Markmið með starfi Skíðadeildar KR er að gera skíðaiðkun að eftirsóknarverðu frístundaáhugamáli fjölskyldunnar. Iðkun íþrótta sem eflir börn og unglinga andlega og líkamlega skapar þeim heilbrigt umhverfi og er þeim hvatnig til að takast á við vandamál hversdagsins. Íþróttastarf er fyrst og fremt uppeldisstarf og þess vegna er þátttaka foreldra nauðsynlega forsenda þess að starfið beri árangur. Árangur í starfi Skíðadeildarinnar verður einkum metin í fjölda jákvæðra þátttakenda, barna og unglinga sem bæta árangur sinn, og foreldra sem efla íþróttastarfið með virkri þátttöku. Allir eru velkomnir að taka þátt í starfi Skíðadeildar KR óháð getu og aldri. Börn og unglingar fá þjálfun við hæfi til að bæta hæfni sín á skíðum og ná betri árangri á mótum en foreldrum og öðrum velunnurum er sköpuð aðstaða til að njóta skíðaíþróttarinnar í góðum félagsskap.
Iðkendum er skipt í þrjá hópa eftir aldri og getu sem æfa saman. Æfingar og markmið þjálfunar eru alfarið í samræmi við stefnumörkun Íþrótta- og Olympíusambands Íslands.
Æfingaáætlun fyrir alla aldursflokka veturinn 2011-2012:
8 ára og yngri
Haustæfingar eru á þriðjudögum og fimmtudögum. Þegar snjórinn er kominn eru æfingar á laugardögum og sunnudögum frá kl. 10-12 og ein æfing í miðri viku kl. 18-20.
Þjálfari Ása Sandholt asa03@ru.is sem er mjög reyndur þjálfari enda búin að vera hjá okkur í mörg ár.
9-12 ára
9-10 ára Haustæfingar á þriðjudögum og fimmtudögum. 11-12 ára Haustæfingar á þriðjudögum, miðvikurdögum og fimmtudögum .Þegar snjórinn er kominn, eru æfingar á laugardögum og sunnudögum frá 10-12. Virka daga eru settar upp æfingar alla daga en eins og allir vita er ekki hægt að stóla á opnun alla daga. Þjálfari, hinn margfrægi Sigurður Nikulásson sigginik@hotmail.com sem er búinn að vera þjálfari hjá Blikum og Fram í mörg ár.
13-14 ára
Í vetur verður skíðadeild KR í samstarfi við skíðadeildir Breiðabliks og Fram um þjálfun,eins og í fyrra og árin tvö þar á undan ;) Þjálfari þessa aldursflokks er Egill Ingi Jónsson egill@myndval.is .
15 ára og eldri
Síðastliðin vetur tóku öll Reykjavíkurfélögin sig saman og stofnuðu Skíðalið Reykjavíkur og Breiðabliks. Þetta samstarf hefur gefist mjög vel. Reykvíkingar urðu Bikarmeistarar.
Æfingar úti á landi:
Þegar skíðasvæði úti á landi opna er stefnt á æfingaferðir, sérstaklega til Akureyrar, Dalvíkur, Siglufjarðar og á Tindasól að því gefnu að skíðasvæði höfuðborgarsvæðisins verði lokuð. Hver ferð verður skipulögð sjálfstætt og munu þjálfarar upplýsa æfingakrakka í hverjum flokki hvort og hvenær slíkar ferðir verða farnar.
