Borðtennisdeild

Lára Ívarsdóttir sigraði í kvennaflokki á styrkleikamóti KR

📁 Borðtennisdeild 🕔04.November 2018
Lára Ívarsdóttir sigraði í kvennaflokki á styrkleikamóti KR

Borðtennisdeild KR hélt styrkleikamót í Íþróttahúsi Hagaskóla sunnudaginn 4. nóvember. Keppt var um hvert sæti í flokkunum og gátu þeir sem töpuðu í 1. umferð mest náð 5. sæti. Keppendur komu frá BH, HK, ÍFR, KR og Víkingi.

Jóhannes Bjarki Urbancic Tómasson, BH, sigraði í sameiginlegum flokki mfl. og 1. fl. karla, Lára Ívarsdóttir, KR vann í sameiginlegum flokki 1. og 2. fl. kvenna og Örn Þórðarson, HK í 2. flokki karla.

Í 1. og 2. flokki kvenna sigraði Lára Ívarsdóttir, KR, nokkuð óvænt en hún var 5. stigahæsti leikmaðurinn og enn í 2. flokki. Hún vann Agnesi Brynjarsdóttur úr Víkingi 3-0 (13-11, 11-7, 11-7) í úrslitaleik. Hildur Halla Þorvaldsdóttir, KR vann Berglindi Önnu Magnúsdóttur, KR 3-0 í leik um bronsið. Því urðu þrjár stúlkur í 2. flokki í fjórum efstu sætunum í þessum sameiginlega flokki.

Í meistara- og 1. flokki karla urðu óvænt úrslit í 1. umferð þegar Íslandsmeistarinn Magnús Gauti Úlfarsson, BH tapaði 1-3 fyrir Belganum Faber Pennings, sem keppir fyrir KR. Faber lék svo til úrslita við Jóhannes, og sigraði Jóhannes 3-1 (13-15, 11-7, 11-4, 11-3). Pétur Marteinn Urbancic Tómasson, BH, varð í 3. sæti eftir 3-1 sigur á Óskari Agnarssyni, HK í leik um bronsið.

Fjölmennasti flokkurinn var 2. flokkur karla. Þar sigraði Örn Þórðarson, HK örugglega og tapaði aðeins einni lotu á mótinu, í undanúrslitum gegn Steinari Andrasyni, KR. Örn vann Eirík Loga Gunnarsson, KR 3-0 (11-6, 13-11, 11-7) í úrslitum. Magnús Birgir Kristinsson, Víkingi, fékk bronsið.

Úrslit í einstökum flokkum (röðun skv. styrkleikalista í sviga)

Raðað var inn í hvert sæti á mótinu skv. styrkleikalista hefðu leikmenn því átt að ljúka keppni í sama sæti og þeir eru á styrkleikalistanum af leikmönnum í viðkomandi flokki ef þeir spiluðu skv. þeirri getu á mótinu í dag sem styrkleikalistinn gefur til kynna. T.d. er leikmaður sem er raðað inn í 10. sæti en lýkur keppni í 7. sæti að ná betri árangri en fyrirfram hefði verið búist við.

Meistara- og 1. flokkur karla

  1. Jóhannes Bjarki Urbancic Tómasson, BH (3)
  2. Faber Pennings, KR (8)
  3. Pétur Marteinn Urbancic Tómasson, BH (4)
  4. Óskar Agnarsson, HK
  5. Magnús Gauti Úlfarsson, BH (1)
  6. Hlynur Sverrisson, Víkingur (5)
  7. Elvar Kjartansson, KR (7)
  8. Karl Andersson Claesson, KR (6)

 

1. og 2. flokkur kvenna (sjá mynd á forsíðu)

  1. Lára Ívarsdóttir, KR (5)
  2. Agnes Brynjarsdóttir, Víkingur (1)
  3. Hildur Halla Þorvaldsdóttir, KR (6)
  4. Berglind Anna Magnúsdóttir, KR (7)
  5. Harriet Cardew, BH (3)
  6. Guðrún Gestsdóttir, KR (2)
  7. Kristín Ingibjörg Magnúsdóttir, KR (4)
  8. Freyja Dís Benediktsdóttir, KR (8)

Magnús Birgi vantar á myndina.

2. flokkur karla

  1. Örn Þórðarson, HK (1)
  2. Eiríkur Logi Gunnarsson, KR (2)
  3. Magnús Birgir Kristinsson, Víkingur (3)
  4. Steinar Andrason, KR (5)
  5. Hákon Atli Bjarkason, ÍFR (7)
  6. Reynir Snær Skarphéðinsson, BH (11)
  7. Thor Thors, KR (19)
  8. Kristófer Júlían Björnsson, BH (4)
  9. Viliam Marciník, KR (9)
  10. Davíð Þór Ásgeirsson, BH (15)
  11. Benedikt Vilji Magnússon, KR (17)
  12. Sigurjón Ólafsson, BH (16)
  13. Birkir Smári Traustason, BH (8)
  14. Ólafur Steinn Ketilbjörnsson, KR (15)
  15. Alexander Ivanov, BH (6)
  16. Tómas Hinrik Holloway, KR (13)
  17. Símon Patrick Kattoll, KR (14)
  18. Jón Hansson, KR (18)
  19. Kristófer Logi Ellertsson, BH (21)
  20. Davíð Snær Sveinsson, BH (22)
  21. Aron Ólafsson, BH (23)
  22. Magnús Thor Holloway, KR (20)
Deila þessari grein