Borðtennisdeild

Aldís Rún Lárusdóttir sigraði á Grand Prix móti KR og Keldunnar

📁 Borðtennisdeild 🕔03.February 2018
Aldís Rún Lárusdóttir sigraði á Grand Prix móti KR og Keldunnar

KR sigraði ferfalt í kvennaflokki á Grand Prix móti KR og Keldunnar, sem haldið var í Íþróttahúsi Hagaskóla laugardaginn 3. febrúar.

Aldís Rún Lárusdóttir, KR og Ársól Clara Arnardóttir, KR mættust í öðrum undanúrslitunum og vann Aldís öruggan 4-0 sigur. Í hinum undanúrslitunum mættust Auður Tinna Aðalbjarnardóttir, KR og Lára Ívarsdóttir, KR. Sá leikur var jafn og lauk með 12-10 sigri Auðar í oddalotunni. Aldís og Auður mættust því í úrslitaleiknum og hafði Aldís sigur 4-2 (11-5, 9-11, 11-5, 7-11, 11-7, 11-3).

Magnús Gauti Úlfarsson, BH sigraði í karlaflokki. KR átti einn verðlaunahafa í karlaflokki en það var Gestur Gunnarsson, sem leikur í 2. flokki. Gestur gerði sér lítið fyrir og sló út meistaraflokksleikmanninn Arnór Gauta Helgason úr Víkingi 4-2 í 8 manna úrslitum. Gestur tapaði síðan fyrir Thomas Charukevic í undanúrslitaleiknum 0-4.

Anna Sigurbjörnsdóttir, KR, sigraði í B-keppni kvenna og Ellert Kristján Georgsson, KR í B-keppni karla.

Styrktaraðilum mótsins, Keldunni, Borðinu, Hamborgabúllunni, Heimilistækjum og pingpong.is er þakkað kærlega fyrir vinningana.

Verðlaunahafar

 

Opinn flokkur kvenna

1.            Aldís Rún Lárusdóttir, KR

2.           Auður Tinna Aðalbjarnardóttir, KR

3.-4.      Ársól Clara Arnardóttir, KR

3.-4.      Lára Ívarsdóttir, KR

 

Opinn flokkur karla

1.           Magnús Gauti Úlfarsson, BH

2.           Thomas Charukevic, BH

3.-4.      Gestur Gunnarsson, KR

3.-4.      Pétur Marteinn Urbancic Tómasson, BH

 

B-keppni kvenna

1.       Anna Sigurbjörnsdóttir, KR

2.       Kristín Ingibjörg Magnúsdóttir, KR

3.      Þuríður Þöll Bjarnadóttir, KR

 

B-keppni karla

1.            Ellert Kristján Georgsson, KR

2.           Guðmundur Örn Halldórsson, KR

3.-4.      Kristín Ingibjörg Magnúsdóttir, KR

3.-4.      Slawomir Rekowski, BH

 

Deila þessari grein