Fréttir á aðalsíðu kr.is

Íþróttaskólinn hefst 16 september skráning er hafin

📁 Fréttir á aðalsíðu kr.is 🕔23.Àgùst 2017

Íþróttaskóli barnanna haust 2017

Markmið

Íþróttaskóli KR hefur það að leiðarljósi að efla skyn og hreyfiþroska barnanna, ásamt því að kenna þeim að vinna með öðrum, umgangast aðra og taka tillit til hvors annars. Með þessari kennslu er markmiðið að auka jafnvægi, fínhreyfingar, kraft og lífsgleði.

Kennsla

Kennsla fer fram kl.10-11 þ.e. börn á aldrinum 2-4 ára. Við mælum með því að börnin séu berfætt í öllum tímum, því það eykur hreyfiþroska þeirra og næmni og veitir þeim einnig meira öryggi og grip. Mikilvægt er að mæta tímanlega til þess að hægt sé að byrja og skipta í hópa á réttum tíma. Íþróttaskólinn fer fram í Íþróttahúsi Hagaskóla.

Fyrsti tíminn er 16 september og sá siðasti 2 desember og er verðið 12.000 kr fyrir veturinn

Foreldrar og/eða forráðamenn

Foreldrar eru hvattir til þess að taka virkan þátt í öllum tímunum hvort sem um er að ræða í hópleikjum eða þrautabrautum. Einnig er gott ef foreldrar geta aðstoðað börnin og fylgt þeim um salinn ef þess þarf. Einnig er gaman að taka myndavélina með til að fanga skemmtileg augnablik með börnunum.

Umsjón

Skólastjóri er Sigrún Skarphéðinsdóttir Íþróttafræðingur/kennari B.Sc.

Ef einhverjar spurningar vakna, ekki hika við að hafa samband við íþróttafulltrua KR á netfangið stefan@kr.is – skráning er hafin á https://kr.felog.is/

Deila þessari grein