Borðtennisdeild

Eiríkur og Berglind Íslandsmeistarar í tvenndarleik 13 ára og yngri

📁 Borðtennisdeild 🕔14.April 2018
Eiríkur og Berglind Íslandsmeistarar í tvenndarleik 13 ára og yngri

Eiríkur Logi Gunnarsson og Berglind Anna Magnúsdóttir urðu Íslandsmeistarar í tvenndarleik leikmanna fæddra 2005 og síðar á fyrri degi Íslandsmóts unglinga, sem fram fer að Hrafnagili í Eyjafjarðarsveit helgina 14.-15. apríl. Gunnar Þórisson og Freyja Dís Benediktsdóttir fengu brons.

Einnig var keppt til úrslita í tveimur öðrum aldursflokkum í tvenndarleik. Þóra Þórisdóttir lék með Úlfi Huga Sigmundssyni frá Umf. Samherjum og urðu þau í 2. sæti í tvenndarleik fæddra 2003-2004. Matthías Benjamínsson og Kristín Ingibjörg Magnúsdóttir og Thor Thors og Þuríður Þöll Bjarnadóttir fengu bronsverðlaun.

Þá fengu Ellert Kristján Georgsson og Ársól Clara Arnardóttir brons í tvenndarleik leikmanna fæddra 2000-2002.

Leikið verður til úrslita í einliðaleik og tvíliðaleik sunnudaginn 15. apríl og þá verða krýndir Íslandsmeistarar í 14 flokkum til viðbótar. KR á leikmenn í verðlaunasætum í 13 af þessum 14 flokkum.

Sýnt var beint frá viðureignum á mótinu á Facebook síðu BTÍ.

Verðlaunahafar í tvenndarleik

Tvenndarkeppni fædd 2005 og síðar

  1. Berglind Anna Magnúsdóttir/Eiríkur Logi Gunnarsson, KR
  2. Alexía Kristínardóttir Mixa/Kristófer Júlían Björnson, BH

3.-4. Freyja Dís Benediktsdóttir/Gunnar Þórisson, KR

3.-4. Sólveig Kristinsdóttir/Ingólfur Gislason, Umf. Samherjar/Akur

Berglind og Eiríkur unnu úrslitaleikinn 3-0 (11-8, 11-6, 11-4) og töpuðu ekki lotu á mótinu.

Tvenndarkeppni fædd 2003-2004

  1. Hildur Marín Gísladóttir/Heiðmar Örn Sigmarsson, Umf. Samherjar
  2. Þóra Þórisdóttir/Úlfur Hugi Sigmundsson, KR/Umf. Samherjar

3.-4. Kristín Ingibjörg Magnúsdóttir/Matthías Benjamínsson, KR

3.-4. Þuríður Þöll Bjarnadóttir/Thor Thors, KR

Hildur og Heiðmar unnu í baráttu leik sem lauk 3-1 (14-12, 9-11, 11-7, 11-6).

Tvenndarkeppni fædd 2000-2002

  1. Sól Kristínardóttir Mixa/Magnús Gauti Úlfarsson, BH
  2. Þórunn Ásta Árnadóttir/Birgir Ívarsson, Víkingur/BH

3.-4. Ársól Clara Arnardóttir/Ellert Kristján Georgsson, KR

3.-4. Agnes Brynjarsdóttir/Ingi Darvis Rodriguez, Víkingur

Sól og Magnús Gauti unnu úrslitaleikinn 3-0 (11-6, 11-8, 11-3) en töpuðu einni lotu í undanúrslitunum gegn Agnesi og Inga.

Öll úrslit á mótinu eru aðgengileg á síðu mótsins á vef Tournament Software, http://www.tournamentsoftware.com/sport/tournament.aspx?id=8F495D03-31D9-435E-B249-13B75BDCEE25

 

Deila þessari grein