Borðtennisdeild

KR Íslandsmeistarar í liðakeppni í sveinaflokki

📁 Borðtennisdeild 🕔10.February 2018
KR Íslandsmeistarar í liðakeppni í sveinaflokki

A-lið KR vann Íslandsmeistaratitilinn í sveina fæddra 2003-2004 á fyrri degi flokkakeppni unglinga, sem fram fer í Íþróttahúsi Hagaskóla 10.-11. febrúar. C-lið KR varð í 3.-4. sæti og féll úr leik í undanúrslitum fyrir KR-A. Einnig var keppt í flokki drengja fæddra 2000-2002 en þar varð sameiginlegt lið KR og HK í 2. sæti og lið KR í 4. sæti. Keppni í öðrum flokkum fer fram sunnudaginn 11. febrúar.

Verðlaunahafar

Sveinar fæddir 2003-2004

  1. KR-A (Eiríkur Logi Gunnarsson og Steinar Andrason)
  2. Akur/Umf. Samherjar (Heiðmar Sigmarsson og Matiss Meckl)

3.-4. BH (Mímir Kristínarson Mixa og Reynir Snær Skarphéðinsson)

3,-4. KR-C (Kristófer Dagsson, Matthías Benjamínsson og Thor Thors)

Tvö sterkustu liðin, KR-A og Akur/Umf. Samherjar mættust í úrslitum en bæði liðin höfðu unnið alla sína leiki 3-0.

Úrslitaleikurinn var jafn en þeir Eiríkur og Steinar náðu að vinna 3-0 sigur á Norðanmönnum, sem brutust suður til að taka þátt í mótinu. Steinar vann líka Íslandsmeistaratitil í flokkakeppni í fyrra en þá í piltaflokki. Þetta var fyrsti Íslandsmeistaratitill Eiríks Loga, sem spilaði upp um aldursflokk.

 

Drengir fæddir 2000-2002

  1. BH (Birgir Ívarsson og Magnús Gauti Úlfarsson)
  2. HK/KR (Ellert Kristján Georgsson og Óskar Agnarsson)
  3. Víkingur (Ingi Darvis Rodriquez og Ísak Indriði Unnarsson)
  4. KR (Elvar Kjartansson og Gestur Gunnarsson)

Birgir og Magnús Gauti voru öruggir sigurvegar, unnu alla leiki sína 3-0 og urðu Íslandsmeistarar þriðja árið í röð. Ellert úr KR og Óskar úr HK tryggðu sér annað sætið með 3-1 sigri á Víkingunum Inga Darvis og Ísak Indriða, sem voru næst stigahæsta liðið.

Úrslit úr öllum leikjum dagsins eru birt á vef Tournamenst Software, http://www.tournamentsoftware.com/sport/tournament.aspx?id=49C83D4B-C831-4DD4-B6E8-2C5C0F2CB0A0

Mynd af verðlaunahöfum í drengjaflokki frá Magnúsi Stefánssyni og myndir af sveinum frá Gunnari Skúlasyni.

 

Deila þessari grein