar.