Borðtennisdeild

Davíð og Aldís Íslandsmeistarar í tvenndarleik

📁 Borðtennisdeild 🕔02.March 2019
Davíð og Aldís Íslandsmeistarar í tvenndarleik

Davíð Jónsson og Aldís Rún Lárusdóttir urðu Íslandsmeistarar í tvenndarleik í fjórða sinn á fyrri degi Íslandsmótsins í borðtennis, sem fram fer í Íþróttahúsinu Digranesi 2.-3. mars. Í úrslitum unnu þau Ellert Kristján Georgsson og Auði Tinnu Aðalbjarnardóttur úr KR 3-2 (sjá mynd). Gunnar Snorri Ragnarsson og Ársól Clara Arnardóttir úr KR urðu í 3.-4. sæti.

Sunnudaginn 3. mars er leikið til úrslita í átta öðrum keppnisgreinum og eiga KR-ingar fulltrúar í undanúrslitum í öllum flokkum. Í meistaraflokki karla leikur Davíð Jónsson í undanúrslitum og Aldís Rún Lárusdóttir í meistaraflokki kvenna. Keppni í undanúrslitum í 1. og 2. flokki hefjast kl. 11, síðan verður keppt í tvíliðaleik en í meistaraflokki karla og kvenna kl. 13. Nánari upplýsingar um tímasetningar má sjá í dagatalinu hér hægra megin á síðunni.

Deila þessari grein