Borðtennisdeild

Æfingabúðir stráka 23.-24. febrúar gengu vel

📁 Borðtennisdeild 🕔27.February 2019
Æfingabúðir stráka 23.-24. febrúar gengu vel

Opnar æfingarbúðir fyrir stráka voru haldnar á Hvolsvelli 23.-24. febrúar. Alls tóku 22 iðkendur frá 5 félögum af höfuðborgarsvæðinu og Suðurlandi þátt að þessu sinni sem var fjölgun frá árinu í fyrra. Þeirra á meðal voru nokkrir KR-ingar.

Skv. frétt á vef BTÍ, www.bordtennis.is var mikil ánægja meðal iðkenda með helgina og skemmtu strákarnir sér konunglega. Auk æfinga var farið í sund og haldin pizzaveisla.

Þjálfarar æfingarbúðana voru að þessu sinni þeir Skúli Gunnarsson þjálfari í KR og Jóhann Emil Bjarnason þjálfari hjá Víkingum.

Þetta er þriðja árið í röð sem æfingarbúðirnar eru haldnar en sams konar æfingabúðir hafa einnig verið haldnar fyrir stúlkur ár hvert. Óhætt er að segja að æfingarbúðar sem þessar séu komnar til að vera og er stefnt á enn meiri mætingu að ári.

Borðtennisdeild Dímonar á Hvolsvelli skipulagði búðirnar og gistingu ásamt þjálfurum.

Deila þessari grein