Borðtennisdeild

Auður Tinna önnur á Grand Prix móti HK

📁 Borðtennisdeild 🕔05.November 2017
Auður Tinna önnur á Grand Prix móti HK

Auður Tinna Aðalbjarnardóttir varð í 2. sæti í kvennaflokki á fyrsta Grand Prix mót keppnistímabilsins, sem haldið var af Borðtennisdeild HK 4. nóvember. Stella Karen Kristjánsdóttir úr Víkingi sigraði í kvennaflokki en hún lagði Auði Tinnu í jöfnum leik 11-9 í oddalotu (11-9, 4-11, 11-13, 11-5, 11-7, 9-11, 11-9). Þær unnu báðar undanúrslitaleikina örugglega 4-0. Stella vann Þuríði Þöll Bjarnadóttur úr KR en Auður lagði Sól Kristínardóttur Mixa úr BH.

Í B-keppni karla sigraði André Palma Fonseca úr BH en hann vann Ísak Indriða Unnarsson úr Víkingi 4-0 í úrslitum B-keppninnar.Bræðurnir Eiríkur Logi og Gestur Gunnarssynir úr KR urðu í 3.-4. sæti í B-keppni karla.

Enginn meistaraflokksleikmaður KR tók þátt í mótinu.

GP HK 2017 B-keppni

 

Mynd af verðlaunahöfum í B-keppninni frá Borðtennisdeild HK.

Sýnt var beint frá mótinu á Facebook síðu Borðtennissambands Íslands.

Úrslit úr öllum leikjum má sjá á vef Tournament Software, http://www.tournamentsoftware.com/sport/tournament.aspx?id=30772CAF-AA76-408C-831F-78386726561F

Deila þessari grein