Borðtennisdeild

Minningarskjöldur afhjúpaður á Hjallavelli

📁 Borðtennisdeild 🕔06.September 2020
Minningarskjöldur afhjúpaður á Hjallavelli

Þann 4. september var afhjúpaður minningarskjöldur um Hjálmar Kristinn Aðalsteinsson, KR-ing, á nýlegum tennisvelli við norðurhlið Íþróttahúss Hagaskóla. Hjálmar var fyrrum Íslandsmeistari, landsliðsmaður og landsliðsþjálfari í borðtennis, auk þess að vera liðtækur tennisleikari og var lengst af starfsævinnar íþróttakennari í Hagaskóla.

Hjálmar hefði orðið 66 ára þann 4. september, en hann lést í janúar sl.

Hópur úr 1954 árganginum í Vesturbæ Reykjavíkur hafði forystu um að setja skjöldinn upp í samráði við fjölskyldu Hjálmars, Hagaskóla og Reykjavíkurborg. Aðalsteinn Hjálmarsson afhjúpaði skjöldinn. Ólafur Jóhannsson, Margrét Björnsdóttir, ekkja Hjálmars, S. Ingibjörg Jósefsdóttir, skólastjóri Hagaskóla, og Gylfi Dalmann Aðalsteinsson, formaður KR tóku til máls við athöfnina.

Ítarlegri umfjöllun má sjá á baksíðu Morgunblaðsins 5. september 2020.

Myndir frá Erling Aðalsteinssyni.

 

 

 

 

 

 

 

 

 

 

 

Deila þessari grein