kr-new

A-lið KR varð í 2. sæti í 1. deild kvenna

Mon, 27 Apr 2026 11:08:17 GMT

A-lið KR lék til úrslita um Íslandsmeistaratitilinn í 1. deild kvenna við lið Víkings laugardaginn 25. apríl. Víkingskonur sigruðu í leiknum 4-0 og eru Íslandsmeistarar. Lið KR-A skipuðu þær Aldís Rún Lárusdóttir, Guðbjörg Vala Gunnarsdóttir og Helena Árnadóttir en einnig lék Sól Kristínardóttir Mixa með liðinu í vetur.

Það má segja að þessi dagur hafi verið "stöngin út" fyrir KR, því allar tæpar lotur í leiknum töpuðust.

C-lið KR, sem varð í 2. sæti í 2. deild karla lék umspilsleik við A-lið HK, sem hafnaði í næstneðsta sæti í 1. deild karla. HK-A sigraði 4-1 en athygli vakti að Guðbjörg Vala Gunnarsdóttir sigraði sterkasta leikmann HK 3-0. KR mun engu að síður eiga tvö lið af sex í 1. deild karla á næsta keppnistímabili, en C-KR leikur áfram í 2. deild.

D-lið KR lék umspilsleik um sæti í 3. deild á næsta keppnistímabili við D-lið HK. HK-D vann 4-1. KR mun samt eiga lið í 3. deild á næsta keppnistímabili því E-lið KR hélt sæti sínu í deildinni.

Aðalfundur KR

Wed, 22 Apr 2026 11:06:48 GMT

Aðalfundur aðalstjórnar KR verður 30. apríl kl. 17:00 í félagsheimili KR

Volvo mót Ármanns

Mon, 20 Apr 2026 12:14:23 GMT

Sunddeild KR keppti á Volvo Móti Ármanns seinustu helgi.

KR var með 17 keppendur skráða til leiks og gekk okkar sundfólki rosalega vel.

Miklar bætingar og unnu KR-ingar til 8 Gullverðlauna, 5 silfurverðlauna og 10 Bronsverðlauna

Helstu fréttir af mótinu er að Þórður Karl Steinarsson synti á 5 hraðasta tímanum í sögu KR í 100 metra skriðsundi í 25 metra laug hjá 17 ára strákum

Áfram KR!!!

Aðalfundur Framtíðarsjóðs

Wed, 15 Apr 2026 17:24:36 GMT

Aðalfundur Framtíðarsjóðs verður haldinn þriðjudaginn 21. apríl kl. 12:15 í Bikarherbergi í KR

C-lið KR sigraði í 2. deild kvenna

Mon, 13 Apr 2026 16:45:57 GMT

A-lið KR í 2. sæti í 1. deild kvenna

Síðustu leikirnir í kvennadeildunum í borðtennis voru leiknir í Íþróttahúsi Snælandsskóla í Kópavogi laugardaginn 11. apríl. C-lið KR sigraði í 2. deild kvenna en lið Garps varð í 2. sæti. E- og D-lið kvenna urðu í 3. og 4. sæti. C-lið KR skipuðu þær Þórunn Erla Gunnarsdóttir, Marta Dögg Stefánsdóttir, Ársól Clara Arnardóttir og Kristjana Áslaug Káradóttir Thors en þær unnu alla leiki sína í deildinni 6-0.

A-lið KR hafnaði í 2. sæti í 1. deild kvenna en liðið tapaði 0-6 fyrir liði Víkings sem varð deildarmeistari, og skartaði tveimur sænskum leikmönnum í leiknum. Liðin mætast aftur í úrslitaleik um Íslandsmeistaratitilinn þann 25. apríl. Með A-liði KR léku þær Helena Árnadóttir, Guðbjörg Vala Gunnarsdóttir, Sól Kristínardóttir Mixa (sem er á láni hjá KR í 1. deild kvenna) og Aldís Rún Lárusdóttir.

Sama dag léku A- og B-lið KR í undanúrslitum í 1. deild karla. A-lið KR hafði hafnað í 3. sæti deildarinnar og mætti liðinu í 2. sæti, A-liði BH. BH-A sigraði 4-1 og vann Gestur Gunnarsson eina leik KR. Aðrir í liðinu voru Eiríkur Logi Gunnarsson og Ellert Kristján Georgsson.

B-lið KR hafnaði í 4. sæti deildarinnar og mætti deildarmeisturum Víkings-A. KR-B tapaði 1-4 og vann Norbert Bedö eina leik KR. Aðrir leikmenn liðsins voru Lúkas André Ólason og Pétur Gunnarsson.

Víkingur-A og BH-A mætast því í úrslitum um Íslandsmeistaratitilinn í 1. deild karla 25. apríl.

Aðalfundur Körfuknattleiksdeildar

Sun, 12 Apr 2026 11:52:33 GMT

Aðalfundur Körfuknattleiksdeildar fer fram sunnudaginn 19. apríl kl. 14 í félagsheimili KR.

Á dagskrá eru hefðbundin aðalfundarstörf skv. lögum félagsins.
Framboðsfrestur til stjórnar rennur út á miðnætti 16. apríl, framboðum skal skila til framkvæmdarstjóra félagsins Pálma Rafns á palmi@kr.is

Stjórnin.

Fjórir KR-ingar leika með unglingalandsliðinu í Linz

Thu, 02 Apr 2026 13:16:04 GMT

Guðbjörg Vala, Helena, Lúkas og Viktor spila í Linz

Fjórir ungir KR-ingar eru í hópi átta unglingalandsliðsmanna sem leika á 25. Linz AG Youth Championships, sem fram fer í Linz í Austurríki 2.-6. apríl. Þetta eru þær Guðbjörg Vala Gunnarsdóttir og Helena Árnadóttir, sem skipa lið Íslands í flokki stúlkna undir 17 ára aldri.

Lúkas André Ólason er í sameiginlegu liði Íslands og Noregs í flokki sveina undir 15 ára aldri ásamt Jørgen Gravseth.

Viktor Daníel Pulgar er að leika sína fyrstu unglingalandsliðsleiki en hann er í liði Íslands í flokki drengja undir 17 ára aldri með Heiðari Leó Sölvasyni úr BH.

Slóð á vef mótsins: www.ttm.co.at

Forsíðumynd af Viktori úr myndasafni BTÍ.

Íslands- og unglingameistarmótið í 50m laug

Mon, 30 Mar 2026 11:27:38 GMT

Sunddeild KR keppti sem partur af sameinuðu liði Reykjavikur á íslands og unglingameistara mótinu í 50 metra laug.

Í þetta skiptið voru KR-ingar með 3 keppendur en það voru þau:

Emilý Sóley P M Eysteinsdóttir, Viktoría Vasile og Þórður Karl Steinarsson

Þau áttu frábært mót og bættu sig í öllum greinum.

Viktoría Vasile náði inn í úrslit í 100m flugsundi og náði 7 sæti

Þórður Karl Steinarsson náði inn í úrslit í 100m skriðsundi og náði 6 sæti

En með bætingum helgarinnar náðu þau líka inn á afrekaskrá Sunddeildar KR en

Emilý Sóley P M Eysteinsdóttir náði 4 hraðasta tíma hjá 14 ára stelpum í sögu KR í bæði 200m bringusundi og 400m fjórsundi

Viktoría Vasile náði 5 hraðasti tími í sögu KR hjá 15 ára stelpum í 100m flugsundi

Þórður Karl Steinarsson náði 3 hraðasta tíma í sögu KR í 50m skriðsundi og 4 hraðasta tímanum í 100m skriðsundi hjá 17 ára strákum

Óskum þeim til hamingju með þennan glæsilega árangur

Áfram KR!!!

Úrslitakeppni í Bónusdeildum karla og kvenna 2026 - fyrirkomulag KR karfa

Mon, 30 Mar 2026 09:33:21 GMT

Nú er skemmtilegasti tími ársins runninn upp, úrslitakeppnir Bónusdeilda karla og kvenna eru að hefjast og við hlökkum til að sjá ykkur öll á Meistaravöllum.

Aðsókn á leiki á þessum árstíma er talsvert meiri en í deildarkeppni og því er mikilvægt að KR-ingar kynni sér vel fyrirkomulag miðasölu á leikina sem framundan eru.

Hér fyrir neðan eru allar helstu upplýsingar varðandi miðasölu til KR-inga í úrslitakeppni Bónusdeilda karla og kvenna þetta árið.

Árskort og Bakhjarlar

Foreldrakort, Ungmennakort og kort fyrir 67 ára og eldri gilda ekki á heimaleiki í úrslitakeppni, aðeins í deild.
Árskort fyrir 1, Árskort fyrir 2, Bakhjarl fyrir 1, Bakhjarl fyrir 2, Bakhjarl premium og Fyrirtækjabakhjarl veita aðgang að heimaleikjum í úrslitakeppni.
Árskortahafar munu fá sendan hlekk í sms-i þar sem þau geta sótt sína miða og/eða verslað miða í forsölu. ATH! Sækja þarf miða í gegnum Stubb, ekki er nóg að sýna árskort við innganginn.
Kort sem innihéldu hamborgara og drykki í deildarkeppni gilda ekki fyrir veitingum í úrslitakeppni.
Því miður verður ekki hægt að vera með sérstök Bakhjarlasæti í úrslitakeppninni.
Útileikir: Árskortahafar fá sendan hlekk í forsölu þar sem hægt er að kaupa miða. Takmarkaðir miðar í boði. Fyrstir koma, fyrstir fá. Skv. reglum KKÍ hefur útilið rétt á 30% miðanna sem í boði eru. Ef afgangur er af miðum verða þeir í boði á Stubb.

Iðkendur

Iðkendur KR körfu munu þurfa að skrá sig fyrir miðum á heimaleiki í gegnum skráningarform á Abler. Þetta verður auglýst sérstaklega fyrir hvern heimaleik. Takmarkað magn miða fyrir iðkendur verður í boði fyrir hvern leik. Ekki er hægt að mæta á heimaleiki og fá frían aðgang án þess að skrá sig í gegnum formið.

Sala miða á heimaleiki KR í úrslitakeppni 25-26:

Miðum verður úthlutað eftir þessari forgangsröðun:

1. Forsala fyrir árskortahafa og Bakhjarla

2. Forsala fyrir foreldra iðkenda og þá sem eru á póstlista KR körfu, skráning hér.

3. Almenn sala til KR-inga á Stubb á þeim miðum sem eftir eru.

Ef einhverjar spurningar vakna er ykkur velkomið að hafa samband við skrifstofu körfuknattleiksdeildar KR.

Við hvetjum ykkur til að fylgjast vel með á samfélagsmiðlum KR körfu. Sjáumst á Meistaravöllum! Áfram KR!

Aðalfundur Borðtennisdeildar verður 8. apríl

Mon, 30 Mar 2026 08:50:28 GMT

Aðalfundur Borðtennisdeildar KR verður haldinn miðvikudaginn 8. apríl í skáksalnum í KR-heimilinu.

Á dagskrá eru hefðbundin aðalfundarstörf.

Guðmundur Flóki á Grand Prix!

Fri, 27 Mar 2026 11:56:20 GMT

FLÓKI Á GRAND PRIX !

Guðmundur Flóki Sigurjónsson, íþróttakarl KR og taekwondo-kempa er búinn að tryggja sér keppnisrétt á fyrsta Grand Prix mót ársins.

Eftir frábært gengi undanfarið hefur Flóki tryggt sér keppnisrétt í -80 flokki á Grand Prix í bardaga sem haldið er í Róm í júní. Flóki er fyrsti Íslendingurinn sem vinnur sér inn sæti á Grand Prix fyrir Ísland og annar Íslendingurinn til að keppa á Grand Prix frá upphafi. Grand Prix er sterkasta mótaröð í heimi og einungis topp 32 í hverjum ólympískum flokki sem vinna sér inn þátttökurétt.

Þetta eru gríðarlega góðar fréttir fyrir Flóka sem heldur áfram að stíga góð skref í átt að Ólympíuleikunum eftir tvö ár. Til hamingju Flóki og KR!

Aðalfundur skákdeildar

Tue, 24 Mar 2026 17:57:54 GMT

Stjórn Skákdeildar KR boðar hér með til aðalfundar þann 31. mars kl. 20:00. Fundurinn verður haldinn í skáksalnum í KR heimilinu frostaskjóli 2.

Dagskrá fundarins;

1. Kostinn fundarstjóri og fundarritari.

2. Stjórnin gefur skýrslu um starfsemi og framkvæmdir deildarinnar á liðnu starfsári.

3. Stjórnin gefur skýrslu um fjárhag deildarinnar og leggur fram endurskoðaða

reikninga.

4. Stjórn leggur fram fjárhagsáætlun næsta árs.

5. Kosin stjórn og varamenn.

a. Kosinn formaður.

b. Kosnir 4 aðrir stjórnarmenn.

c. Kosnir 2 varamenn.

d. Kosnir skoðunarmenn reikninga.

6. Önnur mál, er fram kunna að koma.

Fyrir hönd stjórnar skákdeildar KR

Oddgeir Ágúst Ottesen

Guðbjörg Vala og Helena Íslandsmeistarar í tvíliðaleik kvenna

Mon, 23 Mar 2026 13:56:44 GMT

KR-ingar á verðlaunapalli í öllum flokkum

Guðbjörg Vala Gunnarsdóttir og Helena Árnadóttir sigruðu í tvíliðaleik kvenna á Íslandsmótinu í borðtennis, sem fram fór í Íþróttahúsinu við Strandgötu í Hafnarfirði 21.-22. mars. Þær sigruðu Evu Jósteinsdóttur og Nevenu Tasic úr Víkingi 3-0 í úrslitaleik og töpuðu ekki lotu á mótinu. Þær eru fæddar árið 2010 og eiga því framtíðina fyrir sér.

Aldís Rún Lárusdóttir varð í 3.-4. sæti en hún lék með Sól Kristínardóttur Mixa úr BH og Marta Dögg Stefánsdóttir og Þórunn Erla Gunnarsdóttir fengu sömuleiðis bronsverðlaun.

Guðbjörg Vala varð í 2. sæti í einliðaleik kvenna, eftir æsispennandi úrslitaleik gegn Sól Kristínardóttur Mixa úr BH. Leiknum lauk í framlengdri oddalotu þar sem öllum lotum í leiknum nema einni lauk með minnsta mun. Í undanúrslitum hafði Guðbjörg Vala slegið út ríkjandi Íslandsmeistara, Nevenu Tasic 4-3. Helena varð í 3.-4. sæti.

Guðbjörg Vala fékk líka silfur í tvenndarleik ásamt Gesti Gunnarssyni bróður sínum, en þau töpuðu 1-3 í úrslitum fyrir Inga Darvis Rodriguez og Nevenu Tasic úr Víkingi. Aldís Rún Lárusdóttir og Davíð Jónsson höfnuðu í 3.-4. sæti.

Davíð fékk brons í einliðaleik karla en hann tapaði 1-4 í undanúrslitum fyrir Inga Darvis Rodriguez, sem varð Íslandsmeistari. Þetta var eina lotan sem Ingi tapaði í einliðaleik.

Í tvíliðaleik karla fengu tveir KR-ingar bronsverðlaun: Gestur Gunnarsson, sem lék með Birgi Ívarssyni úr BH, og Ellert Kristján Georgsson, en hans meðspilari var Óskar Agnarsson úr HK.

STERK, HEILBRIGÐ, ÁN NIKÓTÍNPÚÐA

Tue, 17 Mar 2026 14:49:02 GMT

Okkur KR-inga langar að gera starfssvæði okkar flotta félags heilbrigðara og enn betra og viljum því minna íþróttafólk, þjálfara og gesti KR á skaðsemi nikótínpúða.

Verum góðar fyrirmyndir öll sem eitt fyrir okkar ungu KR-inga og komandi kynslóðir!

Lið fyrir liði - styrkjum Gigtarfélagið

Tue, 17 Mar 2026 11:38:21 GMT

KR - Njarðvík 22. mars kl. 19:15

Körfuknattleiksdeild KR lætur gott af sér leiða með styrktarleik til stuðnings Gigtarfélags Íslands. Leikurinn fer fram sunnudaginn 22. mars þegar að KR tekur á móti Njarðvík í Bónusdeild kvenna.

Gigtarfélag Íslands vinnur ötult starf við að bæta lífsgæði gigtarsjúklinga, stuðla að fræðslu og styðja við félagsfólk og aðstandendur. Gigtarsjúkdómar geta hrjáð fólk á öllum aldri, ekki einungis eldra fólk, en 75% gigtarsjúklinga eru konur. Kvennalið KR leggur málefninu lið til að efla umræðuna og safna styrktarfé sem rennur beint til Gigtarfélagsins.

Sérstakir góðgerðabolir verða til sölu í takmörkuðu upplagi og því gefst stuðningsfólki og öðrum velunnurum tækifæri til að tryggja sér einstakan KR bol og um leið styrkja gott málefni. Allur ágóði sölunnar og miðasölu á leikinn mun renna til Gigtarfélags Íslands.

Nánari dagskrá auglýst síðar. Takið daginn frá!

Sjá nánar um viðburðinn hér: https://www.facebook.com/events/1993040531625985/

Helena Íslandsmeistari í 1. flokki og Þórunn í 2. flokki

Sat, 14 Mar 2026 21:58:07 GMT

KR vann ferfalt í 1. flokki kvenna og tvöfalt í 2. flokki kvenna

Helena Árnadóttir varð Íslandsmeistari í 1. flokki kvenna annað árið í röð á Íslandsmótinu í borðtennis. KR sigraði ferfalt í flokknum, því Marta Dögg Stefánsdóttir varð í 2. sæti, og Anna Marczak og Þórunn Erla Gunnarsdóttir í 3.-4. sæti.

Þórunn Erla Gunnarsdóttir varð Íslandsmeistari í 2. flokki kvenna og Marta Dögg Stefánsdóttir varð önnur. Í 3.-4. sæti voru Garpsstúlkurnar Guðný Lilja Pálmadóttir og Lea Mábil Andradóttir.

Elvar Pierre Kjartansson fékk einu verðlaun KR í karlaflokki, þegar hann varð í 3.-4. sæti í 1. flokki karla. Elvar tapaði í undanúrslitum fyrir Heiðari Leó Sölvasyni úr BH, sem varð Íslandsmeistari.

Að þessu sinni var Íslandsmótinu skipt í tvennt, og keppt í 1. og 2. flokki laugardaginn 14. mars í Íþróttahúsinu við Strandgötu í Hafnarfirði. Keppt verður í meistaraflokki helgina 21.-22. mars.

Úrslit úr öllum leikjum á mótinu má sjá hér: Íslandsmót 1. & 2.flokki 2026 | Tournamentsoftware.com

Ásmegin mót SH

Sun, 08 Mar 2026 21:04:35 GMT

Sunddeild KR keppti á Ásmegin móti SH um helgina.

Sundfólkið okkar stóð sig frábærlega á mótinu og voru miklar bætingar hjá KR-ingum
Á þetta mót þarf lágmörk en það voru þrír KR-ingar í B hóp að keppa í fyrsta skipti á Ásmegin mótinu og stóðu þær sig glæsilega með bætingar í öllum greinunum sem þær syntu.

Þau sem kepptu um helgina voru:

Arndís Stella

Bríet Björk

Emilý Sóley

Eygló Appoline

Jón Haukur

Þórður Karl
Viktoria

KR-ingar unnu til þriggja verðlauna á mótinu:

Emilý Sóley -1.sæti í 100 m bringusundi og 3.sæti 200 m flugsundi

Viktoria - 3. sæti í 100 m flugsundi

Næsta mót sem Sunddeild KR keppir á er Íslands og unglinga meistaramótið í 50m laug en það er haldið í hafnafirði 27-29 mars

Áfram KR!!!

Kraftur í KR fær viðurkenningu fyrir 2. sætið í Lífshlaupinu!

Wed, 04 Mar 2026 12:18:00 GMT

Kraftur í KR tók þátt í Lífshlaupinu sem fór fram 1. - 28. febrúar og hafnaði í 2. sæti í flokki Hreystihópa 60+ . Við vorum með flestar mínútur og flesta daga í flokki 70-149 liðsmenn! Kraftur í KR hefur stækkað hratt seinustu ár og voru 125 liðsmenn sem tóku þátt í Lífshlaupinu í ár frá okkur.

Verðlaunaafhending var í Íþróttamiðstöðinni í Laugardal í hádeginu í gær, fulltrúar hópsins ásamt Lindu þjálfara tóku við verðlaunum fyrir hönd allra iðkenda Krafts í KR

Til hamingju með þennan glæsilega árangur!

ÁFRAM KR!

Þrefaldur sigur Prasuns á Íslandsmóti í formum

Wed, 04 Mar 2026 12:00:17 GMT

Nú um helgina fór fram Íslandsmót í formum á vegum Taekwondosambands Íslands. KR-ingar áttu nokkra fulltrúa á mótinu, allt frá gulum beltum á sínu fyrsti móti og yfir í svört belti sem keppt hafa í mörg ár. Óhætt er að segja að einn keppandi okkar hafi staðið upp úr, Prasun Tiwari Duwadi, en hann nældi sér í gull í cadet flokki rauðbelta og keppti svo upp fyrir sig í aldri í parakeppni junior rauðbelta þar sem hann nældi sér í annað gull ásamt Bjarti Aðalssteinssyni og í hópakeppni junior rauðbelta nældu Prasun, Bjartur og Erling Kári Freysson sér í enn eitt gullið. Prasun því með fullt hús stiga. Bjartur var efstur inn í úrslit í junior rauðbelta flokki en varð svo 0.03 stigum frá gullinu í úrslitum og fékk því silfur að þessu sinni. Bryndís Eir Sigurjónsdóttir lenti í þriðja sæti í junior svartbeltisflokki en hreppti gull í junior A hópakeppni ásamt stúlkum úr ÍR og Aftureldingu.

Þar að auki náði Kiljan Heisterkamp bronsi í stórum flokki cadet drengja með lituð belti og það á sínu fyrsta móti. Daníel Lorenzo Silva Eggertsson, Ólafur Árni Arason og Snævarr Stefánsson náðu sér í brons í hópakeppni í sama flokki og Daníel og Snævarr sömuleiðis með brons í parakeppni. Þá fékk Tómas Bickel gullverðlaun í flokki undir 50 ára með lituð belti.

Í stigakeppni félaga telja medalíur í rauð-og svartbeltisflokkum og þrátt fyrir að vera einungis með fjóra keppendur í þeim flokkum náði KR fimmta sæti í stigakeppninni. Glæsilegur árangur og áminning um að gera enn betur á næsta ári!

Aðalfundur KR kvenna verður haldinn 10. mars kl. 19:00

Mon, 02 Mar 2026 15:02:16 GMT

KR vann sex titla á Íslandsmóti unglinga

Mon, 02 Mar 2026 12:28:22 GMT

Guðbjörg Vala, Helena, Júlía Fönn og Lúkas unnu tvöfalt

KR vann sex titla á Íslandsmóti unglinga í borðtennis, fleiri en nokkurt annað félag. Mótið fór fram í Vallaskóla á Selfossi 28. febrúar - 1. mars og var keppt í 17 flokkum í einliðaleik, tvíliðaleik og tvenndarleik.

Guðbjörg Vala Gunnarsdóttir, Helena Árnadóttir, Júlía Fönn Freysdóttir og Lúkas André Ólason urðu tvöfaldir meistarar á mótinu. Anna Villa Sigurvinsdóttir vann einn titil. Auk þeirra unnu fjölmargir KR-ingar til verðlauna.

Guðbjörg Vala Gunnarsdóttir heldur sigurgöngu sinni áfram en hún hefur unnið sinn aldursflokk í einliðaleik á hverju ári frá 2019, að undanskildu árinu 2020 þegar mótið féll niður vegna kórónuveiru faraldursins.

Verðlaunahafar í einstökum flokkum :

Einliðaleikur stúlkna 16-18 ára

1. Guðbjörg Vala Gunnarsdóttir, KR

2. Helena Árnadóttir, KR

3.-4. Marta Stefánsdóttir, KR

3.-4. Weronika Grzegorczyk, Garpur

Einliðaleikur drengja 16-18 ára

1. Benedikt Aron Jóhannsson, Víkingur

2. Kristján Ágúst Ármann, BH

3.-4. Heiðar Leó Sölvason, BH

3.-4. Viktor Daníel Pulgar, KR

Einliðaleikur meyja 14-15 ára

1. Guðný Lilja Pálmadóttir, Garpur

2. Agnes Lovísa Jóhannsdóttir, ÍFR

Einliðaleikur sveina 14-15 ára

1. Lúkas André Ólason, KR

2. Adam Lesiak, Víkingur

3.-4. Sigurður Einar Aðalsteinsson, BH

3.-4. Sindri Þór Rúnarsson, BH

Einliðaleikur telpna 12-13 ára

1. Júlía Fönn Freysdóttir, KR

2. Anna Villa Sigurvinsdóttir, KR

3.-4. Guðbjörg Stella Pálmadóttir, Garpur

3.-4. Helga Ngo Björnsdóttir, KR

Einliðaleikur pilta 12-13 ára

1. Benedikt Darri Malmquist, HK

2. Guðmundur Ólafur Bæringsson, Garpur

3.-4. Andri Sigurjón Hrundarson, HK

3.-4. Vincent Daniel Guerrero Manaure, BH

Einliðaleikur táta 11 ára og yngri

1. Marsibil Silja Jónsdóttir, Dímon

2. Anna Karen Malmquist, Umf. Vísir

3.-4. Ingibjörg Halla Gestsdóttir, Umf. Gnúpverjar

3.-4. Lóa Jolanta Dariuszdóttir, KR

Einliðaleikur hnokka 11 ára og yngri

1. Brynjar Gylfi Malmquist, HK

2. Björn Kári Valsson, HK

3.-4. Pétur Steinn Stephensen, Víkingur

3.-4. Sindri Karl Heimisson, HK

Tvíliðaleikur stúlkna 16-18 ára

1. Guðbjörg Vala Gunnarsdóttir/Helena Árnadóttir, KR

2. Guðný Lilja Pálmadóttir/Sóldís Lilja Sveinbjörnsdóttir, Garpur

3.-4. Lea Mábil Andradóttir/Weronika Grzegorczyk, Garpur

3.-4. Marta Stefánsdóttir/Þórunn Erla Gunnarsdóttir, KR

Tvíliðaleikur drengja 16-18 ára

1. Heiðar Leó Sölvason/Kristján Ágúst Ármann, BH

2. Lúkas André Ólason/Viktor Daníel Pulgar, KR

3.-4. Almar Elí Ólafsson/Anton Óskar Ólafsson, Selfoss

3.-4. Anton Tristan Atlason Lira/Mikael Björn Melsted, KR

Tvíliðaleikur meyja 14-15 ára

1. Agnes Lovísa Jóhannsdóttir/Anna Karen Malmquist, ÍFR/Umf. Vísir

2. Magnea Furuhjelm Magnúsdóttir/Þórdís Gunnarsdóttir, Dímon/KR

Tvíliðaleikur sveina 14-15 ára

1. Benjamín Bjarki Magnússon/Sigurður Einar Aðalsteinsson, BH

2. Sindri Þór Rúnarsson/Vincent Daniel Guerrero Manaure, BH

3.-4. Geir Thorberg Geirsson/Sævar Hörður Sverrisson, Garpur

3.-4. Magnús Loftsson/Stefán Bragi Bjarkason, BH

Tvíliðaleikur telpna 13 ára og yngri

1. Anna Villa Sigurvinsdóttir/Júlía Fönn Freysdóttir, KR

2. Guðbjörg Stella Pálmadóttir/Marsibil Silja Jónsdóttir, Garpur/Dímon

3.-4. Linda Björt Jóhannsdóttir/Saga Katrín Sveinbjörnsdóttir, Selfoss

3.-4. Katla Tran Michaelsdóttir/Soffía Ramona Devaney, KR

Tvíliðaleikur pilta 13 ára og yngri

1. Benedikt Darri Malmquist/Brynjar Gylfi Malmquist, HK

2. Andri Sigurjón Hrundarson/Jörundur Steinar Hansen, HK

3.-4. Antoni Ben Powichrowski/Sindri Karl Heimisson, HK

3.-4. Björn Kári Valsson/Hjörleifur Brynjólfsson, HK

Tvenndarleikur 16-18 ára

1. Lúkas André Ólason/Helena Árnadóttir, KR

2. Viktor Daníel Pulgar/Guðbjörg Vala Gunnarsdóttir, KR

3.-4. Heiðar Leó Sölvason/Marta Stefánsdóttir, BH/KR

3.-4. Kristján Ágúst Ármann/Þórunn Erla Gunnarsdóttir, BH/KR

Tvenndarleikur 14-15 ára

1. Þorgeir Óli Eiríksson/Guðný Lilja Pálmadóttir, Garpur

2. Sindri Snær Steinarsson/Guðrún Birna Sveinbjörnsdóttir, Selfoss

3.-4. Björgvin Arnar Arnarsson/Agnes Lovísa Jóhannsdóttir, ÍFR

3.-4. James Franklin Viggiano/Álfrún Milena Kvaran, KR

Tvenndarleikur 13 ára og yngri

1. Guðmundur Ólafur Bæringsson/Guðbjörg Stella Pálmadóttir, Garpur

2. Brynjar Gylfi Malmquist/Anna Karen Malmquist, HK/Umf. Vísir

3.-4. Esteban Gabríel O. Gunnarsson/Linda Björt Jóhannsdóttir, Garpur/Selfoss

3.-4. Valur Freyr Stefánsson/Marsibil Silja Jónsdóttir, Dímon

Myndir frá Finni Hrafni Jónssyni.

Aðalfundur Sunddeildar KR

Tue, 24 Feb 2026 10:37:43 GMT

Aðalfundur sunddeildar KR verður haldinn í frostaskjóli 5 mars klukkan 19:00.

Við hvetjum alla til að mæta og hjálpa okkur að gera frábæra deild ennþá betri

Gestur og Þórunn sigruðu á Coca-Cola móti Víkings

Mon, 23 Feb 2026 19:36:14 GMT

Marta sigraði í 1. flokki kvenna

Coca-Cola mót Víkings var haldið í TBR-húsinu laugardaginn 21. febrúar. Gestur Gunnarsson sigraði í meistaraflokki karla og Þórunn Erla Gunnarsdóttir í meistaraflokki kvenna.

KR fékk einnig silfurverðlaun í meistaraflokki karla, þar sem Lúkas André Ólason varð annar.

Marta Dögg Stefánsdóttir sigraði í 1. flokki kvenna en hún varð í 3. sæti í meistaraflokki en Magnea Ólafs varð önnur.

Þórunn Erla varð svo önnur í 1. flokki kvenna á eftir Mörtu.

Myndir af vef BTÍ.

Aðalfundur knattspyrnudeildar KR 2026

Wed, 18 Feb 2026 15:35:40 GMT

Aðalfundur knattspyrnudeildar KR 2026 verður haldinn í félagsheimili KR fimmtudaginn 26. febrúar 2026 kl. 17:00 . Á dagskrá eru hefðbundin aðalfundarstörf, skv. lögum félagsins, auk þess sem kynning verður á byggingu knatthúss á KR-svæðinu.

Framboðsfrestur til stjórnar rennur út eigi síðar en fimm dögum fyrir aðalfund. Framboðum skal því skila til framkvæmdastjóra knattspyrnudeildar, Geirs Þorsteinssonar, með tölvupósti á netfangið geir@kr.is í síðasta lagi laugardaginn 21. febrúar nk .

Handboltaskóli Gróttu/KR í vetrarleyfinu

Wed, 18 Feb 2026 10:17:30 GMT

Vetrarleyfi og skipulagsdagar grunnskólanna eru á næsta leiti. Í tilefni af því bjóðum við upp á handboltaskóla fyrir alla krakka í 1. - 6.bekk eða þá krakka sem eru fædd 2014-2019. Skólinn fer fram í Hertz-höllinni.

Hver dagur kostar 3700 kr og fer skráningin fram í Abler. Beinn hlekkur á skráninguna er hérna: https://www.abler.io/shop/grotta/handbolti/product/Q2x1YlNlcnZpY2U6NTMzODM=/

Þjálfarar á námskeiðinu eru þjálfarar yngri flokkanna og leikmenn meistaraflokks.

Gullmót KR 2026

Tue, 17 Feb 2026 12:01:36 GMT

Gullmót KR fór fram í nítjánda skipti í laugardalslaug 13-15 febrúar, um er að ræða fjölmennasta sundmót ársins og voru mikil fagnaðarlæti og fjör í lauginni.

Alls tóku þátt 426 keppendur frá 20 íþróttafélögum

Það voru teknar 2050 stungur og synt 63 boðsund yfir helgina.

KR – superchallenge fór fram á laugardagskvöldið en það er gífurlega skemmtileg útsláttar keppni í 50 metra flugsundi með ljósasýningu, tónlist og tilheyrandi látum

Sigurvegarar KR Superchallenge Karla voru:

1. Sæti Birnir Freyr Hálfdánarsson frá Sundfélagi Hafnafjarðar en hann synti á tímanum 25.11 sekúndum

2. Sæti Rynhardt Steyn frá Sundfélagi Hafnafjarðar en hann synti á tímanum 25.82 sekúndum

3. sæti Hólmar Grétarsson frá Sundfélagi Hafnafjarðar en hann synti á tímanum 25.99 sekúndum

Sigurvegarar KR Superchallenge kvenna voru:

1. Sæti Vala Dís Cicero frá Sundfélagi Hafnafjarðar en hún synti á tímanum 27.54 sekúndum

2. Sæti Ylfa Lind Kristmannsdóttir frá Sunddeild Ármanns en hún synti á tímanum 28.21 sekúndum

3. Sæti Nadja Djurovic frá Sundfélagi Hafnafjarðar en hún synti á tímanum 28.48 sekúndum

Óskum þeim innilega til hamingju með árangurinn

Það er ekki hægt að halda sundmót án aðstoðar sjálfboðaliða sem gengdu ýmsum störfum um helgina og viljum við þakka þeim innilega fyrir þeirra frábæru störf

Myndir af Gullmóti KR 2025 verða birtar inná facebook síðu KR og facebook síðu Gullmótsins

https://www.facebook.com/krsund

https://www.facebook.com/gullmot

KR bikarmeistari í borðtennis 2026

Tue, 17 Feb 2026 10:16:16 GMT

A-lið KR varð bikarmeistari í borðtennis 2026, eftir 4-2 sigur á liði Víkings í úrslitaleik. Leikið var í TBR-húsinu í Laugardal. Í sigurliði KR-A voru Lúkas André Ólason og systkinin Guðbjörg Vala og Pétur Gunnarsbörn.

Í undanúrslitum lagði KR-A - KR-F 4-0 og Víkingur vann KR-B 4-2.

KR átti sex lið í keppninni og má sjá bróðurpart keppenda KR á myndinni inni í fréttinni.

KR-F sigraði í suðurriðli 4. deildar

Tue, 10 Feb 2026 23:25:13 GMT

KR-A og KR-B í úrslitakeppni í 1. deild karla

Lokaumferðir í deildakeppni BTÍ voru leiknar í TBR-húsinu helgina 7.-8. febrúar. A- og B- lið KR leika bæði í úrslitakeppni um Íslandsmeistaratitilinn í 1. deild karla, sem fram fer í apríl. Andstæðingarnir eru Víkingur-A, sem urðu deildarmeistarar og BH-A.

C-lið KR varð í 2. sæti í 2. deild, og leikur umspilsleik við A-lið HK um sæti í 1. deild á næsta keppnistímabili. C-lið BH sigraði í deildinni (sjá mynd).

F-lið KR sigraði í suðurriðli 4. deildar og leikur í úrslitakeppni við lið úr norðurriðli deildarinnar á Akureyri 18. apríl (sjá mynd á forsíðu). Keppni í norðuriðli deildarinnar lýkur í lok mánaðarins.

D- og E-lið KR léku í 3. deild en komust ekki í verðlaunasæti.

Úrslit úr einstökum viðureignum:

1. deild

BH-B – KR-A 4-6
Víkingur-A – KR-B 3-6
KR-A – HK-A 3-6
KR-B – BH-B 6-0

2. deild

KR-C – BR-A 6-2
BH-C – KR-C 6-3

3. deild

BM – KR-E 6-1
KR-D – BR-B 0-6
KR-E – HK-C 4-6
Víkingur-C – KR-D 0-6 (Víkingur-C mætti ekki til leiks)

4. deild suðurriðill

KR-F – HK-D 4-6

Garpur-A – KR-F 0-6

Guðbjörg Vala sigraði í þremur flokkum í Hróarskeldu

Sat, 07 Feb 2026 11:40:29 GMT

Karl og Viktor sigruðu í einum flokki hvor

Hópur leikmanna frá Borðtennisdeild KR tók þátt í Spar Nord Roskilde Cup í Hróarskeldu í Danmörku um síðustu mánaðarmót. Á mótinu var keppt í fjölmörgum aldursflokkum og styrkleikaflokkum.

Leikmenn KR voru þau Anna Marczak, Eiríkur Logi Gunnarsson, Ellert Kristján Georgsson, Gestur Gunnarsson, Guðbjörg Vala Gunnarsdóttir, Guðrún Gestsdóttir, Helena Árnadóttir, Hrefna Namfa Finnsdóttir, Karl A. Claesson, Lúkas André Ólason, Marta Dögg Stefánsdóttir, Pétur Xiaofeng Árnason, Viktor Daníel Pulgar og Þórunn Erla Gunnarsdóttir. Auk leikmanna var Gunnar Skúlason með hópnum.

Auk KR-inganna léku þrír aðrir íslenskir leikmenn á mótinu.

Guðbjörg Vala Gunnarsdóttir, sigraði í þremur flokkum á mótinu, í flokkum Dame Elite, Dame U21 (þ.e. undir 21 árs) Elite og Dame Junior Elite. Dame Elite er sterkasti kvennaflokkurinn á mótinu en Guðbjörg Vala er aðeins 15 ára gömul.

Karl A. Claesson, sigraði í Herre Klasse 3.

Viktor Daníel Pulgar sigraði í flokki Herre U21 C.

Lúkas André Ólason varð í 2. sæti í flokki Drenge Elite, í 5.-8. sæti í flokki Herre U21 Elite og í 9.-16. sæti í flokki Herre Klasse 2.

Helena Árnadóttir varð í 4. sæti í flokki Dame Elite og 6. sæti í flokki Dame U21 Elite.

Eiríkur Logi Gunnarsson varð í 3.-4. sæti í flokki Åben A og hafnaði í 5.-8. sæti í flokki Herre U21 Elite.

Marta Dögg Stefánsdóttir varð í 3.-4. sæti í flokki Dame Klasse 1.

Gestur Gunnarsson hafnaði í 5.-6. sæti í flokki Åben A og varð í 9.-16. sæti í flokki Herre Klasse 1.

Ellert Kristján Georgsson varð í 5.-8. sæti í flokki Åben B og í 9.-16. sæti í flokki Herre Elite og Herre Klasse 1.

Guðrún Gestsdóttir hafnaði í 5.-8. sæti í flokki Herre Klasse 7.

Þórunn Erla Gunnarsdóttir varð í 9.-16. sæti í flokki Herre Junior D.

Á forsíðumyndinni má sjá bróðurpart KR-hópsins og á hinum myndunum eru þeir Karl og Viktor.

Fyrsta mót hjá 7.fl í handbolta á árinu

Wed, 04 Feb 2026 10:53:08 GMT

Helgina 23. - 25. janúar fóru strákarnir í 7.flokkk Gróttu/KR á sitt fyrsta mót á árinu. Mótið var haldið á Ásvöllum í Hafnarfirði og skemmtu strákarnir sér konunglega! Næsta mót verður í byrjun mars upp í Kórnum í Kópavogi.

Strákarnir í 7. flokki æfa í Íþróttahúsi Hagaskóla á mánudögum og miðvikudögum klukkan 15:15-16:15. Það eru allir strákar velkomnir að koma og prófa.

Síðasta afhending happadrættisvinninga!

Wed, 04 Feb 2026 10:43:07 GMT

Síðasta afhending happadrættisvinninga verður í KR, mánudaginn 9.febrúar milli kl 17:30 - 19:00

Endilega komið og sækið vinningana ykkar!

Árgangamót KR körfu 2026

Mon, 02 Feb 2026 16:13:37 GMT

Árgangamót körfuknattleiksdeildar KR verður haldið laugardaginn 28. febrúar næstkomandi á Meistaravöllum. Matur og lokahóf inni í félagsheimili um kvöldið. Skemmtiatriði og verðlaunaafhending.

Fyrirkomulag:
- Keppt er 5 á 5 bæði í karla- og kvennaflokki á fullum velli.
- Hvert lið má hafa eins marga varamenn og þau vilja.
- Einnig má skrá fleiri en eitt lið til leiks fyrir hvern árgang.
- Það má skeyta árgöngum saman ef ekki tekst að manna árgang.
- Fyrst er keppt í riðlakeppni og svo verða úrslitaleikir.
- Aldurstakmark: yngsti árgangur er 2006

Skráning:
- Fyrirliði hvers liðs skráir árganginn til leiks og millifærir fyrir allt liðið.
- Sendið tölvupóst á Gunnhildi Báru, verkefnastjóra KR körfu: gunnhildurbara@kr.is, með fjölda og nöfnum leikmanna ásamt því hvaða árgangi þið eruð í
- Millifærsla: bankareikningur 0137-26-000045, kennitala: 510987-1449
- Skráningarfrestur er til og með 23. Febrúar.

Verð:
7.500 krónur á mann, innifalið í því er þátttökugjald og hamborgara- og pizzumáltíð á lokahófi. Hressandi drykkir til sölu á góðu verði á lokahófi.

Hvetjum öll til að taka þátt. Áfram KR!

Tveir sigrar hjá Guðbjörgu Völu um helgina

Mon, 26 Jan 2026 22:19:05 GMT

Sigur í meistaraflokki kvenna á BH Open og RIG

Guðbjörg Vala Gunnarsdóttir sigraði í meistaraflokki kvenna á tveimur mótum um helgina. Hún sigraði á Reykjavíkurleikunum (RIG, Reykjavík International Games), þar sem hún lagði Íslandsmeistarann Nevenu Tasic úr Víkingi 4-3 í úrslitaleik. Í 3.-4. sæti urðu þær Nina Alot frá Lundi í Svíþjóð og Magnea Ólafs, Víkingi.

Á BH Open sigraði Guðbjörg Vala stöllu sína Helenu Árnadóttur 4-0 í úrslitaleik. Á mótinu, sem fram fór í Íþróttahúsinu við Strandgötu í Hafnarfirði, voru fjölmargir erlendir keppendur, bæði frá nokkrum sænskum borðtennisfélögum og frá Færeyjum. Í 3.-4. sæti í meistaraflokki kvenna höfnuðu Jianing Sun og Nina Alot, báðar frá borðtennisfélaginu í Lundi í Svíþjóð.

Fleiri KR-ingar komust á verðlaunapall á BH Open:

Norbert Bedö sigraði í opnum flokki B, sem er fyrir þá sem hafa færri en 2000 stig.

Anna Villa Sigurvinsdóttir sigraði í flokki telpna 13 ára og yngri. Helga Ngo Björnsdóttir og Júlía Fönn Freysdóttir höfnuðu í 3.-4. sæti.

María Vésteinsdóttir varð önnur í flokki táta 11 ára og yngri og Bríet Sóley Jónsdóttir varð þriðja.

Dalmar Bragi Aronsson varð í 3.-4. sæti í flokki stráka 11 ára og yngri.

Viliam Marchiník varð í 4. sæti í flokki karla og kvenna 40 ára og eldri.

Anna Marczak og Hrefna Namfa Finnsdóttir lentu í 3.-4. sæti í deild D í liðakeppni.

Fjölmargar myndir frá mótinu má sjá á fésbókarsíðu Borðtennisdeildar BH og myndir inni í fréttinni eru frá BH en forsíðumyndin af verðlaunahöfum á RIG, tekin af vef BTÍ.

Reykjavík International Games

Mon, 26 Jan 2026 17:08:15 GMT

Sunddeild KR keppti sem partur af sameinuðu liði Reykjavíkur á Reykjavík International Games um helgina. KR- ingar stóðu sig frábærlega og bættu sína bestu tíma í öllum greinum sem þau syntu

Helstu tíðindi voru að Þórður Karl Steinarsson keppti til úrslita í bæði 100m skriðsundi og 50m skriðsundi

Happdrætti - Þorrablót Vesturbæinga

Sat, 24 Jan 2026 17:04:03 GMT

Vinningsnúmer úr happdrætti

Vinningar verða afhentir þriðjudaginn 27. janúar í KR frá kl. 18 - 19:30.

Bjartur í úrvalslið Taekwondosambandsins

Fri, 23 Jan 2026 11:32:47 GMT

Taekwondo landsliðsþjálfari Íslands í formum, Allan Olsen, valdi nýtt úrvalslið sem fær leiðsögn og þjálfun hjá landsliðsþjálfara á árinu. Ellefu einstaklingar voru valdir úr stórum hópi í liðið eftir heilan dag af úrtökuæfingum og viðtölum. Þetta er allt efnilegt ungt fólk sem stefnir hátt og mun reyna að komast í landsliðið í framtíðinni. Efnilegasti poomsae keppandi KR, Bjartur Aðalsteinsson var einn þeirra sem komst í liðið og mun því æfa með landsliðinu á þessu ári.

Eiga KR-ingar því núna bæði fulltrúa í úrvalsliðunum í formum og bardaga. Við óskum Bjarti til hamingju með þennan áfanga.

Bryndís Eir í úrvalslið Taekwondosambandsins

Mon, 19 Jan 2026 16:27:27 GMT

Taekwondo landsliðsþjálfari Íslands í bardaga, Rich Fairhurst, valdi nýtt úrvalslið sem fær leiðsögn og þjálfun hjá landsliðsþjálfara á árinu. Sex einstaklingar voru valdir úr stórum hópi í liðið eftir heilan dag af úrtökuæfingum og viðtölum. Þetta er allt efnilegt ungt fólk sem stefnir hátt og mun reyna að komast í landsliðið í framtíðinni. Besta taekwondo-kona KR, Bryndís Eir Sigurjónsdóttir, var ein þeirra sem komst í liðið og mun því æfa með landsliðinu á þessu ári.

Eiga KR-ingar því núna bæði fulltrúa í úrvalsliðinu og landsliðinu. Við óskum Bryndísi til hamingju með þennan áfanga.

KR stúlkur sigruðu í stúlknaflokkunum á aldursflokkamóti HK

Sun, 18 Jan 2026 21:16:15 GMT

Anna Villa, Elísabet og Marta sigruðu

KR stúlkur sigruðu í öllum þremur stúlknaflokkunum á aldursflokkamóti HK, sem fram fór í Íþróttahúsi Snælandsskóla í Kópavogi laugardaginn 17. janúar 2026. Keppt var í þremur aldursflokkum 15 ára og yngri.

Marta Dögg Stefánsdóttir sigraði í flokki meyja 14-15 ára, Anna Villa Sigurvinsdóttir í flokki telpna 12-13 ára og Elísabet Ngo Björnsdóttir í flokki táta 11 ára og yngri.

KR-drengirnir komust ekki á verðlaunapall að þessu sinni.

U16 KVK 2010-2012

1. Marta Stefánsdóttir KR
2. Þórunn Erla Gunnarsdóttir KR
3. Sóldís Lilja Sveinbjörnsdóttir Garpur

U13 KVK 2013-2014

1. Anna Villa Sigurvinsdóttir KR
2. Júlía Fönn Freysdóttir KR
3.-4. Guðbjörg Stella Pálmadóttir Garpur
3.-4. Helgo Ngo Björnsdóttir KR

U11 KVK FÆDD 2015 OG YNGRI

1. Elísabet Ngo Björnsdóttir KR
2. Bríet Sóley Jónsdóttir KR

Myndir fengnar af heimasíðu Borðtennissambands Íslands.

KR í samstarfi við knattspyrnuakademíu í Gana

Thu, 15 Jan 2026 21:42:47 GMT

Knattspyrnudeild KR hefur stofnað til samstarfs við Field Masters Academy, knattspyrnuakademíu í Accra í Gana. Markmið samstarfsins er að styðja við menntun og knattspyrnuiðkun ungra leikmanna, jafnframt því að skapa raunhæfan vettvang fyrir efnilega leikmenn til að stíga sín fyrstu skref í Evrópu.

Samstarfssamningur var undirritaður í nýafstaðinni ferð fulltrúa KR til Gana. Field Masters Academy leggur ríka áherslu á skipulagt starf með ungum og efnilegum leikmönnum, bæði hvað varðar knattspyrnu og menntun. Frá akademíunni hafa komið leikmenn sem síðar hafa leikið á Englandi, í Danmörku, á Spáni og í Portúgal.

Hluti samstarfsins felst í því að þjálfarar akademíunnar og KR munu eiga í virku samstarfi. Þar á meðal verða heimsóknir til KR þar sem þjálfarar kynnast áherslum félagsins í þjálfun og leikfræði. Þá mun KR einnig koma að því að bæta aðstæður til menntunar og knattspyrnuiðkunar í Gana.

Með verkefninu styður KR við mikilvæga starfsemi sem veitir ungum leikmönnum raunhæfan vettvang til skipulagðs íþróttastarfs og skapar tækifæri fyrir þá að elta drauminn um atvinnumennsku í Evrópu.

Magnús Orri M. Schram, formaður knattspyrnudeildar KR:
„Við hjá KR hlökkum mikið til samstarfsins við Field Masters Academy. Við á Íslandi erum framarlega á mörgum sviðum knattspyrnunnar og með þessu samstarfi getum við miðlað reynslu okkar áfram. Um leið opnum við tækifæri fyrir leikmenn frá Gana til að koma til Íslands og taka þátt í æfingum og keppni. Á næstu dögum munu fyrstu tveir leikmennirnir koma til KR og það er mikilvægt að við tökum vel á móti þeim og styðjum þá í að taka fyrstu skrefin í nýju landi.“

F-lið KR er efst í suðurriðli 4. deildar karla

Wed, 14 Jan 2026 22:56:24 GMT

A-lið KR er í 3. sæti í 1. deild karla

Leikið var í deildakeppni karla í borðtennis helgina 10.-11. janúar. Laugardaginn 10. janúar var keppt í 1. og 2. deild karla í Íþróttahúsinu við Strandgötu í Hafnarfirði. Sunnudaginn 11. janúar var leikið í 3. og 4. deild í Íþróttahúsi Hagaskóla.

Eftir leiki helgarinnar er F-lið KR er efst í suðurriðli 4. deildar með 19 stig, en liðið vann alla þrjá leiki sína um helgina. Liðin í 2. og 3. sæti hafa 16 stig.

Í 1. deild karla er A-lið KR í 3. sæti með 6 stig, en liðið lék við og tapaði fyrir liðunum í 1. og 2. sæti um helgina. B-lið KR vann mikilvægan sigur á A-liði HK í baráttunni í neðri hluta deildarinnar og er eitt þriggja liða með 4 stig fyrir lokaumferðir í deildinni í febrúar.

C-lið KR er í 2. sæti í 2. deild, einu stigi á eftir C-liði BH, sem er í forystu. Liðið tapaði mikilvægu stigi í toppbaráttunni um helgina með jafntefli gegn B -liði HK, sem er 3. sæti í deildinni.

D- og E-lið KR eru í 3. deild. Liðin eru í 4. og 5. sæti deildarinnar eftir leiki helgarinnar.

Úrslit úr leikjum KR-liðanna um helgina :

1. deild karla

BH-A – KR-A 6-1
KR-B – HK-A 6-2
KR-B – BH-A 0-6
Víkingur-A – KR-A 6-0

2. deild karla

HK-B – KR-C 5-5
KR-C – Selfoss-A 6-2

3. deild karla

KR-E – Víkingur-C 6-0 (Víkingur-C mætti ekki)
BM – KR-D 6-0
BR-B – KR-E 6-3
KR-D – HK-C 1-6

4. deild karla suðurriðill

BH-D – KR-F 2-6
KR-F – Garpur-B 6-1
Selfoss-B – KR-F 4-6

Á forsíðunni má sjá Þórunni Erlu Gunnarsdóttur úr KR-F.

Komdu og prófaðu handbolta!

Tue, 13 Jan 2026 15:39:20 GMT

EM í handbolta að hefjast og öllum krökkum boðið að koma á æfingar

Íslenska karlalandsliðið stendur í ströngu næstu vikurnar en EM í handbolta er að hefjast. Fyrsti leikur Íslands er gegn Ítölum á föstudaginn kl. 17:00.

Í tilefni af EM þá bjóðum við öllum krökkum að koma og prófa handbolta þeim að kostnaðarlausu á meðan EM stendur yfir, 15.janúar - 1.febrúar.

Frábæru þjálfararnir okkar taka vel á móti krökkunum. Upplýsingar um þjálfara og æfingatíma má finna á heimasíðu KR en æfingataflan er hérna: https://www.kr.is/handbolti

Ef það eru einhverjar spurningar, ekki hika við að hafa samband við Andra yfirþjálfara ( andri.sigfusson@reykjavik.is ).

Annáll KR 2025

Fri, 09 Jan 2026 13:19:08 GMT

Árið 2025 var viðburðaríkt hjá öllum deildum KR. Í annálnum er farið yfir helstu atvik ársins og árið gert upp.

Lestu annálinn hér

Leikskólahópur 2020-2021 - vorönn

Thu, 08 Jan 2026 11:22:55 GMT

Við bjóðum upp á leikskólahóp í körfubolta í vetur fyrir börn fædd 2020-2021.

Æfingarnar fara fram í KR heimilinu á laugardögum kl. 9:45-10:30.

Þjálfari verður Gunnhildur Bára.

Æfingar hefjast laugardaginn 17. janúar!

Skráning hér:

https://www.abler.io/shop/kr/korfubolti?program=Q2x1YlNlcnZpY2U6NDU1MjU=

Taekwondomaður ársins

Mon, 05 Jan 2026 09:03:51 GMT

Guðmundur Flóki Sigurjónsson var útnefndur þann 3. janúar taekwondomaður ársins 2025 í árlegu fögnuði ÍSÍ og Samtaka íþróttafréttamanna sem fór fram í Hörpu. Flóki er vel að þessum heiðri kominn með þrjú gull og tvö brons á alþjóðlegum stigamótum í haust, og 17. sæti á HM og var þetta allt í fullorðinsflokki þó að í raun væri hann á síðasta ári í unglingaflokki. Hann er núna í 22. sæti á heimslistanum í -80 kg flokki og 33. sæti þegar horft er á Ólympíuflokka.
Það eru stór mót fram undan á árinu og stór markmið sem núverandi íþróttamaður KR hefur sett sér og hóf hann því árið á því að fljúga til Svíþjóðar á nýársdag til að fara á æfingabúðir - eins og sést þá er tekið vel á því. Við óskum Guðmundi Flóka til hamingju með titilinn og velfarnaðar í verkefnum sem fram undan eru.

Guðbjörg Vala Gunnarsdóttir borðtenniskona ársins 2025

Sun, 04 Jan 2026 10:57:31 GMT

Guðbjörg Vala Gunnarsdóttir, 15 ára leikmaður KR, var valin borðtenniskona ársins 2025 í kjöri Borðtennissambands Íslands. Á vef Borðtennissambandins er þessi umsögn um Guðbjörgu Völu:

"Guðbjörg Vala Gunnarsdóttir er 15 ára leikmaður KR. Guðbjörg Vala varð í öðru sæti í einliðaleik á Íslandsmótinu í vor aðeins 14 ára að aldri og sigraði á lokamóti BTÍ skömmu síðar. Þá keppti hún víða erlendis á árinu, svo sem á Ólympíuhátíð Evrópuæskunnar og hefur stimplað sig inn sem ein af efnilegustu borðtenniskonum Norðurlandanna með sigrum í sínum aldursflokki á fjölmennum mótum í Ängby, Hróarskeldu, með 5. sæti á Safir International og með tímamótaárangri þegar hún komst í 64-manna úrslit í flokki 15 ára og yngri á sterku EM unglinga í sumar. Guðbjörg Vala er frábær fulltrúi íslensks kvennaborðtenniss og á framtíðina fyrir sér."

Stjörnuljósa sund Sunddeildar KR

Tue, 30 Dec 2025 17:22:28 GMT

Stjörnuljósa sund Sunddeildar KR fór fram í Vesturbæjarlaug í gærkvöldi. Það var mikil gleði og fjör hjá öllum iðkenndum og sundlaugargestum í lauginni.
Sunddeild KR óskar öllum Gleðilegs nýs árs og þökkum fyrir stuðninginn á árinu sem er að líða.

Áfram KR!!!

Flugeldasala KR

Mon, 29 Dec 2025 08:44:14 GMT

Opnunartímar í félagsheimilinu

Húsið er lokað til 5. janúar, sjáumst á nýju ári!

Mon, 22 Dec 2025 18:18:19 GMT

Gleðileg jól - sjáumst á nýju ári

The body content of your post goes here. To edit this text, click on it and delete this default text and start typing your own or paste your own from a different source.

Eiríkur Logi sigraði í undir 23 ára flokki í Osló

Sun, 21 Dec 2025 09:41:12 GMT

Eiríkur Logi Gunnarsson sigraði í einliðaleik 23 ára og yngri á móti í Osló laugardaginn 13. desember. Mótið kallast KM Oslo & Akershus 2025. Eiríkur lagði andstæðing frá Oslo BTK örugglega 3-0 í úrslitum.

Hann keppti líka í opnum flokki karla og varð í 5.-8. sæti.

Eiríkur dvelur í suðurhluta Svíþjóðar við æfingar um þessar mundir og leikur með liði Åstorps í sænsku deildakeppninni. Gestur, bróðir hans, hefur einnig leikið með liði Åstorps.

Jólahandboltaskóli Gróttu/KR

Sat, 20 Dec 2025 15:45:54 GMT

Hinn árlegi jólahandboltaskóli fer fram um hátíðarnar líkt og undanfarin ár. Námskeiðsdagarnir eru fimm talsins og er hægt að skrá sig á staka daga eða allt námskeiðið.

Skólinn er frá 09:00-12:00 og fer fram í Hertz-höllinni á Seltjarnarnesi. Skólinn er fyrir krakka í 1. - 6.bekk eða krakka fædd 2019-2014. Byrjendur jafnt sem krakkar lengra komin eru velkomin. Við hvetjum stelpur sérstaklega til að taka þátt.

Skráningin fer fram í gegnum Abler en beinn hlekkur er hérna: https://www.abler.io/shop/grotta/handbolti/product/Q2x1YlNlcnZpY2U6NDk4NzM=/

Ferfaldur sigur KR meyja á Pepsi unglingamóti Víkings

Thu, 18 Dec 2025 21:31:11 GMT

Guðbjörg Vala Gunnarsdóttir sigraði í meyjaflokki

Fjórar stúlkur frá KR skipuðu sér á verðlaunapall í Pepsi unglingamóti Víkings, sem var haldið í TBR-húsinu 6. desember.

Guðbjörg Vala Gunnardóttir sigraði og Helena Árnadóttir varð í 2. sæti. Marta Dögg Stefánsdóttir og Þórunn Erla Gunnarsdóttir urðu í 3.-4. sæti.

Borðtennisdeildin fær viðurkenningu frá Reykjavíkurborg og ÍBR

Thu, 18 Dec 2025 11:34:20 GMT

Borðtennisdeild KR varð bikarmeistari með blönduðu liði og hlaut því viðurkenningu frá Reykjavíkurborg og ÍBR þann 17. desember. Fulltrúar borðtennisdeildar tóku á móti viðurkenningum frá Heiðu Björg, borgarstjóra Reykjavíkur í Ráðhúsi Reykjavíkur.

Jólaskemmtun Sunddeildar KR

Fri, 12 Dec 2025 21:05:59 GMT

Það var mikið fjör í Sundhöllinni í gær á jólaskemmtun Sunddeildar KR. Iðkendur úr öllum hópum deildarinnar komu saman og skemmtu sér. Fyrst var sundsýning þar sem yngstu iðkendur deildar syntu sína fyrstu 25m í djúpu lauginni og stóðu sig stórkostlega

Síðan var synt í kringum jólatré, sungin jólalög, borðaðar piparkökur og mandarínur og synt skemmtiboðsund.

Sunddeild KR óskar öllum gleðilegra jóla og farsæls komandi árs

Desember mót Ármanns

Wed, 10 Dec 2025 11:04:57 GMT

Sunddeild KR tók þátt á Jólamóti Ármanns 6-7 desember. KR-ingar stóðu sig glæsilega og endaði mótið á skemmtilegu Jólaboðsundi þar sem öllum keppendum mótsins var skipt í boðsundsveitir og þurftu krakkarnir svo að synda með Jólasveinahúfu á höfðinu sem þurfti að afhenda næsta sundmanni áður en að viðkomandi mátti fara á stað.

Helstu úrslit af mótinu voru:
Pétur Viðar Arnórsson 2 sæti í 100m skriðsundi og 3 sæti í 50m skriðsundi

Emilý Sóley P M Eysteinsdóttir 2 sæti í 50m flugsundi, 2 sæti í 100m flugsundi, 3 sæti í 200m flugsundi og 3 sæti í 100m fjórsundi

Bríet Björk Jóhannsdóttir 3 sæti í 200m bringusundi

Viktoría Vasile 1 sæti í 100m flugsundi og 1 sæti í 200m flugsundi

Vinningsnúmer úr happdrætti jólakvölds knattspyrnudeildar

Mon, 08 Dec 2025 11:00:22 GMT

Hér að neðan eru niðurstöður happdrættis á jólakvöldi knattspyrnudeildar frá því á föstudaginn.

Vinninga má nálgast á skrifstofu framkvæmdarstjóra knattspyrnudeildar.

Vonandi var heppnin með þér!

Vinningaskrá

Handboltamót hjá 8.flokki stráka

Fri, 05 Dec 2025 15:18:48 GMT

Helgina 22.-23. nóvember fóru strákarnir í 8.flokki á sitt annað mót í vetur. Við tefldum fram tveimur liðum og keppti hvort lið fjóra leiki. Strákarnir stóðu sig frábærlega og sáust miklar framfarir hjá þeim.

8.flokkur karla (f. 2019 og 2018) æfir á mánudögum 16:15-17:15 og miðvikudögum 16:15-17:05 upp í íþróttahúsi Hagaskóla. Við minnum á að allir mega koma prófa frítt á meðan stelpurnar okkar keppa á HM í handbolta.

Strákarnir í 7.flokki á sitt annað mót

Tue, 02 Dec 2025 14:36:43 GMT

Helgina 15.-16. nóvember fóru strákarnir í 7.flokki á sitt annað mót. Mótið var haldið í Myntkaup höllinni í Mosfellsbæ og spilaði hvert lið fjóra leiki. Strákarnir skemmtu sér mikið og taka allt með sér í reynslubankann. Næsta mót verður á nýju ári upp á Ásvöllum.

7.flokkur heldur áfram að æfa fram að jólum í Íþróttahúsi Hagaskóla á mánudögum og miðvikudögum klukkan 15:15-16:15.

Gauti Guðmundsson með sigur í Svíþjóð og besta árangur ferilsins

Tue, 02 Dec 2025 12:00:09 GMT

Góð ferð með landsliðinu í Storklinten

Karla landslið alpagreina stóð sig afar vel á FIS-móti í svigi í Storklinten í Svíþjóð og náði þar sínum sterkasta samanlagða árangri á tímabilinu. Eftir fyrri ferð voru Gauti Guðmundsson og Matthías Kristinsson báðir í baráttu um efstu sætin.
Gauti var þá með þriðja besta tímann og Matthías þann sjötta, sem skapaði liðinu frábæra stöðu fyrir seinni ferðina.

Í seinni ferðinni náði Gauti svo enn frekari hæðum, skíðaði hraðast allra og tryggði sér sigur í mótinu. Þetta var fyrsti sigur Gauta í FIS móti á erlendri grundu og jafnframt hans besti árangur til þessa þar sem hann gerði sína bestu FIS-punkta á ferlinum, 23, sem bætir stöðu hans á heimslistanum. Þess má geta að Gauti hefur áður unnið FIS-keppni á Ítalíu, en það mót var í junior-flokki og því vegur þessi árangur enn þyngra.

Pétur Reidar Pétursson, sem einnig er úr skíðadeild KR var með rásnúmer 57, og átti góða ferð og var í 33. sæti eftir fyrri ferð. Pétur Reidar lauk því miður ekki seinni ferðinni, en fyrri ferðin hans sýndi að hann er á réttri leið og verður mikilvægur liður í uppbyggingu vetrarins.

Heimildir:
https://www.ski.is/is/um-ski/frettir/gauti-gudmundsson-med-sigur-i-svithjod-og-besta-arangur-ferilsins

Góður árangur hjá KR-liðunum í deildakeppni helgarinnar

Thu, 27 Nov 2025 22:49:05 GMT

Lið KR náðu flest góðum árangri á þriðju leikjahelginni í deildakeppni BTÍ þegar leikið var í karladeildunum fjórum. Leikið var í Íþróttahúsi Hagaskóla 22. og 23. nóvember.

A- og B-lið KR leika í 1. deild og unnu bæði mikilvæga sigra um helgina. A-liðið sigraði A-lið HK og er nú í 3. sæti deildarinnar með 6 stig. B-liðið lagði B-lið BH í hörkuleik en það var fyrsti sigur liðsins í deildinni í vetur.

Á forsíðunni má sjá C-lið KR, sem er eitt þriggja liða á toppi 2. deildar með 9 stig. Liðið er taplaust en hefur gert þrjú jafntefli og var fyrst liða til að leggja C-lið BH í deildinni í vetur á sunnudaginn.

D- og E-lið KR eru í 3. deild og eru í 4. og 5. sæti deildarinnar eftir leiki helgarinnar.

F-lið KR leikur í suðurriðli 4. deildar. Liðið vann báða leiki sína um helgina 6-0 og er í 2. sæti deildarinnar með 13 stig eftir 7 leiki, stigi á eftir liði BM, sem hefur leikið 8 leiki.

Úrslit úr leikjum KR-liðanna um helgina :

1. deild

HK-A – KR-A 1-6
BH-B – KR-B 4-6
KR-A – KR-B 6-4

2. deild

KR-C – BH-C 6-3
KR-C – Víkingur-B 6-1

3. deild

KR-D – Víkingur-C 6-0 (Víkingur C gefur leikinn)
HK-C – KR-E 6-3
KR-D – KR-E 3-6

4. deild suðurriðill

KR-F – Garpur-A 6-0

KR-F – Umf. Vísir 6-0

Úrslit úr öllum leikjum má sjá á vef BTÍ, www.bordtennis.is og sundurliðuð úrslit einstakra leikja á vef Tournament Software, www.tournamentsoftware.com .

Allir krakkar velkomnir að prófa handbolta á meðan HM stendur yfir

Tue, 25 Nov 2025 14:39:09 GMT

KOMDU OG PRÓFAÐU HANDBOLTA

Á morgun hefst HM í handbolta. Mótið fer fram í Þýskalandi og Hollandi. Ísland er í sterkum riðli og leikur gegn heimakonum í Þýskalandi, Serbíu og Úrúgvæ. Fyrsti leikur er gegn Þýskalandi á miðvikudaginn kl. 17:00.

Í tilefni af mótinu viljum við bjóða öllum krökkum að koma og prófa handbolta hjá okkur þeim að kostnaðarlausu á með HM stendur yfir.
Frábæru þjálfararnir okkar taka vel á móti krökkunum.

Áfram KR, áfram Grótta/KR, áfram Ísland og áfram handbolti !

Haustmót Breiðabliks

Mon, 24 Nov 2025 14:51:52 GMT

Fjör í Kópavogslaug um helgina

Sunddeild KR keppti á Haustmóti Breiðabliks 21-22 nóvember síðastliðinn

Alls voru 16 KR- ingar að keppa á mótinu og mörg af sundfólkinu okkar voru að keppa í fyrsta skipti en þau stóðu sig öll glæsilega!

Helstu úrslit af mótinu voru

Bríet Ruth Smith vann 2 sæti í 100m bringusund 13-14 ára

Inga Aniela Czurylo vann 3 sæti í 200m fjórsundi 13-14 ára og 3 sæti í 100m flugsund 13-14 ára

Áfram KR!!!

Kona mótsins og fleiri gull

Fri, 21 Nov 2025 13:25:44 GMT

Bryndís Eir Sigurjónsdóttir sigraði svartbeltis junior flokk kvenna í bardaga á bikarmóti Taekwondosambands Íslands í október og var í kjölfarið valin kona mótsins. Glæsilegur árangur hjá Bryndísi.

Taekwondosamband Íslands hélt fyrsta bikarmót vetrarins nú um daginn og var venju samkvæmt keppt í bæði formum og bardaga. KR-ingar sendu 18 keppendur til leiks en mótið fór fram á heimavelli ÍR-inga. Helmingur KR-inga keppti í minior flokki sem er fyrir 11 ára og yngri og stóðu þau sig öll með stakri prýði í báðum keppnisgreinum.

Í cadet (12-14 ára) og junior (15-17 ára) flokkum er svo keppt um sæti og þar sigruðu Prasun og Bjartur sína flokka í poomsae (form), Daníel fékk silfur en Ari og Bryndís fengu brons á poomsae deginum. Þetta skilaði félaginu 15 stigum og 5. sæti af 8 félögum fyrir þennan hluta mótsins.

Í bardaga fengu Prasun, Þorlákur og Bryndís gull í sínum flokkum, Kári, Ómar og Kiljan silfur og Ari brons. Þetta skilaði félaginu 29 stigum og öðru sæti fyrir bardagahluta mótsins en eins og áður sagði hlaut Bryndís líka viðurkenningu sem kona mótsins.

Glæsilegur árangur og góðs viti fyrir keppnisveturinn.

Íslandsmeistarar og silfursafn

Fri, 21 Nov 2025 13:20:58 GMT

Um síðustu helgi hélt Taekwondosamband Íslands Íslandsmót í poomsae og áttu við KR-ingar sex fulltrúa á mótinu.

Ólafur, Snævar og Daníel kepptu á sínu fyrsta Íslandsmóti, í C flokki 12-14 ára og stóðu sig með prýði í einstaklingskeppni en í liðakeppni tóku þeir höndum saman og enduðu í öðru sæti og fóru því heim með silfur. Góð byrjun þar og eiga vonandi eftir að halda áfram að keppa saman.

Prasun keppt í B flokki 12-14 ára og rétt varð af gullinu en endaði með öruggt og gott silfur. Þá keppti Bjartur í B flokki 15-17 ára þar sem hann var í sömu aðstæðum og Prasun og endaði líka með silfur. Saman kepptu þeir svo í parakeppni í 15-17 ára flokki B og fóru þar með sigur af hólmi og hampa því Íslandsmeistaratitli í parakeppni.

Við óskum þeim til hamingju með titilinn!

C-lið KR er efst í 2. deild kvenna

Tue, 18 Nov 2025 23:17:20 GMT

A-liðið er í 2. sæti í 1. deild kvenna

Fyrri hluti leikja í deildakeppni kvenna voru leiknir í Íþróttahúsi Hagaskóla laugardaginn 8. nóvember. KR á tvö lið í 1. deild kvenna og þrjú lið í 2. deild kvenna.

Í 1. deild kvenna er A-lið KR í 2. sæti að loknum fyrri hluta keppninnar en liðið tapaði 1-6 fyrir liði Víkings, sem hafði fengið tvo sterka leikmenn frá Svíþjóð til liðs við sig. Eina leik KR vann Guðbjörg Vala Gunnarsdóttir, sem sigraði Íslandsmeistarann Nevenu Tasic. Víkingskonur eru í forystu í deildinni og eru ósigraðar eftir fyrri hluta keppninnar.

Í 2. deild kvenna er C-lið KR í efsta sæti, en liðið vann alla leiki sína örugglega 6-0. Liðið prýðir forsíðu fréttarinnar.

Úrslit úr einstökum viðureignum:

1. deild kvenna

KR-B – KR-A 0-6
Víkingur – KR-B 6-0
KR-A – Víkingur 1-6

2. deild kvenna

Garpur – KR-D 6-0
KR-C – KR-E 6-0
KR-C – Garpur 6-0
KR-E – KR-D 6-2
KR-D – KR-C 0-6
Garpur – KR-E 6-1

Mynd frá Auði Tinnu Aðalbjarnardóttur.

Úrslit úr byrjendamóti KR

Fri, 14 Nov 2025 20:37:16 GMT

Borðtennisdeild KR hélt mót fyrir byrjendur í Íþróttahúsi Hagaskóla sunnudaginn 9. nóvember. Keppt var í tveimur flokkum stráka og stelpna og líka keppt í fullorðinsflokki. Keppendur voru 37 frá BH, BM, Garpi, HK, ÍFR, KR, Leikni, Umf. Vísi og Víkingi.

Úrslit úr einstökum flokkum:

1.- 6. bekkur strákar
1. Antoni Ben Powichrowski, HK
2. Hreiðar Birkir Baldvinsson, BM
3.-4. Birkir Berg Bæringsson, Garpi
3.-4. Þór Hechmann Emilsson, HK

1.- 6. bekkur stelpur
1. Anna Karen Malmquist, Umf. Vísi
2. Elísabet Ngo Björnsdóttir, KR
3.-4. Nikola Bienkowska, KR
3.-4. Þórdís Gunnarsdóttir, KR

7.- 10. bekkur strákar og stelpur
1. Magnús Loftsson, BH
2. Abdirman Muhanat Abdirman, Leikni
3.-4. Elías Bjarmi Eyþórsson, Víkingi
3.-4. Stefán Bragi Bjarkason, BH

Agnes Lovísa Jóhannsdóttir, ÍFR var ein skráð í flokk stelpna í 7.-10. bekk og spilaði hún með strákunum.

Fullorðinsflokkur karla og kvenna
1. Einar Benediktsson, KR
2. Atli Þór Þorvaldsson, BH
3. Vilborg Jónsdóttir, BH
4. Sigþrúður Ármann, KR

Það voru þrír karlar og tvær konur skráðar í flokk fullorðinna og var spilað í einum flokki.

Öll úrslit úr mótinu má sjá á vef Tournament Software, https://www.tournamentsoftware.com/tournament/8c09b924-0023-449f-8ab4-375e43fbb55b

Íslands- og unglingameistaramótið í 25m laug

Mon, 10 Nov 2025 12:29:03 GMT

Íslands- og unglingameistaramótið í 25m laug var haldið í laugardalslaug helgina 7-9 nóvember.

Sunddeild KR keppti sem partur af sameinuðu liði Reykjavíkur.

Sunddeild KR var með 4 keppendur á mótinu.

· Emilý Sóley P M Eysteinsdóttir

· Þórður Karl Steinarsson

· Viktoria Vasile

· Jón Haukur Þórsson

Öll stóðu þau sig glæsilega um helgina.
Áfram KR!!!

Nýtt íþróttahús KR tilbúið 2027

Mon, 03 Nov 2025 12:52:58 GMT

Verktakafyrirtækið Eykt mun byggja nýtt fjölnota íþróttahús KR í Frostaskjóli. Samþykkt var á fundi innkaupa- og framkvæmdaráðs Reykjavíkurborgar á dögunum að gengið verði að tilboði fyrirtækisins sem átti hagkvæmasta tilboðið. Verklok eru áætluð haustið 2027.

Í tilkynningu kemur fram að Reykjavíkurborg sér um uppbyggingu fjölnota íþróttahúss og er kostnaðaráætlun við framkvæmdina um 3,2 milljarðar króna. Fjölnota íþróttahúsið verður um 6.700 fermetrar að stærð. Þar verður um 4.400 fermetra stór íþróttasalur sem nýtist flestum deildum KR. Í húsinu verður gervigrasvöllur þar sem hægt verður að æfa knattspyrnu og keppa mótsleiki í átta manna bolta.

Eins og fram hefur komið stendur nú yfir endurbygging aðalvallar KR. Völlurinn hefur verið lagður gervigrasi, langt komin og lýkur á næsta ári.

KR hefur séð um endurbygginguna á keppnisvellinum í Frostaskjóli og gengið var formlega frá samkomulagi í borgarráð í dag um veitingu fjárstyrks vegna framkvæmdarinnar að upphæð 518 milljón króna. Samtals er því verið að fjárfesta í uppbyggingu íþróttamannvirkja hjá KR fyrir vel á fjórða milljarð króna næstu misseri, að því er fram kemur í tilkynningu.

Þar er haft eftir Heiðu Björgu Hilmisdóttur borgarstjóra að hún sé spennt yfir þessari uppbyggingu.

„Ég samgleðst KR með þá uppbyggingu á aðstöðu sem er hafin. Ég skynja mikinn kraft í félaginu og er sannfærð um að það eru bjartir tímar fram undan í Vesturbænum með þessari uppbyggingu. Það er mikilvægt fyrir Reykjavíkurborg"

Þórhildur Garðarsdóttir, formaður KR, segist hæstánægð með þessa uppbygginguna sem er hafin. „Ég samgleðst öllu KR-samfélaginu með þennan risastóra áfanga. Uppbygging fjölnota íþróttahúss, ásamt endurbótum á aðalvellinum, mun gjörbreyta aðstöðu fyrir iðkendur okkar, sérstaklega yngri flokkanna. Nú eru bjartir tímar fram undan í starfi KR.“

Guðbjörg Vala og Helena sigruðu í liðakeppni meyja í Svíþjóð

Sun, 02 Nov 2025 21:04:07 GMT

Guðbjörg Vala Gunnarsdóttir og Helena Árnadóttir sigruðu í liðakeppni meyja 15 ára og yngri á Ängby International borðtennismótinu um helgina. Í undanúrslitum lögðu þær lið frá B72 í Osló 3-2, sem var skipað stúlkum úr norska unglingalandsliðinu. Í úrslitum sigruðu þær aðallið Spårvägens BTK frá Svíþjóð 3-1, en í liðinu er m.a. leikmaður sem lék á EM unglinga sl. sumar.

Þær Guðbjörg Vala og Helena léku einnig í nokkrum flokkum í einliðaleik og lengst náði Guðbjörg Vala í flokki stúlkna undir 16 ára aldri, þar sem hún varð í 5.-8. sæti.

Eiríkur Logi Gunnarsson lék einnig í einliðaleik á mótinu en tapaði sínum leikjum.

Skúli Gunnarsson var með hópnum á mótinu og myndirnar eru frá honum komnar.

Nóg um að vera í handboltanum

Fri, 31 Oct 2025 11:13:12 GMT

Handboltaskóli og fyrsta mót 7. flokks karla

Handboltaskóli Gróttu/KR sem stóð yfir í vetrarfríinu var að ljúka en um 48 krakkar komu á dögunum og nutu leiðsagnar frá okkar flottu þjálfurum.

Helgina 11. - 12. október fór fram fyrsta 7.flokks mót vetrarins. Við tefldum fram 7 liðum á yngra og eldra ári og spilaði hvert þeirra fjóra. leiki. Strákarnir skemmtu sér konunglega og stóðu sig með mikilli prýði. Mótið fór fram í Kaplakrika í Hafnarfirði.

7.flokkur karla æfir á mánudögum og miðvikudögum klukkan 15:15-16:15 í Íþróttahúsi Hagaskóla.

Við hvetjum alla sem vilja koma og prófa handbolta að kíkja í heimsókn. Antoine, Sverrir og Sigurvin taka vel á móti þeim !

A-lið KR er í 4. sæti í 1. deild karla eftir 4 umferðir

Mon, 27 Oct 2025 23:00:53 GMT

F-lið KR í efsta sæti í suðurriðli 4. deildar

Lið KR í deildakeppninni í borðtennis áttu misjöfnu gengi að fagna í leikjum helgarinnar. Tvær umferðir voru leiknar í 1.-3. deildum karla en þrjár í suðurriðli 4. deildar. Leikið var í Íþróttahúsinu við Strandgötu í Hafnarfirði. Þetta var önnur leikjahelgin af fimm á keppnistímabilinu, áður en kemur að úrslitakeppni.

A-lið KR er í 4. sæti í 1. deild með 2 stig. Liðið tapaði báðum leikjum sínum um helgina en nokkuð var um forföll í liðinu og þurfti að kalla til varamann. B-lið KR er neðst í 1. deild og er án stiga.

C-lið KR leikur í 2. deild. Liðið hefur 5 stig og gerði jafntefli í báðum leikjum helgarinnar.

D- og E-lið KR eru í 3. deild. Bæði liðin töpuðu leikjum sínum um helgina. KR-E hefur 4 stig eftir 4 leiki en KR-D er án stiga.

F-lið KR er í efsta sæti í suðurriðli deildarinnar með 9 stig. Liðið vann tvo leiki um helgina og gerði eitt jafntefli.

Úrslit úr leikjum helgarinnar hjá liðum KR:

1. deild karla

KR-A – Víkingur-A 0-6
BH-A – KR-B 6-1
KR-B – Víkingur-A 0-6
KR-A – BH-B 4-6

2. deild karla

Selfoss – KR-C 5-5
BR-A – KR-C 5-5

3. deild karla
HK-C – KR-D 6-1
KR-E – BR-B 2-6
KR-E – BM 1-6
BR-B – KR-D 6-2

4. deild karla - suðurriðill

Garpur-B – KR-F 1-6
KR-F – Umf. Selfoss-B 6-4
HK-D – KR-F 5-5

Á forsíðu má sjá mynd úr myndasafni af Mörtu Dögg Stefánsdóttur og Þórunni Erlu Gunnarsdóttur, liðsmönnum í KR-F.

Nýtt fjölnota íþróttahús verður að veruleika!

Sun, 26 Oct 2025 13:24:50 GMT

Loksins loksins!

Nýtt fjölnota íþróttahús verður að veruleika.

Mikil gleði og léttir ríkir í Vesturbænum eftir góðan dag í gær, þar sem strákarnir í fótboltanum stóðu sig mjög vel í síðasta leik tímabilsins. Það er einnig búið að vera ótrúlega gaman að fylgjast með þessum frábæru stuðningsmönnum sem við KR-inga búum að og má með sanni segja að uppgjöf þekkir enginn hér.

Og það er gaman að geta sagt frá því að fyrir helgina fengum við þau gleðitíðindi þegar innkaupa- og framkvæmdaráð Reykjavíkurborgar samþykkti að ganga til samninga við Eykt ehf. um byggingu nýs fjölnota íþróttahúss KR við Frostaskjól.

Þetta eru frábærar fréttir og risastór áfangi fyrir alla KR-inga. Þetta er ekki bara bygging, þetta er framtíðin okkar sem er að rísa! Við höfum beðið lengi eftir þessari stund og þessi ráðstöfun er gríðarlega stórt skref fyrir félagið okkar. Nýja húsið verður um 6700 fermetrar að stærð og mun gjörbreyta æfingaaðstöðunni og styðja við metnaðarfullt starf okkar. Betri aðstaða þýðir fleiri og betri æfingar sem og gerir það að verkum að hægt verður að æfa inni allt árið, sem mun skila sér í auknum árangri og enn betra starfi fyrir yngri flokka okkar.

Við erum spennt fyrir framtíðinni, það verður gaman að fylgjast með áframhaldandi uppbyggingu á KR-svæðinu okkar á næstu árum.

Hlakka til að sjá ykkur á körfuboltaleikjunum í vetur, þið stuðningsfólk KR eruð driffjöðrin í starfinu ykkar stuðningur er okkur allt.

ÁFRAM KR!!

Fyrir hönd Knattspyrnufélags Reykjavíkur,

Þórhildur Garðarsdóttir, formaður

Guðbjörg Vala sigraði í tveimur flokkum á Hjálmarsmóti KR

Mon, 20 Oct 2025 21:19:06 GMT

Lúkas og Viktor unnu "big table" tvíliðaleikinn

Guðbjörg Vala Gunnarsdóttir sigraði í tveimur flokkum á Hjálmarsmóti KR, sem fram fór í Íþróttahúsi Hagaskóla 18.-19. október. Hún sigraði í elite flokki kvenna og í opnum flokki B, þar sem voru karlar og konur með færri en 2000 stig á styrkleikalista.

Helena Árnadóttir varð í 2. sæti í elite flokki kvenna og Guðrún Gestsdóttir varð þriðja.

Lúkas André Ólason og Viktor Daníel Pulgar unnu "big table" tvíliðaleik, sem er skemmtiflokkur þar sem fjögur borð eru sett saman.

Karl A. Claesson varð í 3.-4. sæti í elite flokki karla. Óskar Agnarsson úr HK sigraði í flokknum, en hann tapaði einum leik, fyrir Lúkas André Ólasyni.

Fleiri KR-ingar unnu til verðlauna á mótinu. Hér eru úrslit úr þeim flokkum þar sem KR-ingar komust á verðlaunapall:

Elite flokkur kvenna
1. Guðbjörg Vala Gunnarsdóttir, KR
2. Helena Árnadóttir, KR
3. Guðrún Gestsdóttir, KR

Elite flokkur karla
1. Óskar Agnarsson, HK
2. Kristján Ágúst Ármann, BH
3.-4. Darian Adam Róbertsson Kinghorn, HK
3.-4. Karl Andersson Claesson, KR

Opinn flokkur B (-2000 stig)

1. Guðbjörg Vala Gunnarsdóttir, KR
2. Lúkas André Ólason, KR
3.-4. Darian Adam Róbertsson Kinghorn, HK
3.-4. Karl A. Claesson, KR

Opinn flokkur C (-1500 stig)

1. Benedikt Darri Malmquist, HK
2. Ari Jökull Jóhannesson, BH
3.-4. Benedikt Jiyao Davíðsson, Víkingi
3.-4. Viktor Daníel Pulgar, KR

Stelpur og strákar u14 (fædd 2014 eða síðar)

1. Brynjar Gylfi Malmquist, HK
2. Hjörleifur Brynjólfsson, HK
3.-4. Björn Kári Valsson, HK
3.-4. Dalmar Bragi Aronsson, KR

Byrjendaflokkur:

1. Elías Bjarmi Eyþórsson
2. Viktor Elí Valtýsson
3. Elísabet Ngo Björnsdóttir, KR
4. Sindri Már Arnarsson
5. Hinrik Úlfur Björgvinsson
6. María Vésteinsdóttir, KR

Karlar og konur 40 ára og eldri
1. Piotr Herman, BR
2. Stefán Óskar Orlandi, Umf. Selfoss
3. Hannes Guðrúnarson, KR
4. Jón Hansson, KR

„Big table“ tvíliðaleikur
1. Lúkas André Ólason/Viktor Daníel Pulgar, KR
2. Anton Óskar Ólafsson/Benedikt Aron Jóhannsson, Garpur/Víkingur
3.-4. Almar Elí Ólafsson/ Helena Árnadóttir, Umf. Selfoss/KR
3.-4. Karl A. Claesson/Luca de Gennaro Aquino, KR

Cube mót SH

Mon, 20 Oct 2025 12:00:56 GMT

A hópur Sunddeildar KR tók þátt Cube móti SH 18-19 október.
Miklar bætingar hjá okkar sundfólki og það bættust við fleiri lágmörk í Íslandsmeistara mótið sem verður haldið í laugardalslaug 7 - 9 nóvember

Verðlaunahafar helgarinnar voru:
Aldís Ögmundsdóttir - 3 sæti í 100m flugsundi 16-17 ára

Emilý Sóley P M Eysteinsdóttir - 1 sæti í 100m flugsundi 13 ára og yngri, 3 sæti í 200m fjórsundi 13 ára og yngri

Benedikt Bjarni Melsted - 3. sæti í 100m fjórsundi 16-17 ára
J ón Haukur Þórsson - 2. sæti í 100 m flugsundi 16-17 ára

Handboltaskóli Gróttu/KR

Mon, 20 Oct 2025 10:13:38 GMT

Handboltaskóli Gróttu/KR verður starfræktur í vetrarleyfinu. Skólinn er fyrir krakka í
1. - 6.bekk sem eru fædd 2014-2019. Skólinn hefst kl. 09:00 og honum lýkur kl. 12:00. Krakkarnir þurfa að hafa með sér nesti. Skipt verður í hópa eftir aldri.

Námskeiðsdagarnir eru:

Fimmtudagur 23.október
Föstudagur 24.október
Mánudagur 27.október
Þriðjudagur 28.október

Hægt er skrá sig á staka daga en líka á allt námskeiðið. Námskeiðið fer fram í Hertz-höllinni á Seltjarnarnesi.

Þjálfarar námskeiðsins er þjálfarar félagsins auk leikmanna meistaraflokks.

Skráningin fer fram í Abler en beinn hlekkur er hérna: https://www.abler.io/shop/grotta/handbolti/product/Q2x1YlNlcnZpY2U6NDgzMTM=/

Hjálmarsmótið í borðtennis 18.-19. október

Sat, 18 Oct 2025 11:29:01 GMT

Haldið í Íþróttahúsi Hagaskóla

Borðtennisdeild KR heldur Hjálmarsmótið í borðtennis 18.-19. október. Keppt verður í Íþróttahúsi Hagaskóla og hefst keppni kl. 14 á laugardeginum en kl. 9 á sunnudeginum. Bæði er keppt í aldursflokkum og styrkleikaflokkum og mótinu lýkur með keppni í "big table" tvíliðaleik með forgjöf á sunnudeginum.

KR Íslandsmeistari í liðakeppni drengja og stúlkna

Mon, 13 Oct 2025 23:32:26 GMT

Fjögur KR-lið til viðbótar fengu silfur og brons

Lið frá KR sigruðu í drengjaflokki og stúlknaflokki á Íslandsmóti í liðakeppni unglinga, sk. flokkakeppni. Mótið var haldið í Íþróttamiðstöðinni á Hvolsvelli 11. október.

A-lið KR, skipað þeim Guðbjörgu Völu Gunnarsdóttur og Helenu Árnadóttur sigraði í flokki stúlkna 16-18 ára. Þetta er fyrsta árið þeirra í stúlknaflokki en þær sigruðu í meyjaflokki síðustu tvö ár. B-lið KR varð í 3. sæti í flokknum, en liðið skipuðu Marta Dögg Stefánsdóttir og Þórunn Erla Gunnarsdóttir.

Lið KR sigraði sömuleiðis í flokki drengja 16-18 ára. Þeir Lúkas André Ólason og Viktor Daníel Pulgar voru einnig að keppa í fyrsta skipti í þessum aldursflokki en þeir sigruðu í sveinaflokki í fyrra.

Í flokki telpna 13 ára og yngri varð A-lið KR í 2. sæti og B-lið KR í 3.-4. sæti. Í A-liðinu voru Anna Villa Sigurvinsdóttir, Helga Ngo Björnsdóttir og Júlía Fönn Freysdóttir. B-liðið skipuðu Álfrún Milena Kvaran og Soffía Ramona Devaney.

Lið KR varð í 2. sæti í flokki meyja 14-15 ára en þær Emma Hertervig og KR Greta Sólrún McLaughlin léku fyrir KR í þessum flokki.

Frétt á vef BTÍ um mótið: BH, Dímon, Garpur, HK, KR og Laugdælir unnu flokkakeppnistitlana | Borðtennissamband Íslands og myndirnar eru frá BTÍ.

Vinavikur handboltans

Wed, 08 Oct 2025 12:29:52 GMT

Næstu tvær vikur í handboltanum eru vinavikur. Þá hvetjum við alla iðkendur til að bjóða vinum og vinkonum sínum með sér á æfingu þeim að kostnaðarlausu. Enn fremur mega allir krakkar koma á þessum tíma og prófa æfingar.

Þjálfarar flokkanna taka vel á móti öllum sem koma á æfingar. Æfingatöflu handboltans má sjá hér: https://www.kr.is/handbolti

Á fram KR og áfram Grótta/KR !

Nettó mót Ægis

Tue, 07 Oct 2025 12:34:17 GMT

Sunddeild KR tók þátt á Nettó móti Ægis seinustu helgi í laugardalslaug. Skemmtilegt mót og frábær stemning, miklar framfarir og bætingar hjá okkar sundfólki
Áfram KR!!!

Reykjavíkurmeistara mótið í sundi

Fri, 03 Oct 2025 11:23:12 GMT

Reykjavíkur meistara mótið í sundi var haldið hátíðlega í Laugardalslaug 28 september.
Alls voru 18 KR-ingar sem kepptu á mótinu og stóðu þau sig frábærlega

KR vann til 28 verðlauna á mótinu.
9 gull 12 silfur 7 brons

Takk öll – sundfólk, þjálfarar og stuðningsfólk – fyrir kraft, samheldni og toppstemningu.
Áfram KR!

Bikarkeppni SSÍ

Fri, 03 Oct 2025 11:14:34 GMT

Bikarkeppni SSÍ fór fram í Ásvallalaug 27 september.
Sunddeild KR keppti sem partur af sameinuðu liði Reykjavíkur og hafnaði í 3 sæti í 1. deild

KR-ingar stóðu sig glæsilega og bættu sína bestu tíma í öllum greinum.

Gullmót KR 2026

Fri, 26 Sep 2025 09:59:13 GMT

Gullmót KR fer fram í nítjánda skipti í Laugardalslaug 13.-15. febrúar. Mótið er opið öllum aldursflokkum, þar sem keppt er í 60 greinum í 5 mótshlutum, auk KR Super Challenge flugsundskeppni á laugardagskvöldi. Eins og áður verður keppendum boðið upp á góða gistingu og mat í Laugalækjarskóla á meðan á mótinu stendur.
Allar upplýsingar um Gullmót KR eru núna á heimasíðu sunddeildarinnar:
https://www.kr.is/gullmot-kr8ade16be

Árskortasalan hafin - sérstök tilboðsverð til mánaðarmóta

Wed, 24 Sep 2025 12:50:12 GMT

Sala árskorta á heimaleiki meistaraflokka KR körfu fyrir tímabilið 2025-2026 er hafin. Ef greitt er í eingreiðslu eru kortin á sérstöku tilboðsverði út september. Kynnið ykkur kortin hér fyrir neðan. Sala árskorta fer fram í gegnum Stubb .

Árskort fyrir 1

Gildir fyrir einn (1) á heimaleiki mfl. karla og kvenna í deildarkeppni og úrslitakeppni, ekki á bikarleiki. Kaffi í hálfleik. Hægt að staðgreiða eða dreifa greiðslum á 12 mánuði. Tilboð gildir fyrir eingreiðslu.
- Tilboðsverð 30.000 krónur (fullt verð 36.000 kr) eða 3.000 kr á mánuði í 12 mánuði.
Kaupa árskort í gegnum Stubb

Árskort fyrir 2

Gildir fyrir tvo (2) á heimaleiki mfl. karla og kvenna í deildarkeppni og úrslitakeppni, ekki á bikarleiki. Kaffi í hálfleik. Hægt að staðgreiða eða dreifa greiðslum á 12 mánuði. Tilboð gildir fyrir eingreiðslu.
- Tilboðsverð 60.000 krónur (fullt verð 66.000 kr) eða 5.500 krónur á mánuði í 12 mánuði.
Kaupa árskort í gegnum Stubb

Bakhjarl fyrir 1

Gildir fyrir einn (1) á heimaleiki mfl. karla og kvenna í deildarkeppni og úrslitakeppni ekki á bikarleiki. Kaffi í hálfleik. Hamborgari og drykkur á heimaleikjum karla og kvenna í deild. Einn hittingur yfir tímabilið. Sérstakur stuðningur við körfuknattleiksdeildina. Hægt að staðgreiða eða dreifa greiðslum á 12 mánuði. Tilboð gildir fyrir eingreiðslu.
- Tilboðsverð 72.000 krónur (fullt verð 84.000 kr) eða 7.000 kr á mánuði í 12 mánuði.

Kaupa árskort í gegnum Stubb

Bakhjarl fyrir 2

Gildir fyrir tvo (2) á heimaleiki mfl. karla og kvenna í deildarkeppni og úrslitakeppni ekki á bikarleiki. Kaffi í hálfleik. Hamborgari og drykkur á heimaleikjum karla og kvenna í deild fyrir tvo (2). Einn hittingur yfir tímabilið. Sérstakur stuðningur við körfuknattleiksdeildina. Hægt að staðgreiða eða dreifa greiðslum á 12 mánuði. Tilboð gildir fyrir eingreiðslu.

- Tilboðsverð 99.000 krónur (fullt verð 120.000 kr) eða 10.000 kr á mánuði í 12 mánuði.

Kaupa árskort í gegnum Stubb

Bakhjarl premium fyrir 1

Gildir fyrir einn (1) á heimaleiki mfl. karla og kvenna í deildarkeppni og úrslitakeppni ekki á bikarleiki. Kaffi í hálfleik. Hamborgari og drykkur á heimaleikjum karla og kvenna í deild. Bjór eins og þig lystir fyrir leik og í hálfleik á heimaleikjum karla ofg kvenna. Gildir fyrir einn (1) á heimaleiki KV í 1.deild karla og kvenna(og úrslitakeppni). Einn hittingur yfir tímabilið. Sérstakur stuðningur við körfuknattleiksdeildina. Hægt að staðgreiða eða dreifa greiðslum á 12 mánuði. Tilboð gildir fyrir eingreiðslu.
- Tilboðsverð 120.000 krónur (fullt verð 150.000 kr) eða 12.500 kr á mánuði í 12 mánuði.

Kaupa árskort í gegnum Stubb

Bakhjarl premium fyrir 2

Tilboð til 30/9. Fullt verð 180.000 kr. Gildir fyrir tvo (2) á heimaleiki mfl. karla og kvenna í deildarkeppni og úrslitakeppni ekki á bikarleiki. Kaffi í hálfleik. Hamborgari og drykkur á heimaleikjum karla og kvenna í deild fyrir tvo (2). Bjór eins og þig lystir fyrir leik og í hálfleik á heimaleikjum karla og kvenna. Gildir fyrir tvo (2) á heimaleiki KV í 1.deild karla og kvenna (og úrslitakeppni). Einn hittingur yfir tímabilið. Sérstakur stuðningur við körfuknattleiksdeildina. Hægt að staðgreiða eða dreifa greiðslum á 12 mánuði. Tilboð gildir fyrir eingreiðslu.
- Tilboðsverð 150.000 krónur (fullt verð 180.000 kr) eða 15.000 kr á mánuði í 12 mánuði.

Kaupa árskort í gegnum Stubb

Foreldrakort

Gildir fyrir einn (1) á heimaleiki mfl. karla og kvenna í deildarkeppni , ekki í úrslitakeppni eða á bikarleiki.

- Tilboðsverð 25.000 krónur (fullt verð 30.000 kr)

Kaupa árskort í gegnum Stubb

Undir 25 ára

Gildir fyrir einn (1) á heimaleiki mfl. karla og kvenna í deildarkeppni , ekki í úrslitakeppni eða á bikarleiki.
- Tilboðsverð 15.000 krónur (fullt verð 20.000 kr)

Kaupa árskort í gegnum Stubb

67 ára og eldri

Gildir fyrir einn (1) á heimaleiki mfl. karla og kvenna í deildarkeppni , ekki í úrslitakeppni eða á bikarleiki.

- Tilboðsverð 25.000 krónur (fullt verð 30.000 kr)

Kaupa árskort í gegnum Stubb

Tilboðsverðin gilda til og með 30. september nk. Árskortin eru seld í gegnum Stubb .

Gull í Póllandi

Mon, 22 Sep 2025 13:51:41 GMT

Íþróttamaður KR, taekwondo kappinn Guðmundur Flóki Sigurjónsson, fór til Póllands nú um helgina á sterkt bardagamót – Polish Open. Keppendur voru um 1000 á mótinu. Guðmundur Flóki var í 18 manna flokki, undir 80 kg senior, og taldist tíundi sterkasti keppandinn í flokknum út frá stigafjölda á heimslista, því sat hann hjá í fyrstu umferð.

Í 16 manna úrslitum mætti hann silfurverðlaunahafa frá síðasta heimsmeistaramóti í junior flokki og sigraði örugglega í tveimur lotum. Næst mætti hann mjög sterkum úkraínskum keppanda sem er núna í 9. sæti heimslistans og sigraði 2-1 og komast þannig inn í undanúrslit. Þar mætti hann Azerbajan, sigraði og var þar með kominn í sjálfan úrslitabardagann.

Úrslitabardaginn var á móti Króatískum keppanda, Oscar Kovacic sem var skráður sem sterkasti keppandinn í flokknum og er í fimmta sæti heimslistans. Flóki vann fyrstu lotu en Króatinn kom til baka í annarri lotu og jafnaði metinn. Úrslitabardagi og úrslitalota, hér koma sterkar taugar að góðum notum! Guðmundur Flóki sýndi hvað í honum býr og tryggði sér öruggan sigur í síðustu lotunni og gullið komið í hús.

Við óskum gulldregnum innilega til hamingju og óskum honum um leið góðs gengis á HM sem fer fram í Kína í næsta mánuði!

Deildakeppnin í borðtennis hefst um helgina

Sat, 20 Sep 2025 11:33:34 GMT

Leikið í Íþróttahúsi Snælandsskóla í Kópavogi

Deildakeppnin í borðtennis hefst um helgina, en leikið er í 1.-4. deild karla í Íþróttahúsi Snælandsskóla í Kópavogi.

Keppni í 1. deild hefst kl. 13 laugardaginn 20. september en kl. 9 þann sama dag er keppt í 2. deild.

Sunnudaginn 21. september hefst keppni í 3. deild kl. 9 og í suðurriðli 4. deildar kl. 13.

KR á tvö lið af sex í 1. deild karla, eitt lið í 2. deild, tvö lið í 3. deild og eitt í suðurriðli 4. deildar.

Keppni í kvennadeildum hefst 8. nóvember.

Á forsíðunni má sjá lið B-lið KR, sem sigraði í 2. deild á síðasta keppnistímabili.

Minningarorð um Guðrúnu Kristinsdóttur

Fri, 19 Sep 2025 11:02:20 GMT

Í dag fylgjum við KR-ingnum Guðrúnu Björk síðasta spölinn, en hún lést þann 1.september síðastliðinn eftir erfið veikindi. Guðrún var fædd og uppalin í KR og hóf ung að árum að æfa með félaginu. Guðrún var alla tíð ákaflega hliðholl sínu félagi og lagði mikið á sig til þess að geta orðið KR að sem bestu liði.

Guðrún gegndi hinum ýmsu störfum fyrir KR. Hún sat meðal annars í stjórn körfuknattleiksdeildarinnar í sex ár og þar af í fimm ár sem formaður deildarinnar. Guðrún átti stóran þátt í velgengni félagsins á þeim árum, og varð karlalið deildarinnar m.a. Íslandsmeistari fimm sinnum á þeim árum. Guðrún beitti sér einnig fyrir uppbyggingu á barna og unglingastarfi félagsins. Eins lét hún sig miklu varða uppbyggingu á kvennastarfi félagsins og lagði mikinn metnað í að byggja það upp.

Guðrún var kosin í aðalstjórn KR árið 2020 og sat þar til síðustu stundar. Síðustu þrjú árin hefur hún jafnframt setið í framkvæmdastjórn félagsins.

Sem eigandi Bæjarins beztu hefur Guðrún einnig verið einn öflugasti bakhjarl körfuknattleiksdeildarinnar í áratugi.

Guðrún var sæmd Stjörnu KR á 125 ára afmæli félagsins árið 2024.

Guðrún var kosin í stjórn Körfuknattleikssambands Íslands árið 2021 og aftur árið 2023 og var gjaldkeri stjórnar KKÍ þegar hún lést.

Í dag kveð ég ekki bara sterkan og góðan KR-ing heldur einnig kæra vinkonu. Við Guðrún kynntumst í KR og gáfum báðar kost á okkur í aðalstjórn nokkrum árum síðar. Þú varst minn helsti stuðningsmaður í einu og öllu, hvattir mig áfram og hafðir óbilandi trú á mér. Það var margt sem við ætluðum að gera og klára saman. Aðeins viku áður en þú fórst settumst við niður og ræddum framtíðarsýnina og hvað þyrfti að gera. Þetta átti ekki að fara svona, við ákváðum það í fyrrasumar úti í Lundi. Þú varst svo hrikalega dugleg og sterk að maður hafði meiri áhyggjur af því að þú keyrðir þig of hart því uppgjöf var ekki til í þinni orðabók. „Uppgjöf þekkir enginn hér“ átti svo vel við þig og þína framgöngu alla. Ég er óendalega þakklát fyrir að hafa kynnst þér, átt þig að í mínu horni. Við gátum alltaf hlegið saman og talað saman. Takk fyrir allt.

KR-ingar kveðja Guðrúnu með mikilli eftirsjá og kærum þökkum og sendum Baldri, Jónasi og öðrum aðstandendum og vinum innilegar samúðarkveðjur.

F.h. Knattspyrnufélags Reykjavíkur

Þórhildur Garðarsdóttir

Formaður KR

Kara og Rakel í U17

Fri, 12 Sep 2025 11:12:41 GMT

Aldís Ylfa Heimisdóttir landsliðsþjálfari U17 kvenna, hefur valið Köru Guðmundsdóttur og Rakel Grétarsdóttur í leikmannahóp sem tekur þátt í æfingamóti sem verður haldið í Porto, Portúgal dagana 26. til 30.september.

Til hamingju stelpur og gangi ykkur vel!!

Tristan Gauti í U16

Fri, 12 Sep 2025 10:57:00 GMT

Ómar Ingi Guðmundsson, landsliðsþjálfari U16 karla, hefur valið Tristan Gauta Línberg Arnórsson í leikmannahóp sem tekur þátt í æfingamóti í Finnlandi dagana 23.-26. september. Ísland mætir þar Eistlandi, Finnlandi og Norður-Írlandi!

Til hamingju Tristan Gauti og gangi þér vel!!

HANDBOLTINN ER BYRJAÐUR

Fri, 12 Sep 2025 10:41:21 GMT

Handboltaæfingarnar eru komnar á fullt og okkur langar að fá enn þá fleiri krakka til að prófa handbolta. Við erum með frábæra þjálfara sem taka vel á móti krökkunum.

Það kostar ekkert að koma í heimsókn og prófa nokkrar æfingar.

Æfingatöflu yngstu flokkanna má sjá hér á myndinni. Allar nánari upplýsingar má finna á https://www.kr.is/handbolti

Áfram handbolti !

Handboltinn kominn á fullt í KR

Fri, 12 Sep 2025 10:35:33 GMT

Undanfarin ár hefur 7. og 8.flokkur karla æft saman í íþróttahúsi Hagaskóla. Þörfin fyrir breytingu var mikil þar sem aldursbilið var breitt og æfingatíminn hentaði yngstu strákunum illa. Núna í haust var breyting á því og nú æfir 7.flokkur sér og 8.flokkur sér og seinna á daginn. Þessi breyting hefur fallið vel í kramið og núna mæta að staðaldri 30-35 strákar á æfingar 7.flokks og um 13-15 strákar á æfingar 8.flokks.

Á myndinni má sjá kampakáta leikmenn 7.flokks eftir æfingu.

Þjálfararnir eru frábærir en Antoine Óskar Pantano er aðalþjálfari strákanna og með honum eru Sverrir Arnar Hjaltason, Þórður Magnús Árnason og Sigurvin Elí Jónsson.

Það eru allir velkomnir á æfingar og taka Antoine og félagar vel á móti nýjum andlitum. Æfingarnar eru:

7.flokkur karla (f. 2016-2017)
Mánudagar kl. 15:15-16:15
Miðvikudagar kl. 15:15-16:15

8.flokukr karla (f. 2018-2019)
Mánudagar kl. 16:15-17:15
Miðvikudagar kl. 16:15-17:05.

Allar æfingar fara fram í íþróttahúsi Hagaskóla.

Kynningarfundur fyrir 2. flokk kvenna í fótbolta

Mon, 08 Sep 2025 14:47:51 GMT

Í kvöld, 8. september kl. 20:00 er kynningarfundur fyrir 2. flokk kvenna í fótbolta.

Allar stelpur fæddar 2007, 2008 og 2009 eru velkomnar. Þjálfari flokksins er Guðjón Kristinsson. Fundurinn verður haldinn í félagsheimili KR.

Vonandi sjáum við sem flestar stelpur! Foreldrar og forráðamenn eru að sjálfsögðu velkomin líka.

Áfram KR!

Guðrún Kristmundsdóttir látin

Thu, 04 Sep 2025 10:41:03 GMT

KR-ingurinn Guðrún Kristmundsdóttir lést 1. september eftir erfið veikindi, 63 ára að aldri. Guðrún var fædd og uppalin í KR og hóf ung að árum að æfa með KR.

Guðrún var alla tíð ákafur stuðningsmaður félagsins og lét ekki sitt eftir liggja þegar kom að sjálfboðaliðastörfum. Guðrún gegndi margvíslegum störfum fyrir KR, hún sat í stjórn körfuknattleiksdeildar KR í sex ár, þar af fimm ár sem formaður deildarinnar. Á þeim fimm árum sem hún var formaður deildarinn varð karlalið félagsins Íslandsmeistari öll árin.

Guðrún var kosin í aðalstjórn KR árið 2020 og setið verið þar síðan. Síðustu tvö árin hefur hún jafnframt setið í framkvæmdastjórn félagsins.

Guðrún var kosin í stjórn Körfuknattleikssambands Íslands árið 2021 og aftur 2023 og var gjaldkeri stjórnar KKÍ þegar hún lést.

Þess ber einnig að geta að Guðrún rak Bæjarins Beztu Pylsur í meira en 30 ár og hefur fyrirtækið stutt dyggilega við starf körfuknattleiksdeildar KR allan þann tíma.

KR-ingar kveðja Guðrúnu með mikilli eftirsjá og kærum þökkum og sendum aðstandendum og vinum innilegar samúðarkveðjur.

F.h. Knattspyrnufélags Reykjavíkur

Þórhildur Garðarsdóttir

Formaður KR

Eyþór Daði nýr íþróttastjóri

Wed, 03 Sep 2025 14:50:56 GMT

Eyþór Daði Kjartansson hefur verið fastráðinn inn sem íþróttastjóri KR.

Eyþór tekur við af Birgi Steini Styrmissyni, en Birgir mun verða Eyþóri innan handar næstu daga.

Netfang nýs íþróttafulltrúa er eythor@kr.is og símanúmer 8979183.

Við bjóðum Eyþór Daða hjartanlega velkominn í KR!

Opið hús í KR og Lagersala í KR búðinni

Mon, 01 Sep 2025 21:21:18 GMT

Fimmtudaginn 4.september kl. 17:00-18:30 er opið hús í KR þar sem öllum er velkomið að koma í heimsókn í A-sal íþróttahússins og kynnast starfsemi allra deilda!

Eftirtaldar deildir verða með kynningarbás: badmintondeild, borðtennisdeild, frjálsíþróttadeild, glímudeild, handboltadeild, knattspyrnudeild, Kraftur í KR, KR konur, KR skokk, körfuknattleiksdeild, skákdeild, skíðadeild, sunddeild og taekwondodeild!

KR búðin verður einnig á svæðinu með LAGERSÖLU!! Lagersalan verður aðeins á opna húsinu! Þið viljið ekki missa af henni!!

Sendið þetta á vini ykkar og látið orðið berast!
Sjáumst á fimmtudaginn!

ÁFRAM KR!!

Opið hús hjá Borðtennisdeild KR 3. september

Mon, 01 Sep 2025 21:02:44 GMT

Borðtennisdeild KR er með opið hús í Íþróttahúsi Hagaskóla miðvikudaginn 3. september kl. 17.30 - 19.30. Sjá nánar í meðfylgjandi auglýsingu.

Æfingar hefjast 1. september.

Ragna Lára í U16 æfingahóp

Fri, 29 Aug 2025 13:28:56 GMT

Aldís Ylfa Heimisdóttir, landsliðsþjálfari U16 kvenna, hefur valið Rögnu Láru Ragnarsdóttur á landsliðsæfingar dagana 8.-10. september.

Gangi þér vel Ragna Lára!!

Kara, Matthildur og Rakel í U17 æfingahóp

Fri, 29 Aug 2025 13:27:49 GMT

Aldís Ylfa Heimisdóttir, landsliðsþjálfari U17 kvenna, hefur valið Köru Guðmundsdóttur, Matthildi Eygló Þórarinsdóttur og Rakel Grétarsdóttur á landsliðsæfingar dagana 8.-10. september.

Gangi ykkur vel stelpur!!

Halldór, Júlíus og Galdur í U21

Thu, 28 Aug 2025 14:37:35 GMT

Ólafur Ingi Skúlason, landsliðsþjálfari U21 karla, hefur valið Halldór Snæ Georgsson, Galdur Guðmundsson og Júlíus Mar Júlíusson í hóp sem mætir Færeyjum og Eistlandi í undankeppni EM 2027.

Leikirnir eru fyrstu leikir liðsins í undankeppninni. Ísland mætir Færeyjum á Þróttarvelli fimmtudaginn 4. september og hefst sá leikur kl. 17:00. Liðið fer svo til Eistlands og mætir þar heimamönnum mánudaginn 8. september í Tallin.

Gangi ykkur vel strákar!

Opið fyrir skráningu í frjálsar

Wed, 27 Aug 2025 13:53:43 GMT

Æfingar á haustönn hjá frjálsíþróttadeild KR hófust föstudaginn 22. ágúst.

Iðkendur skipast í tvo hópa, 1.-4. bekk og 5.-10. bekk. Æfingatöfluna má sjá hér .

Æfingagjöld fyrir önnina hjá yngri hópnum eru 49.000 - kr. og 65.000 - kr. fyrir eldri hópinn.

Þjálfarar eru Sigrún Guðný Markúsdóttir og Þórunn Sigurðardóttir.

Allar skráningar fara fram í gegnum ABLER .

Guðmundur Flóki á leið á HM

Wed, 27 Aug 2025 13:41:08 GMT

Íþróttamaður KR, Guðmundur Flóki Sigurjónsson, hefur verið að standa sig vel í fullorðinsflokki þrátt fyrir að vera enn gjaldgengur í unglingaflokki. Hann keppir núna í -80 kg flokki og er kominn í 82. sæti heimslistans.

Í október verður haldið heimsmeistaramót og fer það fram í Wuxi í Kína og var Guðmundur Flóki valinn til að keppa þar fyrir hönd íslenska landsliðsins ásamt þeim Leo Anthony Speight og Ingibjörgu Erlu Grétarsdóttur, en Richard Fairhurst landsliðsþjálfari tilkynnti þetta á dögunum.

Glæsilegt upphafs ár í keppni í fullorðinsflokki hjá okkar manni. Hlökkum til að sjá hvernig gengur á HM!

Taekwondo af stað í Melaskóla

Wed, 27 Aug 2025 13:38:30 GMT

Taekwondo-deildin flytur sig um set og hefjast leikar í Melaskóla þann 1. september.

Vegna mikillar ásóknar undanfarið hefur nýjum flokkum verið bætt. Sjá flokkana hér .

Tíma hvers hóps má sjá hér á heimasíðunni, skoða æfingatíma .

Hlökkum til að sjá gamla og nýja félaga á nýjum stað í september!

Lið fyrir liði - Styrktarleikur

Tue, 26 Aug 2025 13:39:52 GMT

Knattspyrnudeild KR lætur gott af sér leiða með styrktarleik til stuðnings Gigtarfélagi Íslands. Leikurinn fer fram á Meistaravöllum fimmtudaginn 28. ágúst þar sem kvennalið KR spilar við Hauka og styrkir Gigtarfélagið um leið.

Leggðu okkur lið

Leikmenn KR munu spila í sérstökum viðhafnarkeppnisbúningi sem hefur verið hannaður sérstaklega fyrir tilefnið. Búningurinn verður einnig til sölu í takmörkuðu upplagi fyrir leikinn. Allur ágóði sölunnar og miðasölu á leikinn mun renna til Gigtarfélags Íslands.

Fræðslufundur um Gigtarfélagið

Tue, 26 Aug 2025 13:13:35 GMT

Miðvikudaginn 27. ágúst bjóðum við upp á fræðslufund um gigtarsjúkdóma og starfsemi Gigtarfélags Íslands. Fundurinn fer fram í félagsheimili KR kl. 18:00 en fundarstjóri verður Pálmi Rafn Pálmason framkvæmdastjóri KR.

Hrönn Stefánsdóttir formaður Gigtarfélagsins segir frá starfi félagsins og þeim stuðningi og þjónustu sem félagið veitir fólki með gigt og fjölskyldum þeirra. Katrín Þórarinsdóttir gigtarlæknir mun fjalla almennt um gigtarsjúkdóma, áhrif þeirra og hvað hægt sé að gera til að bæta líðan og lífsgæði gigtarsjúklinga. Að lokum verður opið fyrir spurningar.

Verið öll hjartanlega velkomin – aðgangur er ókeypis.

Guðbjörg Vala hækkaði mest allra kvenna á styrkleikalistanum

Thu, 21 Aug 2025 20:55:21 GMT

Lúkas hækkaði næstmest allra karla

Guðbjörg Vala Gunnarsdóttir hækkaði mest allra kvenna á styrkleikalista BTÍ á síðasta keppnistímabili, en hún bætti við sig 187 stigum á milli ára. Þetta er annað árið í röð sem hún bætir sig mest kvenna. Helena Árnadóttir varð í 3. sæti yfir mesta bætingu, en hún bætti sig um 63 stig og Þórunn Erla Gunnarsdóttir varð fjórða, en hún hækkaði um 49 stig á milli ára.

Lúkas André Ólason bætti sig næstmest allra karla, en hann hækkaði um 264 stig á milli ára. Benedikt Aron Jóhannsson úr Víkingi hækkaði mest allra á listanum en hann hækkaði um 353 stig.

Sjá nánar á vef Borðtennissambands Íslands, www.bordtennis.is .

Golfmót KR 2025

Thu, 21 Aug 2025 10:18:22 GMT

Golfmót KR verður haldið sunnudaginn 24. ágúst! Mótið er styktarmót Framtíðarsjóðs KR og verður haldið á Nesvellinum.

Fyrsta holl er ræst út kl. 13:00 og svo koll af kolli. Leiknar verða 9-holur með punktafyrirkomulagi. Veitt verða verðlaun fyrir efstu sætin ásamt því að dregið verður úr skorkortum. Veglegir vinningar verða í boði og ber þar hæst að nefna glæsilega ferðavinninga.

Skráning fer fram í gegnum GolfBox og er mótsverð 8.000 kr. Ágóði mótsins fer í Framtíðarsjóð KR en markmið sjóðsins er að verða með tíð og tíma hornsteinn félagsins alls, varanlegur grunnur fyrir framþróun félagsins um ókomin ár. Sjóðurinn hefur verið öflugur síðustu ár að styðja við yngri flokka starf félagsins.

Mótið er opið öllum sem vilja styrkja KR og leggja góðu málefni lið

Æfingatafla 2025/2026 og flokkaskipti

Mon, 18 Aug 2025 20:52:23 GMT

Hér að neðan má sjá æfingatöflu knattspyrnudeildar veturinn 2025/2026.

Taflan er birt með fyrirvara um breytingar.

Vetrartaflan tekur gildi frá og með mánudeginum 25.ágúst.

Flokkaskipti, 8., 7. og 6. flokkur
Lokaæfingar hjá 8., 7. og 6.flokki karla og kvenna eru 21.ágúst og 22.ágúst. Eftir það taka iðkendur flokkanna vikufrí. Æfingar hefjast aftur 1.september eftir flokkaskipti.

Eftir flokkaskipti raðast árgangarnir svona í flokkana:

8.flokkur - iðkendur fæddir 2021 og 2020

7.flokkur - iðkendur fæddir 2019 og 2018

6.flokkur - iðkendur fæddir 2016 og 2017

5. flokkur, yngra ár - iðkendur fæddir 2015

Flokkaskipti, 5. flokkur

Lokaæfingar hjá 5.flokki karla og kvenna eru 29. ágúst. Eftir það taka iðkendur flokkanna vikufrí. Æfingar hefjast aftur 5.september eftir flokkaskipti.

Eftir flokkaskipti raðast árgangarnir svona í flokkana:

5. flokkur, eldra ár - iðkendur fæddir 2014

4. flokkur, yngra ár - iðkendur fæddir 2013

Flokkaskipti, 4. flokkur
Lokaæfingar hjá 4.flokki karla og kvenna eru 14. september. Eftir það taka iðkendur flokkanna vikufrí. Æfingar hefjast aftur 22.september eftir flokkaskipti.

Eftir flokkaskipti raðast árgangarnir svona í flokkana:

4. flokkur, eldra ár - iðkendur fæddir 2012

3. flokkur, yngra ár - iðkendur fæddir 2011

Flokkaskipti, 3. flokkur

Lokaæfingar hjá 3.flokki karla og kvenna eru 21. september. Eftir það taka iðkendur flokkanna frí. Æfingar fyrir iðkendur fædda 2010 hefjast aftur 29.september eftir flokkaskipti. Æfingar fyrir iðkendur fædda 2009 hefjast aftur 1.október eftir flokkaskipti.

Eftir flokkaskipti raðast árgangarnir svona í flokkana:

3. flokkur, eldra ár - iðkendur fæddir 2010

2. flokkur - iðkendur fæddir 2009

Íþróttaskóli KR 2025

Mon, 18 Aug 2025 20:01:04 GMT

Skráning er hafin á haustönn Íþróttaskóla KR 2025 - skráning fer fram á ABLER !

Á þessari haustönn verð þrír hópar í Íþróttaskólanum. Hópunum verða skipt á eftirfarandi hátt:

09:00 - 09:50, börn fædd 2023

10:00 -10:50, börn fædd 2022

11:30 - 12:20, börn fædd 2020 - 2021

Fyrstu tveir hóparnir eru settir upp þannig að við byrjum með upphitun og svo verður

þrautabraut með allskyns æfingum sem reynir á styrk, jafnvægi og þor. Börnin fá líka frjálsan tíma til leika sér með ýmsum gerðum af boltum og þroskaleikföngum sem æfa hreyfigetu og styrk.Tímanum lýkur svo á róandi stund með samveru og slökun.

Síðasti hópurinn er með öðru sniði í ár. Við munum kynna fyrir börnunum sem fædd eru 2020-21 flestar þær íþróttagreinar sem eru boði hjá KR. Við munum kenna helstu reglur og grunntækni íþróttana en ásamt því fá þau að læra skemmtilega leiki sem hafa verið vinsælir hjá börnum i gegnum tíðina og eitthvað fleira skemmtilegt.

Skólastjóri íþróttaskólans er Sigrún Skarphéðinsdóttir.

ÁRGANGAMÓT KR 2025

Mon, 18 Aug 2025 19:43:58 GMT

Árgangamót KR verður haldið laugardaginn 13.september á Meistaravöllum!

Lið þurfa að lágmarki að hafa 7 leikmenn, óháð kyni. 2005 er yngsti árgangurinn sem getur tekið þátt á mótinu.

Mótið verður sett kl. 14:00 og verður gleðskapur inni í félagsheimilinu að móti loknu.

Nánari dagskrá verður tilkynnt þegar nær dregur.

Skráning á mótið fer fram hér .

Fyrirliði hvers liðs greiðir inn á reikning 0137 - 26 - 005911, kt.591184 - 0169.

Skráning staðfestst þegar greiðsla er komin í hús. Verð: 30.000kr. á lið.

Hlökkum til að sjá sem flesta árganga!

ÁFRAM KR!

Handboltaskóli og Afreksskóli Gróttu/KR

Mon, 18 Aug 2025 19:24:41 GMT

Síðasta vikan í Handboltaskólanum hófst í dag. Öll skráning á námskeiðið fer fram á Abler.

HANDBOLTASKÓLI GRÓTTU/KR
Skólinn er fyrir krakka f. 2014-2019 en krökkunum verður skipt upp eftir aldri þannig að öll njóti sín sem best. Byrjendur jafnt sem lengra komin eru velkomin. Krakkarnir eru beðnir um að taka með sér nesti.

Námskeiðið er frá 9:00-12:00 en við bjóðum upp á gæslu frá 8:00-9:00 og síðan aftur 12:00-13:00.

Beinn hlekkur á skráningu í handboltaskólann er hérna .

AFREKSSKÓLI GRÓTTU/KR
Skólinn er fyrir krakka og unglinga f. 2010-2013 og er ætlaður fyrir iðkendur sem vilja æfa aukalega og vera enn tilbúnari fyrir handboltaveturinn. Námskeiðið er kl. 13:00-14:15.

Beinn hlekkur á skráningu í Afreksskólann er hérna .

Skólastjóri námskeiðanna er Patrekur Pétursson Sanko en ásamt honum verða okkar frábæru þjálfarar félagsins að þjálfa á námskeiðinu. Námskeiðin eru haldin í Hertz-höllinni á Seltjarnarnesi.

KR vann flesta Íslandsmeistaratitla á síðasta keppnistímabili

Wed, 13 Aug 2025 21:40:38 GMT

KR fékk sömuleiðis langflest verðlaun allra félaga á Íslandsmótum og í deildakeppnum

KR vann flesta Íslandsmeistaratitla allra félaga keppnitímabilið 2024-2025, 17,5 talsins, af 48 titlum sem keppt var um. Víkingur vann 9,5 titla og BH 7,5 titla.

Víkingar unnu flesta titla í fullorðisflokkum, 4,5 talsins, BH vann fjóra titla og KR þrjá. KR vann flesta titla í unglingaflokkum, 7,5 talsins og í öldungaflokkum, sjö titla.

Guðbjörg Vala Gunnarsdóttir og Helena Árnadóttir, KR unnu flesta titla eða fjóra, ásamt Benedikt Aron Jóhannssyni úr Víkingi. Aldís Rún Lárusdóttir, Guðrún Gestsdóttir, Ingólfur Sveinn Ingólfsson og Lúkas André Ólason unnu þrjá titla, ásamt Antoni Óskari Ólafssyni úr Garpi.

Alls voru veitt 162 verðlaun á Íslandsmótunum þetta árið. KR fékk langflest verðlaun eða 62,5, BH fékk 22, Garpur 17 og HK og Víkingur 16,5 hvort félag.

Þess má geta að fjölskylda Guðrúnar Gestsdóttur og Gunnars Skúlasonar vann tíu gullverðlaun á Íslandsmótum og í deildakeppni á keppnistímabilinu, en þau verðlaun unnu Guðrún og börn hennar, Guðbjörg Vala, Eiríkur Logi, Gestur og Skúli Gunnarsbörn.

Alvotech dagurinn 2025

Wed, 13 Aug 2025 10:31:23 GMT

Alvotech hátíðardagur KR 2025 verður haldinn fimmtudaginn 14. ágúst!

Alvotech, stoltur styrktaraðili KR, býður í líflega og fjölbreytta hátíð á Meistaravöllum. Það verður skemmtun fyrir alla aldurshópa en dagskráin lýkur með leik KR – Grindavík/Njarðvík sem hefst klukkan 19:15!

Dagskráin er eftirfarandi:

17:00 Knattþrautir á Meistaravöllum

17:20 Fyrirlestrar í A-sal

17:40 Sirkus Íslands

18:45 Pylsuveisla við stúkuna

19:15 KR – Grindavík/Njarðvík, FRÍTT á völlinn í boði Alvotech!

Michael Akoto í KR

Wed, 13 Aug 2025 10:19:30 GMT

Michael Akoto (1997) hefur skrifað undir samning við félagið út tímabilið 2027! Michael Akoto er þýskur varnarmaður sem var síðast á mála hjá AGF í dönsku fyrstu deildinni.

Við hlökkum mikið til að sjá Michael Akoto á vellinum og bjóðum hann velkominn í KR!

Júlía Karitas í æfingahóp U15

Mon, 11 Aug 2025 11:02:20 GMT

Margrét Magnúsdóttir, landsliðsþjálfari U15 kvenna, hefur valið Júlíu Karitas Guðmundsdóttur í æfingahóp. Æfingarnar fara fram á AVIS vellinum í Laugardal dagana 20. og 21. ágúst.

Gangi þér vel Júlía Karitas!!

Galdur Guðmundsson í KR

Mon, 11 Aug 2025 10:16:16 GMT

Galdur Guðmundsson (2006) hefur skrifað undir samning við félagið út tímabilið 2029! Galdur hefur spilað 10 meistaraflokksleiki á Íslandi og skorað í þeim 2 mörk. Síðustu þrjú ár hefur hann spilað með unglingaliði FCK og nú síðast aðalliði AC Horsens. Þá hefur Galdur spilað 18 leiki fyrir yngri landslið Íslands!

Við hlökkum mikið til að sjá Galdur á vellinum og bjóðum hann velkominn í KR!

Arnar Freyr í KR

Tue, 05 Aug 2025 15:03:24 GMT

Arnar Freyr Ólafsson (1993) hefur skrifað undir samning við KR út tímabilið 2026! Arnar Freyr hefur varið mark HK síðustu níu ár en er nú mættur í KR treyjuna til að veita Halldóri Snæ samkeppni eftir að Sigurpáll Sören meiddist illa á æfingu. Arnar Freyr kemur með mikla reynslu inn í hópinn en hann hefur spilað hátt í 300 meistaraflokksleiki!

Við hlökkum mikið til að sjá Arnar Frey á vellinum og bjóðum hann velkominn í KR!

Orri Hrafn í KR

Tue, 05 Aug 2025 14:59:03 GMT

Orri Hrafn Kjartansson (2002) hefur skrifað undir samning við KR út tímabilið 2028! Orri Hrafn hefur spilað 134 meistaraflokksleiki fyrir Fylki og Val og skorað í þeim 12 mörk. Þá hefur hann spilað 25 leiki fyrir yngri landslið Íslands og skorað í þeim 3 mörk!

Við hlökkum mikið til að sjá Orra Hrafn á vellinum og bjóðum hann velkominn í KR!

International Children’s Gamess í Tallinn Eistlandi 3-8 ágúst

Mon, 04 Aug 2025 17:05:36 GMT

International Children’s Games fara fram í Tallinn Eistlandi 3-8 ágúst

KR er með einn keppanda í sundliði Reykjavíkur í ár.

Timotei Roland Randhawa keppir í 50m skriðsundi, 100m skriðsundi, 50m baksundi og 100m baksundi

Streymi frá mótinu er hægt að nálgast hérna: https://icg.tallinn.ee/en/swimming-1

Úrslit frá mótinu er hægt að nálgast hérna: https://icg.tallinn.ee/en/swimming-0
Áfram Reykjavík!!!

Jóhannes Kristinn til Kolding

Wed, 30 Jul 2025 11:09:58 GMT

Jóhannes Kristinn Bjarnason hefur skrifað undir þriggja ára samning við Kolding í Danmörku! Jóhannes Kristinn er uppalinn KR-ingur sem hefur spilað 75 meistaraflokksleiki fyrir félagið og skorað í þeim 15 mörk! Þá hefur hann spilað 23 landsleiki fyrir yngri landslið Íslands!

Á sama tíma og Knattspyrnufélag Reykjavíkur þakkar Jóhannesi Kristni fyrir sitt framlag til félagsins og óskar honum góðs gengis í nýju og spennandi verkefni þá vonum við að KR-Breiðablik hafi ekki verið hans síðasti leikur í KR treyjunni!

Innilega til hamingju Jói og gangi þér vel!

Tristan Gauti í æfingahóp U16

Wed, 30 Jul 2025 10:11:11 GMT

Ómar Ingi Guðmundsson, hefur valið Tristan Gauta Línberg Arnórsson til úrtaksæfinga U-16 karla dagana 12.-14. ágúst 2025. Æfingarnar fara fram á Avis-vellinum.

Alexander Rafn og Skarphéðinn Gauti í U17

Wed, 30 Jul 2025 09:41:51 GMT

Lúðvík Gunnarsson, landsliðsþjálfari U17 karla, hefur valið Alexander Rafn Pálmason og Skarphéðin Gauta Ingimarsson í leikmannahóp fyrir Telki Cup æfingamótið sem fram fer í Ungverjalandi dagana 11. – 17. ágúst. Íslenska liðið mun spila á móti Ungverjalandi, Írlandi og Tyrkland á mótinu.

Til hamingju strákar og gangi ykkur vel!!

Fimm KR-ingar í æfingahóp U15

Wed, 30 Jul 2025 09:31:18 GMT

Ómar Ingi Guðmundsson, landsliðsþjálfari U15 karla, hefur valið eftirtalda leikmenn til úrtaksæfinga dagana 6.-8. ágúst 2025. Æfingarnar munu fara fram á Laugardalsvelli.

Fulltrúar KR:

Heiðar Örn Heimisson

Lárus Högni Harðarson

Marinó Leví Ottósson

Ólafur Sigurðsson

Þorbergur Orri Halldórsson

Gangi ykkur vel strákar!!

Guðbjörg Vala keppir á Olympíuhátíð Evrópuæskunnar

Tue, 22 Jul 2025 20:25:29 GMT

Guðbjörg Vala Gunnarsdóttir keppir fyrir Íslands hönd á Ólympíuhátíð Evrópuæskunnar, sem fram fer í Skopje í Norður-Makedóníu 20.-26. júlí. Auk Guðbjargar keppir Kristján Ágúst Ármann, BH í borðtenniskeppni leikanna. Ingimar Ingimarsson er þjálfari með krökkunum. Guðbjörg Vala keppir í einliðaleik stúlkna og þau Kristján spila saman í tvenndarleik.

Tæplega 50 keppendur á aldrinum 14-18 ára taka þátt í leikunum fyrir Íslands hönd og keppa í sjö íþróttagreinum.

Hér má fylgjast með úrslitum á leikunum: SCHEDULE AND RESULTS – Skopje 2025 – Sport Europe

Guðbjörg Vala komst í úrslitakeppnina í einliðaleik á EM unglinga

Fri, 18 Jul 2025 20:40:24 GMT

Fyrst íslenskra stúlkna til að komast í úrslitakeppni á EM unglinga

Guðbjörg Vala Gunnarsdóttir komst í úrslitakeppnina í einliðaleik meyja 15 ára og yngri á EM unglinga, sem fram fer í Ostrava í Tékklandi. Að öllum líkindum er Guðbjörg Vala fyrsta íslenska stúlkan til að ná þessum árangri.

Í allt vann Guðbjörg Vala sjö leiki í einliðaleik á mótinu í liðakeppni og einstaklingskeppni. Hún vann leikmenn frá Búlgaríu, Englandi, Ísrael, Noregi og Skotlandi.

Guðbjörg Vala og Helena Árnadóttir mynduðu lið Íslands og höfnuðu þær í 29.-30. sæti eftir sigur á Noregi og Skotlandi. Íslenskt kvennalið hefur líklega aldrei náð ofar á þessu móti.

Helena vann einn einliðaleik og saman unnu þær stöllur tvo tvíliðaleiki.

Þriðji KR-ingurinn í unglingalandsliðinu var Lúkas André Ólason. Hann náði ekki að vinna leik að þessu sinni en tapaði leik í einliðaleik í oddalotu.

Guðbjörg Vala, Helena og Lúkas leika á EM unglinga

Fri, 11 Jul 2025 22:57:49 GMT

Þrír KR-ingar leika með unglingalandsliðinu á EM unglinga í borðtennis, sem fram fer 11.-20. júlí í Ostrava í Tékklandi. Þær Guðbjörg Vala Gunnarsdóttir og Helena Árnadóttir skipa lið meyja 15 ára og yngri. Lúkas André Ólason er einn liðsmanna Íslands í liði sveina 15 ára og yngri.

Gestur Gunnarsson, þjálfari úr KR er annar þjálfaranna sem er með liðinu í Ostrava.

Forsíðumyndin sýnir hópinn sem keppir í liðakeppni fyrir Íslands hönd.

Myndin á þessari síðu sýnir Guðbjörgu Völu og Helenu fagna sigri í tvíliðaleik gegn sterku grísku pari. Báðar myndir eru teknar af vef BTÍ.

Körfuboltabúðir í júlí

Fri, 11 Jul 2025 12:24:18 GMT

KR verður með tveggja daga Körfuboltabúðir dagana 22. og 23. júlí fyrir krakka á aldrinum 2007 - 2013. Búðirnar verða frá 9:00 til 15:00 en inn í því eru tvær æfingar með hádegismat á milli. Hádegismaturinn er innifalinn í verðinu.

Þórir Guðmundur Þorbjarnarson fyrirliði meistaraflokks KR í körfu og Daníel Andri Halldórsson þjálfari meistaraflokks KR kvenna sjá um búðirnar ásamt fleiri þjálfurum.

Áherslurnar í búðunum verða fótatækni, skottækni, búa sér til sitt eigið skot, ákvarðanir úr boltaskrínum og leikskilningur.

Skráning fer fram á ABLER .

EM 2025 lita- og verkefnahefti

Mon, 07 Jul 2025 09:28:08 GMT

KR í samstarfi við Pálínu Kroknes hefur ákveðið gefa iðkendum í 8. - 5. flokki karla og kvenna rafrænt eintak af lita- og verkefnahefti sem hún vann að fyrir EM kvenna 2025.

Pálína hefur sterkar taugar til félagsins en faðir hennar, Jóhann Króknes Torfason spilaði með meistaraflokki KR 1972 - 1977. Hann spilaði 54 leiki fyrir félagið og skoraði 17 mörk!

KR þakkar Pálínu fyrir samstarfið og hvetur iðkendur til að prenta út eintak af bókinni og fylgjast vel með leikjunum á EM í sumar!

Iðkendur geta nálgast heftið í gegnum slóð á ABLER!

Aðrir áhugasamir geta keypt heftið hér: http://palinakroknes.myshopify.com/

Sunddeild KR hefur ráðið Gunnar Egil Benonýsson í fullt starf sem yfirþjálfara Sunddeildar KR

gunnaregillb@gmail.com (Gunnar Egill Benonýsson) — Tue, 01 Jul 2025 17:07:24 GMT

Sunddeild KR hefur skrifað undir samning við Gunnar Egil Benonýsson sem yfirþjálfara sunddeildar KR fyrir næsta tímabil, en Gunnar hefur núna verið ráðinn í fullt starf og mun því einnig sinna skipulagningu deildarinnar, sundmótum og ýmsum öðrum verkefnum fyrir hönd sunddeildar KR ásamt þjálfun afrekshóps.

Samningurinn er mikill fengur fyrir deildina og mun styrkja starfið svo um munar.

Á myndinni eru Gunnar Egill Benonýsson og Garðar Páll Gíslason, formaður sunddeildar KR að skrifa undir samninginn

SPIF Stockholm - Summer Cup 2025

gunnaregillb@gmail.com (Gunnar Egill Benonýsson) — Tue, 01 Jul 2025 16:57:58 GMT

Sundmót og Tívolí

Sunddeild KR og Ármanns kepptu á SPIF Stockholm - Summer Cup 2025 seinustu helgi en félögin kepptu saman undir merkjum Reykjavíkur

Alls fóru 13 sundmenn frá KR á mótið það voru þau

Aldís Ögmundsdóttir

Arna Ingólfsdóttir

Benedikt Bjarni Melsted

Björk Grímsdóttir

Bragi Valur Gestsson

Emilý Sóley P M Eysteinsdóttir

Hrafn Guðmundsson

Jón Haukur Þórsson

Jónas Ragnar Bergþórsson

Mikael Björn Melsted

Niklas Auffenberg

Timotei Roland Randhawa

Þórður Karl Steinarsson

Það voru miklar bætingar hjá okkar sundfólki en Hrafn gerði sér lítið fyrir og vann til silfurverðlauna í 50m baksundi í aldursflokki 13-14 ára.

Eftir mótið var farið í Gröna Lund Tívolí í Stokkhólmi og skemmtu sér allir konunglega

Stórkostleg ferð hjá flottum hóp til að ljúka tímabilinu

æfingar hefjast svo aftur hjá A hópnum um miðjan Ágúst

Áfram KR!!!

Helena, Lúkas og Viktor sigruðu í sínum flokki í Gautaborg

Mon, 30 Jun 2025 21:11:23 GMT

Sex ungir KR-ingar léku með um 20 leikmönnum úr unglingalandsliðshópnum á Lekstorps Sommarpool 2025 mótinu í Gautaborg um helgina. Allir keppendurnir kepptu í nokkrum flokkum og unnu allir leiki. Þrír KR-inganna sigruðu í flokki. Lúkas André Ólason vann flokk þeirra sem hafa 1250 stig eða minna. Helena Árnadóttir sigraði í flokki stúlkna með 750 stig eða minna og Viktor Daníel Pulgar var hlutskarpastur í flokki þeirra sem hafa 750 stig eða minna.

Á forsíðunni má sjá KR-stúlkurnar á mótinu, þær Guðbjörgu Völu Gunnarsdóttur, Helenu Árnadóttur, Mörtu Dögg Stefánsdóttur og Þórunni Erlu Gunnarsdóttur með liðsfélaga.

Myndir teknar af vef Borðtennissambands Íslands og þar má sjá ítarlegri umfjöllun um mótið.

Handboltaskóli Gróttu/KR

Fri, 27 Jun 2025 13:47:17 GMT

Líkt og seinustu ár mun vera með Handboltaskóla Gróttu/KR í fjórar vikur, 28.júlí - 21.ágúst. Hægt verður að skrá sig á stakar vikur en það er einnig hægt að skrá sig á öll námskeiðin. Öll skráning á námskeiðið fer fram í ABLER.

Skólinn er fyrir krakka f. 2014 - 2019 eða þau sem verða í 1. - 6.bekk næsta vetur. Krökkunum verður skipt upp eftir aldri þannig að öll njóti sín sem best. Byrjendur jafnt sem lengra komin eru velkomin. Krakkarnir eru beðnir um að taka með sér nesti.

Námskeiðið er frá kl. 9:00-12:00 en við bjóðum upp á gæslu frá kl. 8:00-9:00 og síðan aftur 12:00-13:00. Gæslan kostar 2000kr. Námskeiðið fer fram í Hertz-höllinni á Seltjarnarnesi.

Við bjóðum einnig upp á Afreksskóla Gróttu/KR sem er fyrir iðkendur í 7. - 10.bekk næsta vetur, f. 2010 - 2013. Afreksskólinn er kl. 13:00-14:15.

Skólastjóri á námskeiðinu er Patrekur Pétursson Sanko en auk hans verða þjálfarar félagsins og góðir gestir.

Íslandsmeistaramót aldursflokka í sundi

gunnaregillb@gmail.com (Gunnar Egill Benonýsson) — Wed, 25 Jun 2025 19:07:12 GMT

Reykjavík í 3 sæti á Íslandsmeistaramót aldursflokka í sundi

Íslandsmeistaramót aldursflokka í sundi fór fram á akureyri helgina 20 – 22 júní

KR keppti sem partur af sameinuðu liði Reykjavíkur sem hafnaði í þriðja sæti í stigakeppninni eftir einstaklega jafna og spennandi keppni yfir helgina, það munaði ekki nema þremur stigum á Reykjavíkurliðinu og Íþróttabandalagi Reykjanesbæjar sem var í öðru sæti.

KR var með 6 sundmenn á mótinu

Það voru þau

Bríet Björk Jóhannsdóttir
Emilý Sóley P M Eysteinsdóttir
Hrafn Guðmundsson
Inga Aniela Czurylo
Niklas Auffenberg
Timotei Roland Randhawa

Þau stóðu sig glæsilega á mótinu en helstu tíðindi voru að
Emilý náði öðru sæti í 100m flugsundi 12-13 ára en hún var einnig í efstu sex sætunum í fimm af sex einstaklingsgreinum sem hún synti um helgina og hún var í 3 sæti í 4x50m fjórsund boðsundi 12-13 ára þar sem hún synti flugsundið

Hrafn náði öðru sæti í 200m baksundi 14-15 ára en Hrafn náði einnig fjórða sæti í 100m baksundi og fimmta sæti í 400m skriðsundi

Timotei náði 3 sæti í 100m baksundi 14-15 ára

Einnig náðu Tim og Hrafn öðru sæti í 4x100m fjórsundboðsund 14- 15 ára þar sem Hrafn synti baksundið og Timotei skriðsundið

Niklas Auffenberg náði 4 sæti í 100m bringusundi og 5 sæti í 200m bringusundi
Áfram KR!!!

Sex ungir KR-ingar með unglingalandsliðshópi til Gautaborgar

Sat, 21 Jun 2025 12:40:30 GMT

Guðbjörg Vala, Helena, Lúkas, Marta, Viktor og Þórunn til Gautaborgar

Sex ungir KR-ingar eru í hópi um tuttugu leikmanna úr unglingalandsliðshópnum, sem eru á leið til Gautaborgar. Hópurinn heldur út 22. júní og verður úti í viku.

KR-ingarnir í hópnum eru Guðbjörg Vala Gunnarsdóttir, Helena Árnadóttir, Lúkas André Ólason, Marta Dögg Stefánsdóttir, Viktor Daníel Pulgar og Þórunn Erla Gunnarsdóttir.

Krakkarnir taka þátt í æfingarbúðum fyrstu fjóra dagana hjá Askims BTK, klúbbi Peters Nilsson, fráfarandi landsliðsþjálfara. Að því loknu munu þau keppa hjá klúbbi í öðru úthverfi Gautaborgar og nefnist það mót Lekstorps Sommarpool 2025, og stendur í þrjá daga. Aðalþjálfari í ferðinni verður Bjarni Þ. Bjarnason frá HK og aðrir þjálfarar verða KR-ingurinn Karl Andersson Claesson og Bæring Jón Breiðfjörð Guðmundsson frá Garpi.

Forsíðumynd af hópnum tekin af vef BTÍ.

17. júní í KR!

Mon, 16 Jun 2025 10:05:28 GMT

KR endurtekur leikinn frá því í fyrra og verður með fjölskylduskemmtun í íþróttahúsinu á 17. júní!
Dagskráin hefst kl. 10:00 og lýkur 13:00.

Það verða hoppukastalar, battavellir og körfuboltaþrautir í húsinu. Þá verður einnig hægt að lita inn í félagsheimili og fá sér candyfloss, popp, vöfflur og kaffi. Arnþór Ingi, fyrrum leikmaður knattspyrnudeildar KR og tónlistarmaður mun svo mæta 11:30 og taka nokkur vel valin lög fyrir börnin!

Byrjum daginn í KR með vinum, nágrönnum og liðsfélögum!
ÁFRAM KR!!

Ungur KR-ingur látinn

Thu, 12 Jun 2025 15:06:46 GMT

Héðinn Már Hannesson, ungur maður og mikill KR-ingur sem lék upp alla yngri flokka félagsins er látinn langt fyrir aldur fram aðeins 21 árs gamall. Héðinn Már var afskaplega rólegur og vinalegur drengur og var vel liðinn af liðsfélögum sínum. Hann var fæddur þann 11. júní 2003 og lést þann 21. maí síðast liðinn eftir erfið veikindi. Héðinn Már fór á mörg fótboltamót með yngri flokkum KR, meðal annars á N1 mótið, Goða mótið og til Vestmannaeyja sem og til Svíþjóðar, Spánar og Chicago.

Eftir að Héðinn Már hætti í fótbolta tók tónlistin yfir og var hann sjálflærður á gítar, bassa og hljómborð auk þess að vera góður ljóða- og textahöfundur. Hann stofnaði hljómsveitina Marsipan sem var valin hljómsveit fólksins á Músiktilraunum árið 2023.

Stutt textabrot úr ljóði eftir Héðin Má:

Ég er bara ég

Þú ert bara þú.

Við getum ekki verið neitt annað.

Og ekki gleyma að vera bara til og sjá fegurð í öllu sem er

KR sendir fjölskyldu, vinum og aðstandendum Héðins Más innilegar samúðarkveðjur og um leið hvetur alla KR-inga til þess að vera óhrætt að tala um erfiðleika og tilfinningar, innan sem utan vallar og þá sérstaklega unga drengi.

Þeir sem hafa tök á geta styrkt Píeta samtökin sem sinna forvarnar-, fræðslu- og meðferðarstarfi gegn sjálfsvígum og sjálfsskaða og styðja við aðstandendur.

Reiknisnúmer: 0301-26-041041

Kennitala: 410416-0690

Við stöndum saman öll sem eitt!

Karl og Guðbjörg Vala borðtennisfólk KR

Sat, 07 Jun 2025 20:57:23 GMT

Viðurkenningar Borðtennisdeildar KR afhentar á uppskeruhátíð 4. júní

Borðtennisdeild KR hélt uppskeruhátíð í Íþróttahúsi Hagaskóla þann 4. júní. Þar voru veittar viðurkenningar fyrir síðasta keppnistímabil, farið í borðtennisleiki og grillaðar pylsur.

Tilkynnt var að Karl Andersson Claesson og Guðbjörg Vala Gunnarsdóttir hefðu verið valin borðtennisfólk KR 2025. Þetta er í fyrsta skipti sem þau eru valin.

Ýmsar aðrar viðurkenningar voru veittar:

Álfrún Milena Kvaran - metnaður

Baldvin Páll Henrysson - bjartasta vonin

Dalmar Bragi Aronsson - áhugasemi og framfarir

Finnur Hrafn Jónsson - fastur fyrir

Greta Sólrún Mc Laughlin Svansdóttir - framfarir

Guðrún Gestsdóttir - reddarinn

Luca De Gennaro Aquino - besta hárið

Lúkas André Ólason - framfarir

Viktor Daníel Pulgar - hugarfar

Á mynd hér fyrir neðan má svo sjá þjálfara deildarinnar í vetur, en Eirík Loga Gunnarsson vantar á myndina.

Körfuboltabúðir KR 2025

Fri, 06 Jun 2025 16:46:24 GMT

Körfuboltabúðir KR hefjast 10. júní og eru fyrir börn fædd frá 2008 til 2018.

Tímasetningar:

Börn fædd 2014 til 2018 æfa klukkan 9:00 - 12:00 með möguleika á gæslu. Gæslan er frá 08:00 - 09:00 og 12:00 - 15:00. Jakob Örn Sigurðarson og Þórir Guðmundur Þorbjarnarson munu hafa yfirumsjón yfir búðunum.

Börn fædd 2012 til 2013 æfa klukkan 13:30 til 15:30. Æfingunum er skipt upp í körfuboltaæfingu og styrktaræfingu. Daníel Andri Halldórsson mun sjá um körfuboltaæfingarnar.

Börn fædd 2008 til 2011 æfa klukkan 16:30 til 18:30. Æfingunum er skipt upp í körfuboltaæfingu og styrktaræfingu. Jakob Örn Sigurðarson og Þórir Guðmundur Þorbjarnarson munu sjá um körfuboltaæfingarnar.

Gunnar Ingi Harðarson mun sjá um styrktaræfingarnar . Gunnar hefur verið styrktarþjálfara meistaraflokka KR seinustu þrjú tímabil og hefur einnig verið með yngri flokka okkar í styrktaræfingum seinustu tvö tímabil við góðan árangur.

Skráning er hafin inn á ABLER !

VIT-HIT leikarnir

gunnaregillb@gmail.com (Gunnar Egill Benonýsson) — Tue, 03 Jun 2025 14:06:09 GMT

Fjör í sólinni á Akranesi

Það var fjör hjá KR-ingum í sólinni á Akranesi seinustu helgi
Miklar bætingar , verðlauna sæti og það bættust við fleiri lágmörk á Aldursflokkameistara mótið í sundi sem er haldið á Akureyri 20-22 júní
Áfram KR!!!

Síðasta mót vetrarins hjá 7.fl. kvenna í handbolta

Mon, 02 Jun 2025 15:14:51 GMT

Á dögunum fór fram seinasta mót vetrarins hjá stelpunum í 7.flokki kvenna. Mótið fór fram á Selfossi og stóðu stelpurnar sig gríðarlega vel. Þær hafa bætt sig mikið í vetur.

Sameiginleg æfing hjá KR og Gróttu í 7.fl. karla í handbolta

Mon, 02 Jun 2025 15:05:27 GMT

Á dögunum fóru strákarnir í 7.flokki í heimsókn til félaganna sinna á Seltjarnarnesi. Tekin var sameiginleg æfing og spil þar sem lagt var upp úr því að strákarnir kynntust enda sameinast hóparnir í 6.flokki.

Það var ekki að sjá á öðru en að allir hafi skemmt sér vel. Það verður gaman að fylgjast með strákunum næstu árin.

Vinningsnúmer úr styrktarhappdrætti 8.fl. í körfu

Mon, 02 Jun 2025 08:58:56 GMT

Hér að neðan eru vinningsnúmer úr styrktarhappdrætti 8.flokks KR í körfubolta.

Hægt er að vitja vinninga í síðasta lagi til 1. júlí með því að senda tölvupóst á hjordisjons@gmail.com .

Vonandi var heppnin með þér!

Vinningaskrá

Vinkonuvika yngri flokka kvenna í KR

Tue, 27 May 2025 16:09:23 GMT

Iðkendur yngri flokka kvenna hjá KR geta boðið vinkonu/m á æfingu dagana:

2.- 8. júní fyrir 8. flokk, 7. flokk & 5. flokk
9.-15. júní fyrir 6. flokk, 4. flokk & 3. flokk

Iðkendur og vinkonur fá miða á æfingunum um hvernig á að skrá sig í KR. Þá gildir miðinn einnig sem aðgangsmiði fyrir einn fullorðinn sem mætir með kvk. iðkanda á fyrsta heimaleik kvenna á Meistaravöllum!

Minnum svo á EM kvenna í Sviss í júlí!!

Halldór, Jóhannes og Júlíus í U21

Fri, 23 May 2025 10:40:04 GMT

Ólafur Ingi Skúlason, landsliðsþjálfari U21 liðs karla, hefur valið Halldór Snæ Georgsson, Jóhannes Kristin Bjarnason og Júlíus Mar Júlíusson í leikmannahóp fyrir vináttuleiki gegn Egyptum 6. júní og gegn Kólumbíu 9. júní. Báðir leikirnir fara fram í Kaíró í Egyptalandi.

Til hamingju strákar og gangi ykkur vel!

Róbert Elís valinn í U19

Fri, 23 May 2025 10:34:10 GMT

Þórhallur Siggeirsson, landsliðsþjálfari U19 karla, hefur valið Róbert Elís Hlynsson í leikmannahóp fyrir æfingaleiki gegn Englandi dagana 3.-6. júní næstkomandi.

Til hamingju Róbert Elís og gangi þér vel!

Aldís Rún leikur á Smáþjóðaleikunum

Wed, 21 May 2025 19:52:25 GMT

Aldís Rún Lárusdóttir var valin í kvennalandsliðið fyrir Smáþjóðaleikana, sem fara fram í Andorra 26.-31. maí. Auk Aldísar er Nevena Tasic úr Víkingi í kvennaliðinu.

Karlaliðið skipa Ingi Darvis Rodriguez, Víkingi og Magnús Gauti Úlfarsson, BH.

Katla skrifar undir nýjan samning

Tue, 20 May 2025 11:25:09 GMT

Katla Guðmundsdóttir (2007) hefur skrifað undir nýjan samning við KR út árið 2027! Katla er sóknarmaður sem hóf sinn meistaraflokksferil hjá KR aðeins 15 ára gömul eftir að hafa spilað upp yngri flokka félagsins. Hún á 82 meistaraflokksleiki og hefur í þeim skorað 39 mörk!! Auk þess hefur Katla spilað 13 landsleiki fyrir yngri landsliðin og skorað í þeim 6 mörk!

Katla var markahæst allra í lengjubikarnum í vetur með 11 mörk og er, eins og staðan er núna markahæst í Mjólkubikarnum með 5 mörk!

Til hamingju með samninginn Katla!

Ungir og efnilegir skrifa undir nýjan samning

Tue, 20 May 2025 09:45:09 GMT

Þrír ungir og efnilegir leikmenn voru að skrifa undir nýjan samning við KR út árið 2027.

Auðunn Gunnarsson (2008) er uppalinn KR-ingur sem getur spilað allar stöður frá miðju. Auðunn kom inn á í 11-0 sigrinum á KÁ í bikarnum í apríl en það var hans fyrsti leikur fyrir meistaraflokk.

 Jón Ernir Ragnarsson (2007) hefur spilað upp alla yngri flokka félagsins og getur leyst flestar stöður á vellinum.

Skarphéðinn Gauti Ingimarsson (2009) er uppalinn í KR og hefur spilað tvo leiki með U15 ára landsliði Íslands. Líkt og Auðunn kom Skarphéðinn Gauti inn á í 11-0 sigrinum á KÁ í bikarnum í apríl en það var hans fyrsti leikur fyrir meistaraflokk.

Til hamingju með samninginn strákar!

Sumaræfingatafla 2025

Mon, 19 May 2025 16:38:40 GMT

Æfingatafla knattspyrnudeilar sumarið 2025 tekur gildi 10.júní.

Sumartaflan verður uppfærð þegar nýr aðalvöllur er klár.

KR-völlur er gervigrasið við KR-heimilið.

Minnum á skráningu í knattspyrnuskóla KR fyrir börn í 5. - 7. flokki.

Skráning fer fram í gegnum ABLER .

Treyju afhending yngri flokka

Mon, 19 May 2025 15:22:09 GMT

Afhending á treyjum fyrir yngri flokkana okkar fór að stórum hluta fram í síðustu viku. Enn eiga nokkrir flokkar eftir að fá sínar treyjur en stefnt er að því að afhending á þeim klárist í þessari viku.

Það var mikil tilhlökkun og gleði meðal iðkenda við afhendingu.

Meðfylgjandi myndir eru af 5.flokki karla og 6.flokki kvenna og karla.

Sumarnámskeið KR í frjálsum 2025

Mon, 19 May 2025 10:04:06 GMT

Sumarnámskeið KR í frjálsum er fjögurra vikna námskeið fyrir börn á aldrinum 7 - 10 ára og 11 - 15 ára.

Börn 7 – 10 ára, 2. – 26. júní 2025

Börn 7 – 10 ára æfa þrisvar sinnum í viku. Á mánudögum, þriðjudögum og fimmtudögum í Vesturbænum frá kl. 15:00 – 16:00. Hittumst við Frostaskjól og nýtum okkur hin ýmsu svæði og skólalóðir þar sem við munum fara í leiki, æfa þær greinar sem hægt er miðað við aðstæður og hafa gaman saman.

Námskeiðagjöld eru 16.000,- kr.

Börn 11 – 15 ára, 2.-27. júní 2025 (lengur ef áhugi er fyrir hendi)

Börn 11 – 15 ára æfa þrisvar sinnum í viku. Á mánudögum í Vesturbænum þar sem við nýtum okkur ýmis svæði þar í kring, og á þriðjudögum og fimmtudögum á Kastvelli við Laugardalsvöll, Laugardalshöll eða á ÍR vellinum.

Æfingartímar eru kl. 16:30 – 17:45.

Námskeiðagjöld eru 20.000,- kr.

Fyrirspurnir sendast á sigrun1717@gmail.com eða í síma 895-4452 .

Allar skráningar og greiðslur fara fram á Sportabler í gegnum KR síðuna.

ATH! Allar skráningar þurfa að berast áður en námskeið hefst. Námskeiðið verður aðeins haldið ef næg þátttaka næst.

Vonumst til að sjá sem flesta!

SUMARKVEÐJUR

Þjálfarar frjálsíþróttadeildar KR

Sigrún og Tóta

Guðbjörg Vala sigraði á lokamóti BTÍ

Sat, 17 May 2025 19:01:52 GMT

Meirihluti keppenda á lokamóti mótaraðarinnar úr KR

Guðbjörg Vala Gunnarsdóttir sigraði á lokamóti mótaraðar BTÍ og Icegroup, sem fór fram í Íþróttahúsinu við Strandgötu í Hafnarfirði föstudaginn 16. maí.

Til mótsins var boðið átta stigahæstu leikmönnunum í karla- og kvennaflokki að loknum þremur mótum á mótaröðinni í vetur.

Guðbjörg Vala var stigahæst að loknum mótum vetrarins og sigraði Halldóru Ólafs frá Selfossi 4-2 í úrslitaleiknum. KR átti fleiri verðlaunahafa, því Helena Árnadóttir varð í 3. sæti og Guðrún Gestsdóttir í 4. sæti. Marta Dögg Stefánsdóttir féll úr leik í 8 manna úrslitum.

Í karlaflokki varð Ellert Kristján Georgsson í 3. sæti, en hann tapaði í undanúrslitum, en vann Þorberg Frey Pálmarsson úr BH í leik um 3. sætið. Eiríkur Logi Gunnarsson, Gestur Gunnarsson og Pétur Gunnarsson höfnuðu í 5.-8. sæti.

Aldís Rún Lárusdóttir og Norbert Bedö voru meðal keppenda sem höfðu unnið sér keppnisrétt á lokamótinu en sáu sér ekki fært að taka þátt.

Myndir frá Borðtennissambandi Íslands.

Æfingahópur U15 karla

Wed, 14 May 2025 13:28:00 GMT

Ómar Ingi Guðmundsson, landsliðsþjálfari U15 karla, valdi eftirtalda KR-inga í æfingahóp sem æfði dagana 12. og 13. maí. Um er að ræða leikmenn fædda árið 2011.

Æfingarnar fóru fram á AVIS vellinum í Laugardal.

Fulltrúar KR:

Lárus Högni Harðarson

Marinó Leví Ottósson

Óskar Gunnar Styrmisson

Þorbergur Orri Halldórsson

Hópinn í heild má sjá hér

Vel gert strákar!

KR-ingar unnu sjö titla á Íslandsmóti öldunga

Mon, 12 May 2025 20:51:11 GMT

Aldís varð þrefaldur Íslandsmeistari

KR-ingar unnu sjö Íslandsmeistaratitla á Íslandsmóti öldunga í borðtennis, sem fram fór í Íþróttahúsi Snælandsskóla í Kópavogi laugardaginn 10. maí. Guðrún Gestsdóttir, KR og Ingólfur Sveinn Ingólfsson urðu tvöfaldir meistarar.

Aldís sigraði í einliðaleik kvenna 40-49 ára, í tvíliðaleik kvenna 40-49 ára með Guðrúnu G Björnsdóttur og í tvenndarleik 40 ára og eldri með Ingólfi Ingólfssyni. Ingólfur varð meistari í einliðaleik karla 40-49 ára. Guðrún Gestsdóttir sigraði í einliðaleik kvenna 50-59 ára og í tvíliðaleik kvenna 50-59 ára með Önnu Sigurbjörnsdóttur. Sigurlína H. Guðbjörnsdóttir varð Íslandsmeistari í einliðaleik kvenna 60-69 ára.

Verðlaunahafar á mótinu í flokkum þar sem KR-ingar voru á palli:

Einliðaleikur kvenna 40-49 ára

1. Aldís Rún Lárusdóttir, KR

2. Elise Plessis, Tindastóli

Einliðaleikur karla 40-49 ára

1. Ingólfur Ingólfsson, KR

2. Rubén Illera López, Selfossi

3.-4. Michael May-Majewski, BR

3.-4. Viliam Marciník, KR

Einliðaleikur kvenna 50-59 ára

1. Guðrún Gestsdóttir, KR

2. Anna Sigurbjörnsdóttir, KR

3. Guðrún Ólafsdóttir, KR

Einliðaleikur kvenna 60-69 ára

1. Sigurlína H. Guðbjörnsdóttir, KR

Einliðaleikur karla 60-69 ára

1. Sighvatur Karlsson, Víkingi

2. Jón Gunnarsson, BR

3. Guðmundur Örn Halldórsson, KR

4. Finnur Hrafn Jónsson, KR

Einliðaleikur karla 70 ára og eldri

1. Árni Siemsen, Erninum

2. Rúnar Sigurðsson, KR

Tvíliðaleikur kvenna 40-49 ára

1. Aldís Rún Lárusdóttir/Guðrún G Björnsdóttir, KR

Tvíliðaleikur kvenna 50-59 ára

1. Anna Sigurbjörnsdóttir/Guðrún Gestsdóttir, KR

2. Guðrún Ólafsdóttir/Sigurlína H. Guðbjörnsdóttir, KR

Tvíliðaleikur karla 60-69 ára

1. Jón Gunnarsson/Sighvatur Karlsson, BR/Víkingur

2. Finnur Hrafn Jónsson/Guðmundur Örn Halldórsson, KR

Tvenndarleikur 40 ára og eldri

1. Ingólfur Ingólfsson/Aldís Rún Lárusdóttir, KR

2. Guðmundur Örn Halldórsson/Anna Sigurbjörnsdóttir, KR

3.-4. Viliam Marciník/Guðrún Gestsdóttir, KR

Forsíðumynd frá Finni Hrafni Jónssyni en aðrar myndir frá Sigurjóni Ólafssyni og Þorbergi Frey Pálmarssyni.

Grótta/KR – Íslandsmeistarar í 6. flokki karla yngri

Mon, 12 May 2025 16:21:51 GMT

Sameiginlegt lið KR og Gróttu í handbolta, 6. flokki karla yngri urðu Íslandsmeistarar í gær. Þetta er árangur sem endurspeglar ótrúlega liðsheild, leikgleði og samstöðu sem skilaði árangri yfir allt tímabilið.

Við erum spennt að sjá hvað framtíðin ber í skauti sér hjá þessum efnilegu meisturum.

Þjálfarar flokksins eru Hannes Grimm, Gísli Örn Alfreðsson, Helgi Skírnir Magnússon og Bessi Teitsson.

Á myndina vantar Kristofer Khan.

Skólamatar mót ÍRB

gunnaregillb@gmail.com (Gunnar Egill Benonýsson) — Mon, 12 May 2025 11:01:25 GMT

Fjör í Reykjanesbæ

Sunddeild KR tók þátt á skólamatarmóti ÍRB um helgina.
Það var mikið um bætingar og flottur árangur hjá okkar fólki

Inga Aniela Czurylo náði í fyrsta sinn lágmarki á Aldursflokkameistaramótið í sundi sem er haldið 20-22 júní á Akureyri

En eru nokkrir KR-ingar mjög nálægt lágmörkum og stefnum við að fjölgun í AMÍ hópnum á næsta sundmóti á Akranesi 30 maí til 1 júní.

Verðlauna hafar helgarinnar eru þau:
Emilý Sóley P M Eysteinsdóttir , 3 sæti í 100m flugsundi

Hrafn Guðmundsson , 3 sæti í 400m skriðsundi

Timotei Roland Randhawa, 3 sæti í 200m skriðsundi
Þórður Karl Steinarsson , 1 sæti í 100m skriðsundi of 3 sæti í 50m baksundi

Viktoría Vasile, 1 sæti í 200m flugsundi og 2 sæti í 100m flugsundi

Áfram KR!!!

Guðbjörg Vala og Lúkas sigruðu á lokamóti Butterfly unglingamótaraðarinnar

Wed, 07 May 2025 23:58:09 GMT

Lokamót Butterfly unglingamótaraðar HK og Pingpong.is var haldið í Kópavogi laugardaginn 3. maí. Til mótsins var boðið stigahæstu leikmönnunum á þremur mótum mótaraðarinnar yfir veturinn. Keppt var í tveimur stúlknaflokkum og fjórum drengjaflokkum.

Guðbjörg Vala Gunnarsdóttir sigraði í flokki meyja 14-15 ára eftir hörkuleik við Helenu Árnadóttur, sem lauk í oddalotu. KR sigraði því tvöfalt í meyjaflokki.

Lúkas André Ólason vann flokk pilta 12-13 ára og lagði Dawid May-Majewski úr BH 3-0 í úrslitaleik.

Aðrir verðlaunahafar úr KR voru Klara Lind Hreiðarsdóttir, sem varð önnur í flokki táta 11 ára og yngri, og Viktor Daníel Pulgar, sem fékk brons í flokki sveina 14-15 ára.

Myndir teknar úr myndasafni BTÍ frá Íslandsmóti unglinga 2025.

Knattspyrnuskóli KR 2025

Wed, 07 May 2025 15:23:14 GMT

Knattspyrnuskóli KR hefst 10. júní og er ætlaður börnum í 7. til 5. flokks.

Skólinn fer fram á gervigrasinu og lögð áherslu á að hver og einn fái verkefni við hæfi og njóti sín sem best. Dagskráin verður fjölbreytt og skemmtileg undir stjórn Karenar Guðmundsdóttur .

Við fáum einnig spennandi heimsóknir frá þekktu knattspyrnufólki yfir sumarið.

Knattspyrnuskólinn fer fram alla virka daga frá kl. 9:00–12:00. Boðið er upp á gæslu frá kl. 8:00–9:00 og 12:00–15:00.

Námskeiðin eru tvær vikur í senn en hægt er að kaupa aðeins aðra vikuna.

Skráning er hafin inn á ABLER !

Vinningsnúmer úr happdrætti Vorkvölds í Vesturbænum

Fri, 02 May 2025 20:18:39 GMT

Hér að neðan eru niðurstöður happdrættis á vorkvöldi í Vesturbænum frá því á miðvikudaginn, 30. apríl .

Vinninga má nálgast á skrifstofu fjármálastjóra félagsins frá kl. 9 - 16.

Vonandi var heppnin með þér!

Vinningsnúmer & Vinningar

Ellert sigraði í karlaflokki á Garpsmótinu

Thu, 01 May 2025 21:49:39 GMT

Dalmar og Greta sigruðu í sínum aldursflokki

Ellert Kristján Georgsson sigraði í opnum flokki karla á Garpsmótinu, sem fram fór að Laugalandi í Holtum laugardaginn 26. apríl. Eiríkur Logi Gunnarsson varð annar og Norbert Bedö fékk brons, ásamt Pétri Marteini Urbancic Tómassyni úr BH.

Greta Sólrún Mclaughlin Svansdóttir vann flokk telpna 13 ára yngri og lagði m.a. nýbakaðan Íslandsmeistara í flokknum. Emma Hertervig varð fjórða.

Það var nýmæli að keppt var í flokki 9 ára og yngri og vann Dalmar Bragi Aronsson strákaflokkinn.

Íþróttafólk KR árið 2025

Wed, 30 Apr 2025 15:26:00 GMT

Á aðalfundi félagsins sem haldinn var í félagsheimili KR í gær voru þau Perla Jóhannsdóttir, körfuknattleiksdeild og Guðmundur Flóki Sigurjónsson, taekwondodeild valin íþróttafólk KR árið 2025.

Perla Jóhannsdóttir (f. 1996) ólst upp í körfunni í KR og lék sinn fyrsta meistaraflokksleik fyrir félagið árið 2012 þá 15 ára gömul. Perla hefur allan sinn feril leikið með KR og á þeim tíma myndað hornstein í liði meistaraflokks kvenna. Á liðnu tímabili var Perla fyrirliði liðsins sem tryggði sér þáttökurétt í efstu deild kvenna eftir glæstan sigur í umspilinu nú á dögunum.

Perla er fyrirmynd fyrir alla unga iðkendur í KR. Hún er hæfileikaríkur leikmaður og leiðtogi með risastjórt KR hjarta sem staðið hefur með uppeldisfélagi sínu í gegnum súrt og sætt með vinnusemi og elju að vopni. Perla Jóhannsdóttir er íþróttakona KR árið 2025.

Guðmundur Flóki Sigurjónsson (f. 2008) er í unglingaflokki (junior) 15 - 17 ára, en byrjaði á þessu ári að keppa í fullorðinsflokki með góðum árangri. Hann hefur verið í íslenska landsliðinu í bardaga síðan vorið 2023, nú undir stjórn breska þjálfarans Rich Fairhurst. Guðmundur Flóki náði þeim árangri á síðasta ári að verða Íslandsmeistari, Norðurlandameistari og Evrópumeistari smáþjóða. Auk þess sigraði hann sinn flokk á bikarmótum Taekwondosambands Íslands og fékk gull á Balkanbikarnum í Rúmeníu. Kom þessi góði árangur honum í 10. sæti evrópska styrkleikalistans. Hann keppti á alls átta alþjóðlegum mótum árið 2024, þar á meðal á heimsmeistaramóti unglinga í Kóreu, og sótti æfingabúðir í Noregi og Danmörku. Snemma á þessu ári vann hann svo Opna Slóveníumótið.

Guðmundur Flóki var valinn efnilegasti juniorkeppandi ársins 2024 af Taekwondosambandi Íslands og skrifaði undir afrekssamning við sambandið og taekwondodeild KR um að vinna saman að þátttökurétti á Ólympíuleikana í Los Angeles 2028.

Hann þjálfar iðkendur á öllum aldri hjá taekwondodeild KR og er mikil fyrirmynd. Framundan á þessu ári eru meðal annars fleiri alþjóðleg mót, æfingabúðir með breska landsliðinu og því norska, Evrópumeistaramót unglinga, Evrópumeistaramót smáþjóða og Evrópumót 21 árs og yngri. Guðmundur Flóki var valinn karl ársins hjá taekwondodeild KR og er íþróttamaður KR árið 2025.

Til hamingju Perla og Guðmundur Flóki!

KR bikarmeistari í borðtennis

Mon, 28 Apr 2025 16:51:02 GMT

A-lið KR varð bikarmeistari í borðtennis sunnudaginn 27. apríl. Liðið sigraði bikarmeistara fyrra árs, BH 4-1 í úrslitaleik. Leikurinn var jafn og spennandi og unnust allir fjórir sigrar KR í oddalotu, eftir að leikmaður KR hafði verið undir.

Lið KR skipuðu þau Ellert Kristján Georgsson, Guðbjörg Vala Gunnarsdóttir og Pétur Gunnarsson.

Í bikarkeppni eru mest leiknir fjórir einliðaleikir karla, einliðaleikur kvenna, tvíliðaleikur karla og tvenndarleikur, og vinnur það lið sem fyrr vinnur fjórar viðureignir.

Úrslit í einstökum viðureignum, KR-A - BH-A:

Pétur Gunnarsson - Þorbergur Freyr Pálmarsson 3-2

Ellert Kristján Georgsson - Jóhannes Bjarki Urbancic Tómasson 3-2

Guðbjörg Vala Gunnarsdóttir - Sól Kristínardóttir Mixa 3-2

Ellert/Pétur - Þorbergur/Jóhannes 0-3

Guðbjörg/Pétur - Sól/Þorbergur 3-2

KR varð síðast bikarmeistari fyrir 9 árum síðan.

Birgir Guðjónsson látinn

Mon, 28 Apr 2025 10:54:41 GMT

Birgir Guðjónsson, góður vinur, leikmaður og félagi í starfinu fyrir gamla góða KR er látinn. Birgir var fæddur 16. apríl 1957, en lést að morgni 24. apríls sl. á líknardeild Landsspítalans. Hann var af traustum KR-ættum, dóttursonur Kristjáns L. Gestssonar formanns KR um árabil og eins helsta leiðtoga félagsins á fyrri hluta síðustu aldar. Birgir stundaði knattspyrnuæfingar hjá KR frá unga aldri og upp yngri flokkana. Hann þótti snemma efnilegur knattspyrnumaður enda hafði hann ekki langt að sækja hæfileikana.

Birgir lék fyrstu leiki sína í meistaraflokki sumarið 1976 og átti síðan nokkuð fast sæti á miðjunni í liðinu næstu árin fram á sumarið 1983, þegar hann lagði skóna á hilluna í kjölfar meiðsla. Það má segja að Birgir hafi verið einn af lykilleikmönnum meistaraflokks KR í kringum 1980. Birgir lék alls 133 leiki með meistaraflokki KR (89 í Íslandsmóti), og skoraði hann í þeim 14 mörk, (11 í Íslandsmóti). KR-liðið var ekki sigursælt á þessum árum en framlag Birgis skipti miklu máli fyrir KR til að halda sjó í harðri baráttu fyrir stöðu félagsins á Íslandsmótinu.

Birgir hélt áfram að hafa afskipti af knattspyrnunni í KR eftir að leikmannsferli hans lauk. Hann sat í meistaraflokksráði og síðan í stjórn knattspyrnudeildarinnar sem ritari á árunum 1991-1993 og lagði hjartað í störf sín fyrir KR. Þegar KR sleppti, þá var stærðfræðikennsla í Menntaskólanum í Reykjavík hans ær og kýr. Hann þjónaði nemendum MR dyggilega á því sviði um langt árabil.

Undanfarin 2 ár reyndust Birgi erfið, glíma við alvarleg veikindi tók á. Viljinn til sigurs í þeirri glímu var mikill – en fyrir rest hafði óvinurinn betur.

Birgir var kvæntur Guðrúnu Þórhallsdóttur, dósent í íslenskri málfræði, og eiga þau eina dóttur, Ragnheiði. KR sendir Guðrúnu og fjölskyldu hugheilar samúðarkveðjur á þessari erfiðu stundu. Megi góður guð vera með ykkur.

KR á tvo fulltrúa í U16 karla

Wed, 23 Apr 2025 15:49:29 GMT

Lúðvík Gunnarsson, landsliðsþjálfari U16 karla, hefur valið Alexander Rafn Pálmason og Sigurð Breka Kárason í leikmannahóp til þátttöku í UEFA Development móti sem fram fer í Svíþjóð dagana 1.–7.maí næstkomandi.

Liðið æfir á Íslandi þriðjudaginn 29. apríl og miðvikudaginn 30. apríl áður en haldið er til Svíþjóðar þann 1. maí.

Hópurinn sem fer út.

Ellert Kristján Georgsson sigraði á Stóra Víkingsmótinu

Wed, 16 Apr 2025 19:31:25 GMT

Ellert Kristján Georgsson sigraði í meistaraflokki karla á Stóra Víkingsmótinu, sem fram fór í TBR-húsinu laugardaginn 12. apríl. KR sigraði tvöfalt í flokknum, því Gestur Gunnarsson varð annar. Norbert Bedö varð svo í 3.-4. sæti.

Þá varð Finnur Hrafn Jónsson í 4. sæti í eldri flokki karla.

Aðalfundur Knattspyrnufélags Reykjavíkur

Wed, 16 Apr 2025 10:07:44 GMT

Aðalfundur Knattspyrnufélags Reykjavíkur verður haldinn í félagsheimilinu þriðjudaginn 29. apríl kl. 17:00.

Á dagskrá eru hefðbundin aðalfundarstörf, skv lögum félagsins.

Framboðsfrestur til stjórnar er til miðnættis 24. apríl nk., framboðum skal skila til framkvæmdarstjóra félagsins, Pálma Rafns Pálmasonar, palmi@kr.is

Íslands og unglingameistaramótinu í 50 metra laug

gunnaregillb@gmail.com (Gunnar Egill Benonýsson) — Sun, 13 Apr 2025 21:54:05 GMT

This is a subtitle for your new post

Sunddeild KR tók þátt á Íslands og unglingameistaramótinu í 50 metra laug um helgina.

Sunddeild KR keppti sem partur af sameinuðu liði Reykjavíkur.

KR var með 7 keppendur á mótinu en það voru þau:

Aldís Ögmundsdóttir

Arna Ingólfsdóttir

Jón Haukur Þórsson

Timotei Roland Randhawa

Hrafn Guðmundsson

Viktoría Vasile

Þórður Karl Steinarsson
Miklar bætingar og flottur árangur hjá Reykjavíkurliðinu

Hjá okkar sundfólki var það helsta að

Timotei Roland Randhawa náði 2 sæti í 50m baksundi í unglingaflokki
Hrafn Guðmundsson náði inn í úrslit í 50m baksundi og hafnaði í 8 sæti

Aldís Ögmundsdóttir náði inn í úrslit í 200m flugsundi á 5 besta tímanum en því miður náði hún sér ekki á strik í úrslitum og hafnaði í 8 sæti.

Við í KR erum gífurlega stolt af flotta sundfólkinu okkar

Kara Guðmundsdóttir valin í U16

Fri, 11 Apr 2025 09:38:51 GMT

Aldís Ylfa Heimisdóttir landsliðsþjálfari U16 kvenna, hefur Köru Guðmundsdóttur í hóp sem tekur þátt í development móti sem haldið verður í Eistlandi dagana 28.apríl til 5. maí.

Hópinn í heild má sjá hér:

https://www.ksi.is/.../Hopur-U16-kvenna-fyrir-UEFA.../

Lúkas og Viktor sigruðu á aldursflokkamóti HK

Thu, 10 Apr 2025 21:46:33 GMT

Lúkas André Ólason sigraði í einliðaleik pilta 12-13 ára og Viktor Daníel Pulgar í flokki sveina 14-15 ára á aldursflokkamóti HK, sem fram fór í Íþróttahúsi Snælandsskóla í Kópavogi sunnudaginn 6. apríl.

Mótið er liður í aldursflokkamótaröð HK, Butterfly og pingpong.is sem lýkur með lokamóti 3. maí, en á lokamótið komast eingöngu stigahæstu leikmennirnir í hverjum flokki á keppnistímabilinu. Lúkas er efstur í flokki 12-13 ára og með sigri sínum tryggði Viktor sér líka sæti á lokamótinu.

Á forsíðumyndinni, sem er tekin af vef BTÍ, má sjá verðlaunahafa í piltaflokki.

Páskahandboltaskóli Gróttu/KR

Mon, 07 Apr 2025 21:50:04 GMT

Í dymbilvikunni verður boðið upp á Handboltaskóla Gróttu/KR. Skólinn fer fram í Hertz-höllinni á Seltjarnarnesi milli kl. 09:00-12:00 og er fyrir krakka í 1. - 6.bekk (f. 2018-2013). Skipt verður upp í hópa eftir aldri.

Námskeiðsdagarnir eru:
Mánudagur 14.apríl
Þriðjudagur 15.apríl
Miðvikudagur 16.apríl

Þjálfarar í Páskahandboltaskólanum verða þjálfarar félagsins og leikmenn meistaraflokkanna.

Öll eru velkomin, hvort sem þau hafi æft áður eða eru byrjendur.

Skráning fer fram í Aber en beinn skráningarhlekkur er hérna: https://www.abler.io/shop/grotta/handbolti/product/Q2x1YlNlcnZpY2U6MzkxMzQ=

Vinningsnúmer úr happdrætti stuðningsmannakvöldsins

Mon, 07 Apr 2025 21:50:00 GMT

Hér að neðan eru niðurstöður happdrættis á stuðnignsmannakvöldi KR klúbbsins frá því á föstudaginn.

Vinninga má nálgast á skrifstofu fjármálastjóra félagsins, frá kl. 9-16.

Vonandi var heppnin með þér -

Vinningaskrá

Aðalfundur borðtennisdeildar

Mon, 07 Apr 2025 11:28:23 GMT

Aðalfundur borðtennisdeildar verður halinn í bikarherberginu þriðjudaginn 14. apríl kl. 21:00.

Á dagskrá eru hefðbundin aðalfundarstörf.

Stjórnin.

Handboltamót hjá 7. flokki drengja

Wed, 02 Apr 2025 11:02:12 GMT

Helgina 8. - 10. mars fóru strákarnir í 7. flokki drengja í Gróttu/KR á sitt þriðja mót í vetur. Við tefldum við fram fjórum liðum og stóðu strákarnir sig frábærlega. Það er eitt mót eftir og er það gistimót á Selfossi helgina 25. - 27. apríl.

7. og 8. flokkur karla æfir alla mánudaga og miðvikudaga kl 15:30 - 16:30 í Íþróttahúsi Hagaskóla. Það hafa um 40 strákar verið að mæta á allar æfingar seinustu vikur þannig hægt að segja það sé mikill handboltaáhugi að kvikna hér í Vesturbænum.

Aðalfundur körfuknattleiksdeildar

Tue, 01 Apr 2025 11:54:51 GMT

Aðalfundur körfuknattleiksdeildar KR verður haldinn í félagsheimili KR þriðjudaginn 8. apríl kl. 17:00.

Á dagskrá eru hefðbundin aðalfundarstörf, skv. lögum félagsins.

Framboðsfrestur til stjórnar rennur út eigi síðar en fimm dögum fyrir aðalfund. Framboðum skal skila til framkvæmdastjóra KR, Pálma Rafns Pálmasonar á netfangið palmi@kr.is .

Aðalfundur KR kvenna

Mon, 31 Mar 2025 21:41:41 GMT

Aðalfundur KR kvenna verður haldinn í bikarherbergi KR þriðjudaginn 8. apríl kl. 18:30.

Á dagskrá eru hefðbundin aðalfundarstörf, skv. lögum félagsins.

Garðar Árnason látinn

Mon, 31 Mar 2025 16:11:05 GMT

Þeim fækkar jafnt og þétt þeim sem á lífi eru og léku með gullaldarliði KR frá árunum kringum 1960. Nú síðast er það Garðar Árnason sem kvaddi okkur,

Garðar var fæddur 6. janúar 1938. Hann hóf ungur að æfa knattspyrnu með KR og þótti efnilegur. Garðar lék sína fyrstu leiki með meistaraflokki árið 1957, og átti fast sæti í liðinu frá 1958 til og með 1963, yfirleitt á miðjunni, og stýrði henni gjarnan eins og herforingi, Garðar lék alls 97 leiki með meistaraflokki KR, og skoraði í þeim 3 mörk. Meðal annars lék hann alla leikina 10 með liðinu frækna sem vann Íslandsmótið 1959 með fullu húsi stiga, þegar leikin var tvöföld umferð í fyrsta skiptið. Garðar varð þrisvar sinnum Íslandsmeistari með KR: 1959, 1961 og 1963. Sömuleiðis varð hann þrisvar sinnum bikarmeistari: 1961, 1962 og 1963.

Garðar lék alls 11 landsleiki fyrir Ísland á árunum 1959-1963, og skoraði í þeim 1 mark – jöfnunarmarkið í 1:1 leiknum gegn Írum 1962. Hann átti nánast fast sæti í landsliðinu á þessum árum, ef hann var heill.

Garðar var aðeins 25 ára þegar hann lagði skóna á hilluna haustið 1963. Það var mikil eftirsjá af því, enda var hann einn albesti knattspyrnumaður Íslands á þeim tíma. Á knatttspyrnuvellinum lét Garðar mikið að sér kveða en utan hans fór ekki mikið fyrir honum. Hann starfaði lengi sem verkamaður, m.a. við höfnina, en síðan hjá Borginni við ýmis störf, mest í Laugardalnum. Undir lokin dvaldi hann á hjúkrunarheimilinu Höfða á Akranesi, þar sem hann naut góðrar aðhlynningar og lést þar þann 20. mars sl. Útför Garðars fór fram í kyrrþey.

Blessuð sé minning Garðars Árnasonar.

Aðalfundur badmintondeildar

Mon, 31 Mar 2025 14:54:04 GMT

Aðalfundur badmintondeildar KR fer fram sunnudaginn 6. apríl kl. 12:10 í félagsheimili KR.

Á fundinum verða almenn aðalfundarstörf.

C-lið KR sigraði í 2. deild kvenna

Sun, 30 Mar 2025 23:27:30 GMT

A-lið KR varð í 3. sæti í 1. deild kvenna

C-lið KR sigraði í 2. deild kvenna í borðtennis, en keppni í deildinni lauk laugardaginn 29. mars. B-lið KR varð í 2. sæti í deildinni. C-liðið vann B-liðið 6-4 en tapaði 4-6 fyrir Garpi og lauk keppni með 6 stig. KR-B vann Garp 6-2 og hlaut 4 stig í vetur. Leikmenn sem hafa leikið með KR-C á keppnistímabilinu eru Anna Sigurbjörnsdóttir, Guðrún Gestsdóttir, Hrefna Namfa Finnsdóttir, Kristjana Áslaug Káradóttir Thors og Sigurlína H. Guðbjörnsdóttir.

A-lið KR hafnaði í 3. sæti í 1. deild kvenna. Á laugardaginn gerði liðið jafntefli við Íslandsmeistara Víkings, en tapaði 2-6 fyrir BH, sem varð deildarmeistari.

Undanúrslit í 1. deild karla voru líka leikin á laugardaginn. Þar féll A-lið KR úr leik gegn Íslandsmeisturum Víkings 0-3. Liðið réð ekki við Íslandsmeistarann Inga Darvis Rodriguez og tvo erlenda leikmenn sem kepptu fyrir Víking í leiknum.

Sex KR-ingar í æfingabúðum unglingalandsliðs í Færeyjum

Thu, 27 Mar 2025 23:36:21 GMT

Helena Árnadóttir sigraði í stúlknaflokki

Sex KR-ingar tóku þátt í sameiginlegum æfingabúðum unglingalandsliða Íslands og Færeyja, sem fram fóru í Færeyjum 15.-16. mars. Alls tóku 11 leikmenn þátt frá hvoru landi fyrir sig. Leikmenn KR í ferðinni voru Guðbjörg Vala Gunnarsdóttir, Helena Árnadóttir, Lúkas André Ólason, Marta Dögg Stefánsdóttir, Viktor Daníel Pulgar og Þórunn Erla Gunnarsdóttir.

Á lokadegi æfingabúðanna var haldið mót og sigraði Helena Árnadóttir í stúlknaflokki, eftir sigur á Guðbjörgu Völu í úrslitaleik.

Myndir teknar af fésbókarsíðu færeyska borðtennissambandsins.

KR x Bílaleiga Akureyrar

Tue, 25 Mar 2025 23:20:47 GMT

Knattspyrnudeild KR og Bílaleiga Akureyrar hafa gert nýjan samstarfssamning til næstu þriggja ára. Langvinnt og farsælt samstarf heldur áfram sem er mikilvægt fyrir afreksstarf félagsins.

Við hvetjum KR-inga til að beina viðskiptum sínum til Bílaleigu Akureyrar.

KR-ingar unnu 5,5 titla á Íslandsmóti unglinga

Mon, 24 Mar 2025 19:49:07 GMT

Guðbjörg Vala varð þrefaldur meistari

Leikmenn KR unnu 5,5 titla af 17 titlum sem var keppt um á Íslandsmóti unglinga, flesta titla allra félaga. Mótið fór fram í KR-heimilinu 22.-23. mars.

KR-ingar voru sérstaklega sterkir í stúlknaflokkum. Guðbjörg Vala Gunnarsdóttir varð þrefaldur meistari, og hefur hún unnið sinn aldursflokk í einliðaleik á hverju ári þegar keppt hefur verið síðan árið 2019. Hún sigraði þetta árið í einliðaleik meyja 14-15 ára, í tvíliðaleik meyja með Helenu Árnadóttur og í tvenndarleik 16-18 ára með Magnúsi Thor Holloway. Helena og Lúkas André Ólason urðu meistarar í tvenndarleik 14-15 ára og Anna Villa Sigurvinsdóttir varð meistari í tvenndarleik 13 ára og yngri með Dawid May-Majewski úr BH. Anna Villa sigraði líka í tvíliðaleik telpna 13 ára og yngri með Júlíu Fönn Freysdóttur.

Auk Íslandsmeistaranna fengu margir KR-ingar verðlaun á mótinu.

Verðlaunahafar í flokkum þar sem KR-ingar voru á palli:

Einliðaleikur táta 11 ára og yngri

1. Marsibil Silja Jónsdóttir, Dímon

2. Anna Villa Sigurvinsdóttir, KR

3.-4. Guðbjörg Stella Pálmadóttir, Garpur

3.-4. Júlía Fönn Freysdóttir, KR

Einliðaleikur telpna 12-13 ára

1. Védís Daníelsdóttir, Umf. Laugdælum

2. Greta Sólrún Mclaughlin Svansdóttir, KR

3.-4. Emma Hertervig, KR

3.-4. Júlía Hertervig, KR

Einliðaleikur sveina 14-15 ára

1. Kristján Ágúst Ármann, BH

2. Lúkas André Ólason, KR

3.-4. Heiðar Leó Sölvason, BH

3.-4. Viktor Daníel Pulgar, KR

Einliðaleikur meyja 14-15 ára

1. Guðbjörg Vala Gunnarsdóttir, KR

2. Helena Árnadóttir, KR

3.-4. Emma Niznianska, BR

3.-4. Marta Dögg Stefánsdóttir, KR

Tvíliðaleikur telpna 13 ára og yngri

1. Anna Villa Sigurvinsdóttir/Júlía Fönn Freysdóttir, KR

2. Guðbjörg Stella Pálmadóttir/Sigrún Ýr Hjartardóttir, Garpi

3.-4. Álfrún Milena Kvaran/Helga Ngo Björnsdóttir, KR

3.-4. Greta Sólrún Mclaughlin Svansdóttir/Júlía Hertervig, KR

Tvíliðaleikur sveina 14-15 ára

1. Heiðar Leó Sölvason/Kristján Ágúst Ármann, BH

2. Lúkas André Ólason/Viktor Daníel Pulgar, KR

3.-4. Adam Lesiak/Ari Jökull Jóhannesson, Víkingi/Leikni

3.-4. Almar Elí Ólafsson/Sigurður Hólmsteinn Olgeirsson, Selfoss/UMFB

Tvíliðaleikur meyja 14-15 ára

1. Guðbjörg Vala Gunnarsdóttir/Helena Árnadóttir, KR

2. Marta Dögg Stefánsdóttir/Þórunn Erla Gunnarsdóttir, KR

3.-4. Guðný Lilja Pálmadóttir/Sóldís Lilja Sveinbjörnsdóttir, Garpi

3.-4. Emma Niznianska/Védís Daníelsdóttir, BR/Umf. Laugdælum

Tvíliðaleikur drengja 16-18 ára

1. Anton Óskar Ólafsson/Benedikt Aron Jóhannsson, Garpi/Víkingi

2. Alexander Chavdarov Ivanov/Hergill Frosti Friðriksson, BH

3.-4. Elvar Ingi Stefánsson/Pétur Xiaofeng Árnason, Selfossi/KR

3.-4. Magnús Thor Holloway/Tómas Hinrik Holloway, KR

Tvíliðaleikur stúlkna 16-18 ára

1. Lea Mábil Andradóttir/Weronika Grzegorczyk, Garpi

2. Eyrún Lára Sigurjónsdóttir/Sylvía Sif Sigurðardóttir, KR/Garpi

Tvenndarkeppni 13 ára og yngri

1. Dawid May-Majewski/Anna Villa Sigurvinsdóttir, BH/KR

2. Benedikt Darri Malmquist/Védís Daníelsdóttir, HK/Umf. Laugdælum

3.-4. Brynjar Gylfi Malmquist/Helga Ngo Björnsdóttir, HK/KR

3.-4. Guðmundur Ólafur Bæringsson/Guðbjörg Stella Pálmadóttir, Garpi

Tvenndarkeppni 14-15 ára

1. Lúkas André Ólason/Helena Árnadóttir, KR

2. Viktor Daníel Pulgar/Marta Dögg Stefánsdóttir, KR

3.-4. Kristján Ágúst Ármann/Anna María Ármann, BH

3.-4. Þorgeir Óli Eiríksson/Guðný Lilja Pálmadóttir, Garpi

Tvenndarkeppni 16-18 ára

1. Magnús Thor Holloway/Guðbjörg Vala Gunnarsdóttir, KR

2. Krystian May-Majewski/Emma Niznianska, BR

3.-4. Anton Óskar Ólafsson/Weronika Grzegorczyk, Garpi

3.-4. Pétur Xiaofeng Árnason/Þórunn Erla Gunnarsdóttir, KR

Myndir tók Finnur Hrafn Jónsson.

Jón Otti Ólafsson borinn til grafar

Wed, 19 Mar 2025 11:47:16 GMT

Jón Otti Ólafsson

f. 10. júlí 1941, d. 28. feb. 2025

Jón Otti Ólafsson, prentari, körfuknattleiksmaður og KR-ingur lést 28. febrúar síðastliðinn á Hrafnistu í Hafnarfirði, 83 ára að aldri.

Jón Otti fæddist 10. júlí 1941 í Reykjavík og ólst upp á Vesturgötunni, sem var í miðju gamla KR-hverfisins í Vesturbænum. Foreldrar hans voru Ólafur Ottósson (1915-2001) og Vigdís Jónsdóttir (1918-2014).

Hann stundaði nám við Héraðsskólann á Laugarvatni og lauk gagnfræðaprófi frá Gagnfræðaskóla Vesturbæjar. Hann lauk sveinsprófi í prentiðn frá Iðnskólanum í Reykjavík og stundaði prentiðn hjá prentsmiðjunni Borgarprenti og síðar prentsmiðjunni Umslagi og endaði sinn starfsferil þar árið 2012.

Jón Otti var einn af frumkvöðlum körfuknattleiks á Íslandi. Hann hóf að leika körfuknattleik á Laugarvatni 1956 og lék síðan með ÍR, sem var þá með aðsetur í íþróttahúsinu á Landakoti, en flutti sig yfir í KR og lék með félaginu í yngri flokkunum og síðan alls 209 leiki í meistaraflokki á árunum 1962-1970. Á þessu tímabili vann KR sinn fyrsta Íslandsmeistaratitil og sinn fyrsta bikarmeistaratitil í m.fl.ka., en liðið varð Íslandsmeistari öll árin á árunum 1965-1968 og bikarmeistari 1970, þegar Jón Otti lék með liðinu. Hann tók líka þátt í fyrstu leikjum KR í Evrópukeppni. Hann þjálfaði einnig yngri flokka KR um árabil og tók svo við þjálfun meistaraflokks karla í 2 keppnistímabil 1971-1973, er liðið vann bikarmeistaratitilinn bæði árin. Jón Otti var líka ötull í öðrum störfum innan körfuknattleiksdeildar KR. Hann settist í varastjórn deildarinnar strax 1960 og síðan í stjórn deildarinnar 1962 og sat þar samfleytt í 13 ár og gegndi öllum embættum innan stjórnar, en lengst af sem varaformaður, en síðast sem formaður deildarinnar 1974-1975.

Jón Otti fékk dómararéttindi í körfuknattleik árið 1961 og sagðist reyndar hafa verið skikkaður á dómaranámskeið, en hann byrjaði strax að dæma leiki í öllum flokkum, frá þeim yngstu og til þeirra elstu. Eftir að hann hætti að leika með KR og þjálfa, snéri hann sér alfarið að dómgæslunni. Hann dæmdi sinn 1000. körfuknatteik í nóvember 1992 og hafði dæmt, þegar upp var staðið alls rúmlega 1.600 leiki í m.fl. hér á landi þegar hann lagði flautuna á hilluna. Hann dæmdi einnig fjölmarga leiki á Norðurlöndum og í Evrópu og var í sérflokki körfuknattleiksdómara á Íslandi um alllangt skeið.

Hann átti stóran þátt í að skipuleggja dómgæslu í körfuknattleik og var formaður dómaranefndar KKÍ í áratug á árunum 1973-83, hélt fjölda námskeiða og studdi uppbyggingu hvað dómaramál varðaði. Hlutverk dómara í körfuknattleik var ekki (og er ekki) alltaf dans á rósum og ýmislegt þurfti hann stundum að láta yfir sig ganga, sem sagt var í hita leiksins, en Jón Otti hafði samt fádæma gott lag á því að leysa úr ágreiningsmálum þannig að menn gátu við unað betur en gerist og gengur, bæði þá og síðar. Hann hélt alltaf ró sinni og gerði sér vel grein fyrir því að þó hann væri í hinum ómissandi hlutverki dómarans í körfuboltaleik, þá var hann ekki í aðalhlutverkinu.

Jón Otti hlaut gullmerki KKÍ og var valinn körfuknattleiksdómari 20. aldar árið 2001og hlaut ennfremur margar heiðursviðkenningar KR fyrir sín störf í þágu félagsins og körfuknattleiksíþróttarinnar, sem hann fórnaði miklum tíma fyrir lengst af ævi sinnar. En hann fékk líka margar viðurkenningar fyrir framlag sitt og var hann t.d. oft valinn besti dómari tímabilsins af bæði KKÍ, þjálfurum liða og leikmönnum. En þeir eru þeir ekki margir sem hafa skilað jafn miklu verki í þágu körfuknattleiksíþróttarinnar á Ísland.

Eftirlifandi eiginkona er Jónína M. Aðalsteinsdóttir. Synir þeirra eru Aðalsteinn, Jón Otti og Hallgrímur. Barnabörnin eru átta talsins og barnabarnabörnin níu.

Körfuknattleiksdeild KR þakkar Jóni Otta Ólafssyni fyrir hans mikla og ómetanlega starf í þágu körfuknattleiks í KR og hér á landi og vottar fjölskyldu hans og vinum samúð sína við fráfall hans.

Blessuð sé minning Jóns Otta Ólafssonar.

Bikarinn oftast - bikarblað

Wed, 19 Mar 2025 10:03:18 GMT

Bikarblað KR körfu 2025 er komið út!

Það er stór bikarvika hafin hjá okkur og því ærið tilefni til að gefa út bikarblað. Í blaðinu er m.a. viðtal við Tóta túrbó, Kobba, Hildi Sig og Palla Kolbeins. Blaðinu er einnig dreift í Vesturbæ Reykjavíkur, eins og upplag leyfir.

Blaðið má skoða hér

Áfram KR!

Árskortasalan er hafin

Mon, 17 Mar 2025 13:28:26 GMT

Nú styttist heldur betur í að fótboltinn fari af stað, aðeins þrjár vikur í fyrsta leik tímabilsins í Bestu deildinni. Við erum tilbúin og kortin okkar eru komin í sölu.

Vertu með okkur í sumar og styðjum okkar lið í bíðu og stríðu - Við erum KR.

Miðasala er hafin hér

Hlökkum til sumarsins með ykkur - sjáumst á vellinum!

Ragna Lára í æfingahóp U15

Mon, 17 Mar 2025 10:04:04 GMT

Margrét Magnúsdóttir landsliðsþjálfari U15 kvenna hefur valið KR-inginn Rögnu Láru Ragnarsdóttur til æfinga dagana 18.-19. mars 2025. Æfingarnar fara fram í Miðgarði, Garðabæ.

Hópinn í heild má sjá hér

Aðalfundur glímudeildar

Fri, 14 Mar 2025 13:05:52 GMT

Aðalfundur glímudeildar verður haldinn í Bikarherbergi KR mánudaginn 24. mars nk. kl. 19:00.

Á dagskrá eru hefðbundin aðalfundarstörf.

Kveðja,

stjórnin.

Kara og Rakel i æfingahóp U16

Mon, 10 Mar 2025 17:28:01 GMT

Aldís Ylfa Heimisdóttir landsliðsþjálfari U16 kvenna, hefur valið Köru Guðmundsdóttur og Rakel Grétarsdóttur til æfinga dagana 18. og 19. mars nk.. Æfingarnar fara fram í Miðgarði, Garðabæ.

N1 áfram í liði með KR

Mon, 10 Mar 2025 17:17:48 GMT

Knattspyrnudeild KR og N1 hafa framlengt samstarfssamning aðila á milli til tveggja ára, en samningurinn

felur í sér stuðning N1 við viðamikið starf knattspyrnudeildar KR. Það voru þeir Arnór Skúli Arnarsson, vörumerkjastjóri N1 og Magnús Orri Marínarson Schram, formaður knattspyrnudeildar KR, sem undirrituðu samninginn fyrr í dag.

Við erum gríðarlega stolt og ánægð að N1 verði næstu árin í stuðningsliði KR.

Guðbjörg Vala önnur í meistaraflokki og Helena Íslandsmeistari í 1. flokki

Sun, 02 Mar 2025 23:25:44 GMT

KR með verðlaunahafa í átta flokkum á Íslandsmótinu

Guðbjörg Vala Gunnarsdóttir varð í 2. sæti í meistaraflokki kvenna á Íslandsmótinu í borðtennis, sem fram fór helgina 28. febrúar til 2. mars í TBR-húsinu. Guðbjörg Vala sló Íslandsmeistarann frá í fyrra út í undanúrslitum en náði ekki sigra Nevenu Tasic úr Víkingi í úrslitaleik. Guðbjörg Vala er aðeins 14 ára og á því framtíðina fyrir sér.

Helena Árnadóttir, sem er líka fædd árið 2010, varð Íslandsmeistari í 1. flokki kvenna, og áttu KR-ingar alla verðlaunahafa í flokknum.

Aldís Rún Lárusdóttir varð í 2. sæti í tvíliðaleik kvenna, en hún lék með Sól Kristínardóttur Mixa úr BH. Guðrún G Björnsdóttir og Hrefna Namfa Finnsdóttir höfnuðu í 3.-4. sæti, sem og Guðbjörg Vala Gunnarsdóttir og Helena Árnadóttir.

Davíð Jónsson varð í 3.-4. sæti í einliðaleik í meistaraflokki karla.

Eiríkur Logi Gunnarsson og Pétur Gunnarsson fengu brons í tvíliðaleik karla.

KR átti verðlaunahafa í átta flokkum af níu á mótinu.

Finnur Hrafn Jónsson tók myndirnar sem fylgja með fréttinni. Á forsíðunni má sjá verðlaunahafa KR en Ársól Clöru Arnardóttur, Guðrúnu G Björnsdóttur og Ísak Aryan Goyal vantar á myndina.

Verðlaunahafar á Íslandsmótinu 2025

Meistaraflokkur karla

1. Ingi Darvis Rodriguez, Víkingi

2. Magnús Gauti Úlfarsson, BH

3.-4. Birgir Ívarsson, BH

3.-4. Davíð Jónsson, KR

Meistaraflokkur kvenna

1. Nevena Tasic, Víkingi

2. Guðbjörg Vala Gunnarsdóttir, KR

3.-4. Halldóra Ólafs, Selfossi

3.-4. Sól Kristínardóttir Mixa, BH

1. flokkur karla

1. Benedikt Aron Jóhannsson, Víkingi

2. Kristján Ágúst Ármann, BH

3.-4. Heiðar Leó Sölvason, BH

3.-4. Karl Andersson Claessson, KR

1. flokkur kvenna

1. Helena Árnadóttir, KR

2. Ársól Clara Arnardóttir, KR

3.-4. Anna Sigurbjörnsdóttir, KR

3.-4. Hrefna Namfa Finnsdóttir, KR

2. flokkur karla

1. Heiðar Leó Sölvason, BH

2. Krystian May-Majewski, BR

3.-4. Ísak Aryan Goyal, KR

3.-4. Piotr Herman, BR

2. flokkur kvenna

1. Emma Niznianska, BR

2. Anna Sigurbjörnsdóttir, KR

3.-4. Sigurlína Guðbjörnsdóttir, KR

3.-4. Þórunn Erla Gunnarsdóttir, KR

Tvíliðaleikur karla

1. Birgir Ívarsson/Magnús Gauti Úlfarsson, BH

2. Ingi Darvis Rodriguez/Magnús Jóhann Hjartarson, Víkingi

3.-4. Alexander Chavdarov Ivanov/Benedikt Aron Jóhannsson, BH/Víkingi

3.-4. Eiríkur Logi Gunnarsson/Pétur Gunnarsson, KR

Tvíliðaleikur kvenna

1. Halldóra Ólafs/Nevena Tasic, Selfossi/Víkingi

2. Aldís Rún Lárusdóttir/Sól Kristínardóttir Mixa, KR/BH

3.-4. Guðbjörg Vala Gunnarsdóttir/Helena Árnadóttir, KR

3.-4. Guðrún G Björnsdóttir/Hrefna Namfa Finnsdóttir, KR

Tvenndarleikur

1. Magnús Gauti Úlfarsson/Sól Kristínardóttir Mixa, BH

2. Ingi Darvis Rodriguez/Nevena Tasic, Víkingi

3.-4. Magnús Jóhann Hjartarson/Eva Jósteinsdóttir, Víkingi

3.-4. Þorbergur Freyr Pálmarsson/Emma Niznianska, BH/BR

Úrslit úr öllum leikjum á mótinu má sjá á vef mótsins hjá Tournament Software: Íslandsmót 2025 | Tournamentsoftware.com

Aðalfundur knattspyrnudeildar KR

Thu, 27 Feb 2025 14:48:20 GMT

Aðalfundur knattspyrnudeildar KR fór fram í félagsheimili KR miðvikudaginn 26. febrúar kl. 17. Fundinn sóttu 30 manns. Páll Kristjánsson gerði grein fyrir starfsemi deildarinnar 2024. Þá var ársreikningur fyrir síðasta starfsár kynntur og samþykktur sem og fjárhagsáætlun fyrir starfsárið 2025.

Undir liðnum önnur mál gerði Óskar Hrafn Þorvadsson yfirmaður knattspyrnumála grein fyrir endurskipulagningu á knattspyrnustarfi deildarinnar. Þá var stjórnarmönnum sem létu af störfum á aðalfundi þökkuð góð störf, sér í lagi Páli Kristjánssyni sem lét af formennsku eftir 5 ár í embætti.

Ný stjórn var kosin og hana skipa: Magnús Orri Marínarson Schram (formaður)

Baldur Stefánsson

Bjarki Pjetursson

Einar Örn Ólafsson

Guðlaug Jónsdóttir

Guðrún Ása Björnsdóttir

Guðrún Sóley Gunnarsdóttir

Haukur Ingi Guðnason

Hildur Margrét Nielsen

Indriði Sigurðsson

Atli Sigurjóns skrifar undir nýjan tveggja ára samning

Wed, 26 Feb 2025 14:47:54 GMT

Það gleður okkur að Atli Sigurjóns hefur ákveðið að vera áfram í Vesturbænum og hefur skrifað undir nýjan tveggja ára samning. Atla þarf vart að kynna fyrir KR-ingum, hann hefur verið í KR frá árinu 2012 (með stuttu hléi) og hefur hann spilað yfir 200 leiki fyrir félagið og skorað 42 mörk.

Gull í hús á alþjóðlegu móti

Wed, 26 Feb 2025 14:47:51 GMT

Um liðna helgi fór fram alþjóðlegt taekwondomót í Slóveníu. Keppendur voru 800 talsins og þeirra á meðal margt fremsta keppnisfólk Evrópu. Íslenska landsliðið í sparring var meðal þátttakenda, og einn þeirra er Vesturbæingurinn Guðmundur Flóki Sigurjónsson. Með þeim í för var nýr landsliðsþjálfari, Bretinn Rich Fairhurst.

Guðmundur Flóki færði sig nýlega upp í -78 kg flokk unglinga og keppti í honum um helgina. Í átta manna úrslitum sigraði Guðmundur Flóki sterkan keppanda frá Ungverjalandi 2-0. Í undanúrslitum var það svo öflugur keppandi frá Króatíu sem varð að láta í minni pokann 2-1 fyrir Guðmundi Flóka, sem gerði sér svo lítið fyrir og sigraði einnig keppanda frá Bosníu í úrslitum 2-0 og landaði þar með gullinu.

Guðmundur Flóki er efnilegasti junior keppandi landsins og sá Íslendingur sem unnið hefur flestar alþjóðlegar junior E-medalíur, en eftirsóttustu mótin í unglingaflokki eru E-mót, sem gefa stig á Evrópulistanum. Ásamt því að vera fremstur í sínum flokki á Íslandi er Guðmundur Flóki einn af þjálfurum taekwondodeildar KR.

Guðmundur er frábær fyrirmynd fyrir unga taekwondo iðkendur.

Þórunn Erla sigraði í meyjaflokki á Ping Pong aldursflokkamóti Víkings

Tue, 25 Feb 2025 21:22:39 GMT

Þórunn Erla Gunnarsdóttir sigraði í meyjaflokki 13-15 ára á Ping Pong aldursflokkamóti Víkings, sem fram fór í TBR-húsinu sunnudaginn 23. febrúar. Marta Dögg Stefánsdóttir varð í 3. sæti, en Emma Niznianska úr BR varð í 2. sæti. Þær þrjár fengu allar jafnmarga vinninga en Þórunn sigraði á besta hlutfalli unninna og tapaðra lotna.

Þórunn og Marta voru einu keppendur KR á mótinu.

Guðbjörg Vala og Helena kepptu á Safir í Svíþjóð

Sun, 23 Feb 2025 20:35:14 GMT

Guðbjörg Vala Gunnarsdóttir og Helena Árnadóttir voru valdar úr kvennalandsliðshópnum til að keppa á Safir International mótinu í Örebro í Svíþjóð helgina 21.-23. febrúar en þær eru báðar fæddar árið 2010. Þriðji leikmaðurinn í hópnum var Sól Kristínardóttir Mixa úr BH. Stúlkurnar kepptu allar í nokkrum flokkum, bæði aldursflokkum og styrkleikaflokkum.

Guðbjörg Vala náði bestum árangri íslensku stúlknanna á mótinu en hún varð í 5.-8. sæti í flokki stúlkna 15 ára og yngri, og féll úr leik fyrir sigurvegaranum í flokknum. Hún varð svo í 9.-16. sæti í flokki 16 ára og yngri og í 17.-32. sæti í flokki stúlkna 20 ára og yngri.

Helena varð í 9.-16. sæti í flokki 15 ára og yngri og féll úr leik fyrir stigahæstu sænsku stúlkunni.

Stúlkurnar höfnuðu báðar í 17.-32. sæti í flokki 14 ára og yngri stúlkna.

Forsíðumynd af stúlkunum þremur með Peter Nilsson landsliðsþjálfara.

Cheerios-mótið 2025

Fri, 21 Feb 2025 17:54:41 GMT

Dagana 8. - 9. febrúar fór fram Cheerios-mótið á Seltjarnarnesi. Við tefldum fram þremur liðum sem stóðu sig vel. Strákarnir hafa verið duglegir að æfa undir stjórn þjálfaranna sinna.

Næsta mót strákanna er um miðjan apríl þegar þeir fara í Úlfarsárdalinn.

Drengir í 7. flokki á þriðja Íslandsmóti vetrarins

Thu, 20 Feb 2025 14:58:11 GMT

Helgina 25. - 26.janúar léku strákarnir í 7. flokki á þriðja Íslandsmóti vetrarins. Mótið fór fram í Framheimilinu í Úlfarsárdal. 18 strákar tóku þátt í fjórum liðum. Það var gaman að sjá framfarirnar hjá strákunum á mótinu en þeir hafa verið dulegir að æfa undir handleiðslu þjálfaranna sinna. Næsta mót strákanna er í byrjun mars þegar þeir mæta í Kópavoginn og taka þátt á Ákamóti HK.

Æfingatímarnir eru:

Mánudagar kl. 15:30-16:30

Miðvikudagar kl. 15:30-16:20

Æfingar fara fram íþróttahúsi Hagaskóla.

Þjálfarar flokksins eru þeir Antoine, Kári, Hannes og Mikki. Þeir taka vel á móti öllum sem vilja prófa.

7. flokkur kvenna mætti á mót

Thu, 20 Feb 2025 09:31:48 GMT

Á dögunum fór fram mót hjá stelpunum í 7. flokki kvenna. Mótið fór fram í Safamýri í umsjón Víkinga. Stelpurnar okkar léku fjóra leiki, skemmtu sér konunglega og lögðu sig allar fram. Næsta mót stelpnanna er í byrjun mars þegar þær fara á hið árlega Ákamót HK.

Æfingatímar 7.flokks kvenna eru:

Þriðjudagar kl. 15:30-16:20

Föstudagar kl. 16:30-17:20

Við viljum hvetja allar stelpur í 3. og 4. bekk að koma og prófa. Æfingarnar fara fram í íþróttahúsi Hagaskóla. Arna Katrín Viggósdóttir er þjálfari stelpnanna og tekur vel á móti þeim.

Margir KR-ingar á palli á Hjálmarsmótinu

Wed, 19 Feb 2025 17:50:44 GMT

Hjálmarsmótið í borðtennis fór fram í Íþróttahúsi Hagaskóla 15.-16. febrúar. Bæði var keppt í aldursflokkum og styrkleikaflokkum, auk þess sem keppt var í „big table“ tvíliðaleik. Fjölmargir KR-ingar unnu til verðlauna á mótinu.

Í meistaraflokki elite karla voru þrír KR-ingar í verðlaunasætum, þeir Pétur Gunnarsson, Ellert Kristján Georgsson og Norbert Bedö (sjá forsíðumynd) en þeir máttu játa sig sigraða fyrir Þorbergi Frey Pálmarssyni úr BH, sem sigraði nokkuð óvænt á mótinu.

Í meistaraflokki elite kvenna varð Guðbjörg Vala Gunnarsdóttir í 2. sæti og Guðrún Gestsdóttir í 4. sæti. Halldóra Ólafs úr BM sigraði en Guðbjörg Vala hafði sigrað hana í innbyrðis viðureign (sjá mynd).

Verðlaunahafar:

Meistaraflokkur karla elite

1. Þorbergur Freyr Pálmarsson, BH
2. Pétur Gunnarsson, KR
3. – 4. Ellert Kristján Georgsson, KR
3. – 4. Norbert Bedö, KR

Meistaraflokkur kvenna elite

1. Halldóra Ólafs, BM
2. Guðbjörg Vala Gunnarsdóttir, KR
3. Sól Kristínardóttir Mixa, BH
4. Guðrún Gestsdóttir, KR

Opinn Flokkur B (undir 2000 stigum)

1. Benedikt Aron Jóhannsson, Víkingur
2. Darian Adam Róbertsson Kinghorn, HK
3. – 4. Luca De Gennaro Aquino, KR
3. – 4. Lúkas André Ólason, KR

Opinn Flokkur C (undir 1500 stigum)

1. Benedikt Darri Malmquist, HK
2. Piotr Herman, BR
3. – 4. Magnús Birgir Kristinsson, Víkingur
3. – 4. Sigurjón Ólafsson, HK

Stelpur og strákar u12 ára

1. Brynjar Gylfi Malmquist, HK
2. Guðmundur Ólafur Bæringsson, Garpur
3. – 4. Bragi Páll Hauksson, KR
3. – 4. Úlfur Guðnason, UMF Laugdælir

Stelpur og strákar u15 ára

1. Dawid May-Majewski, BH
2. Almar Elí Ólafsson, Selfoss
3. – 4. Ari Jökull Jóhannesson, Leiknir
3. – 4. Marta Dögg Stefánsdóttir, KR

Karlar og konur 40 ára og eldri

1. Piotr Herman, BR
2. Stefán Orlandi, Selfoss
3. – 4. Hannes Guðrúnarson, KR
3. – 4. Viliam Marcinik, KR

Big table tvíliðaleikur

1. Anton Óskar Ólafsson/Benedikt Aron Jóhannsson, Garpur/Víkingur
2. Gestur Gunnarsson/Guðbjörg Vala Gunnarsdóttir, KR
3. – 4. Ellert Kristján Georgsson/Luca de Gennaro Aquino, KR
3. – 4. Karl A. Claesson/Magnús Thor Holloway, KR

Gullmót KR 2025

gunnaregillb@gmail.com (Gunnar Egill Benonýsson) — Wed, 19 Feb 2025 14:25:14 GMT

Gullmót KR fór fram í laugardalslaug 14-16 febrúar, um er að ræða fjölmennasta sundmót ársins og voru mikil fagnaðarlæti og fjör í lauginni.

Alls tóku þátt 413 keppendur frá 17 íþróttafélögum

Það voru teknar 1926 stungur og synt 66 boðsund yfir helgina.

KR – superchallenge fór fram á laugardagskvöldið en það er gífurlega skemmtileg útsláttar keppni í 50 metra flugsundi með ljósasýningu, tónlist og tilheyrandi látum

Sigurvegarar KR Superchallenge Karla voru:

1. Sæti Birnir Freyr Hálfdánarsson frá Sundfélagi Hafnafjarðar en hann synti á tímanum 25.07 sekúndum

2. Sæti Aron Bjarki Pétursson frá Sundfélagi Hafnafjarðar en hann synti á tímanum 26.19 sekúndum

Sigurvegarar KR Superchallenge kvenna voru:

1. Sæti Jóhanna Elín Guðmundsdóttir frá Sundfélagi Hafnafjarðar en hún synti á tímanum 27.57 sekúndum

2. Sæti Vala Dís Cicero frá Sundfélagi Hafnafjarðar en hún synti á tímanum 27.89 sekúndum

Óskum þeim innilega til hamingju með árangurinn

Það er ekki hægt að halda sundmót án aðstoðar sjálfboðaliða sem gengdu ýmsum störfum um helgina og viljum við þakka þeim innilega fyrir þeirra frábæru störf

Myndir af Gullmóti KR 2025 verða birtar inná facebook síðu KR og facebook síðu Gullmótsins

https://www.facebook.com/krsund

https://www.facebook.com/gullmot

Aðalfundur knattspyrnudeildar KR

Tue, 18 Feb 2025 13:53:53 GMT

Aðalfundur knattspyrnudeildar KR verður haldinn í félagsheimili KR miðvikudaginn 26. febrúar 2025 kl. 17:00.

Á dagskrá eru hefðbundin aðalfundarstörf, skv. lögum félagsins.

Framboðsfrestur til stjórnar rennur út eigi síðar en fimm dögum fyrir aðalfund, 21. febrúar nk. Framboðum skal skila til framkvæmdastjóra knattspyrnudeildar, Geirs Þorsteinssonar, með tölvupósti á netfangið geir@kr.is .

KR 126 ára og fyrsta skóflustunga af nýju fjölnotaíþróttahúsi

Sun, 16 Feb 2025 15:02:12 GMT

Knattspyrnufélag Reykjavíkur er 126 ára í dag og því við hæfi að taka fyrstu skóflustungu af fjölnotaíþróttahúsi

félagsins, sem við höfum beðið svo lengi eftir.

Það voru iðkendur úr deildum félagsins sem tóku fyrstu skóflustunguna ásamt Þórhildi Garðarsdóttur, formanni KR, Einari Þorsteinssyni Borgarstjóra, Skúli Helgasyni formanni menningar- og íþróttaráðs Reykjavíkur og Árna Geir Magnússyni formanni byggingarnefndar félagsins.

Við munum fljótlega setja inn upplýsingar um byggingafasa hússins og upplýsa ykkur um stöðuna reglulega fram að vígslu.

Til hamingju með daginn allir KR-ingar

Heiðursviðurkenningar 2025

Sun, 16 Feb 2025 13:31:33 GMT

Við lokuðum 125 ára afmælis ári félagsins með því að veita heiðursviðurkenningar KR.

Að þessu sinni voru sjö sæmdir Stjörnu KR og tveir vor settir Heiðursfélagar KR.

Stjarna KR

Helgi Bjarnason - glíma

Helgi gekk í glímudeild KR 1973 og hóf keppni ári síðar. Helgi vann til margra verðlauna og varð m.a. Íslandsmeistari 1989-1991 í sínum þyngdarflokki og skjaldarhafi Ármanns 1982.

Fyrir utan langa keppnissögu hefur Helgi unnið mikið og ötullega að framgangi glímunnar bæði innan og utan KR. Helgi tók einnig þátt í að kynna og keppa í glímu fyrir utan landsteinana. Hann hefur sinnt stjórnunarstörfum í glímudeild KR samfleytt frá 1976, er enn að og er núverandi formaður deildarinnar. Helgi var einnig í stjórn glímusambandsins á sínum tíma.

Kristinn Kjærnested - knattspyrna

Kristinn Kjærnested er fæddur 1972. Hann lék knattspyrnu með KR upp yngri flokka félagsins. Strumpurinn eins og hann var oft kallaður á sínum yngstu árum þótti efnilegur til afreka í knattspyrnunni, en slæm meiðsli í 2. flokki 1991 í leik uppi á Skaga þar sem Íslandsmeistaratitillinn vannst ollu því að hann lagði knattspyrnuiðkunina á hilluna alltof snemma, þegar framtíðin átti að blasa við.

Þegar skipulagsbreytingarnar voru gerðar á starfsemi knattspyrnudeildarinnar rétt fyrir aldamótin, var Kristinn kjörinn í nýja stjórn Rekstrarfélags KR á árunum 1999-2001. Rekstrarfélagið var síðan lagt niður, en þá tók hann sæti í stjórn KR-Sport ehf, á árunum 2001- 2006. Svo þegar KR-Sport var sett til hliðar var Kristinn kjörinn formaður knattspyrnudeildar KR og gegndi hann því starfi frá árinu 2008 fram í febrúar 2020, er hann gaf ekki kost á sér til endurkjörs. Enginn formaður hefur setið lengur í sögu knattspyrnudeildar KR.

Tímabilið 1999-2020 var eitt hið sigursælasta í sögu KR. KR vann alls 7 Íslandsmeistaratitla karla á þessum árum og 5 sinnum varð KR bikarmeistari karla. Þá unnu konurnar einnig frækna sigra framan af þessu tímabili með 3 Íslandsmeistaratitla og 4 bikarmeistaratitla. Hlutur Kristins í þessum árangri var mikill. Stjórnunarhæfileikar hans ásamt djúpum skilningi á knattspyrnunni skiptu þar megin máli en ekki síður hæfileikinn að finna fjármagn til að standa undir rekstri deildarinnar, því að árangur í íþróttum kostar peninga í dag. Samstarf hans og Rúnars Kristinssonar, þjálfara meistaraflokks karla, lengst af á árunum 2010-2019, var rómað þegar titlarnir komu á færbandi.

Stefán Haraldsson - knattspyrna

Stefán Haraldsson er fæddur 1952. Stefán var ekki afreksmaður í íþróttum en skilaði KR síðar ómældum stuðningi í stjórnun knattspyrnudeildarinnar og við hin ýmsu fjáröflunarverkefni deildarinnar á áratugunum eftir 1980. Hann var kjörinn í stjórn deildarinnar í desember 1981 og tók við sem varaformaður haustið 1984. Gegndi hann því embætti til haustsins 1988, er hann var kjörinn formaður, en því embætti gegndi hann næstu 3 árin þ.e. til haustins 1991.

Stefán hélt áfram að skipta sér af málefnum knattspyrnudeildarinnar og KR, eftir að formennskunni lauk, og voru orð hans og gerðir ávallt KR til góðs.

Þá hefur hann aldrei hætt afskiptum af KR-flugeldum sem voru ein aðal tekjulind deildarinnar á seinni hluta níunda áratugarinns og langt fram yfir aldamótin. Enn þann dag í dag eru KR flugeldar fluttir inn undir nafni og í skjóli S. Árnason ehf, sem er fyrirtæki sem Stefán og fjölskylda hans hafa rekið um áratugi.

Guðrún Kristmundsdóttir - karfa

Guðrún er fædd og uppalin í KR og hefur gengt margvíslegum störfum fyrir KR í gegnum tíðina. Hún var t.a.m formaður körfuknattsleiksdeildarinnar í fimm ár þar sem karlaliðið vann öll árin Íslandsmeistaratitilinn. Guðrún hefur setið í aðalstjórn KR frá árinu 2020. Hún hefur rekið Bæjarins bestu pylsur í meira en 30 ár og hefur fyrirtækið stutt dyggilega við starf deildarinnar allan þann tíma.

Kristján Stefánsson - skák

Kristján Stefánsson var kosinn formaður Skákdeildar við stofnun deildarinnar árið 1999 og sinnti því ötullega starfi í 24 ár. Kristján er sterkur skákmaður sem meðal annars hefur unnið það afrek að gera jafntefli í fjöltefli við sjálfan Bent Larsen, sem var einn af sterkustu skákmönnum heims á árum áður.

Afrek Kristjáns á skáksviðinu tengjast þó meira því að hafa stýrt skákdeild KR um langt skeið og verið öflugur stjórnarmaður eftir að formennskutíð hans lauk. Kristján hefur verið algjör lykilmaður í starfi skákdeildar frá upphafi og hefur jafnframt gert mun meira en að sinna hefðbundnum stjórnarstörfum. Hann hefur til dæmis einnig verið lykilmaður í fjáröflun deildarinnar frá upphafi.

Frá stofnun hefur skákdeildin haldið úti reglulegum skákæfingum og alltaf tekið þátt í að skipuleggja margar skákferðir, bæði ferðir í æfingabúðir innanlands og í keppnisferðir til útlanda. Barnastarf deildarinnar eða oflugt og mætir Kristján á flestar barnaæfingar og segir krökkum til.

Guðjón P. Ólafsson - skíði

Guðjón æfði og keppti fyrir skíðadeild KR á árunum 1962-1970 og síðan þá hefur hann verið ómetanlegur stuðningsmaður deildarinnar og gengt fjölmörgum ábyrgðarstörfum deildarinnar. Guðjón spilaði stórt hlutverk við uppbyggingu í Skálafelli og einn af lykilmönnum í uppsetningu allra skíðalyftanna þar. Hann hefur einnig ávallt verið til taks vegna viðhalds á eignum félagsins okkar. Guðjón var formaður deildarinnar 1992-1996 og sat um árabil í aðalstjórn KR.

Jóhannes Benediktsson - sund

Jóhannes er fæddur 1957, fæddur og uppalinn í Safamýri en hefur verið mikill KR-ingur allar götur síðan hann flutti í Vesturbæinn snemma á áttunda áratug síðustu aldar !

Það skal það tekið fram að hann neitar öllum tengingum við Fram og sitt fyrra líf.

Jóhannes kom fyrst inn í stjórn Sunddeildar KR árið 1994 og varð formaður sunddeildar í kjölfarið og sinnti því að mestu á árunum 1997-2016.

Jóhannes byggði upp eina stærstu og sterkustu sunddeild landsins, hvort sem það sneri að sundskóla fyrir yngstu iðkendur, almenna kennslu fyrir allan aldur eða afreksstefnu. Deildin átti t.a.m. keppendur á öllum Ólympíuleikum frá 2004 til 2012.

Jóhannes byggði upp stærsta sundmót Íslands, Gullmót KR sem er þekkt fyrir að bjóða upp á aðra upplifun en hafði þekkst áður á Íslandi. Jóhannes hefur ekki aðeins unnið mikið sjálfboðastarf fyrir sunddeildina, því hann var um tíma formaður Sundráðs Reykjavíkur, í stjórn sundsambands Íslands og svo var hann einnig í framkvæmdarstjórn KR frá 2006-2010.

Heiðursfélagar KR

Guðmundur Pétursson

Guðmundur lék knattspyrnu með KR upp yngri flokka félagsins og eignaði sér fljótlega markvörsluna í þeim liðum sem hann lék í og þótti snemma efnilegur í markinu. Þá reyndi hann einnig töluvert fyrir sér í körfuknattleik og hafði alla burði til að ná langt þar, en knattspyrnan hafði þó alltaf forgang. Þegar Heimir Guðjónsson lagði markmannsskóna að mestu á hilluna hausið 1965 eftir slæm meiðsli var það Guðmundur sem tók við markvörslunni hjá KR næstu árin og stóð sig svo vel að hann var kominn í landsliðið að ári og lét þar 3 leiki. Guðmundur lék alls 79 leiki með meistaraflokki KR í knattspyrnu á árunum 1966-1973, en lagði þó skóna að mestu á hilluna sumarið 1970. Lögfræðinám fékk þá forgang hjá honum.

Guðmundur varð einu sinni Íslandsmeistari í knattspyrnu 1968 og í tvígang varð hann bikarmeistari, 1966 og 1967. Guðmundur varð einnig tvisvar Íslandsmeistari í körfuknattleik, árin 1966 og 1974 og tvisvar sinnum bikarmeistari 1973 og 1974.

Guðmundur sinnti þjálfun yngri flokka KR, aðallega 3. flokks, um langt árabil á sjörunda og áttunda áratugnum. Þá var hann aðstoðarþjálfari meistaraflokks þegar Tony Knapp tók að sér þjálfun KR og tók svo sjálfur við þjálfun meistaraflokks ásamt Ólafi Lárussyni árið 1976.

Loks bjargaði hann KR haustið 1981 þegar hann fyllti í skarð Manfred Steves, sem var rekinn þegar fallið blasti við. Guðmundur hefur loks gengt hinum ýmsustu stjórnarstörfum fyrir knattspyrnuna í KR, félagið í heild og knattspyrnuhreyfinguna. Hann sat í stjórn knattspyrnudeildar á árunum 1969-1977 og 1980-1981. Þá var hann formaður rekstarafélags KR á árunum 2998-2000 þegar íslandsmeistaratitillinn vannst loks aftur, undir stjórn hans, og átti jafnframt sæti í stjórn KR-sports ehf. Hann sat í aðalstjórn KR, og var formaður KR-klúbbsins. Guðmundur var kosinn í stjórn KSÍ í árslok 1989, og sat þar í 5 ár sem varaformaður.

Hann sat í áfrýjunardómstól UEFA og var einnig eftirlitsmaður. Ótalin eru þá víðtæk störf hans innanlands í laganefndum og dómstólum íþróttahreyfingarinnar og fundarstjórn á aðalfundum eða ársþingum KR og KSÍ í mörg ár.

Guðmundur er handhafi heiðurskross KSÍ, heiðurskross ÍSÍ, ásamt gullmerkis KRR, sem eru æðstu heiðursviðurkenningar þessara samtaka, ásamt stjörnu KR.

Guðmundur Pétursson var þungavigtarmaður í stjórnun KR og knattspyrnuhreyfingarinnar á undanförnum áratugum og í því að lyfta KR aftur á toppinn í íslenskri knattspyrnu um síðustu aldamót.

Kolbeinn Pálsson

Kolbeinn er nú þegar handhafi stjörnu KR síðan 2009 og er öllum KR-ingum og körfuknattsleiksunnendum landsins vel kunnur. Kolbeinn hefur tekið virkan þátt í starfi KR síðan á sjötta áratug síðustu aldar, sem leikmaður, þjálfari, stjórnarmaður, bakhjarl og dyggur stuðningsmaður.

Þá lék hann 55 A-landsleiki á ferlinum. Þegar honum lauk var hann virkur í félagsstarfi ekki aðeins í KR, heldur m.a. sem formaður Körfuknattleikssambands Íslands á árunum 1988-1996. Loks er Kolbeinn í mjög fámennum hópi, þ.e. annar tveggja körfuknattleiksmanna sem hefur verið kjörinn Íþróttamaður ársins, ásamt félagasínum í KR, Jóni Arnóri Stefánssyni, en þann titil hlaut Kolbenn árið 1966.

Við óskum nýkrýndum stjörnum KR og heiðursfélögum til hamingju með tilnefninguna um leið og við þökkum fyrir óeigingjörn störf í þágu félagsins.

Ungir og efnilegir skrifa undir samning

Fri, 14 Feb 2025 10:54:33 GMT

Þrír ungir og efnilegir KR-ingar hafa skrifað undir samning við félagið undanfarnar vikur.

Alexander Rafn Pálmason (2010) hefur skrifað undir samning við KR út keppnistímabilið 2027. Alex er mikið efni og hefur verið á reynslu hjá FCK og Nordsjælland á liðnum vikum. Alex hóf ferlilinn í Gróttu en færði sig yfir í KR í 5. flokki. Alex æfir og hefur spilað leiki fyrir meistaraflokk félagsins og Alex á 3 leiki fyrir yngri landslið Íslands.

Sigurður Breki Kárason (2009) hefur skrifað undir nýjan samning við uppeldisfélagið, út keppnistímabilið 2027. Sigurður Breki hefur æft með meistaraflokki í vetur og hefur staðið sig vel. Sigurður Breki er mikið efni sem á þrjá landsleiki með yngri landsliðum Íslands.

Matthildur Eygló Þórarinsdóttir var að skrifa undir sinn fyrsta samning við uppeldisfélagið, KR. Matta hefur staðið sig frábærlega í markinu upp alla yngri flokka félagsins og á sannarlega framtíðina fyrir sér í markinu. Matta á tvo leiki með U15. Matta hefur einnig staðið sig mjög vel í körfunni og á einnig yngri landsleiki í körfu. Það verður gaman að fylgjast með Möttu í markinu í framtíðinni.

Til hamingju með fyrsta samninginn Matta

Það verður gaman að fylgjast með þeim, Alex, Sigga Breka og Möttu í framtíðinni.

Aukaæfingar í vetrarfríinu

Wed, 12 Feb 2025 13:15:17 GMT

Eins og undanfarin vetrarfrí verða aukaæfingar fyrir þá sem vilja dagana 24. og 25. febrúar.

Börn fædd æfa frá kl.9:30-11:30

Börn fædd 2012-2009 æfa frá kl. 13:00-15:00

Þjálfarar eru Nimrod og Þórir leikmenn meistaraflokks.

Skráning er hafin á abler.

Björgólfur Guðmundsson látinn

Wed, 12 Feb 2025 10:56:52 GMT

Stór-KR-ingurinn Björgólfur Guðmundsson lést 2. febrúar síðastliðinn 84 ára að aldri.

Björgólfur ólst upp á Framnesveginum, vestast í Vesturbænum, og byrjaði ungur að æfa með KR. Hann lék með félaginu upp alla yngri flokka í mjög sigursælum árgangi sem vann fjölmarga titla fyrir KR. Í þessum hópi voru margir strákar sem seinna áttu eftir að gera garðinn frægan í meistaraflokki svo sem Þórólfur Beck, Örn Steinsen, Gunnar Felixson og Kristinn Jónsson svo einhverjir séu nefndir.

Björgólfur var alla tíð ákafur stuðningsmaður félagsins og lét ekki sitt eftir liggja við sjálfboðaliðastörf og vann mikið fyrir félagið sitt á margan hátt. Árið 1995 var hann kjörinn formaður knattspyrnudeildar og var þar formaður til ársins 1998 er hann tók við formennsku í KR sport hf. sem þá var nýstofnað m.a. að frumkvæði Björgólfs. Sem formaður knattspyrnudeildar lagði hann grunn að því þegar félagið vann árið 1999 tvöflalt, íslandsmeistaratitil bæði karla- og kvennamegin í fótboltanum eftir of langa bið. Þeirri aðkomu Björgólfs verður seint gleymt og allir KR-ingar afar þakklátir aðkomu hans að þeim glæstu sigrum.

Eftir að hann hætti formlegum störfum fyrir félagið varð hann einn af helstu bakhjörlum knattspyrnunnar hjá KR , sem hann sýndi bæði í orði og á borði og missti varla úr leik hjá liðinu og verður mikill missir af því hitta hann ekki á leikjum liðsins héðan í frá. Það er ekki ofsögum sagt að betri stuðningsmann við íþróttafélag er vart hægt að hugsa sér.

KR-ingar kveðja Björgólf með virðingu og kærum þökkum og votta aðstendum innilega samúð.

F.h. Knattspyrnufélags Reykjavíkur

Þórhildur Garðarsdóttir

Formaður KR

Handboltaskóli í vetrarfríinu

Wed, 12 Feb 2025 09:49:37 GMT

Vetrarleyfi grunnskólanna er á næsta leiti. Eins og undanfarin ár verður Handboltaskóli Gróttu/KR starfræktur þá daga. Skólinn verður í Hertz-höllinni milli kl. 09:00-12:00 og fer skráningin fram í Abler.

Skipt verður í hópa eftir aldri. Námskeiðið er jafnt fyrir þá sem æfa og hafa ekki æft áður. Stelpur eru sérstaklega hvattar til að skrá sig á námskeiðið.

Þjálfarar námskeiðsins eru þjálfarar deildarinnar og leikmenn meistaraflokks.

Hvor dagur kostar eingöngu 3.000 kr.

Skráning er hafin hér

B-lið KR sigraði í 2. deild og leikur í 1. deild í haust

Mon, 10 Feb 2025 19:32:14 GMT

A-lið KR í 3. sæti í 1. deild karla

B-lið KR sigraði í 2. deild karla en deildakeppninni lauk í Íþróttahúsinu við Strandgötu í Hafnarfirði 8.-9. febrúar. Liðið fékk 18 stig og leikur í 1. deild á næsta keppnistímabili. Liðið er á forsíðumyndinni en þar má sjá Skúla Gunnarsson, Karl A. Claesson, Luca de Gennaro Aquino, Ingólf Svein Ingólfsson og Hlöðver Steina Hlöðversson. Einnig léku Eiríkur Logi Gunnarsson og Lúkas André Ólason með liðinu í vetur.

C-lið KR varð í 5. sæti í deildinni með 7 stig og leikur umspilsleik við liðið sem hafnar í 2. sæti í 3. deild um sæti í 2. deild á næsta keppnistímabili.

A-lið KR hafnaði í 3. sæti í 1. deild karla og hlaut 10 stig. Liðið mætir Íslandsmeisturum Víkings-A í úrslitakeppninni, en Víkingar höfnuðu í 2. sæti í deildinni. A-lið BH varð deildarmeistari.

KR átti fjögur lið í 3. deild en þau komust ekki í úrslitakeppnina.

Úrslit úr leikjum KR-liðanna í 9. og 10 umferð:

1. deild karla:

BH-A – KR-A 6-2

KR-A – Víkingur-A 2-6

2. deild karla:

KR-C – HK-B 6-3
KR-B – BH-C 6-2
BR-A – KR-B 2-6
BH-C – KR-C 2-6

3. deild karla:

Víkingur-C – KR-F 6-2

KR-F – Garpur 6-0

KR-D – Selfoss 3-6
Selfoss – KR-E 6-0

Gauti með besta árangur á ferlinum í Austurríki

Mon, 10 Feb 2025 11:34:29 GMT

KR-ingurinn Gauti Guðmundsson tók þátt í alþjóðlegu svigmóti í Koralpe í Austurríki dagana 4.-6. febrúar.

Á stórsvigsmótinu sem fram fór þann 4. febrúar gerði Gauti sína bestu stórsvitspunkta á ferlinum.

Þann 6. febrúar var Gauti aftur að keppa, eftir fyrri ferðina var Gauti í 18. sæti en í seinni ferðinni átti Gauti frábæra ferð og tók lang besta tímann sem skilaði honum fimmta sætinu með 26.58 FIS punkta, sem eru hans bestu á ferlinum.

Við óskum Gauta til hamingju með frábæran árangur.

Æfingahópur U19 karla

Mon, 10 Feb 2025 10:40:19 GMT

Þórhallur Siggeirsson, þjálfari U19 karla, hefur valið eftirtalda KR-inga, fædda 2007, til æfinga dagana 17.-

18. febrúar í Miðgarði, Garðabæ.

Okkar fulltrúar á æfingunum eru:

Jakob Gunnar Sigurðsson

Jón Arnar Sigurðsson

Róbert Elís Hlynsson

Hópinn í heild má sjá hér

Gangi ykkur vel strákar, þið eruð félaginu til sóma.

Guðbjörg Vala, Lúkas og Viktor sigruðu í Hróarskeldu

Mon, 03 Feb 2025 23:31:47 GMT

Hópur leikmanna úr Borðtennisdeild KR tók þátt í Spar Nord Roskilde Cup mótinu, sem haldið var í Hróarskeldu í Danmörku helgina 1.-2. febrúar. Leikmennirnir léku í nokkrum flokkum, flestir unnu leiki og margir fóru upp úr riðlum og áfram í útsláttarkeppni.

Viktor Daníel Pulgar sigraði í tveimur flokkum, Drenge C og Drenge D.

Guðbjörg Vala Gunnarsdóttir sigraði í flokki Pige elite, varð önnur í flokki Drenge B og þriðja í flokki Dame Elite.

Lúkas André Ólason sigraði Guðbjörgu Völu í úrslitum í flokki Drenge B.

Norbert Bedö varð annar í flokki Åben A.
Aldís Rún Lárusdóttir varð önnur í flokknum Dame kl. 1.

Æfingahópar U16 og U17 karla

Mon, 03 Feb 2025 07:26:50 GMT

Um miðjan febrúar eru æfingahópar í U16 karla og U17 karla og á KR fjóra flotta fulltrúa á æfingunum.

U16
Alexander Rafn Pálmason
Sigurður Breki Kárason
Skarphéðinn Gauti Ingimarsson

U17
Björgvin Brimi Andrésson

Hópurinn í heild: U16 | U17

Gangi ykkur vel strákar - Þið eruð flottar fyrirmyndir

Reykjavíkurmeistarar 2025

Thu, 30 Jan 2025 22:32:06 GMT

KR varð í kvöld Reykjavíkurmeistari eftir 0-3 sigur á Val. Luke, Jói Bjarna og Matthias Præst skoruðu mörk KR.

Glæsilegur sigur hjá okkar mönnum og áttu Valsmenn aldrei séns í þessum leik.

Til hamingju kæru KR-ingar, árið byrjar sannarlega vel.

Arnór Alex valinn á Vetrarólympíuhátíð Evrópuæskunnar

Thu, 30 Jan 2025 18:39:08 GMT

KR-ingurinn Arnór Alex Arnórsson hefur verið valinn til að taka þátt í Vetrarólympíuhátíð Evrópuæskunnar sem fram fer í Batumi Georgíu dagana 8.-17. febrúar.

Við eru gríðarlega stolt að eiga svona flottan fulltrúa á hátíðinni. Við óskum Arnóri Alex til hamingju með valið og vonum að hann eigi eftir að njóta sín á hátíðinni.

Afhending vinninga og vinningaskrá úr happdrætti Þorrablótsins 2025

Wed, 29 Jan 2025 19:02:59 GMT

Búið er að draga í happdrætti Þorrablóts Vesturbæjar. Vinningaskrá er að finna hér .

Afhending vinninga fer fram í KR heimilinu mánudaginn 3. febrúar milli kl. 17:30-19:00.

KR konur þakka fyrir stuðninginn og vona að heppnin hafi verið með þér.

KR-ingar með brons á Reykjavíkurleikunum

Wed, 29 Jan 2025 18:24:36 GMT

Þrír KR-ingar fengu bronsverðlaun í einliðaleik í borðtennis á Reykjavíkurleikunum en leikið var í TBR-húsinu sunnudaginn 26. janúar.

Aldís Rún Lárusdóttir og Guðbjörg Vala Gunnarsdóttir höfnuðu í 3.-4. sæti í kvennaflokki. Aldís tapaði 0-4 fyrir hinni sænsku Ölmu Rööse, sem sigraði á mótinu. Guðbjörg Vala féll úr leik með 1-4 tapi gegn Nevenu Tasic, Víkingi, fyrrum Íslandsmeistara.

Ellert Kristján Georgsson fékk brons í karlaflokki, en hann tapaði 0-4 fyrir Íslandsmeistaranum Inga Darvis Rodriguez úr Víkingi.

Yfirlýsing frá Páli Kristjánssyni formanni knattspyrnudeildar KR

Wed, 29 Jan 2025 14:46:41 GMT

Ágætu félagar í KR.

Ég hef undarinfarin fimm ár notið þess heiðurs að vera í forsvari fyrir knattspyrnudeild KR. Ég hef unnið þar með öflugum hópi fólks með það markmiði að vinna veg deildarinnar sem mestan. Ég hef haft hagsmuni félagsins að leiðarljósi, hvort sem er til skemmri eða lengri tíma.

Á komandi aðalfundi knattspyrnudeildar mun ég ekki sækjast eftir endurkjöri til formanns. Það er mikilvægt að þekkja sinn vitjunartíma og ég tel að tími sé kominn á að hleypa nýjum og ferskum formanni að.

Það eru spennandi tímar framundan hjá okkur. Við erum stærsta íþróttafélag landsins, með öflugustu sveit stuðningsmanna og það sem KR gerir vekur alltaf athygli og umtal.

Verulegar breytingar hafa verið gerðar og ásýnd deildarinnar er gjörbreytt. Þá er okkur dýrmætt að hafa fengið þá Óskar Hrafn og Geir Þorsteinsson inn í félagið að nýju. Ráðning þessara KR-inga verður deildinni mikið heillaspor.

Verulega umbætur eru framundan á aðstöðu KR og á komandi tímabili munum við leika á nýjum gervigrasvelli og þannig stórbæta aðstöðu flokka okkar. KR verður aftur það félag sem önnur félög máta sig við. Jafnframt þessu verður æfinga- og keppnisaðstaða allra okkar iðkenda verulega bætt. Á afmælisdag KR þann 16. febrúar verður tekin skóflustunga að nýju knatthúsi sem og að húsbyggingu sem mun sameina félagsstarf KR í Frostaskjóli.

Það hefur verið mér hjartans máls að bæta aðstöðu félagsins og þau skref sem nú hafa verið stigin eru gríðarstór. Ég vil þakka núverandi borgarstjóra fyrir þann velvilja og skilning sem hann hefur sýnt okkur KR í þeirri vegferð sem nú er hafin.

Ég lít stoltur til baka. Nýr formaður tekur við KR á fleygiferð. Liðum okkar er stjórnað af bestu þjálfurum landsins. Yngri flokka starfið blómstrar. Fjöldi KR-inga eru í yngri landsliðum og nú eru framkvæmdir og uppbygging KR svæðisins hafin. KR býr að einstökum mannauð, innan félagsins og þá ekki síður í bakvarðasveit, stuðningsmönnum, iðkendum og foreldrum. Fyrir framlag þeirra allra þakka ég.

Ég hef verið KR-ingur alla mína ævi, fæddur og uppalinn í KR. Iðkandi, stuðningsmaður, sjálfboðaliði, stjórnarmaður, formaður. Það hafa verið og eru forréttindi.

Stoltur þakka ég fyrir mig.

Áfram KR

Páll Kristjánsson

Kara Guðmundsdóttir valin í vináttuleik gegn Færeyjum

Tue, 28 Jan 2025 10:00:53 GMT

Margrét Magnúsdóttir landsliðsþjálfari U15 kvenna hefur valið Köru Guðmundsdóttur til þátttöku í vináttuleikjum gegn Færeyjum sem fara fram á Íslandi dagana 31. janúar og 2. febrúar í Miðagarði.

KR á fjóra fulltrúa í æfingahóp U19 karla

Tue, 28 Jan 2025 09:52:27 GMT

Þórhallur Siggeirsson, þjálfari U19 karla, hefur valið eftirtalda KR-inga til æfinga dagana 27.-28. janúar 2025.

Okkar menn eru:

Jakob Gunnar Sigurðsson

Jón Arnar Sigurðsson

Óðinn Bjarkason

Róbert Elís Hlynsson

Æfingarnar fara fram í Miðgarði, knattspyrnuhúsi í Garðabæ.

Knattspyrnudeild KR x Benecta

Tue, 28 Jan 2025 09:44:10 GMT

Knattspyrnudeild KR og Genis hafa skrifað undir samstarfssamning sem felur í sér að leikmenn í meistarflokkum deildarinnar munu bæta Benecta í sína daglegu rútínu. Fæðubótaefnið Benecta hefur frá upphafi notið mikilla vinsælda, ekki síst á meðal íþróttafólks sem sækist eftir hraðari og skilvirkari endurheimt í kjölfar æfinga og keppni.

Við erum gríðarlega ánægð með samstarf við Benecta og erum ekki í vafa um að Benecta á eftir að hjálpa leikmönnum okkar að vinna úr því álagi sem fylgir því að æfa og keppa í fremstu röð.

Vinningaskrá úr happdrætti Þorrablótsins 2025

Mon, 27 Jan 2025 10:28:51 GMT

Búið er að draga í happdrætti Þorrablóts Vesturbæjar. Vinningaskrá er að finna hér .

KR konur þakka fyrir stuðninginn og vona að heppnin hafi verið með þér.

Gullmót KR 14-16 febrúar 2025

gunnaregillb@gmail.com (Gunnar Egill Benonýsson) — Mon, 27 Jan 2025 10:18:02 GMT

Gullmót KR fer fram í átjánda skipti í Laugardalslaug 14.-16. febrúar. Mótið er opið öllum

aldursflokkum, þar sem keppt er í 60 greinum í 5 mótshlutum, auk KR Super Challenge

flugsundskeppni á laugardagskvöldi.

Lúkas sigraði á aldursflokkamóti HK

Sun, 26 Jan 2025 11:50:16 GMT

Lúkas André Ólason sigraði í flokki pilta 12-13 ára á aldursflokkamóti HK, sem er hluti af Butterfly mótaröð HK og PingPong.is. Lúkas sigraði Dawid May-Majewski úr BH, stigahæsta leikmanninn í flokknum, 3-2 í úrslitaleik.

Lúkas var eini keppandi KR á mótinu.

Ellert B. Schram látinn - Mikill afreksmaður fallinn frá

Sat, 25 Jan 2025 15:11:34 GMT

Látinn er eftir harða glímu við Alsheimersjúkdóminn einn af bestu sonum KR, Ellert B. Schram, 85 ára að aldri. Ellert fæddist 10. október 1939. Hann hóf ungur að aldri að æfa knattspyrnu með KR. Hann átti ekki langt að sækja áhugann á fótboltanum, enda faðir hans Björgvin einn af bestu leikmönnum og forystumönnum KR á sínum tíma. Fljótlega kom í ljós að þarna var mikið efni á ferð og hann varð strax lykilmaður í sínum aldursflokki, sem var mjög sigursæll og skilaði mörgum titlum til félagsins. Sína fyrstu leiki í meistaraflokki lék hann sumarið 1957, og frá 1958 var hann fastur maður í einu sigursælasta liði sem KR hefur átt í fótboltanum “Gullaldarliðinu” eins og við KR ingar köllum það.

Í upphafi ferlisins lék hann sem framherji og skoraði mikið af mörkum. Síðar færði hann sig aftar á völlinn í stöðu miðframvarðar. Ellert var geysilegur keppnismaður og þoldi ekki að tapa. Hann var lengst af ferli sínum fyrirliði meistaraflokks og a.m.k seinni hluta ferilsins var hann einnig vítaskyttan og þau voru ekki mörg vítin sem þá fóru forgörðum. Hann fór fyrir sínum mönnum með miklum baráttuvilja og stöðugri hvatningu. Góður félagi jafnt í blíðu sem stríðu.

Ellert varð 5 sinnum Íslandsmeistari með meistaraflokki: 1959, 1961, 1963, 1965 og 1968. Þá varð hann 7 sinnum bikarmeistari: 1960, 1961, 1962, 1963, 1964, 1966 og 1967, og er það met sem hann á enn með Bjarna Felixsyni félaga sínum. Auk þessa varð hann nokkrum sinnum Reykjavíkurmeistari, haustmeistari og sigurvegari í meistarakeppni KSÍ.

Seinast lék Ellert með meistaraflokki sumarið 1971, þegar „endurkoma þingmannsins“ átti stóran þátt í að bjarga KR frá falli í 2. deild. Ellert lék alls 272 leiki með meistaraflokki og skoraði í þeim 120 mörk, sem var lengi met fyrir KR. Í Íslandsmótinu (efstu deild) voru leikir hans 126 og mörkin 62, sem var hvort tveggja met fyrir KR á sínum tíma. Hann var næst leikjahæstur KR-inga þegar skórnir fóru á hilluna, á eftir Gunnari Guðmannssyni. Markamet hans stóðu bæði til 2019, þegar Óskar Örn Hauksson bætti þau, sumarið sem KR vann sinn 27. Íslandsmeistaratitil. Óskar lék alls 546 leiki fyrir KR og skoraði 152 mörk. Með 12 stóra meistaratitla er Ellert ásamt Herði Felixsyni næstsigursælasti KR-ingurinn í knattspyrnu frá upphafi á eftir Gunnari Guðmannssyni sem skákar þeim með 9 Íslandsmeistaratitla og 5 bikarmeistaratitla.

Loks lék Ellert 23 A-landsleiki og skoraði í þeim 6 mörk. Hann var fyrirliði 6 sinnum.

En Ellert lék ekki aðeins knattspyrnu fyrir KR. Árið 1965 var handknattleikslið KR í mikilli fallhættu og m.a. var markvarslan höfuðverkur. Þeir leituðu þá til Ellerts um að standa í markinu í þeim leikjum sem eftir voru, sem hann gerði , stóð sig vel, og tókst ásamt félögum sínum að bjarga liðinu frá falli.

Ellert lét einnig mjög til sín taka á félagsmálasviðinu hjá íþróttahreyfingunni. Hann var í stjórn knattspyrnudeildar KR 1960 – 1969, þar af sem formaður 1967 – 1969. Formaður Knattspyrnusambands Íslands – KSÍ var hann 1973 – 1989, eða alls í 16 ár. Í stjórn Knattspyrnusambands Evrópu – UEFA var hann 1982 – 1986 og 1990 – 1994, þar af sem einn af varaformönnunum 1984 – 1986. Loks var hann forseti Íþrótta- og Ólympíusambandsins 1991 – 2006, eða í alls 15 ár. Auk ofangreinds þjálfaði Ellert meistaraflokk karla hjá KR sumarið 1973, og ritstýrði ýmsum KR-blöðum á seinni hluta síðustu aldar, og ekki síst 100 ára afmælisriti KR „Fyrsta öldin“, svo að fleira sé nefnt.

Ellert var kjörinn heiðursformaður KSÍ þegar hann lét af formannsembættinu. Þá var hann útnefndur heiðurfélagi KR árið 2020.

Hvernig sem á allt er litið er ferill hans ótrúlega glæsilegur bæði fyrir KR og íþróttahreyfinguna í heild og það er því með söknuði, þakklæti og virðingu sem KR- ingar kveðja Ellert.

Margir KR-ingar á palli á BH Open

Tue, 21 Jan 2025 23:45:19 GMT

Júlía, Marta og Pétur sigruðu í sínum flokkum

Fjölmargir KR-ingar voru á verðlaunapalli á BH Open, sem fór fram helgina 18.-19. janúar í Íþróttahúsinu við Strandgötu í Hafnarfirði. Bæði var keppt í styrkleikaflokkum og aldursflokkum og voru leikmenn frá Danmörku og Færeyjum meðal keppenda.

Júlía Fönn Freysdóttir sigraði í flokki stelpna 11 ára og yngri, Marta Dögg Stefánsdóttir í B-flokki stráka og stelpna 15 ára og yngri og Pétur Xiaofeng Árnason í opnum flokki D.

KR-konurnar Guðbjörg Vala Gunnarsdóttir, Aldís Rún Lárusdóttir og Helena Árnadóttir röðuðu sér í sæti 2-4 í elite flokki kvenna, en þær töpuðu allar fyrir hinni japönsku Yuki Kasahara, sem keppir fyrir UMFB. Norbert Bedö varð annar í elite flokki karla, en hann tapaði fyrir Noah Takeuchi Lassen frá Danmörku í úrslitum.

Hér fyrir neðan má sjá verðlaunahafa í þeim flokkum þar sem KR-ingar komust á pall. Myndir má sjá í myndasafni, en allar myndir koma af fésbókarsíðu BH.

Meistaraflokkur karla elite
1. Noah Takeuchi Lassen, Roskilde BTK 61
2. Norbert Bedo, KR
3.-4. Birgir Ívarsson, BH
3.-4. Magnús Jóhann Hjartarson, Víkingur

Meistaraflokkur kvenna elite
1. Yuki Kasahara, UMFB
2. Guðbjörg Vala Gunnarsdóttir, KR
3. Aldís Rún Lárusdóttir, KR
4. Helena Árnadóttir, KR

Opinn flokkur A
1. Magnús Jóhann Hjartarson, Víkingi
2. Óskar Agnarsson, HK
3.-4. Ellert Kristján Georgsson, KR
3.-4. Noah Takeuchi Lassen, Roskilde BTK 61

Opinn flokkur D
1. Pétur Xiaofeng Árnason, KR
2. Arnaldur Orri Gunnarsson, KR
3.-4. Baldvin Páll Henrysson, KR
3.-4. Suni Á Lava, Færeyjum

Stelpur u11
1. Júlía Fönn Freysdóttir, KR
2. Anna Villa Sigurvinsdóttir, KR
3.-4. Guðbjörg Stella Pálmadóttir, Garpur
3.-4. Álfrún Milena Kvaran, KR

Stelpur/Strákar u15B
1. Marta Dögg Stefánsdóttir, KR
2. Guðný Lilja Pálmadóttir, Garpur
3.-4. Jörundur Steinar Hansen, HK
3.-4. Þórunn Erla Gunnarsdóttir, KR

Tvíliðaleikur hæsti/lægsti
1. Benedikt Darri Malmquist/Heiðar Leó Sölvason, HK/BH
2. Arnaldur Orri Gunnarsson/Þorbergur Freyr Pálmarsson, KR/BH
3.-4. Anton Óskar Ólafsson/Sindri Þór Rúnarsson, Garpur/HK
3.-4. Suni Á Lava/Norbert Bedo, Færeyjum/KR

Opinn fundur menningar- og íþróttaráðs

Tue, 21 Jan 2025 15:30:33 GMT

Fyrir áhugasama þá er opinn fundur menningar- og íþróttaráðs haldinn nk. föstudag, 24. janúar í Ráðhúsi Reykjavíkur.

Fundurinn hefst kl. 9:00

Komdu og prófaðu handbolta

Tue, 21 Jan 2025 11:15:19 GMT

HM í handbolta karla er í fullum gangi. Í tilefni af því bjóðum við öllum krökkum að koma og prófa handboltaæfingar hjá okkur þeim að kostnaðarlausu.

Æfingatöflu KR má finna á heimasíðu KR:

https://www.kr.is/handbolti

Frábæru þjálfararnir okkar taka vel á móti krökkunum.

Áfram KR, áfram Grótta/KR og áfram Ísland !

Vinningaskrá á Þorrablóti Vesturbæjar

Sat, 18 Jan 2025 12:15:00 GMT

Hér að neðan er vinningaskrá á happdrætti Þorrablóts Vesturbæjar.

Dregið verður úr seldum miðum eftir helgina og vinningsnúmer birt hér á heimasíðunni.

Búið er að draga út í jólahappdrætti körfuknattleiksdeildar

Thu, 16 Jan 2025 13:17:57 GMT

Dregið hefur verið í jólahappdrætti KR körfu og má sjá vinningsnúmerin hér fyrir neðan. Við viljum nota tækifærið og þakka öllum þeim sem tóku þátt í þessu með okkur og keyptu miða. Einnig þökkum við fyrirtækjunum sem styrktu okkur með vinningum.

Vinningarnir verða afhentir fimmtudaginn 16. janúar á Meistaravöllum á meðan leik KR og Þór. Þ. stendur í Bónusdeild karla.

Áfram KR!

B-lið KR er efst í 2. deild karla

Mon, 13 Jan 2025 22:41:48 GMT

A-lið KR er í 3. sæti í 1. deild karla

Leikið var í öllum karladeildum í borðtennis í Íþróttahúsi Hagaskóla þann 11.-12. janúar. Að loknum 8 umferðum af 10 er B-lið KR komið í forystu í 2. deild karla, með 14 stig, jafn mörg stig og B-lið HK en hefur hagstæðara leikjahlutfall. C-lið KR er í 5. og næstneðsta sæti deildarinnar með 3 stig.

Í 1. deild karla er A-lið KR í 3. sæti með 10 stig og hefur tryggt sér sæti í úrslitakeppninni.

KR á þrjú lið í 3. deild og eiga tvö þeirra, D- og F-liðin ennþá möguleika á að komast í úrslitakeppni deildarinnar.

Úrslit úr leikjum KR-liðanna:

1. deild karla :

KR-A – BH-B 6-0

Víkingur-B – KR-A 1-6

2. deild karla :

KR-B – BM 6-0
KR-C – BR-A 4-6

HK-B – KR-B 2-6
BM – KR-C 2-6

3. deild karla :

BR-B – KR-F 6-1

KR-D – HK-D 5-5

Á forsíðunni má sjá B-lið KR, f.v.: Luca de Gennaro Aquino, Karl Andersson Claesson, Eiríkur Logi Gunnarsson og Hlöðver Steini Hlöðversson.

Stjörnuljósa sund KR

gunnaregillb@gmail.com (Gunnar Egill Benonýsson) — Thu, 02 Jan 2025 14:36:00 GMT

Það var mikið fjör á stjörnuljósa sundi KR sem var haldið í Vesturbæjarlaug 30 desember. Iðkenndur úr öllum hópum deildarinnar mættu og skemmtu sér í ljósagleðinni.

Sunddeild KR óskar öllum gleðilegt nýtt ár!

Flugeldasala knattspyrnudeildar - opnunartími

Sat, 28 Dec 2024 16:57:22 GMT

Flugeldasala knattspyrnudeildar KR hefst á morgun í félagsheimilinu!

Flugeldasalan er ein helsta fjáröflun knattspyrnudeildar og verður þetta í fertugasta og fyrsta skipti sem KR-flugeldar standa fyrir henni.

Frábært úrval flugelda á flottu verði.

Kveðjum árið með KR-flugeldum.

Hlökkum til að sjá ykkur!

Gleðilega hátíð

Sun, 22 Dec 2024 11:29:08 GMT

Sendum stuðningsmönnum, sjálfboðaliðum, iðkendum okkar og fjölskyldum þeirra okkar bestu óskir um gleðileg jól og gæfuríkt komandi ár um leið og við þökkum fyrir árið sem er að líða.

Við hlökkum til ársins 2025 með ykkur.

Njótið sem allra best -

Minnum á að húsið er lokað til 2. janúar.

Alexander Rafn og Sigurður Breki í U16

Fri, 20 Dec 2024 16:53:33 GMT

Lúðvík Gunnarsson, landsliðsþjálfari U16 karla, hefur valið KR-ingana Alexander Rafn Pálmason og Sigurð Breka Kárason til úrtaksæfinga dagana 13. – 15. janúar 2025. Æfingarnar fara fram í Miðgarði í Garðabæ.

Til hamingju Alexander og Sigurður Breki, þið eruð vel að þessu komnir.

Jólamót sundfélaga Reykjavíkur

gunnaregillb@gmail.com (Gunnar Egill Benonýsson) — Fri, 20 Dec 2024 09:45:03 GMT

Það var mikið fjör og gleði í Laugardalslauginni 14 desember þegar sameiginlegt jólamót sundfélaga Reykjavíkur var haldið . Það voru 60 iðkendur sem tóku þátt frá sunddeild KR.
Yngstu iðkendur félagsins sýndu hvað þau voru búin að læra í vetur og gátu séð eldri sundmenn synd sínar uppáhalds greinar.
Jólasveinninn kom með glaðning handa krökkunum og var synt í kringum jólatré með tilheyrandi látum.

Gleðileg Jól og farsælt komandi ár

Björgvin Brimi valinn í æfingahóp U17

Thu, 19 Dec 2024 15:21:29 GMT

Lúðvík Gunnarsson, landsliðsþjálfari U17 karla, hefur valið KR-inginn Björgvin Brima Andrésson til úrtaksæfinga dagana 7. – 9. janúar 2025. Æfingarnar fara fram í Miðgarði.

Til hamingju Björgvin Brimi, þú ert vel að þessu kominn.

Jólanámskeið i handbolta

Wed, 18 Dec 2024 14:57:49 GMT

Handknattleiksdeild Gróttu/KR býður upp á jólanámskeið yfir hátíðarinnar.

Námskeiðsdagarnir eru fimm talsins og fer námskeiðið fram í Hertz-höllinni.

Þjálfarar námskeiðsins eru þjálfarar yngri flokka félaganna og leikmenn meistaraflokks.

Á námskeiðinu verður krökkunum skipt upp eftir aldri til að koma á móts við þarfir hvers og eins.

Námskeiðið er jafnt fyrir þá sem eru að æfa og vilja prófa handbolta.

Æfingarnar eru frá kl. 09:00-12:00 og þurfa krakkarnir að taka með sér nesti. Við hvetjum alla krakka sem vilja æfa aukalega að mæta, æfa og hafa gaman um hátíðarinnar.

Námskeiðsdagar

Mánudagur 23.desember

Föstudagur 27.desember

Mánudagur 30.desember

Fimmtudagur 2.janúar

Föstudagur 3.janúar

Skráning fer fram í Abler

Júlía og Lúkas sigruðu á jólaunglingamóti Víkings

Sat, 14 Dec 2024 19:39:34 GMT

Álfrún og Þórunn með silfur og Anna og Helga með brons

Lúkas André Ólason sigraði í flokki sveina 14-15 ára á jólaunglingamóti Víkings 7. desember. Hann lagði Heiðar Leó Sölvason úr BH 3-1 í úrslitaleik og var það eina lotan sem hann tapaði á mótinu.

Júlía Fönn Freysdóttir sigraði í tátuflokki, 11 ára og yngri. Hún lagði Sigrúnu Ýri Hjartardóttur úr Garpi 3-2 í úrslitaleik.

Anna Villa Sigurvinsdóttir og Helga Ngo Björnsdóttir höfnuðu 3.-4. sæti í flokki táta 11 ára og yngri.

Þórunn Erla Gunnarsdóttir varð í 2. sæti í flokki meyja 14-15 ára og Álfrún Milena Kvaran varð í 2. sæti í flokki telpna 12-13 ára.

Leikmenn og fjölskyldur skemmtu sér á jólaforgjafarmóti KR

Sat, 14 Dec 2024 13:05:50 GMT

Luca de Gennaro Aquino sigraði

Leikmenn og fjölskyldur þeirra skemmtu sér á jólaforgjafarmóti Borðtennisdeildar KR í Íþróttahúsi Hagaskóla. Leikin var ein lota upp í 51, og fengu þátttakendur forgjöf miðað við ætlaða getu þeirra. Einnig var boðið upp á piparkökur og mandarínur.

Luca de Gennaro Aquino, leikmaður í úrvalshópi deildarinnar sigraði á mótinu. Júlía varð í 2. sæti og Álfrún Milena Kvaran og Magnús Thor Holloway höfnuðu í 3.-4. sæti.

KR lék vináttuleik við pólska liðið Kings of the Table

Wed, 11 Dec 2024 22:41:47 GMT

Karlalið KR lék nýlega vináttuleik við pólska liðið Kings of the Table í Íþróttahúsi Hagaskóla. Leikurinn var jafn og skemmtilegur og lauk með jafntefli, 8-8.

Á forsíðunni má sjá liðin en lið KR í leiknum skipuðu bræðurnir Eiríkur Logi, Gestur og Pétur Gunnarssynir, Ellert Kristján Georgsson, Karl Andersson Claesson og Luca de Gennaro Aquino. Einnig má sjá Skúla Gunnarsson skiptast á bolum við fyrirliða pólska liðsins.

Gauti komst á pall á Ítalíu

Thu, 05 Dec 2024 17:16:18 GMT

KR-ingurinn Gauti Guðmundsson náði sínum besta árangri á ferlinum þegar hann endaði í 2. sæti á svigmóti á Ítalíu í gær.

Gauti var í 11. sæti eftir fyrri ferðina en átti frábæra seinni ferð og náði þá besta tímanum, og endaði samanlagt í 2. sæti mótsins eins og fyrr segir.

Gauti fékk 28.51 FIS punkta fyrir mótið og hefur aldrei gert betur.

Virkilega vel gert Gauti, innilegar hamingjuóskir.

Fyrsta skóflustunga af nýju gervigrasi á Meistaravöllum

Thu, 05 Dec 2024 17:08:52 GMT

Fyrsta skóflustunga af gervigrasi á Meistaravelli var tekin í dag. Þórhildur Garðarsdóttir, formaður KR tók fyrstu skóflustunguna ásamt Páli Kristjánssyni, formanni knattspyrnudeildar KR.

Næstu mánuðir fara í framkvæmdir á aðalvelli okkar KR-inga, Meistaravöllum, það er því staðreynd að næsta sumar munu liðin okkar spila sína heimaleiki á gervigrasi.

Þetta er aðeins fyrsti áfangi af nokkrum áföngum á endurbótum hjá KR og því spennandi mánuðir framundan.

Til hamingju með áfangann kæru KR-ingar - ballið er byrjað!

Pálmi Rafn Pálmason framkvæmdastjóri KR, Þórhildur Garðarsdóttir og Páll Kristjánsson eftir skóflustunguna í dag.

Þórunn Erla sigraði í 2. flokki kvenna á Pepsi móti Víkings

Tue, 03 Dec 2024 20:42:17 GMT

Eiríkur Logi, Lúkas og Marta með brons

Þórunn Erla Gunnarsdóttir sigraði í 2. flokki kvenna á Pepsi móti Víkings, sem fram fór í TBR-húsinu 1. desember. Marta Dögg Stefánsdóttir varð í 3. sæti í flokknum.

Eiríkur Logi Gunnarsson fékk brons í meistaraflokki karla og Lúkas André Ólason í 2. flokki karla.

Myndir af vef BTÍ.

Guðbjörg Vala sigraði í tveimur flokkum í Odense

Tue, 03 Dec 2024 20:31:27 GMT

Guðbjörg Vala Gunnarsdóttir sigraði í tveimur flokkum og fékk eitt brons á OB Stævne mótinu í Odense í Danmörku um síðustu helgi. Guðbjörg sigraði í flokkunum Dame Senior 2 DS og Dame Junior B DS, fékk brons í flokknum Pige Elite DS og varð í 5.-8. sæti í flokki Dame Junior Elite DS.

Helena Árnadóttir varð í 5.-8. sæti í flokkunum Dame Junior B DS og í Pige Elite DS.

Aldís Rún Lárusdóttir vann nokkra leiki en komst ekki í fjórðungsúrslit.

Auk KR kvennanna lék Sól Kristínardóttir Mixa úr BH á mótinu.

Gull og brons á Balkan Open í taekwondo

Tue, 03 Dec 2024 11:09:17 GMT

Nú um helgina hélt landsliðsmaðurinn í taekwondo og KR-ingurinn Guðmundur Flóki Sigurjónsson á sterkt mót í Rúmeníu, Balkan Open. Þetta var síðasta alþjóðlega mótið á dagskrá þetta árið og er skemmst frá því að segja að okkar maður sigraði sinn flokk með öruggum hætti og er þetta besti árangur sem Íslendingur hefur náð í junior flokki síðan árið 2017.

Við óskum honum til hamingju með árangurinn og góðs gengis í jólaprófunum sem hófust strax að lokinni keppni. Hlýtur að teljast góður undirbúningur fyrir líkama og sál að koma heim með gull.

Þetta var ekki fyrsta keppnisferðin erlendis á þessu ári hjá Guðmundi Flóka en með honum í för var Anton Tristan Atlason Lira en hann fór þarna á sitt fyrsta mót erlendis. Anton keppir í cadet flokki og komst þar á pall með brons. Gott fyrsta skref en hann stefnir alltaf hærra.

Komdu og prófaðu handbolta

Tue, 03 Dec 2024 10:25:08 GMT

EM í handbolta kvenna er í fullum gangi þessa dagana. Mótið er haldið í Austurríki, Sviss og Ungverjalandi og leikur íslenska liðið í riðli með Hollandi, Þýskalandi og Úkraínu.

Næsti leikur liðsins er í dag, þriðjudag kl. 19:30 gegn Þýskalandi.

Við hvetjum alla sem vilja koma og prófa handbolta hjá okkur í KR að kíkja á æfingu á meðan EM stendur yfir þeim að kostnaðarlausu.

Þjálfararnir okkar taka vel á móti krökkunum.

Æfingatöflu KR og Gróttu/KR má sjá hérna: https://www.kr.is/handbolti

Áfram KR, áfram Ísland og áfram handbolti !

Aldís, Guðbjörg Vala og Helena leika með kvennalandsliðinu í Danmörku

Fri, 29 Nov 2024 17:43:26 GMT

Þrjár borðtenniskonur úr KR leika með kvennalandsliðinu á OB stævne í Odense í Danmörku um helgina. Þetta eru þær Aldís Rún Lárusdóttir, Guðbjörg Vala Gunnarsdóttir og Helena Árnadóttir. Fjórða landsliðskonan í hópnum er Sól Kristínardóttir Mixa úr BH.

Þetta er í fyrsta skipti sem þær Guðbjörg Vala og Helena eru valdar í A-landsliðsferð, en þær eru fæddar árið 2010.

A-lið KR í 3. sæti í 1. deild karla eftir sex umferðir

Tue, 26 Nov 2024 22:59:59 GMT

B-lið KR í 2. sæti í 2. deild

A-lið KR er í 3. sæti í 1. deild karla eftir sex umferðir af tíu, en leikið var í 5. og 6. umferð í deildakeppni karla í Íþróttahúsi Hagskóla helgina 23.-24. nóvember. A-lið KR hefur sex stig, en A-lið Víkings er efst með 12 stig og A-lið BH hefur 10 stig.

B-lið KR er í 2. sæti í 2. deild með 10 stig og fylgir fast á eftir B-liði HK, sem hefur 12 stig. C-lið KR hefur 1 stig eins og BM á botni deildarinnar.

Í 3. deild er KR með þrjú lið en leikið er í tveimur riðlum í deildinni. KR-F er í 3. sæti í A-riðli og KR-D í 3. sæti í B-riðli og KR-E í 4. sæti.

Úrslit úr leikjum KR-liðanna um helgina:

1. deild karla

Víkingur-A – KR-A 6-2
HK-A – KR-A 1-6

2. deild karla

KR-C – BH-C 0-6
KR-B – BR-A 6-0
KR-C – KR-B 1-6

3. deild karla

Garpur – KR-F 0-6
KR-E – Umf. Selfoss 1-6
KR-E – KR-D 1-6

Vicente Valor gerir þriggja ára samning

Mon, 25 Nov 2024 22:30:00 GMT

Miðjumaðurinn Vicente Valor (1998) hefur skrifað undir þriggja ára samning við KR. Valor er fæddur á Spáni en hann kom til Íslands frá Bandaríkjunum fyrir síðasta tímabil.

Valor spilaði 27 leiki fyrir ÍBV og skoraði 11 mörg á síðustu leiktíð.

Við bjóðum Valor velkominn í KR og hlökkum til að sjá hann í KR treyjunni á næstu leiktíð.

Eiður Gauti til KR

Mon, 25 Nov 2024 21:30:00 GMT

Eiður Gauti Sæbjörnsson (1999) hefur skrifað undir tveggja ára samning við KR. Eiður er uppalinn í Kópavogi, spilaði lengst af með varaliði HK, Ými, en hann skipti í HK fyrir síðasta tímabil. Eiður hefur spilað 13 leiki fyrir HK og skorða í þeim 3 mörk.

Til gamans að geta er faðir Eiðs, Sæbjörn Guðmundsson, en hann lék 154 leiki í efstu deild fyrir KR og skoraði í þeim 20 mörk.

Við tökum vel á móti Eið Gauta og hlökkum til að sjá hann blómstra í KR treyjunni á næstu leiktíð.

Atli Hrafn til KR

Sun, 24 Nov 2024 20:14:54 GMT

Atli Hrafn Andrason (1999) er kominn heim í KR en Atli spilaði upp alla yngri flokka KR áður en hann fór ungur út í atvinnumennsku til Fulham aðeins 17 ára gamall. Atli kom heim nokkrum árum seinna og hefur spilað með Víking, Breiðablik og núna síðast HK eftir að hann kom heim.

Atli Hrafn á 25 leiki með yngri landsliðum Íslands og hefur hann skorað 2 landsliðsmörk.

Við erum mjög glöð að fá Atla aftur heim í Vesturbæinn og hlökkum til að sjá hann aftur í svörtu og hvítu.

KR Íslandsmeistari í liðakeppni sveina og meyja

Tue, 19 Nov 2024 22:17:02 GMT

Lið frá KR urðu Íslandsmeistarar í liðakeppni sveina og meyja fæddra 2010-2011, sem fram fór á Selfossi þann 16. nóvember. Lið KR í sveinaflokki skipuðu Lúkas André Ólason og Viktor Daníel Pulgar en þeir lögðu lið BH 3-1 í úrslitaleiknum.

Í meyjaflokki hafði A-lið KR mikla yfirburði og þær Guðbjörg Vala Gunnarsdóttir og Helena Árnadóttir unnu alla leiki sína án þess að tapa lotu. Í 2. sæti var sameiginlegt lið KR og BR, sem var skipað Mörtu Dögg Stefánsdóttur og Þórunni Erlu Gunnarsdóttur úr KR og Emmu Niznianska úr BR.

KR-ingurinn Pétur Xiaofeng Árnason var í sameiginlegu liði KR og Selfoss sem varð í 2. sæti í drengjaflokki.

Fjölgar í stjórn Sunddeildar KR

gunnaregillb@gmail.com (Gunnar Egill Benonýsson) — Mon, 18 Nov 2024 13:23:27 GMT

Miðvikudaginn 13 nóvember fór fram auka aðalfundur hjá Sunddeild KR.

Það bættust við metnaðar fullir einstaklingar í stjórn deildarinnar.
Það voru:
Guðný María Jónsdóttir
Haseeb Randhawa
Morgane Céline C. Priet-Maheo
Garðar Páll Gíslason

Í stjórninni sitja áfram:

Arnór Skúli Arnarsson

Erna Einarsdóttir

Edda Björnsdóttir

Guðmundur Hákon Hermannsson

Guðmundur Óskarsson

Kristján Jóhannesson

Gunnar Egill Benonýsson

Sigurbjörg Narby Helgadóttir þurfti að láta af störfum formanns en við þökkum henni kærlega fyrir vel unnin störf í þágu félagsins.

Herrakvöld KR

Fri, 15 Nov 2024 10:46:51 GMT

Herrakvöld KR verður haldið í Félagsheimili KR föstudaginn 22. nóvember og opnar húsið kl. 19:00.

Hægt er að kaupa 10 manna borð eða staka miða.

Miðaverð er 9.900 kr. á mann.

Miðasala: sonja@kr.is

Kjörið tækifæri til að fara með vinum, gömlum KR félögum eða bara mæta og hafa gaman með öllum hinum.

Þetta er kvöld sem þú vilt ekki missa af - takmarkað magn miða.

Jólaball KR kvenna

Thu, 14 Nov 2024 14:34:54 GMT

Jólaball KR kvenna verður haldið í félagsheimli KR laugardaginn 23. nóvember kl. 11:00. Langleggur og Skjóða úr leikhópnum Lottu stjórna skemmtuninni.

Mætið endilega með litla KR-inga í KR heimilið og eigum skemmtilega stund saman.

Aðgangseyrir ókeypis.

Aðventugleði KR kvenna

Thu, 14 Nov 2024 11:26:38 GMT

Aðventugleði KR kvenna verður haldið í félagsheimili KR þriðjudaginn 26. nóvember kl. 19:30.

Konfekt, jólaglögg, söngur, upplestur og sölubásar.

Eigum saman notalega kvöldstund í aðdraganda jólanna.

Teitur Björgúlfsson í æfingahóp U15

Thu, 14 Nov 2024 11:15:02 GMT

Þórhallur Siggeirsson, aðstoðarlandsliðsþjálfari U15 karla, hefur valið Teit Björgúlfsson til úrtaksæfinga dagana 26.-28. nóv 2024. Æfingarnar verða undir handleiðslu Ómars Inga Guðmundssonar nýs þjálfara U15 karla.

Æfingarnar fara fram í Miðgarði, knattspyrnuhúsi í Garðabæ.

Allur hópurinn

Axel Óskar kveður KR

Tue, 12 Nov 2024 11:58:17 GMT

Knattspyrnudeild KR þakkar Axel Óskari fyrir framlag hans til félagsins á liðnu tímabili. Axel Óskar er heiðursmaður mikill og frábær félagi, en hann óskaði eftir að fá samningi sínum rift, sem félagið samþykkti. Við óskum Axel velfarnaðar á nýjum vettvangi og þökkum fyrir framlag hans til félagsins og góð kynni.

Kveðja frá Axel til KR-inga:

Takk KR-ingar fyrir minn stutta tíma hjá félaginu. Þrátt fyrir að hafa eingöngu verið eitt tímabil hjá KR og þótt að það hafi verið strembið, þá fann maður fyrir hversu ótrúlega sérstakur þessi klúbbur er. Áran yfir Meistaravöllum er ólýsanleg og ég elska fólkið sem kemur að klúbbnum. Ég óska KR alls hins besta í framtíðinni .

Íslands- og Unglingameistaramótið í 25m laug 2024

gunnaregillb@gmail.com (Gunnar Egill Benonýsson) — Mon, 11 Nov 2024 13:36:33 GMT

Íslands- og Unglingameistaramótið í 25m laug var haldið í Ásvallalaug hafnafirði helgina 8-10 nóvember.

Sunddeild KR keppti sem partur af sameinuðu Reykjavíkurliði
Það gekk glæsilega hjá Reykjavíkurliðinu. Íslandsmet, bætingar og félagsmet komin til borgarinnar.

Áfram Reykjavík!

C-lið KR efst í 2. deild kvenna eftir fyrri hluta keppninnar

Sun, 10 Nov 2024 23:56:40 GMT

A-lið KR tapaði báðum leikjum sínum í 1. deildinni

Fyrri hluti deildakeppni kvenna í borðtennis var leikinn í Íþróttahúsi Hagaskóla 10. nóvember. Þrjú lið keppa í 1. deild og þrjú í 2. deild.

C-lið KR er efst í 2. deild eftir leiki dagsins, en liðið vann báða leiki sína. Liðið vann B-lið KR 6-3 og lið Garps 6-1. B-lið KR er í 2. sæti eftir 6-1 sigur á Garpi.

Í 1. deild kvenna tapaði A-lið KR 1-6 fyrir liði BH og 2-6 fyrir liði Víkings, sem eru ríkjandi Íslandsmeistarar. Leikirnir voru þó meira spennandi en tölurnar gefa til kynna, því nokkrir leikir töpuðust með litlum mun. Hæst ber sigrar hinnar 14 ára Guðbjargar Völu Gunnarsdóttur á tveimur leikmönnum Víkings sem eru margfaldir Íslandsmeistarar, þeim Evu Jósteinsdóttur og Lilju Rós Jóhannesdóttur. Er ljóst að Guðbjörg Vala mun taka stökk upp styrkleikalistann við næstu uppfærslu, en hún er núna í 9. sæti.

Systkinin Guðbjörg Vala og Pétur sigruðu á Stórmóti HK

Sun, 10 Nov 2024 23:43:33 GMT

Systkinin Guðbjörg Vala og Pétur Gunnarsbörn sigruðu á Stórmóti HK og Stiga, sem fram fór í Íþróttahúsi Snælandsskóla laugardaginn 9. nóvember. KR átti alla verðlaunahafa í kvennaflokki, því Helena Árnadóttir varð í 2. sæti og Aldís Rún Lárusdóttir og Marta Dögg Stefánsdóttir í 3.-4. sæti.

Í karlaflokki vann KR tvöfalt, en Ellert Kristján Georgsson varð í 2. sæti. Í 3.-4. sæti voru þeir Birgir Ívarsson og Þorbergur Freyr Pálmarsson úr BH.

Verðlaunahafar fengu vegleg verðlaun frá Stiga og pingpong.is.

KR á fjóra fulltrúa í U21

Wed, 06 Nov 2024 09:36:04 GMT

Ólafur Ingi Skúlason, landsliðsþjálfari U21 liðs karla, hefur valið hópinn sem leikur vináttulandsleik gegn Póllandi á Pinatar Spáni 17. nóvember.

KR á fjóra fulltrúa í hópnum en það eru þeir, Benoný Breki Andrésson, Jóhannes Kristinn Bjarnason, Júlíus Mar Júlíusson og Halldór Snær Georgsson.

Virkilega ánægjulegt að sjá okkar menn í hópnum, vel gert strákar og gangi ykkur sem allra best.

Loksins framkvæmdir á KR svæðinu

Tue, 05 Nov 2024 09:32:50 GMT

Lagningu nýs gervigrass er nú lokið og aðeins verið að ganga frá síðustu smáatriðum. Það er því ljóst að æfingar geta loks hafist síðar í vikunni. Gríðarlegt umbótamál fyrir KR, enda ljóst misserum saman að gamla gervigrasið var langt í frá fullnægjandi og í raun ónýtt. Mikilvægum áfanga í framkvæmdamálum Knattspyrnufélagsins náð.

Öðrum gríðarlega mikilvægum áfanga var sömuleiðis náð í þessari viku þegar nýtt fjölnota íþróttahús KR var boðið út á Evrópska efnahagssvæðinu. Nýja húsið verður næstum 7000 fermetrar að stærð.

Það er því loksins komin alvöru hreyfing á framkvæmdamál Knattspyrnufélagsins sem er mikið fagnaðarefni. Stjórn og starfsmenn félagsins munu að sjálfsögðu halda áfram að fylgja framkvæmdamálunum eftir, því enn er því miður langt í land að aðstaðan verði með þeim hætti að við getum vel við unað – en þangað stefnum við að sjálfsögðu.

Þórhildur Garðarsdóttir

Formaður Knattspyrnufélags Reykjavíkur

Gunnar og Ívar skrifa undir áframhaldandi samning við KR

Tue, 05 Nov 2024 08:28:18 GMT

Gunnar Einarsson og Ívar Ingimarsson hafa skrifað undir áframhaldandi samning við KR. Eins og KR-ingar vita stýrðu Gunni og Ívar kvennaliðinu í sumar og komu liðinu upp um deild og munu þeir því stýra liðinu í Lengjudeildinni næsta sumar. Þeir eru frábært teymi og er gaman að fylgjast með metnaðnum sem þeir hafa fyrir félaginu.

Á sama tíma var einnig gengið frá samningi við Gunnar að hann verði yfirþjálfari yngri flokka kvenna og Ívar mun stýra afreksþjálfun félagsins.

"Það er mikið gleðilefni að tilkynna um áframhaldandi ráðningar þeirra Gunnars Einarssonar og Ívars Ingimarssonar en þeir munu áfram stýra meistaraflokki kvenna á komandi tímabili. Þá mun Gunnar jafnfram gegna starfi yfirþjálfara yngri flokka kvenna og Ívar sem afrekarsþjálfari.

Þá félaga þarf vart að kynna fyrir KR-ingum. Gunnar lék m.a. um árabil með meistaraflokki KR en Gunnar hefur þjálfað hjá okkur undanfarin ár. Ívar er þaulreyndur fyrrum landsliðsmaður sem lék sem atvinnumaður um árabil. Ívar á að baki 73 leiki í ensku úrvaldsdeildinni og mun fleiri í enskri deildarkeppni.

Það er ljóst að leikmenn okkar eru í góðum höndum og bindum við miklar vonir við áframhaldandi samstarf." segir Páll Kristjánsson formaður knd. KR.

��Mummi Lú

KR á þrjá fulltrúa í yngri landsliðum Íslands

Tue, 05 Nov 2024 00:55:22 GMT

KR á þrjá flotta fulltrúa í yngri landsliðum Íslands sem æfa og keppa í nóvember.

U15 - Kara Guðmundsdóttir

U16 - Rakel Grétarsdóttir

U17 - Jón Arnar Sigurðsson

Til hamingju með valið Kara, Rakel og Jón Arnar.

Lokahóf knattspyrnudeildar KR

Tue, 29 Oct 2024 18:17:51 GMT

Lokahóf KR var haldið á laugardagskvöldið. Eins og venjan er velja viðstaddir efnilegustu og bestu leikmenn sumarsins.

Efnilegasti leikmaður mfl. karla sumarið 2024:

Jón Arnar Sigurðsson (2007)

Efnilegasti leikmaður mfl. kvenna sumarið 2024: Rakel Grétarsdóttir (2009)

Besti leikmaður mfl. karla sumarið 2024:

Benoný Breki Andrésson (2005)

Besti leikmaður mfl. kvenna sumarið 2024:

Makayla Soll (1999)

Sjálfboðaliði ársins: Bjarki Pjetursson

Við þökkum ykkur, góðu KR-ingar fyrir mætinguna og stuðninginn í sumar og hlökkum til að sjá ykkur næsta vor. Við erum KR!

A-lið KR er í 3. sæti í 1. deild karla

Wed, 23 Oct 2024 20:57:36 GMT

B-lið KR er í 2. sæti í 2. deild karla

Þriðja og fjórða umferð í deildakeppni karla í borðtennis fóru fram í TBR-húsinu 19.-20. október. A-lið KR er í 3. sæti í 1. deild eftir fjórar umferðir með 4 stig eins og HK-A, en hefur hagstæðara hlutfall unninna og tapaðra leikja. A-lið Víkings er með 8 stig og A-lið BH er með 6 stig.

B-lið KR er með 6 stig í 2. sæti 2. deildar á eftir B-liði HK en C-lið KR er með 1 stig í neðsta sæti eins og BM.

KR er með þrjú lið í 3. deild en þau eru um miðja deild í sínum riðlum.

Úrslit úr leikjum KR-liðanna um helgina:

1. deild :

KR A – Víkingur B 6-0
KR A – BH A 1-6

2. deild :

KR B – HK B 3-6
KR C – BM 5-5

BH C – KR B 2-6
HK B – KR C 6-0

3. deild A-riðill :

HK C – KR F 2-6

KR F – Víkingur C 3-6

3. deild B-riðill :

KR D – Akur 6-0 (Akur hefur dregið lið sitt úr keppni)
KR E – HK D 1-6
UMF. Selfoss – KR D 6-2
Akur -KR E 0-6 (Akur hefur dregið lið sitt úr keppni)

Á forsíðunni má sjá A-lið KR þann 19.10.

Emmi leggur skóna á hilluna og tekur við stöðu aðstoðarþjáfara

Wed, 23 Oct 2024 09:57:12 GMT

Fyrirliðinn okkar, Theodór Elmar Bjarnason, Emmi, hefur ákveðið að leggja skóna á hilluna og taka að sér stöðu aðstoðarþjálfara meistaraflokks karla. Emmi á langan feril sem knattspyrnumaður, hann fór ungur út í atvinnumennsku til Celtic í Skotlandi þaðan fór hann til Lyn í Osló, IFK Gautaborg, Randers FC, AGF, Elazığspor, Gazişehir Gaziantep, Akhisarspor og Lamia áður en hann kom aftur heim í KR árið 2021. Emmi hefur spilað 120 leiki fyrir KR og skorað 12 mörk, auk þess hefur hann spilað 41 landsleik. Emmi hefur verið frábær fyrirmynd innan vallar sem utan fyrir unga KR-inga.

„Það er fagnaðarefni að fá Emma inn í þjálfarateymi meistaraflokks karla. Þekking hans og reynsla mun verða mikilvæg fyrir leikmannahópinn og við hlökkum til að sjá hann þroskast og dafna í nýju hlutverki,“ segir Óskar Hrafn Þorvaldsson, þjálfari KR.

"Knattspyrnudeild KR vill þakka Emma kærlega fyrir framlag hans til fótboltans í KR á sama tíma og við hlökkum til áframhaldandi samstarfs.

Emmi vakti snemma mikla athygli enda framúrskarandi alla tíð. Sá sem þetta ritar man eftir stórleikjum hans á Shellmótinu í Vestmannaeyjum strax í 6. flokki þar sem hann leiddi KR til sigurs. Flokkur hans vann allt sem hægt var að vinna en fjölmargir af félögum hans í yngri flokkum áttu eftir að setja mark sitt á meistaraflokk félagsins. Markar því þessi ákvörðun Emma um að leggja skóna á hilluna ákveðin tímamót og í raun kynslóðaskipti. Við væntum mikils af Emma í nýju hlutverki. Hann býr yfir mikilli reynslu og þekkingu enda lék hann um árabil erlendis og með landsliði Íslands. Það er fagnaðaefni að slík reynsla nýtist félaginu áfram" segir Páll Kristjánsson formaður knattspyrnudeildar KR

"Ég legg skóna sáttur á hilluna eftir farsælan og ógleymanlegan feril. Ég hef fengið að upplifa ólíka menningarheima og geng sáttur frá borði. Ég vil þakka öllum stuðningsmönnum, leikmönnum, þjálfurum, starfsmönnum og síðast en ekki síst fjölskyldu minni fyrir þolinmæðina og stuðninginn. Ég get ekki sagt annað en að ég sé spenntur fyrir komandi verkefnum" segir Emmi að lokum.

Við þökkum Emma fyrir hans framlag til félagsins og óskum honum velfarnaðar í nýju hlutverki innan KR.

Róbert Elís Hlynsson skrifar undir þriggja ára samning við KR

Wed, 23 Oct 2024 09:52:44 GMT

Róbert Elís Hlynsson (2007) hefur skrifað undir 3ja ára samning við KR. Róbert er uppalinn í ÍR og spilaði 28 leiki með ÍR Lengjudeildinni og bikarnum sumar. Róbert er mjög efnilegur ungur miðjumaður sem á tvo leiki með U15, þrjá með U16 og átta leiki með U17.

Við erum spennt að sjá Róbert spreyta sig í KR treyjunni á næstu leiktíð og bjóðum hann velkominn í KR.

CUBE mót SH

gunnaregillb@gmail.com (Gunnar Egill Benonýsson) — Mon, 21 Oct 2024 13:58:38 GMT

Sunddeild KR keppti á CUBE móti SH í ásvallalaug um helgina. Það voru miklar bætingar og bættust við lágmörk inná íslandsmeistaramótið í 25m laug sem haldið er helgina 8-10 nóvember.

Áfram KR!!!

Guðbjörg Vala og Lúkas sigruðu á aldursflokkamóti Butterfly og HK

Sun, 13 Oct 2024 22:47:08 GMT

Fyrsta mótið í aldursflokkamótaröð HK og Pingpong.is var haldið í Íþróttahúsi Snælandsskóla í Kópavogi 12. október.

Guðbjörg Vala Gunnarsdóttir sigraði í flokki meyja 14-15 ára og KR sigraði tvöfalt í flokknum því Helena Árnadóttir varð í 2. sæti.

Lúkas André Ólason sigraði í flokki pilta 12-13 ára.

Alls verða þrjú mót haldin á mótaröðinni í vetur og 8 stigahæstu keppendurnir fá boð á lokamótið, sem verður haldið í vor.

Alexander Rafn í U15 og Björgvin Brimi U17

Fri, 11 Oct 2024 15:48:08 GMT

Þórhallur Siggeirsson, landsliðsþjálfari U15 karla, hefur valið Alexander Rafn Pálmason til þátttöku í UEFA Development móti sem fram fer í Búlgaríu dagana 17.-23. október næstkomandi.

Lúðvík Gunnarsson, landsliðsþjálfari U17 karla, hefur valið Björgvin Brima Andrésson til þátttöku í undankeppni EM 2025 sem fram fer á Íslandi dagana 25.október. – 5.nóvember næstkomandi.

HELGA HARALDSDÓTTIR LÁTIN

Fri, 11 Oct 2024 11:48:13 GMT

Látin er í Hveragerði Helga Haraldsdóttir íþróttakennari, fremsta sundkona KR á síðustu öld. Helga fæddist 7. júlí árið 1937. Hún hóf æfingar og keppni hjá sunddeild KR árið 1951 og varð fljótt fremsta fremst íslenskra kvenna í skriðsundi og baksundi. Á árunum 1953-1959 setti hún alls 28 Íslandsmet og náðu þau yfir flestar keppnisgreinar skriðsunds og baksunds. Eftir að Helga hætti keppni vorið 1959 var hún í nokkur ár þjálfari hjá sunddeild KR. Jafnframt sneri hún sér að sjósundi og synti m.a. Viðeyjarsund og Helgusund úr Geirshólma í Hvalfirði (Harðarhólma).

Helga lauk námi frá Íþróttakennaraskólanum á Laugarvatni og framhaldsnámi frá Íþróttaháskólanum í Osló. Hún starfaði lengi vel sem sundkennari í Reykjavík og Kópavogi. Frá 1990 gerðist hún starfsmaður Náttúrulækningafélags Íslands í Hveragerði, þar sem hún lauk starfsferli sínum. Helga lést þann 28. sept. sl. 87 ára að aldri.

KR sendir eiginmanni Helgu, Agli Gústafssyni, og fjölskyldu þeirra hugheilar samúðarkveðjur.

Helga verður jarðsungin frá Hveragerðiskirkju þann 15. okt. nk.

Úrslit frá fyrstu leikjahelginni í deildakeppninni í borðtennis

Sat, 05 Oct 2024 18:58:30 GMT

Jafntefli hjá KR-A í 1. deild karla

Fyrstu tvær umferðirnar í deildakeppni karla í borðtennis voru leiknar í Íþróttahúsi Snælandsskóla í Kópavogi 28.-29. september. KR-liðin sex áttu misjöfnu gengi að fagna, sigrar, jafntefli og töp voru hlutskipti liðanna.

A-lið KR, sem leikur í 1. deild karla hefur átt betri dag og gerði jafntefli í báðum leikjum sínum, við A-lið HK og B-lið BH.

B-lið KR, sem leikur í 2. deild, vann báða leiki sína og er í forystu í deildinni, á meðan C-liðið, sem leikur líka í 2. deild, tapaði báðum leikjum sínum.

Lið D, E og F leika í 3. deild, þar sem leikið er í tveimur fimm manna riðlum. Liðin léku ýmist einn eða tvo leiki.

Úrslit úr einstökum leikjum KR-liðanna:

1. deild

KR-A – HK-A 5-5
BH-B – KR-A 5-5

2. deild

KR-B – KR-C 6-0
BM – KR-B 0-6
BR-A – KR-C 6-0

3. deild

A-riðill
KR-F – BR-B 5-5

B-riðill

KR-D – KR-E 6-3
HK-D – KR-D 6-2

Forsíðumyndin er af hluta leikmanna í D-liði KR, öldungaliðinu, sem skartar nýjum keppnisbúningum deildarinnar.

Halldór Snær Georgsson og Júlíus Mar Júlíusson skrifa undir hjá KR

Fri, 04 Oct 2024 16:32:58 GMT

Halldór Snær Georgsson (2004) hefur skrifað undir fjögurra ára samning við KR, út keppnistímabilið 2028. Halldór er markmaður uppalinn í Fjölni.

Halldór byrjaði meistaraflokksferill sinn í Vængjum Júpiters þar sem hann spilaði 19 leiki. Þá hefur hann spilað 40 leiki með Fjölni í Lengjudeildinni og á 8 leiki með U19 landsliði Íslands. Halldór Snær var lykilmaður í liði fjölnis á nýafstaðnu tímabili og var valinn leikmaður ársins hjá Fjölni.

Júlíus Mar Júlíusson (2004) hefur einnig skrifað undir fjögurra ára samning við KR, út keppnistímabilið 2028. Júlíus Mar er kraftmikill og leikinn hafsent sem byrjaði ferilinn sinn í Vænjum Júpiters og hefur verið lykilmaður í liði Fjölnis undanfarin ár. Júlíus hefur spilað 83 leiki fyrir Fjölni og á 3 leiki með U19 landsliði Íslands.

Júlíus var valinn í lið ársins í Lengjudeildinni fyrir góða frammistöðu í sumar.

Við bjóðum Dóra og Júlla velkomna í KR og hlökkum til að sjá þá spila í svart hvítu á næsta tímabili.

Benoný Breki Andrésson

Fri, 04 Oct 2024 16:26:20 GMT

Ólafur Ingi Skúlason, landsliðsþjálfari U21 liðs karla, hefur valið Benoný Breka Andrésson í hópinn gegn Litháen á Víkingsvelli 10. október og 15. október gegn Dönum á Vejle stadion. Leikirnir eru liður í riðlakeppni 23/25 U21 liða.

Þú ert vel að þessu kominn Benó, gangi þér sem allra best.

Óliver Dagur skrifar undir þriggja ára samning

Wed, 02 Oct 2024 14:43:36 GMT

Miðjumaðurinn Óliver Dagur Thorlacius (1999) hefur skrifað undir þriggja ára samning við KR, út keppnistímabilið 2027. Óliver er uppalin í KR en hefur spilað fyrir Fjölni og Gróttu síðustu ár. Óliver á 10 leiki með yngri landsliðum Íslands.

Vertu innilega velkominn aftur í KR Óliver, við hlökkum til að sjá þig í KR treyjunni á ný

Fyrsta sundmóti tímabilsins lokið

gunnaregillb@gmail.com (Gunnar Egill Benonýsson) — Mon, 30 Sep 2024 21:39:49 GMT

KR-ingar stóðu sig stórkostlega á fyrsta sundmóti tímabilsins.

Miklar bætingar og framfarir eftir nokkrar vikur af æfingum.

Tímabilið byrjar vel hjá okkar sundfólki
Áfram KR!!!

Kristinn Már Stefánsson er látinn

Mon, 30 Sep 2024 12:13:52 GMT

Kveðja frá körfuknattleiksdeild KR

Kristinn Már Stefánsson,

f. 3. júní 1945, d. 13. sept. 2024

Látinn er í Reykjavík, Kristinn Már Stefánsson, 79 ára að aldri. Kristinn var einn af mestu afreksmönnum Körfuknattleiksdeildar KR, en hann lék um árabil með karlaliði félagsins í efstu deild og var einn af lykilmönnum liðsins, sem var ógnarsterkt um árabil á 7. og 8. áratugnum. Þá gegndi hann líka ýmsum trúnaðarstörfum fyrir félag sitt KR og fyrir körfuknattleikshreyfinguna.

Kristinn gekk til liðs við Körfuknattleiksdeild KR strax á unglingsárum. Hann var í sigursælum árgangi, sem vann til titla í yngri flokkum félagsins. Hann hóf keppni í meistaraflokki keppnistímabilið 1962-1963, eins og fleiri félagar hans á sama reki, þó þeir hafi ekki verið búnir að ná lágmarksaldri. Kristinn lék alls 335 leiki með mfl. karla í KR á árunum 1963 – 1979 og er enn meðal 10 leikjahæstu leikmanna félagsins í körfuknattleik frá upphafi. Á þessum árum vann hann alls 6 Íslandsmeistaratitla og 6 bikarmeistaratitla fyrir KR og var valinn körfuknattleiksmaður ársins af Körfuknattleikssambandi Íslands (KKÍ) keppnistímabilið 1973-74. Kristinn var hávaxinn og með mikinn stökkkraft og lék í stöðu miðherja. Hann var góður varnarmaður og oft einráður undir körfunni og tók mikið af fráköstum. Einnig var hann mjög skotviss á sínu svæði við körfuna. Karlalið KR lék einnig fjölmarga leiki í Evrópukeppnum á þessum árum og var Kristinn lykilþátttakandi í þeim verkefnum. Hann gegndi einnig ýmsum trúnaðarstörum fyrir félagið og sat m.a. í stjórn Körfuknattleiksdeildar KR í ein 15 ár.

Kristinn var valinn til að leika með fyrsta unglingalandsliði Íslands, sem lék í Evrópukeppni unglingaliða í París haustið 1963. Hann var í byrjunarliði Íslands og mikilvægur hlekkur í árangri liðsins sem sigraði í 2 leikjum af 4 og kom þannig Íslandi óvænt á kortið. Í framhaldi af því var Kristinn valinn í íslenska karlalandsliðið og lék með því samfellt í rúman áratug, 1964 – 1975, alls 34 landsleiki.

Kristinn var einnig valinn til forystustarfa hjá KKÍ, en þar sat hann í stjórn lengst af á árunum 1984 – 1996. Einnig sat hann í landsliðsnefnd KKÍ og var um tíma landsliðsþjálfari. Hann var líka iðinn við að mæta á körfuknattleiki hjá KR og fylgjast með félagi sínu.

Kristinn hlaut gullmerki frá bæði KR og KKÍ, fyrir framlag sitt til körfuknattleiksins.

Körfuknattleiksdeild KR þakkar Kristni Má Stefánssyni fyrir störf sín fyrir félagið og þessa frábæru íþrótt og vottar fjölskyldu hans samúð sína við fráfall hans.

F.h. Körfuknattleiksdeildar KR,

Gísli Georgsson

Meistaraflokkur kvenna vann sér sæti í Lengjudeildinni að ári

Sun, 29 Sep 2024 13:56:45 GMT

Meistaraflokkur kvenna lenti í öðru sæti 2. deildar og með því tryggðu þær sér sæti í Lengjudeildinni á næsta tímabili, 2025.

Þær og þjálfarateymið eru búin að leggja mikið á sig í sumar og áttu þetta sæti fyllilega skilið.

Hamingjuóskir til þeirra sem og allra KR-inga, við hlökkum til að fylgjast með liðinu í Lengjudeildinni.

Deildakeppnin í borðtennis hefst um helgina

Fri, 27 Sep 2024 23:23:10 GMT

Leikið í Íþróttahúsi Snælandsskóla í Kópavogi

Deildakeppni karla í borðtennis hefst um helgina og er leikið í Íþróttahúsi Snælandsskóla í Kópavogi. Flest liðin leika tvo leiki í deildinni um helgina.

Keppni hefst kl. 9.30 með 2. deild karla, þar sem KR er með tvö lið, KR-B og KR-C.

Kl. 13.30 verður leikið í 1. deild karla, þar sem A-lið KR leikur, en liðið varð deildarmeistari í fyrra.

Sunnudaginn 29. september verður leikið í 3. deild og hefst keppni í A-riðli kl. 9.30, en þar leikur F-lið KR. Keppni í B-riðli byrjar kl. 13.30, en D- og E-lið KR eru í B-riðli.

Aðgangur er ókeypis og öllum heimill.

Níu KR-ingar í æfingabúðum landsliðsins um helgina

Sun, 22 Sep 2024 08:44:05 GMT

Alls taka níu KR-ingar þátt í æfingabúðum landsliðsins um helgina en æfingarnar fara fram í Íþróttahúsi Hagaskóla. Peter Nilsson, landsliðsþjálfari, kemur til landsins frá Svíþjóð nokkrum sinnum á ári og heldur æfingar með landsliðshópnum. Að þessu sinni eru bæði leikmenn úr A-landsliðshópi og unglingalandsliðshópi á æfingunum.

Þessir KR-ingar taka þátt um helgina:

Aldís Rún Lárusdóttir
Eiríkur Logi Gunnarsson
Ellert Kristján Georgsson
Gestur Gunnarsson
Guðbjörg Vala Gunnarsdóttir
Helena Árnadóttir
Lúkas André Ólason
Norbert Bedö
Pétur Gunnarsson

Á forsíðumyndinni má sjá bræðurna Pétur og Eirík Loga á Íslandsmótinu 2024, mynd úr myndasafni BTÍ.

Ólafur Gíslason látinn

Thu, 19 Sep 2024 16:59:06 GMT

Ólafur Gíslason er látinn tæplega 84 ára að aldri. Ólafur var fæddur í Reykjavík 16. nóvember 1936. Hann stundaði knattspyrnu í KR frá unga aldri, og lék sinn fyrsta meistaraflokksleik með KR sumarið 1954. Þeir urðu fleiri sumarið 1955 en það sumar vann KR sinn 15. Íslandsmeistaratitil. Það fóru ekki margir landsleikir fram á þessum árum en 1956 lék Ólafur sinn fyrsta landsleik fyrir Íslands hönd, gegn enska áhugamannalandsliðinu. Hann bætti við öðrum leik sumarið 1957 gegn franska landsliðinu í undankeppni HM, sem fór fram í Svíþjóð sumarið 1958. Leikurinn við Frakka var fyrsti leikur Íslands í HM.

Ólafur lauk fyrri hluta námi í byggingarverkfræði frá Háskóla Íslands og lokaprófi frá Kaupmannahafnarháskóla vorið 1962. Hann starfaði síðan lengst af hjá Ístaki og Pihl og Søn, bæði hérlendis og víða um heim. Eftir að alvara færðist í verkfræðinámið mátti knattspyrnan sætta sig við að víkja í annað sætið. Ólafur lék alls 43 leiki með meistaraflokki KR – þá síðustu sumarið 1960.

Ólafur lést þann 28. ágúst sl. KR sendir ekkju Ólafs, Gerðu S. Jónsdóttur, og fjölskyldu þeirra hugheilar samúðarkveðjur við fráfall Ólafs.

Gabríel Hrannar Eyjólfsson skrifar undir þriggja ára samning

Wed, 18 Sep 2024 21:14:46 GMT

Gabríel Hrannar Eyjólfsson (1999) hefur skrifað undir þriggja ára samning við KR, út keppnistímabilið 2027. Gabríel er uppalin í KR en hefur spilað fyrir Vestra og Gróttu síðustu ár. Gabríel getur leyst margar stöður á vellinum en hans aðalstaða er bakvörður.

Við bjóðum Gabríel velkominn aftur í KR og hlökkum til að sjá hann í KR treyjunni á ný eftir tímabilið

KR á þrjá fulltrúa í U15 karla

Wed, 18 Sep 2024 18:04:26 GMT

Þórhallur Siggeirsson, landsliðsþjálfari U15 karla, hefur valið hóp sem æfir á Þróttaravelli dagana 23.-25. september.

KR á þrjá fulltrúa á æfingunum en það eru þeir Alexander Rafn Pálmason, Birgir Kjartan Ísleifsson og Teitur Björgúlfsson.

Til hamingju með valið strákar, gangi ykkur sem allra best og munið að njóta.

Fræðslufundur um heilabilun og aðstandendur

Wed, 11 Sep 2024 18:02:35 GMT

Fimmtudaginn 12. september verðum við með fræðslufund um heilabilun og aðstandendur. Fundurinn fer fram í félagsheimili KR.

Guðlaugur Eyjólfsson framkvæmdastjóri Alzheimersamtakanna segir frá starfsemi samtakanna og þeirri þjónustu sem samtökin veita til einstaklinga með heilabilun og aðstandendur þeirra.

Sigurbjörg Hannesdóttir fræðslustjóri Alzheimersamtakanna fjallar um heilabilunarsjúkdóma og helstu einkenni, hvert sé hægt að leita og hvað sé hægt að gera eftir greiningu til að bæta líðan og lífsgæði.

Verið öll hjartanlega velkomin - aðgangur er ókeypis

Guðmundur Flóki tekur þátt í heimsmeistaramóti unglinga

Wed, 11 Sep 2024 16:21:21 GMT

Gunnar Bratli landsliðsþjálfari í bardaga hefur valið unglinga KR-inginn Guðmund Flóka Sigurjónsson til að taka þátt í Heimsmeistaramóti unglinga sem fram fer í Kóreu 1.-6. október nk.

Guðmundur Flóki keppir í -73 á mótinu.

Við óskum honum til hamingju með valið og góðs gengis á mótinu.

Alvotech-dagurinn 2024

Tue, 10 Sep 2024 21:53:22 GMT

Alvotech-dagurinn var haldinn liðna helgi. Mikil gleði var við völd og hoppuðu ungir knattspyrnuiðkendur í hoppuköstulum, léku sér með bolta á battavellinum og hlustuðu á Væb strákana syngja nokkur lög.

Gæddu sér á pylsum og skemmtu sér vel með fjölskyldu og vinum.

Áður en heim var haldið gaf Alvotech öllum börnum hálskraga sem hlýjar þeim á æfingum í vetur.

Takk fyrir frábæra mætingu og takk Alvotech fyrir að bjóða iðkendum upp á þennan dag.

Sigurður Breki og Skarphéðinn Gauti í U16

Tue, 10 Sep 2024 16:22:05 GMT

Lúðvík Gunnarsson, landsliðsþjálfari U16 karla, hefur valið KR-ingana Sigurð Breka Kárason og Skarphéðinn Gauta Ingimarsson til úrtaksæfinga dagana 16. – 18. september. Æfingarnar fara fram á AVIS-vellinum í Laugardal.

Gangi ykkur vel strákar - þið eruð vel að þessu komnir. Munið að njóta

Borðtennisfjör fyrir stelpur 7. september

Wed, 04 Sep 2024 21:26:28 GMT

Aldís Rún Lárusdóttir og Guðrún G Björnsdóttir standa fyrir borðtennisviðburði fyrir stelpur laugardaginn 7. september í Íþróttahúsi Hagaskóla og stendur yfir kl. 10-13.

Þessi viðburður er þáttur í átaki Borðtennissambands Íslands til að fjölga stelpum í íþróttinni og er opinn fyrir allar stelpur sem vilja prófa að spila borðtennis, hvort sem þær eru þegar að æfa borðtennis eða vilja prófa íþróttina.

Boðið verður upp á borðtennis, leiki og ísveislu.

Skráning er á netfangið aldisrun@gmail.com og er beðið um nafn leikmanns, fæðingarár og símanúmer forráðamanns.

Þórir kemur heim í KR

Mon, 02 Sep 2024 10:45:55 GMT

Þórir Guðmundur Þorbjarnarson, oft þekktur undir nafninu Tóti Túrbó, er kominn heim í KR og semur við körfuknattleiksdeild KR til næstu tveggja ára. Þetta var tilkynnt á fréttamannafundi á Meistaravöllum fyrir helgi. Við sama tilefni var tilkynnt um framlengingu á samningi KR körfu við Nike á Íslandi til næstu tveggja ára.

Þóri þarf ekki að kynna frekar fyrir KR-ingum né körfuboltaunnendum. Hann er uppalinn í KR, lék með KR upp alla yngri flokka og upp í meistaraflokkinn. Hann lék sinn fyrsta meistaraflokksleik fyrir KR aðeins 16 ára gamall. Þórir varð þrisvar sinnum Íslandsmeistari og tvisvar bikarmeistari með KR á árunum 2014-2017.

Þórir hélt út til Bandaríkjanna í háskóla og spilaði með Nebraska á árunum 2017 til 2021. Þórir gekk til liðs við KR vorið 2021 og spilaði með liðinu í úrslitakeppninni það árið. Þórir hóf tímabilið 2021-2022 með KR en á miðju tímabili gekk hann til liðs við Landstede Hammers í Hollandi. Tímabilið eftir spilaði Þórir með Oviedo CB á Spáni og í fyrra gekk Þórir til liðs við Tindastól hér heima. En nú er Þórir kominn aftur heim í KR og semur til næstu tveggja ára.

Þórir er 26 ára gamall og á að baki 29 A-landsleiki fyrir Ísland.

Þórir Guðmundur Þorbjarnarson, leikmaður KR:

“Ég er mjög ánægður að vera ganga aftur til liðs við KR. Hér ólst ég upp og finnst best að vera. Það er verið að byggja upp flott lið af heimastrákum og er ég spenntur að taka þátt í því og þeim verkefnum sem framundan eru. KR er og verður alltaf stærsti klúbbur á Íslandi og ég hlakka til að sjá alla KR-inga í stúkunni í vetur.”

Jakob Örn Sigurðarson, þjálfari meistaraflokks karla:

"Það hefur verið ákveðið markmið hjá okkur að fá til okkar uppalda KR-inga sem voru að spila annars staðar. Tóti hefur sýnt að hann er einn af albestu leikmönnum deildarinnar og því gríðarlega stórt og mikilvægt fyrir okkur að fá hann heim í KR. Bæði út af hans hæfileikum sem körfuboltamanni og að hann er KR ingur í gegn. Körfuboltalega er hann mjög hæfileikaríkur og fjölhæfur leikmaður sem mun gera mikið fyrir liðið. Ásamt því að ég tel að hann sé á þeim stað á ferlinum að vera leiðtogi í sínu liði og verður hrikalega skemmtilegt að sjá hann aftur í KR-treyjunni."

Egill Ástráðsson, formaður körfuknattleiksdeildar KR:

“Við hjá körfuknattleiksdeild KR erum gífurlega stolt og ánægð með hafa náð samkomulagi við Þóri. Þórir er eins og allir vita einn besti körfuboltamaður okkar Íslendinga og hann er einn harðasti KR-ingur sem fyrirfinnst. Þannig að það var alveg ljóst að eftir að við náðum markmiðum okkar um að fara beint aftur upp um deild síðasta vor, þá lögðum við mikið kapp á að fá hann til liðs við okkur á ný sem og aðra uppalda KR-inga sem við höfum samið við í sumar.”

KR karfa og Nike til næstu tveggja ára

Á fréttamannafundinum var einnig tilkynnt að KR karfa og Nike á Íslandi hafa framlengt samstarfssamning sinn til næstu tveggja ára. Allir flokkar KR körfu munu spila í Nike búningum næstu tvö árin hið minnsta.

Sjáumst á Meistaravöllum í vetur! Áfram KR!

Borðtennisæfingar hefjast 2. september

Sun, 01 Sep 2024 19:32:50 GMT

Æfingar hjá Borðtennisdeild KR hefjast þann 2. september. Æfingar fara fram í Íþróttahúsi Hagaskóla. Boðið er upp á æfingar fyrir mörg getustig, frá byrjendum upp í úrval, auk þess sem boðið er upp á öðlingahóp. Skráningar fara fram á þessari slóð: https://www.abler.io/shop/bordtennis

Golfmót KR

Tue, 27 Aug 2024 18:09:22 GMT

Í gær var haldið golfmót á Nesvellinum til styrktar Framtíðarsjóði KR undir traustri stjórn Salvarar Jónsdóttur. Uppselt var í mótið og komust færri að en vildu. Alls tóku 59 golfarar þátt í mótinu sem tókst einstaklega vel í góðu veðri. Leiknar voru níu holur með punktafyrirkomulagi og veitt verðlaun fyrir efstu þrjú sætin í Kvenna- og karlaflokki. Þá voru veitt nándarverðlaun á þremur holum og dregíð var úr skorkortum þar sem meðal vinninga var 100.000 kr. gjafabréf upp í golfferð hjá Úrval Útsýn.

Framtíðarsjóðurinn þakkar öllum fyrir þáttökuna og Nesklúbbnum fyrir góðan stuðning við mótið, ásamt eftirfarandi fyrirtækjum sem gáfu úrdráttarverðlaun: Úrval Útsýn, OJK/ÍSAM, Regatta, Melabúðin og Rauða Ljónið.

Úrslit voru eftirfarandi í puntakeppninni:

Fyrsta sæti kvenna: Bjargey Aðalsteinsdóttir

Fyrsta sæti karla: Þorsteinn Guðjónsson

Annað sæti kvenna: Olga Lísa Garðarsdóttir

Annað sæti karla: Þorfinnur Skúlason

Þriðja sæti kvenna: Ásdís Lilja Emilsdóttir

Þriðja sæti karla: Gunnar Hjaltalín

Leikskólahópur í körfu

Tue, 27 Aug 2024 13:33:24 GMT

Eins og í fyrra þá munum við bjóða upp á leikskólahóp í körfubolta í vetur fyrir börn fædd 2019-2020.

Æfingarnar fara fram í KR heimilinu á laugardögum milli kl. 9:45 og 10:30.

Þjálfari verður Gunnhildur Bára

Æfingar hefjast laugardaginn 7. september.

Skráning er hafin á abler .

Breytingar á kvennaknattspyrnu í KR

Wed, 21 Aug 2024 10:11:06 GMT

Það hefur ávallt verið stefna KR að vera með öflugt starf í yngri flokkum félagsins. Fyrir áratug eða svo var staðan sú að ekki var nægur fjöldi iðkenda hjá félögunum, Gróttu og KR, og því var stofnað til samstarfs í 2. - 4. flokki, báðum félögum til góða.

Síðustu ár hefur kvennaknattspyna orðið vinsælli og iðkendum hjá KR ásamt öðrum félögum fjölgað jafnt og þétt, það ásamt nýútgefinni stefnu KR um að efla allt starf í kringum kvennaknattspyrnu breytir forsendum KR til þátttöku í samstarfi í þessum flokkum.

Út frá nýútgefinni langtímastefnu deildarinnar hefur Gróttu verið tilkynnt að stjórn knattspyrnudeildar KR hafi ákveðið að ljúka samstarfi við Gróttu að loknu Íslandsmóti haustið 2024.

KR mun hafa fullan fókus í vetur til að framfylgja þeirri stefnu sem hefur verið mörkuð og því mikilvægt að vera með alla yngri flokka innan félagsins. Þá verður eftir sem áður reynslumikið og gott þjálfarateymi í kvennaflokkum KR.

KR þakkar Gróttu kærlega fyrir samstarfið undanfarin ár og óskar félaginu velfarnaðar í þeim verkefnum sem framundan eru.

Kæra vegna leiks HK og KR

Mon, 19 Aug 2024 16:33:03 GMT

Fyrir áhugasama er hér að finna kæru KR vegna frestunar á leik HK og KR sem fara átti fram í Kórnum þann 8. ágúst sl.

Við leyfum ykkur að fylgjast með gangi mála.

Yfirlýsing frá KR vegna frestunar á leik HK og KR

Thu, 15 Aug 2024 12:51:29 GMT

Knattspyrnudeild KR hefur móttekið niðurstöðu stjórnar KSÍ vegna leiks KR og HK. Áður en ákvörðun var tekin sendi KR stjórn KSÍ athugasemdir sem vonast var til að teknar yrðu til skoðunar við ákvarðanatöku. Virðast þær athugasemdir ekki hafa fengið hljómgrunn.

Að vandlega athugðu máli telur KR ekki stætt á öðru en að kæra ákvörðun KSÍ til aga- og úrskurðarnefndar sambandsins. KR telur mál þetta fordæmisgefandi og því brýnt að dómstólar KSÍ úrskurði í málinu. Niðurstaða stjórnar KSÍ er á skjön við þekktar niðurstöður erlendra knattspyrnusambanda.

KR telur að ákvörðun stjórnar KSÍ mismuni félögum. Bæði KR og Vestra var fyrr í sumar gert að spila á tilgreindum varavöllum þegar vellir félaganna voru ónothæfir. KR telur að heilindi íþróttarinnar sé undir enda bjóði ákvörðun stjórnar heim hættunni á því að félög geri velli sína ónothæfa til þess að tryggja knattspyrnulega stöðu. Eins eru erlend fordæmi með þeim hætti að tryggi félög ekki nothæfa velli þá eru leikir dæmdir þeim tapaðir. Þá er nýlegt dæmi KSÍ þar sem leikvöllur Knattspyrnufélags Vesturbæjar var metinn óleikhæfur að leikur var færður yfir á varavöll félagsins og leiktíma seinkað um 30 mínútur.

KR ætlar að vísun stjórnar KSÍ til gr. 15.6. í reglugerð um knattspyrnumót eigi ekki við enda taki það ákvæði aðeins til atvika sem eru óviðráðanleg.

Bíður KR nú eftir öllum gögnum í málinu og mun í framhaldi leggja fram formlega kæru.

KR mun gæta þess að málflutningi félagsins verði gerð skil og öllum aðgengilegur.

Áfram KR

Matthias Præst Nielsen skrifar undir þriggja ára samning við KR

Tue, 13 Aug 2024 09:29:44 GMT

Matthias Præst Nielsen (2000) hefur skrifað undir þriggja ára samning við KR. Matthias Præst er miðjumaður sem kemur til KR frá Fylki þar sem hann hefur spilað lykilhlutverk í sumar. Áður en Matthias kom til Íslands lék hann í liðum í Danmörku og HB Tórshavn, Færeyjum.

Við erum gríðarlega ánægð að Matthias vildi koma í Vesturbæinn og hlökkum til að fá hann inn í liðið eftir tímabil, þótt við glöð hefðum viljað fá hann fyrr.

Guðmundur Andri skrifar undir samning við KR

Fri, 09 Aug 2024 16:45:02 GMT

Guðmundur Andri Tryggvason (1999) hefur skrifað undir 5 ára samning við KR.

Það gleður okkur mjög að fá Guðmund Andra aftur heim í Frostaskjólið og hlökkum við til að sjá hann blómstra í svart-hvítu treyjunni á ný.

Vertu innilega velkominn heim Guðmundur Andri

Guðbjörg Vala hækkaði mest kvenna á styrkleikalistanum á milli ára

Thu, 08 Aug 2024 19:32:39 GMT

Helena hækkaði næstmest

Guðbjörg Vala Gunnarsdóttir hækkaði mest allra kvenna á styrkleikalista BTÍ á milli ára, en hún bætti við sig 190 stigum á milli ára, og vann sig upp í meistaraflokk.

Helena Árnadóttir bætti sig næstmest kvenna, eða um 130 stig.

Eiríkur Logi Gunnarsson bætti sig þriðja mest karla á landinu, en hann hækkaði um 220 stig á milli ára.

Gyrðir og Ástbjörn snúa heim

Wed, 07 Aug 2024 15:18:15 GMT

Gyrðir Hrafn Guðbrandsson (1999) og Ástbjörn Þórðarson (1999) hafa skrifað undir 5 ára samning við KR.

Það gleður okkur alltaf að fá KR-inga aftur heim og er það mikið fagnaðarefni að fá þá Gyrði og Ástbjörn aftur í Frostaskjólið. Gyrðir getur leyst flestar stöður á vellinum en er miðvörður að upplagi og er Ástbjörn varnarmaður/hægri bakvörður.

Við bjóðum ykkur velkomna á æskuslóðirnar strákar og hlökkum til að sjá ykkur blómstra í KR treyjunni á ný.

Á sama tíma mun Kristján Flóki snúa aftur í Hafnarfjörðinn og þökkum við honum fyrir hans framlag til félagsins um leið og við óskum honum velfarnaðar á æskuslóðunum.

Fréttatilkynning frá KR

Thu, 01 Aug 2024 12:26:00 GMT

Gengið hefur verið frá ráðningu nýs framkvæmdastjóra Knattspyrnufélags Reykjavíkur.

Aðalstjórn KR hefur náð samkomulagi við Pálma Rafn Pálmason um að taka við starfi framkvæmdastjóra félagsins þegar tímabundinn samningur hans við knattspyrnudeild félagsins rennur út eftir tímabil.

Aðalstjórn þakkar Bjarna Guðjónssyni, fráfarandi framkvæmdastjóra, kærlega fyrir hans störf og óskar honum velfarnaðar í nýju starfi.

Pálmi Rafn er KR-ingum að góðu kunnur enda notið starfskrafta hans á ýmsum sviðum á undanförnum árum. Pálmi Rafn gjörþekkir félagið enda bæði leikið fyrir það, þjálfað og starfað.

“Ég er afskaplega glöð að Pálmi Rafn hafi ákveðið að taka að sér starf framkvæmdastjóra félagsins og hlakka mikið til samstarfsins við hann. Hann hefur unnið afskaplega gott starf í mörg ár fyrir félagið og frábært að fá hann til þess að taka við af Bjarna Guðjónssyni, sem framkvæmdastjóra Knattspyrnufélags Reykjavíkur.”

Þórhildur Garðarsdóttir, formaður Knattspyrnufélags Reykjavíkur.

Í framhaldi af tilkynningu aðalstjórnar er tilkynning frá knattspyrnudeild KR.

Óskar Hrafn Þorvaldsson, yfirmaður knattspyrnumála í KR, hefur að beiðni Pálma Rafns Pálmasonar, þjálfara meistaraflokks, komið inn í þjálfarateymi liðsins og mun hjálpa liðinu í baráttunni sem fram undan er. Óskar Hrafn mun að tímabili loknu taka við starfi þjálfara meistaraflokks karla ásamt því að gegna starfi yfirmanns knattspyrnumála. Kynnt verður um ráðningu yfirþjálfara yngri flokka á næstu misserum.

Óskar tekur strax til starfa og verður með liðinu í næsta leik er við sækjum HK menn heim á miðvikudaginn kemur

Aron Kristófer seldur til uppeldisfélagsins

Wed, 31 Jul 2024 12:24:55 GMT

Aron Kristófer Lárusson hefur gengið til liðs við uppeldisfélagið, Þór, Akureyri. Aron kom til KR frá ÍA 2022.

Stjórn knattspyrnudeildar þakkar Aroni fyrir hans framlag til félagsins og óskar honum velfarnaðar á æskuslóðunum.

Gunnarsbörn í viðtali á EM unglinga

Sat, 20 Jul 2024 23:11:42 GMT

Evrópska borðtennissambandið ETTU var með viðtal við Gunnarsbörnin úr KR, sem öll eru stödd á EM unglinga í Malmö, þar sem yngstu börnin tvö, Eiríkur Logi og Guðbjörg Vala, kepptu með íslenska unglingalandsliðinu. Eldri synirnir þrír hafa allir keppt fyrir Íslands hönd á mótinu. Foreldrarnir Gunnar Skúlason og Guðrún Gestsdóttir voru líka á staðnum.

Viðtalið má sjá hér: ETTU.org - Icelandic Family made their mark at the European Youth Championships

Jakob Gunnar Sigurðsson semur við KR til þriggja ára

Thu, 18 Jul 2024 10:09:07 GMT

Jakob Gunnar Sigurðsson (2007) hefur skrifað undir þriggja ára samning við KR, út keppnistímabilið 2027.

Jakob er mjög efnilegur framherji sem kemur frá Húsavík. Hann hefur spilað 43 meistaraflokksleiki fyrir Völsung og skorað 14 mörk. Í sumar hefur hann spilað 12 leiki fyrir Völsung og skorað í þeim 11 mörk. Hann hefur einnig spilað 6 leiki með yngri landsliðum Íslands.

Jakob klárar tímabilið fyrir norðan og kemur svo í Vesturbæinn eftir tímabil.

Við erum mjög stolt að KR varð fyrir valinu og hlökkum til að sjá hann blómstra í KR treyjunni.

Aldís og Guðrún keppa á HM öldunga

Thu, 11 Jul 2024 21:53:28 GMT

KR-konurnar Aldís Rún Lárusdóttir og Guðrún G Björnsdóttir keppa þessa dagana á heimsmeistaramóti öldunga í Róm á Ítalíu, eða ITTF World Masters Championships eins og mótið er núna kallað. Keppnin fer fram 6.-14. júlí, keppendur eru um 6.100 talsins og er keppt á 350 borðum. Keppt er í 5 eða 10 ára aldursflokkum frá 40 ára aldri, en elsti aldursflokkurinn er fyrir 90 ára og eldri.

Þær Aldís og Guðrún keppa í einliðaleik, tvíliðaleik og tvenndarleik 40 ára og eldri, og fengu erlenda meðspilara í tvenndarleik þar sem þær eru einu keppendur Íslands.

Til þessa hefur Guðrún unnið tvo leiki í einliðaleik og Aldís einn og saman unnu þær einn leik í tvíliðaleik en aðrir leikir töpuðust.

Hér má sjá úrslitin úr leikjum á mótinu: https://wmc2024.ittf.com/

Þorvarður Jón Guðmundsson borinn til grafar

Wed, 10 Jul 2024 11:57:19 GMT

Í dag flöggum við í hálfastöng vegna útfarar Þorvarðar Jóns Guðmundssonar sem var burðarás handknattleiksdeildar KR á sínum tíma.

Við vottum fjölskyldu og vinum innilega samúð.

Fjórir KR-inga keppa á EM unglinga í Malmö

Wed, 03 Jul 2024 18:04:06 GMT

Eiríkur, Guðbjörg, Helena og Lúkas á EM unglinga

Fjórir KR-ingar eru í 10 manna hópi úr unglingalandsliðinu sem leikur á EM unglinga í Malmö í Svíþjóð 12.-21. júlí. Þetta eru þau Eiríkur Logi Gunnarsson, sem keppir í flokki drengja 16-18 ára, Guðbjörg Vala Gunnarsdóttir og Helena Árnadóttir, sem mynda lið Íslands í flokki meyja 15 ára og yngri og Lúkas André Ólason, sem er í liði sveina 15 ára og yngri.

Pétur Gunnarsson, yfirþjálfari Borðtennisdeildar KR, verður aðstoðarþjálfari Mattia Conti, unglingalandsþjálfara á mótinu.

Óskar Hrafn yfirmaður knattspyrnumála

Wed, 03 Jul 2024 10:16:45 GMT

Knattspyrnudeild KR hefur ráðið Óskar Hrafn Þorvaldsson í starf yfirmanns knattspyrnumála og tekur hann formlega til starfa þann 1. ágúst nk.

Óskar hefur undanfarin misseri gegnt stöðu ráðgjafa knattspyrnudeildar.

Í raun er um nýtt starfa að ræða hjá knattspyrnudeild en Rúnar Kristinsson gegndi stöðunni árin 2008-2009.

Það er knattspyrnudeild KR sérlega ánægjulegt að fá Óskar til starfa. Óskar mun þannig hafa yfirumsjón með öllu faglegu starfi knattspyrnudeildar, hvort sem er yngri flokka eða meistaraflokka. Það er félaginu sérlega mikilvægt að fá jafn öflugan aðila til þess að leiða starfið. Deildin stendur á ákveðnum tímamótum. Aðstaða deildarinnar mun þannig taka miklum breytingum á næstu misserum og stöndum við frammi fyrir krefjandi áskorunum.

Vertu innilega velkominn Óskar Hrafn.

Reykjavík í öðru sæti á Aldursflokkameistara mótinu í sundi

gunnaregillb@gmail.com (Gunnar Egill Benonýsson) — Tue, 02 Jul 2024 20:25:10 GMT

The body content of your post goes here. To edit this text, click on it and delete this default text and start typing your own or paste your own from a different source.

Vigfús Arnar ráðinn aðstoðarmaður Pálma

Sun, 30 Jun 2024 17:17:51 GMT

Vigfús Arnar Jósepsson hefur verið ráðinn aðstoðarmaður Pálma Rafns, þjálfara meistaraflokks karla, út tímabilið. Vigfús er okkur KR-ingum vel kunnur en hann lék með yngri flokkum og meistaraflokki KR á sínum tíma.

Vigfús hefur undanfarin ár stýrt uppeldisfélagi sínu Leikni en hætti störfum í sumar.

Við tökum vel á móti Vigfúsi og bjóðum hann velkominn í Vesturbæinn á nýjan leik.

Pálmi Rafn stýrir KR út tímabiliðið

Sun, 30 Jun 2024 17:03:30 GMT

Knattspyrnudeild KR og Pálmi Rafn Pálmason hafa náð samkomulagi þess efnis að Pálmi muni stýra meistarflokki karla hjá KR út leiktímabilið. Pálmi tók við liðinu tímabundið eftir að Gregg Ryder var sagt upp störfum og hefur stýrt liðinu í tveimur síðustu leikjum. Knattspyrnudeild bindur miklar vonir við að Pálmi nái að snúa við gengi liðsins.

Gregg Ryder hættir með KR

Thu, 20 Jun 2024 10:27:28 GMT

Knattspyrnudeild KR hefur sagt upp samningi Gregg Ryder sem var ráðinn þjálfari mfl. karla síðastliðið haust. Ástæða uppsagnar er óviðunandi árangur liðsins það sem af er sumri.

Knattspyrnudeild KR þakkar Gregg fyrir framlag hans til félagsins og óskar honum velfarnaðar.

Pálmi Rafn Pálmason mun stýra liðinu í leik liðsins á móti Víkingi næstkomandi laugardag.

KR markar stefnu fyrir knattspyrnu kvenna

Wed, 19 Jun 2024 15:49:29 GMT

Stjórn knattspyrnudeildar KR hefur síðustu mánuði verið að vinna að nýrri stefnu fyrir kvennastarf deildarinnar. Árangur félagsins í meistaraflokki hefur ekki verið ásættanlegur sl. ár fyrir stórt félag eins og KR og er ný stefnumótun, byggð á fimm ára áætlun, hluti af viðbrögðunum við því. Markmiðið er að byggja upp starf sem er leitt af langtímahugsun og styrkja þær stoðir sem kvennastarfið byggir á, sem og nýta meðbyr stofna og strauma sem nú eiga sér stað í kvennaboltanum víðs vegar um heiminn.

Kvennaknattspyrnan hefur tekið miklum breytingum síðustu ár, bæði innan vallar sem utan. Vinsældir hennar hafa aukist gríðarlega sem sést vel á mikilli aukningu í áhorfi í sjónvarpi, margfalt meiri aðsókn á leiki, áhuga fjölmiðla og síðast en ekki síst á því fjármagni sem hefur komið inn í rekstur liða. Sem dæmi um aukinn áhuga á kvennaboltanum má nefna að kvennalið Arsenal muna leika alla heimaleiki sína á Emirates vellinum á næsta tímabili. Einnig hefur eignarhald kvennaliða breyst og hafa fjárfestingarsjóðir fjárfest í liðum á stærstu mörkuðunum en á sama tíma tengt liðin við mikilvæg málefni í þeim samfélögum sem þau tilheyra.

Áunnir styrkleikar kvennaliða KR eru margir og þeir munu ekki hverfa. Vinnan við stefnuna tekur mið af þeim en einnig er hugað að því hvernig hægt er að styðja við liðið fjárhagslega svo það geti verið sjálfstæð og sterk eining. Nú þegar hefur fjárhagslegt bakland kvennaliðs KR til næstu fimm ára verið tryggt með öflugu framlagi frá ýmsum bakhjörlum félagsins. Þetta fjármagn verður ekki eingöngu nýtt til að styrkja liðið með leikmannakaupum heldur einnig til að bæta aðstöðu liðsins, auka fræðslu og þekkingu á mikilvægum þáttum eins og næringarfræði, eflingu styrktarþjálfunar og sjúkraþjálfunar fyrir liðið sem og að hlúa að félagslegum þáttum.

Stórbætt aðstaða sem er framundan og innkoma nýrra ráðninga hjá félaginu mun einnig styrkja stefnuna til muna. Þessar breytingar munu styrkja félagið í heild sinni.

Við horfum því jákvæð fram á við og teljum að kvennastarfið og kvennalið félagsins eigi bjarta framtíð fyrir höndum.

KR TM mótsmeistarar 2024

Tue, 18 Jun 2024 12:25:57 GMT

Dagana 13.-15. júní fór fram TM mót í Vestmannaeyjum fyrir 5. flokk stúlkna. Mótið í ár var annað stærsta mótið frá upphafi en alls tóku 120 lið þátt frá 34 félögum, alls um 1.200 keppendur víðsvegar af landinu.

Eins og þau segja þá gerast ævintýrin í Eyjum, og þar verða góðar minningarnar til líka. 43 kátar KR stelpur geta borið vitni um það.

KR1 stóð uppi sem sigurvegari á mótinu og er því TM mótsmeistari 2024 , sem er glæsilegur árangur hjá liðinu. Það voru lið KR og Vals sem mættust á Hásteinsvelli í úrslitaleik TM-mótsins 2024. KR-ingar komust yfir snemma leiks með marki Oktavíu Gunnarsdóttur og þrátt fyrir tilraunir Vals til að jafna leikinn tókst þeim það ekki og KR-ingar því meistarar.

KR2 lenti í 3. sæti um Gullbergsbikarinn

KR3 lenti í 8. sæti um Stígandabikarinn

KR4 lenti í 2. sæti um Herjólfsbikarinn

KR5 lenti í 8. sæti um Sigurðarbikarinn

KR átti þrjá fulltrúa í liði mótsins, en þær Oktavía Gunnarsdóttir, Agnes Lóa Sæmundsdóttir og Hrafnhildur Anna Stefánsdóttir voru allar í liði TM mótsins.

Agnes var fulltrúi KR í Pressuliði mótsins.

Þjálfarar flokksins eru þau Guðjón Kristinsson, Hildur Björg Kristjánsdóttir og Bjarki Pjetursson.

Greinilega efnilegar stúlkur hér á ferð og framtíðin er björt hjá KR.

Guðbjörg Vala sigraði í stúlknaflokki C í Hasselt

Sun, 16 Jun 2024 20:42:26 GMT

Helena fékk brons í stúlknaflokki C

Guðbjörg Vala Gunnarsdóttir sigraði í flokki Girls-C og Helena Árnadóttir varð í 3.-4. sæti á International Youth Cup 2024 mótinu í Hasselt í Belgíu, sem fram fór 18.-20. maí.

Þær Guðbjörg og Helena höfnuðu í 2. sæti í liðakeppni í flokki Girls-C á eftir þýska liðinu Holstein Quickborn en í 3. sæti varð annað þýskt lið, Erdmannhausen.

Hópur íslenskra unglinga úr unglingalandsliðshópnum lék á þessu móti, og var bæði leikið í liðakeppni og einliðaleik. Skipt var í flokka A til E eftir fæðingarári keppenda. Í sumum aldursflokkum var bæði keppt í „elite“ flokki og í venjulegum flokki. Þær Guðbjörg Vala og Helena voru þær einu í hópnum sem komust á verðlaunapall.

Sumar meistarmót Íslands

gunnaregillb@gmail.com (Gunnar Egill Benonýsson) — Sun, 16 Jun 2024 16:08:18 GMT

KR-ingar kepptu á Sumar meistaramóti Íslands um helgina. Alls voru 7 sundmenn frá KR og gekk vel á mótinu
Helstu tíðindi voru að Þórður Karl Steinarsson náði sínu fyrsta ÍM lágmarki og Timotei Roland Randhawa synti undir viðmiðum fyrir framtíðarhóp landliðsins

Næsta verkefni er aldursflokkameistara mótið sem er haldið í Reykjanesbæ 28-30 júní

Dregið hefur verið úr happdrætti drengja í 2010 árgangi í körfu

Fri, 14 Jun 2024 18:51:05 GMT

Dregið var í happdrætti KR drengja í 2010 árgangnum í knattspyrnu og körfubolta. 125 vinningar voru dregnir út og geta vinningshafar nálgast þá í KR heimilinu miðvikudaginn 19. júní milli kl. 17–19.

Drengirnir eru nú á fullu að undirbúa sig fyrir knattspyrnumót í Gautaborg og körfuboltabúðir í Serbíu. Við þökkum öllum kærlega fyrir stuðninginn.

Vinningaskrá:

Bjarni Guðjónsson framkvæmdastjóri lætur af störfum

Thu, 13 Jun 2024 11:04:06 GMT

Bjarni Guðjónsson, framkvæmdastjóri KR, lætur af störfum að eigin frumkvæði í lok ágústmánaðar og hverfur þá til annarra starfa. Bjarni hefur gegnt starfi framkvæmdastjóra síðan árið 2021.

Ráðningarferli nýs framkæmdastjóra bíður nú aðalstjórnar en þegar verður hafist handa við þá vinnu.

Aðalstjórn KR þakkar Bjarna kærlega fyrir allt hans starf fyrir félagið á liðnum árum.

Óskar Hrafn ráðinn til KR

Tue, 11 Jun 2024 09:56:36 GMT

Það er knattspyrnudeild KR sérlega ánægjulegt að tilkynna að Óskar Hrafn Þorvaldssonar hefur verið ráðinn til starfa hjá deildinni. Óskar hefur störf hjá deildinni strax, en fyrstu vikurnar verður hann í hlutastarfi þar sem hann verður í verkefnum tengdum sjónvarpslýsingum á leikjum á Evrópumeistaramóti landsliða, eins og áður hefur komið fram.

Óskar mun m.a. veita þjálfurum og starfsmönnum deildarinnar faglega ráðgjöf og vinna að endurskipulagningu deildarinnar.

Óskar Hrafn þarf ekki að kynna fyrir knattspyruáhugamönnum. Hann lék upp alla yngri flokka KR og var lykilmaður í meistaraflokki KR á sínum tíma. Óskar Hrafn þjálfaði yngri flokka KR um árabil áður en hann tók við meistarflokki Gróttu þar sem hann vakti mikla athygli og náði þeirra besta árangri. Óskar Hrafn gerði svo Blika að Íslandsmeistutum 2022 en tók við liði Haugesund í Noregi að loknu síðasta tímabili.

Við bjóðum Óskar Hrafn velkominn til starfa og væntum mikils af samstarfinu.

Ellert sigraði í tveimur flokkum í Gautaborg

Sun, 09 Jun 2024 22:03:22 GMT

Pétur Gunnarsson fékk silfur og brons

Ellert Kristján Georgsson sigraði í tveimur stigaflokkum á Klubbresornars klubbresa mótinu í Gautaborg, sem fram fór um helgina. Hann sigraði í undir 1900 stiga flokki og undir 2000 stiga flokki. Þá fékk hann brons í undir 2150 stiga flokki.

Pétur Gunnarsson tapaði í úrslitum í undir 1900 stiga flokki fyrir Ellert, og fékk því silfur. Hann vann svo bronsverðlaun í undir 2200 stiga flokki.

Gestur Gunnarsson, Guðbjörg Vala Gunnarsdóttir og Helena Árnadóttir náðu ekki á verðlaunapall en unnu leiki. Aldís Rún Lárusdóttir lék veik fyrri dagana og endaði á að draga sig úr keppni.

Guðrún sigraði á Landsmóti UMFÍ 50+

Sun, 09 Jun 2024 12:38:48 GMT

Sex KR-ingar í verðlaunasætum

Guðrún Gestsdóttir sigraði í kvennaflokki á Landsmóti UMFÍ 50+, en leikið var í Vogum 8. júní. Þetta var í fyrsta skipti sem keppt var í borðtennis á þessu móti.

KR átti alla verðlaunahafa í kvennaflokki en Anna Sigurbjörnsdóttir varð önnur, Sigurlína H. Guðbjörnsdóttir varð þriðja og Guðrún Ólafsdóttir fjórða.

Í karlaflokki varð Guðmundur Örn Halldórsson í þriðja sæti og Finnur Hrafn Jónsson í fjórða sæti. Þeir biðu lægri hlut fyrir Bjarna Þorgeiri Bjarnasyni úr HK, sem sigraði, og Jóni Gunnarssyni úr BR, sem varð í öðru sæti.

Leikmenn úr KR keppa í Gautaborg um helgina

Thu, 06 Jun 2024 19:28:27 GMT

Sex leikmenn úr KR leika á Klubbresornars klubbresa mótinu í Gautaborg um helgina. Þau Aldís Rún Lárusdóttir, Ellert Kristján Georgsson, Gestur Gunnarsson og Pétur Gunnarsson taka þátt sem hluti af landsliðshópi BTÍ. Auk þeirra leika Guðbjörg Vala Gunnarsdóttir og Helena Árnadóttir á mótinu á eigin vegum.

Öll leika þau í nokkrum flokkum.

Hér má fylgjast með úrslitum úr leikjum á mótinu: Klubbresornas Klubbresa 2024 (ondata.se)

Á forsíðumyndinni má sjá Aldísi, Ellert og Pétur með Óskari Agnarssyni úr HK og Magnúsi Jóhanni Hjartarsyni úr Víkingi.

Sunddeild KR syndir í sólinni á Akranesi

gunnaregillb@gmail.com (Gunnar Egill Benonýsson) — Sun, 02 Jun 2024 21:29:41 GMT

Sunddeild KR keppti á VIT-HIT leikunum á Akranesi helgina 31 maí til 2 júní. KR gekk gífurlega vel um helgina, Hellingur af bætingum og það fjölgaði í AMÍ hópnum
KR-ingar unnu 5 gullverðlaun, 9 silfurverðlaun og 6 bronsverðlaun um helgina
Næsta verkefni Sunddeildarinnar er Sumarmót SSÍ 15 til 16 júní og svo er Aldursflokkameistaramót Íslands 28-30 júní

Áfram KR!!!

Krummi skrifar undir nýjan samning

Sat, 01 Jun 2024 17:09:43 GMT

Hrafn Tómasson (2003) hefur skrifað undir nýjan tveggja ára samning við KR. Krummi hefur glímt við erfið meiðsli í sumar og kemur vonandi tvíelfdur til leiks næsta tímabil.

Viðurkenningar á uppskeruhátíð Borðtennisdeildar

Tue, 28 May 2024 23:14:07 GMT

Aldís Rún og Pétur borðtennisfólk KR

Borðtennisdeild KR hélt uppskeruhátíð sína í Íþróttahúsi Hagaskóla 27. maí. Deildin bauð iðkendum og foreldrum upp á grillaðar pylsur og veittar voru viðurkenningar til leikmanna. Aldís Rún Lárusdóttir er borðtenniskona KR og Pétur Gunnarsson borðtenniskarl KR þetta árið.

Aðrir leikmenn sem fengu viðurkenningar, m.a. fyrir framfarir, ástundun og fyrir að vera góðir liðsfélagar voru Elvar Pierre Kjartansson, Karl A. Claesson, Pétur Xiaofeng Árnason, Þórarinn Guðnason og Þórunn Erla Gunnarsdóttir. Aldís Rún og Pétur Xiaofeng vantar á forsíðumyndina af verðlaunahöfum, en í þeirra stað eru þær sem tóku við verðlaununum fyrir þeirra hönd.

Haft var eftir Þórarni, sem leikur með öðlingahópnum, að borðtennis væri eitt það besta sem hefði gerst í hans lífi undanfarin ár og að hann vildi gjarnan hafa byrjað fyrr að spila.

Meðfylgjandi eru myndir sem Finnur Hrafn Jónsson tók.

Söguganga með Stefáni Pálssyni

Mon, 27 May 2024 17:42:40 GMT

Á morgun, þriðjudag, verður söguganga með Stefáni Pálssyni. Gangan hefst við Þjóðarbókhlöðuna kl. 18 og verður rölt um Vesturbæinn undir leiðsögn Stefáns í ca. 1,5 tíma. Gangan endar í KR heimilnu um kl. 19:30.

Vonandi sjáum við ykkur sem flest.

Iðkendum boðið á fyrirlestur með Ásdísi Hjálmsdóttur

Wed, 22 May 2024 16:40:16 GMT

Nú á dögunum var öllum iðkendum KR fædd 2008 og 2009 boðið á fyrirlestur hjá Ásdísi Hjálmsdóttur.

Þar fór Ásdís yfir hvernig hægt er að setja sér markviss markmið, haft rétt hugarfar í keppni, hvernig takast á við meiðsli og hvernig á að samræma íþróttir og nám. Ásdís deildi reynslu sinni og þeim aðferðum sem hún nýtti sér til að komast á þrenna Ólympíuleika og klára doktorspróf samtímis.

Við þökkum Ásdísi kærlega fyrir frábæran fyrirlestur sem skilaði miklu til iðkenda.

Fjórir KR-ingar leika móti í Belgíu um hvítasunnuna

Sun, 19 May 2024 14:18:47 GMT

Eiríkur Logi Gunnarsson, Guðbjörg Vala Gunnarsdóttir, Helena Árnadóttir og Lúkas André Ólason eru í hópi tíu leikmanna úr unglingalandsliðshópnum sem leika á International Youth Cup í Hasselt í Belgíu um hvítasunnuna. Bæði er leikið í einliðaleik og í liðakeppni.

Heimasíða mótsins: INTERNATIONAL YOUTH CUP – TTC Hasselt

Guðbjörg Vala sigraði á Lokamóti BTÍ

Fri, 17 May 2024 23:13:29 GMT

Meirihluti verðlaunahafa úr KR

Guðbjörg Vala Gunnarsdóttir sigraði á lokamóti mótaraðar BTÍ, sem fram fór í Íþróttahúsi Hagaskóla 15. maí. Guðbjörg Vala sigraði Aldísi Rún Lárusdóttur örugglega í úrslitum. Þetta er fyrsta stóra mótið í efsta flokki sem Guðbjörg vinnur en hún er 13 ára. Helena Árnadóttir varð þriðja og Guðrún Gestsdóttir fjórða. Kristín Ingibjörg Magnúsdóttir og Magnea Ólafs, BM höfnuðu í 5.-6. sæti.

Magnús Gauti Úlfarsson, BH lagði KR-inginn Norbert Bedo í oddalotu í úrslitum í karlaflokki. Ellert Kristján Georgsson varð þriðji og Pétur Gunnarsson fjórði. Í 5.-8. sæti höfnuðu Eiríkur Logi Gunnarsson, Magnús Jóhann Hjartarson, Víkingi, Skúli Gunnarsson og Þorbergur Freyr Pálmarsson, BH.

KR átti 5 af 6 verðlaunahöfum í kvennaflokki og 6 af 8 í karlaflokki.

Til keppni var boðið 8 efstu leikmönnum í mótaröðinni að loknum þremur mótum vetrarins.

Körfuboltabúðir KR í sumar

Fri, 17 May 2024 13:06:00 GMT

Við minnum á að skráning er hafin í körfuboltabúðir KR fyrir sumarið. Búðirnar eru fyrir börn fædd frá 2007 til 2017. Skráning fer fram inni á Abler.

Körfuboltabúðirnar hefjast 10. júní og lýkur 5. júlí.

Jakob Örn Sigurðarson, þjálfari meistaraflokks karla hefur yfirumsjón með búðunum en með honum verða Helgi Már Magnússon, Gunnar Ingi Harðarson og Hörður Unnsteinsson.

Búðirnar verða alla virka daga á umræddu tímabili og skráð er í viku í senn inni í Abler.

Skráning hér: https://www.abler.io/shop/kr/korfubolti

Börn fædd 2013 til 2017

Frá klukkan 9 til 12 með möguleika á gæslu til klukkan 15. Jakob Örn Sigurðarson þjálfari meistaraflokks karla mun þjálfa þennan hóp.

Börn fædd 2011 til 2012

Frá klukkan 13:30 til 15:30 og er æfingunum skipt upp í körfuboltaæfingu og styrktaræfingu. Helgi Már Magnússon mun sjá um körfuboltaæfingarnar. Helgi hefur mikla reynslu af körfubolta bæði sem leikmaður og þjálfari. Hann hefur þjálfað meistaraflokk og þjálfaði í vetur 7.flokk drengja hjá KR.

Gunnar Ingi Harðarson mun sjá um styrktaræfingarnar. Gunnar hefur verið styrktarþjálfara meistaraflokka KR seinustu tvö tímabil og var einnig með yngri flokka okkar í styrktaræfingum í vetur við góðan árangur.

Börn fædd 2007 til 2010

Frá klukkan 16:30 til 18:30 og er æfingunum skipt upp í körfuboltaæfingu og styrktaræfingu. Helgi mun sjá um körfuboltaæfingarnar fyrir strákana og Hörður Unnsteinsson fyrir stelpurnar. Hörður hefur þjálfað meistaraflokk kvenna og yngri flokka hjá okkur seinustu tímabil og átt stóran þátt í því að kvennakarfan í KR er á mikilli uppleið og margar efnilegar stelpur að skila sér í meistaraflokk.

Skráning hér: https://www.abler.io/shop/kr/korfubolti

Dagur þrjú á Esbjerg Swim Cup

gunnaregillb@gmail.com (Gunnar Egill Benonýsson) — Sun, 12 May 2024 20:13:09 GMT

Flotta sundfólkið okkar heldur áfram að standa sig með prýði á Esbjerg Swim Cup. Þetta er þriggja daga mót með löngum mótshlutum og krakkarnir búnir að synda margar greinar. Þetta gerir seinasta dag mótsins erfiðan en KR-ingar sýna hvað í þeim býr og gefast ekki upp. Þau héldu áfram að bæta sýna bestu tíma en Timotei synti sig inní úrslit í 25 metra baksundi á tímanum 16,02 sekúntur

Hann gerði svo enþá betur í sjálfum úrstlitunum þar sem hann synti á tímanum 15,83
Áfram KR!!!

Dagur tvö á Esbjerg Swim Cup

gunnaregillb@gmail.com (Gunnar Egill Benonýsson) — Sun, 12 May 2024 19:29:39 GMT

Dagur tvö á Esbjerg Swim Cup
Það gekk rosalega vel á degi tvö á Esbjerg Swim Cup. Á föstudeginum var enþá smá þreyta í liðinu eftir ferðalagið en í dag voru allir vel hvíldir og glaðir.

Krakkarnir héldu áfram að bæta sig og syntu enþá hraðar heldur en í gær.
Helstu tíðindi voru að boðsundsveit KR hafnaði í fimmta sæti í 8x25 metra flugsund boðsundinu en það var rétt svo tæp sekúnda sem aðskildi fimmta, fjórða og þriðja sætið

Áfram KR!!!

Fyrsta hluta Esbjerg Swim Cup lokið

gunnaregillb@gmail.com (Gunnar Egill Benonýsson) — Fri, 10 May 2024 15:15:34 GMT

Fyrsta hluta á Esbjerg Swim Cup er lokið. Það var mikið um bætingar og fjör á bakkanum.
Mikil spenna í hópnum þar sem þetta er fyrsta erlenda sundmótið hjá öllum krökkunum.

Þjálfararnir eru rosalega ánægðir með daginn og stoltir af sundkrökkunum okkar

Sunddeild KR á leiðinni á Esbjerg Swim Cup

gunnaregillb@gmail.com (Gunnar Egill Benonýsson) — Thu, 09 May 2024 13:36:44 GMT

Flottur hópur KR-inga lagði á stað til Esbjerg í Danmörk til að keppa á alþjóðlegu sundmóti, Esbjerg swim cup. Lagt var á stað með flugin klukkan 6:20 í morgun og verða þau komin á áfangastað um 18:00 í kvöld, Mótið stendur yfir föstudag 10 maí til sunnudags 12 maí.
í ferðinni eru 23 sundmenn sem eru öll að keppa erlendis í fyrsta skipti.
Mikil gleði og spenna ríkir yfir hópnum
Áfram KR!!!

Sumaræfingatafla sumarið 2024

Mon, 06 May 2024 23:00:25 GMT

Æfingatafla sumarsins, æfingagras er grassvæðið á milli KR vallar (gervigras) og Meistaravallar (aðalvöllur).

Íþróttafólk KR

Fri, 03 May 2024 10:12:25 GMT

Á aðalfundi félagsins sem haldinn var í félagsheimili KR í gær voru þau Fjóla Gerður Gunnarsdóttir, körfuknattleiksdeild og Eiríkur Logi Gunnarsson, borðtennisdeild valin íþróttafólk KR.

Fjóla Gerður Gunnarsdóttir er 17 ára gömul og þrátt fyrir ungan aldur var hún að ljúka sínu öðru tímabili í meistaraflokki. Fjóla var lykilleikmaður í meistaraflokki á ný yfirstöðnu tímabili, spilaði alla leiki KR í deild, bikar og úrslitakeppni. Hún var með 12 stig og 6 fráköst að meðaltali í leik í vetur. Fjóla varð Íslandsmeistari síðasta vor með 11. flokki stúlkna í KR. Fjóla var í lokahópi U18 ára landsliðs Íslands síðasta sumar og spilaði á EM og NM. Fjóla var nýlega valin í lokahóp U18 fyrir landsliðsverkefni sumarsins.

Eiríkur Logi Gunnarsson varð Íslandsmeistari í flokki 16-18 ára í einlíðaleik og tvíliðaleik. Einnig varð hann Íslandsmeistari í 1. flokki karla ásamt því að verða Íslandsmeistari með KR í 2. deild karla.

Þið eruð vel að þessu komin og sannar fyrirmyndir fyrir yngri iðkendur. Til hamingju Fjóla og Eiríkur.

Evrópumeistari smáþjóða í taekwondo

Thu, 02 May 2024 14:55:02 GMT

Guðmundur Flóki Sigurjónsson, ríkjandi Íslands- og Norðurlandameistari í bardaga, tryggði sér enn einn titilinn í síðustu viku þegar hann sigraði sinn flokk á Evrópumeistaramóti smáþjóða sem fram fór í Tallinn, Eistlandi. Guðmundur Flóki keppir í -68 kg unglingaflokki.

Við óskum Guðmundi Flóka og þjálfurum hans innilega til hamingju með sigurinn!

Úrslit úr Hjálmarsmóti KR

Tue, 30 Apr 2024 21:16:10 GMT

Skemmtimót á stórum borðum

Hjálmarsmót KR fór fram í Íþróttahúsi Hagaskóla laugardaginn 27. apríl. Mótið var skemmtimót, þar sem var keppt í tvíliðaleik í tveimur flokkum á stórum borðum, sem voru sett saman úr fjórum hefðbundnum borðtennisborðum.

Í opnum flokki sigruðu bræðurnir Pétur Gunnarsson og Eiríkur Logi Gunnarsson úr KR. Magnús Jóhann Hjartarson, Víkingi, og Skúli Gunnarsson, KR urðu í 2. sæti. Í 3. sæti höfnuðu þeir Magnús Gauti Úlfarsson og Þorbergur Freyr Pálmarsson, BH.

Það voru líka bræður sem sigruðu í U1500 stiga flokki en það voru Magnús og Tómas Holloway úr KR. Í 2. sæti urðu Lúkas André Ólason og Viktor Daníel Pulgar úr KR. Guðbjörg Vala Gunnarsdóttir og Helena Árnadóttir úr KR höfnuðu í 3. sæti. Fjórðu voru svo bræðurnir Benedikt Darri og Brynjar Gylfi Malmquist úr HK.

Haldin var B-keppni í U1500 flokknum og í henni sigruðu Guðrún Gestsdóttir og Þórunn Erla Gunnarsdóttir úr KR.

Einnig voru veitt verðlaun fyrir búninga, og fengu Sveinarnir fyrstu verðlaun, en það voru þær Guðbjörg Vala Gunnarsdóttir og Helena Árnadóttir. Magnús og Tómas Holloway fengu önnur verðlaun í búningakeppninni.

Frábær frammistaða Kr-inga í Laugardalslaug

gunnaregillb@gmail.com (Gunnar Egill Benonýsson) — Sun, 28 Apr 2024 14:50:53 GMT

Sunddeild KR keppti á Lýsis móti Ármanns í Laugardalslaug helgina 27-28 apíl. Það voru miklar bætingar og flottur árangur á mótinu. Það ríkir mikil spenna í hópnum þar sem næsta verkefni er Esbjerg swim cup í Danmörk 10-12 maí, en þangað fara 23 sundmenn úr A og B hóp sunddeildarinnar

Melabúðin á búningum meistaraflokka KR í knattspyrnu

Sat, 27 Apr 2024 08:30:00 GMT

Melabúðin og knattspyrnudeild KR hafa gert með sér samstarfssamning næstu tvö árin, út árið 2025.

Merki Melabúðarinnar mun prýða keppnistreyjur hjá meistaraflokkum knattspyrnudeildar á samningstímanum.

"Það er ljúft fyrir hverfisverslunina Melabúðina að standa við bakið á hverfisíþróttafélaginu KR, enda er félagið ekki bara í fremstu röð í knattspyrnunni heldur líka með frábært starf fyrir börn og unglinga í hverfinu. Þetta formlega samstarf undirstrikar stuðning okkar en Melabúðin hefur staðið við bakið á félaginu um áraraðir. Sonur minn heimsækir einmitt íþróttahús KR reglulega með leikskólanum sínum og við gætum ekki verið glaðari" segir Snorri Guðmundsson, annar eigenda Melabúðarinnar

"Við hjá KR erum gríðarlega stolt af samstarfi við Melabúðina þar sem Melabúðin er okkar hverfisverslun og þar hittast KR-ingar gjarnan og spjalla um gengi liðsins. Melabúðin hefur stutt ötullega við bakið á knattspyrnudeild félagsins undanfarin ár og því sannur heiður fyrir okkur að vera búin að ná formlegum samningi við Melabúðina" segir Einar Örn Ólafsson, stjórnarmaður knattspyrnudeildar KR.

Aðalfundur KR verður haldinn fimmtudaginn 2. maí

Thu, 25 Apr 2024 19:08:22 GMT

Gleðilegt sumar kæru KR-ingar

Aðalfundur KR verður haldinn fimmtudaginn 2. maí í félagsheimili KR. Fundurinn hefst kl. 17:30.

Á dagskrá eru hefðbundin aðalfundarstörf skv. lögum KR. Framboðsfrestur til stjórnar rennur út á miðnætti
27. apríl.

Framboðum skal skilað til framkvæmdastjóra félagsins, Bjarna Guðjónssonar, bg@kr.is .

Guðbjörg Vala, Helena og Norbert sigruðu á Coca-Cola mótinu

Tue, 23 Apr 2024 22:06:06 GMT

KR-ingar sigruðu í þremur flokkum á Coca-Cola mótinu, sem fram fór í TBR-húsinu þann 20. apríl. Norbert Bedo sigraði í meistaraflokki karla og átti KR þrjá verðlaunahafa af fjórum í flokknum. Ellert Kristján Georgsson varð annar og Eiríkur Logi Gunnarsson í 3.-4. sæti.

Guðbjörg Vala Gunnarsdóttir sigraði í meistaraflokki kvenna á fyrsta mótinu eftir að hún vann sig upp í meistaraflokk. Hún vann móður sína, Guðrúnu Gestsdóttur í úrslitum.

Helena Árnadóttir vann 1. flokk kvenna og aftur varð Guðrún Gestsdóttir í 2. sæti.

Myndir af vef BTÍ.

Skriðsundnámskeið Vesturbæjarlaug

gunnaregillb@gmail.com (Gunnar Egill Benonýsson) — Mon, 22 Apr 2024 14:07:42 GMT

Nýtt skriðsundnámskeið í vesturbæjarlaug hefst 6 maí. Við erum alveg gífurlega ánægð með að tilkynna að hún Elín Melgar Aðalheiðardóttir hefur gengið til liðs við þjálfarateymi Sunddeildar KR og mun sjá um skriðsundnámskeiðin fyrir okkur

Námskeið hefst 6 maí
Mánudaga 20:00 – 20:40
Miðvikudaga 20:00 – 20:40
Skráning á: https://www.abler.io/.../product/Q2x1YlNlcnZpY2U6MjM5MjQ= ?

Námskeið sem henta bæði þeim sem þurfa kennslu frá grunni og fyrir þá sem vilja bara fá betri leiðbeiningar til að ná betri tökum á skriðsundinu
Námskeiðið er 8 skipti og er kennt tvisvar í viku.

Kennari er Elín Melgar Aðalheiðardóttir
Elín er með B.Ed í Heilsueflingu og heimilisfræði
MT í Menntunarfræði leikskóla
Þjálfaramenntun ÍSÍ 1. stig
5 ára reynsla af sundþjálfun- og kennslu
Landsliðskona í kraftlyftingum
Ásamt því að vera fyrrum sundkona úr röðum KR

Ath aðgangur að lauginni er ekki innifalinn í verðinu og við mælum með að iðkenndur komi með sínar eigin froskalappir

Núna er tíminn til að læra skriðsund til að geta synt í sólinni í sumar

Aðalfundur körfuknattleiksdeildar

Mon, 22 Apr 2024 11:16:20 GMT

Aðalfundur körfuknattleiksdeildar KR var haldinn í félagsheimili KR þann 11. apríl sl.

Á dagskrá voru hefðbundin aðalfundarstörf og stjórnarkjör. Fundarstjóri var Þórhildur Garðarsdóttir og fundarritari var Sigríður Ólafsdóttir.

Á fundinum var ljóst að formaður deildarinnar Ellert Arnarsson og Aron Ívarsson varamaður í stjórn hyggðust ekki gefa kost á sér til formlegra stjórnarstarfa í bili og hlutu þeir einlægar þakkir frá deildinni fyrir störf sín í þágu félagsins auk hvatningar til áframhaldandi góðra verka en báðir starfa þeir í ráðum og nefndum á vegum körfunnar.

Ný stjórn körfuknattleiksdeildar tók til starfa á fundinum og hlutu eftirtaldir kosningu í hana:

Egill Ástráðsson formaður
Björn Þorláksson
Gunnhildur Bára Atladóttir
Hjalti Már Einarsson
Matthías Orri Sigurðarson
Sigríður Ólafsdóttir
Sæunn Stefánsdóttir

Einnig voru eftirtaldir kosnir varamenn:

Guðjón Böðvarsson
Ingimar Guðmundsson
Soffía Hjördís Ólafsdóttir
Þorbjörg Andrea Friðriksdóttir

Illugi Steingrímsson tók sæti í afreksráði deildarinnar.

Næsti leikur hjá meistaraflokki kvenna er í kvöld en stelpurnar leika oddaleik gegn Aþenu í Austurbergi.

Ný stjórn hvetur KR-inga til þess að fjölmenna á þann leik. Áfram KR.

Kennie Chopart heiðraður

Sun, 21 Apr 2024 13:13:16 GMT

Fyrir leik KR og Fram heiðraði knattspyrnudeild KR Kennie Chopart fyrir framlag hans til KR á árunum 2016-2023.

Kennie varð íslandsmeistari með KR árið 2019.

Páll Kristjánsson, formaður knattspyrnudeildar KR, afhenti Kennie skjöld fyrir leikinn.

Jói Bjarna fótbrotinn

Sun, 21 Apr 2024 12:00:10 GMT

Jóhannes Kristinn Bjarnason (Jói) fótbrotnaði í leik KR og Fram í gær. Jói fer í aðgerð í vikunni og verður frá næstu 12 vikur.

Góðan bata Jói - mótlæti er til að sigrast á.

Gauti Guðmundsson að gera frábæra hluti á meistaramótinu

Wed, 17 Apr 2024 14:25:05 GMT

Landsliðsmaðurinn og KR-ingurinn Gauti Guðmundsson endaði í 13. sæti í svigi á Lúxemborgíska meistaramótinu, sem haldið var í Val d‘Isére í Frakklandi, eftir að hafa verið með rásnúmer 34 og náð 30 sæti eftir fyrri ferð.

Gauti notfærði sér það að starta fyrstur í seinni ferð og gaf allt í botn og fékk lang besta tímann í þeirri ferð og keyrði sig upp um 17 sæti.

Fyrir mótið fékk hann 29.27 FIS punkta sem er einnig hans besti árangur á ferlinum. Það er stór áfangi að skora undir 30 FIS punkta og því eru okkar menn að standa sig gríðarlega vel.

"Ég er mjög glaður með árangurinn, gaman að sjá hvernig þrotlaus vinna og æfingar yfir síðastliðið ár skila sér. Núna er planið bara að gefa ennþá meira í þetta, æfa vel í sumar, og koma ennþá sterkari inn í næsta tímabil" sagði Gauti eftir mótið.

Frétt tekin af vef Skíðasambands Íslands.

Íslandsmeistaramótið í 50 metra laug

gunnaregillb@gmail.com (Gunnar Egill Benonýsson) — Mon, 15 Apr 2024 12:21:26 GMT

12 – 14 apríl var Íslandsmeistaramótið í 50 metra laug haldið í laugardalnum. Þar var Sunddeild KR með 3 keppendur, það voru þau:

Aldís ögmundsdóttir

Jón Haukur Þórsson

Timotei Roland Randhawa

Þau voru öll að keppa á Íslandsmeistara móti í fyrsta skipti og gekk mjög vel á mótinu

Eyþór Aron Wöhler til KR

Sun, 14 Apr 2024 16:33:52 GMT

Sóknarmaðurinn Eyþór Aron Wöhler (2002) hefur skrifað undir þriggja ára samning við KR. Eyþór er uppalinn Mosfellingur en kemur til KR frá Breiðablik. Eyþór á fimm leiki með U21 landsliði Íslands.

Eyþór er frábær viðbót við hópinn og erum við spennt að fylgjast með honum í KR treyjunni í sumar.

Við bjóðum Eyþór velkominn í KR.

C-lið KR Íslandsmeistari í 2. deild

Sat, 13 Apr 2024 22:51:24 GMT

A-lið KR í 2. sæti í 1. deild karla

C-lið KR sigraði í 2. deild kvenna og varð liðið fyrsti Íslandsmeistarinn í þessari deild. Liðið skipuðu þær Guðbjörg Vala Gunnarsdóttir, Natalía Marchíniková og Þórunn Erla Gunnarsdóttir (á myndinni), líka Helena Árnadóttir og Marta Dögg Stefánsdóttir.

A-lið KR tapaði úrslitaleiknum í 1. deild karla fyrir A-liði Víkings og lauk leiknum með 3-2 sigri Víkinga. Íslandsmeistarinn Ingi Darvis Rodriguez reyndist KR-ingum erfiður, en hann vann báða leiki sína. Sigra KR unnu þeir Ellert Kristján Georgsson sem vann Magnús Jóhann Hjartarson og Norbert Bedo, sem lagði Kára Mímisson. Auk þeirra lék Pétur Gunnarsson úrslitaleikinn fyrir KR.

Fótboltaskólinn í sumar

Fri, 12 Apr 2024 14:03:23 GMT

Í sumar mun KR vera með knattspyrnuskóla fyrir hressa KR-inga frá 10. júní.

Nánari upplýsingar og skráning kemur bráðlega.

Viltu vinna í KR í sumar?

Fri, 12 Apr 2024 13:59:47 GMT

Ertu 17-25 ára og vilt vinna í KR í sumar?
Ef svo er, þarftu að skila inn umsókn hjá Hinu Húsinu: https://jobs.50skills.com/reykjavik/is/26622 og senda okkur ferilskrá á kr@kr.is .

Umsóknarfrestur er til 18. apríl.

KR leikur til úrslita í 1. deild karla og 2. deild kvenna 13. apríl

Fri, 12 Apr 2024 08:12:25 GMT

Deildarmeistarar KR-A leika til úrslita í 1. deild karla eftir 3-1 sigur á A-liði HK í undanúrslitum, sem fóru fram þann 6. apríl. Liðið mætir A-liði Víkings í úrslitum, sem fara fram 13. apríl kl. 15 í Íþróttahúsinu við Strandgötu í Hafnarfirði.

Þá leika deildarmeistarar KR-C í 2. deild kvenna til úrslita við lið BR (Borðtennisfélagi Reykjanesbæjar). Leikurinn verður 13. apríl kl. 10, sömuleiðis í Íþróttahúsinu við Strandgötu.

KR átti einnig lið í undanúrslitum í 2. og 3. deild karla. C-lið KR tapaði 0-3 fyrir B-liði HK í 2. deild karla og D-lið KR tapaði 2-3 fyrir BM (Borðtennisfélagi Mosfellsbæjar) í 3. deild karla og komust þessi lið því ekki í úrslit.

Vitni óskast - keyrt var utan í bíl á bílaplani KR

Thu, 11 Apr 2024 11:57:35 GMT

Í dag var keyrt á ljósgráan MG jeppling sem lagt var í stæði KR næst Kaplaskjólsvegi. Ökumaður fór af vettvangi án þess að skilja eftir upplýsingar.

Óskað er eftir vitnum.

Ef einhver varð var við atburðinn er hann beðinn um að hafa samband í síma 510 5300 eða senda póst á kr@kr.is.

Krummi með slitið krossband

Thu, 11 Apr 2024 11:41:42 GMT

Hrafn Tómasson (KRummi) leikmaður meistaraflokks varð fyrir því óláni að slíta krossband í leik KR og Fylkis.

Krummi fer í aðgerð í maí og verður frá í amk. 9 mánuði.

Góðan bata Krummi - mótlæti er til að sigrast á.

Ný stjórn Borðtennisdeildar KR

Tue, 09 Apr 2024 12:58:38 GMT

Aðalfundur Borðtennisdeildar KR var haldinn þann 4. apríl. Á dagskrá voru hefðbundin aðalfundarstörf.

Ný stjórn var kjörin á fundinum og kemur Ársól Clara Arnardóttir aftur inn í stjórnina í stað Önnu Sigurbjörnsdóttur. Hlöðver Steini Hlöðversson var endurkjörinn formaður en aðrir í stjórn eru Árni Árnason, Pétur Gunnarsson og Skúli Gunnarsson.

Sumarnámskeið Sunddeild KR

gunnaregillb@gmail.com (Gunnar Egill Benonýsson) — Mon, 08 Apr 2024 15:40:27 GMT

Skráning er hafinn á frábæru Sumarnámskeið Sunddeildar KR

Námskeiðin hefjast 10 Júní

Skráning á sportabler : https://www.sportabler.com/shop/kr/sund

1. Námskeið: 10. júní – 21. júní

2. Námskeið: 24. júní – 5. júlí

3. Námskeið: 6. ágúst - 16. ágúst

Hópur 1 kl. 08.15 – 08.55

Hópur 2 kl. 09.00 – 09.40

Hópur 3 kl. 09.45 – 10.25

Hópur 4 kl. 10.30 – 11.10

Flott og skemmtileg námskeið með kennara sem hefur margra ára reynslu af sundnámskeiðum og kennslu ungra barna

Sunddeild KR mætti til leiks í Hafnafirði

gunnaregillb@gmail.com (Gunnar Egill Benonýsson) — Mon, 08 Apr 2024 15:36:53 GMT

KR-ingar kepptu af miklum krafti á Ásmeigin móti SH í hafnafirði dagana 23-24 mars
Það var mikið fjör og bætingar hjá okkar fólki
Helst ber að nefna að

Timotei Roland Randhawa náði lágmarki inn á Íslandsmeistaramótið í 50m laug í 200m baksundi en mótið er haldið í Laugardalslaug 12-14 apríl næstkomandi.

Benedikt Bjarni Melsted náði lágmarki inn á Sumarmót SSÍ sem er haldið í Júní og Freyja Kjartansdóttir Narby náði lágmarki inn á Aldursflokka meistaramótið í Júní

Frábær árangur
Áfram KR!!!

KR leikur í undanúrslitum 6. apríl

Fri, 05 Apr 2024 01:41:14 GMT

Undanúrslit deildarkeppninnar í borðtennis fara fram í Íþróttahúsinu við Strandgötu í Hafnarfirði laugardaginn 6. apríl og hefst keppni kl. 11. Leikið verður í öllum karladeildunum og á KR lið í undanúrslitum í öllum deildum.

Í 1. deild karla mæta deildarmeistarar KR-A A-liði HK.

Í 2. deild karla mætir C-lið KR B-liði HK.

Í 3. deild karla leikur D-lið KR við BM (Borðtennisfélag Mosfellsbæjar).

Úrslitin fara fram þann 13. apríl, en þá verður einnig leikið til úrslita í 1. og 2. deild kvenna.

Vinningsnúmer úr happdrætti 3. flokks

Thu, 04 Apr 2024 10:57:20 GMT

3. flokkur karla og kvenna í knattspyrnu fara á mót erlendis i sumar og efndu þau til happdrættis til að afla fjár til ferðarinnar.

Nú hefur verið dregið úr seldum miðum og vinningsnúmerin má sjá hér fyrir neðan.

Krakkarnir þakka fyrir góðar móttökur og veittan stuðning.

Vinningana má sækja í KR heimilið á föstudag frá 17 til 18 og á laugardag frá 12 til 13.30.

Vinningsnúmer

Aðalfundur körfuknattleiksdeildar KR

Wed, 03 Apr 2024 13:12:27 GMT

Aðalfundur körfuknattleiksdeildar KR verður haldinn í félagsheimili KR fimmtudaginn 11. apríl kl. 17:00.

Á dagskrá eru hefðbundin aðalfundarstörf, skv lögum félagsins.

Framboðsfrestur til stjórnar rennur út á miðnætti
8. apríl, framboðum skal skila til framkvæmdarstjóra félagsins, Bjarna Guðjónssonar á bg@kr.is

Stjórnin.

Guðmundur Flóki valinn í A landsliðið í taekwondo

Wed, 03 Apr 2024 12:44:23 GMT

Gunnar Bratli landsliðsþjálfari hefur valið KR-inginn Guðmund Flóka Sigurjónsson í A landslið Íslands í Bardaga 2024.

Til hamingju Guðmundur Flóki.

KR-ingurinn Agnar Kristinsson er látinn

Wed, 27 Mar 2024 18:06:20 GMT

KR-ingurinn Agnar Kristinsson lést síðastliðinn sunnudag í faðmi fjölskyldu sinnar.

Agnar var sannur KR ingur og starfaði fyrir félagið til fjölda ára sem þjálfari í yngri flokka starfi félagsins.

Fráfall Agnars er mikill missir fyrir KR samfélagið enda var Agnar sterkur karakter og vandaður maður.

Guð blessi minningu hans og samúðarkveðjur til fjölskyldu og vina Agnars.

Subway deildin bíður okkar í haust

Tue, 26 Mar 2024 12:18:40 GMT

Strákarnir í meistaraflokki karla tryggðu sér sæti í Subway deildinni á næstu leiktíð með sigri á Ármanni í Laugardalshöllinni í gær.

Það verður spennandi að fylgjast með loka umferðum hjá stelpunum og sjá hvort þær fylgi strákunum ekki einnig upp í Subway deildna.

Til hamingju strákar með frábæran árangur.

Árskortasala fyrir sumarið er hafin

Mon, 25 Mar 2024 14:03:42 GMT

Það styttist í fyrsta leik á tímabilinu og árskortasala er að fara á fullt.

Við förum full tilhlökkunar inn í sumarið og vonum að þið gerið það líka.

Það eru þrjú árskort í boði í sumar:

Árskort 25.000 kr.

Miði fyrir einn á alla heimaleiki mfl. karla og kvenna að undanskildum bikarleikjum.

KR klúbbur 3.500 kr. á mánuði

Miði fyrir einn á alla heimaleiki mfl. karla og kvenna. Bjór á Ljóninu fyrir leik, Rúta á útileiki og afslættir hjá samstarfsaðilum. Gildir ekki á bikarleiki.

Gull klúbbur 10.000 kr. á mánuði

Miði fyrir einn á alla heimaleiki mfl. karla og kvenna. Bjór fyrir leik og í hálfleik eins og þig lystir + burger í félgasheimili KR. Gildir ekki á bikarleiki.

Þú getur keypt árskort hér

Happdrætti 3. fl. í fótbolta - útdráttur

Mon, 25 Mar 2024 09:27:41 GMT

Dregið verður úr happdrætti 3. flokks kk. og kvk. strax eftir Páska.

Búast má við að vinningar verði afhentir í KR heimilinu 3. eða 4. apríl en nánar verður greint frá því þegar nær dregur og vinningsnúmer birt hér á síðunni.

Krakkarnir þakka fyrir stuðninginn. Áfram KR.

Aðalfundur skákdeildar KR

Fri, 22 Mar 2024 14:07:20 GMT

Aðalfundur skákdeildar KR verður haldinn í Aflagranda 40 laugardaginn 30. mars kl. 13:00.

Á dagskrá eru hefðbundin aðalfundarstörf.

Stjórnin.

Tíu KR-ingar í æfingabúðum landsliðsins

Thu, 21 Mar 2024 22:02:25 GMT

Tíu KR-ingar voru boðaðir í æfingabúðir landsliðsins, sem fara fram helgina 22.-23. mars en þá kemur Peter Nilsson landsliðsþjálfari til landsins til að hitta leikmenn sem æfa á Íslandi. KR-ingar eru um helmingur leikmanna í búðunum og taka leikmenn bæði úr A-landsliðinu og unglingalandsliðinu þátt. Þeir KR-ingar sem voru valdir eru:

Aldís Rún Lárusdóttir
Ársól Clara Arnardóttir
Eiríkur Logi Gunnarsson
Ellert Kristján Georgsson
Guðbjörg Vala Gunnarsdóttir
Guðrún G Björnsdóttir
Helena Árnadóttir
Lúkas André Ólason
Norbert Bedo
Pétur Gunnarsson

Ný stjórn í knattspyrnudeild KR

Thu, 21 Mar 2024 08:57:28 GMT

Á aðalfundi knattspyrnudeildar sem haldinn var í gær var kosin ný stjórn. Nýir stjórnarmeðlimir eru:

Páll Kristjánsson, formaður

Einar Örn Ólafsson

Sindri Snær Jensson

Valdís Arnórsdóttir

Jóhann G. Jóhannsson

Kristján Schram

Valgerður Erlingsdóttir

Varastjórn:

Ólafur Már Ólafsson

Indriði Sigurðsson

Aðalfundur KR kvenna

Thu, 21 Mar 2024 08:30:54 GMT

Aðalfundur KR kvenna fer fram þann 9. apríl kl. 18:00 í KR-heimilinu.

Kveðja, stjórnin.

Aðalfundur Borðtennisdeildar KR 4. apríl

Wed, 20 Mar 2024 19:29:54 GMT

Aðalfundur borðtennisdeildar KR verður haldinn í félagsheimili KR þann 4.apríl, kl. 19:00.

Á dagskrá eru hefðbundin aðalfundarstörf, skv lögum félagsins.

Aðalfundur Sunddeildar KR

gunnaregillb@gmail.com (Gunnar Egill Benonýsson) — Mon, 18 Mar 2024 21:40:09 GMT

Aðalfundur Sunddeildar KR var haldinn hátíðlega í Frostaskjóli kvöldið 18 mars.
Farið var yfir árskýrslu deildarinnar og ný stjórn kjörinn.
Ný formaður sunddeildar KR er Sigurbjorg Narby Helgadottir
Meðstjórnendur eru þau Arnór Skúli Arnarsson, Edda Björnsdóttir , Erna Einarsdóttir og Guðmundur Hákon Hermannsson

Varamenn eru Guðmundur Óskarsson, Kristján Jóhannesson og Gunnar Egill Benonýsson

Guðbjörg Vala, Helena, Helga og Tómas Íslandsmeistarar unglinga

Mon, 18 Mar 2024 18:42:13 GMT

17,5 verðlaun til KR á mótinu

Guðbjörg Vala Gunnarsdóttir varð þrefaldur meistari á Íslandsmóti unglinga, sem var haldið í Íþróttamiðstöðinni á Hvolsvelli 16.-17. mars. Guðbjörg varð meistari í einliðaleik meyja 14-15 ára, í tvíliðaleik meyja með Helenu Árnadóttur og í tvenndarleik 14-15 ára með Tómasi Hinriki Holloway. Helga Ngo Björnsdóttir varð meistari í tvíliðaleik telpna 13 ára og yngri en hún lék með Marsibil Silju Jónsdóttur úr Dímon.

Guðbjörg Vala hefur unnið sinn aldursflokk á mótinu á hverju ári frá 2019, að undanskildu árinu 2020 þegar mótið féll niður vegna kórónaveirufaraldurins.

Leikmenn KR unnu alls 17,5 verðlaun á mótinu.

Helena og Tómas fengu auk gullsins tvö silfur hvort og Lúkas André Ólason fékk þrenn silfurverðlaun.

Hér má sjá verðlaunahafa í þeim flokkum þar sem KR-ingar komust á pall:

Einliðaleikur táta 11 ára og yngri

1. Marsibil Silja Jónsdóttir, Dímon

2. Júlía Fönn Freysdóttir, KR

3.-4. Dagný Lilja Ólafsdóttir, Dímon

3.-4. Helga Ngo Björnsdóttir, KR

Einliðaleikur telpna 12-13 ára

1. Guðný Lilja Pálmadóttir, Garpur

2. Eva Michaelsdóttir Tran, KR

3. Þórunn Metta Þórðardóttir, Dímon

4. Eygló Ósk Jónsdóttir, BM

Einliðaleikur pilta 12-13 ára

1. Dawid May-Majewski, BR

2. Lúkas André Ólason, KR

3.-4. Sigurður Einar Aðalsteinsson, BH

3.-4. Sindri Þór Rúnarsson, HK

Einliðaleikur meyja 14-15 ára

1. Guðbjörg Vala Gunnarsdóttir, KR

2. Helena Árnadóttir, KR

3.-4. Emma Niznianska, BR

3.-4. Marta Dögg Stefánsdóttir, KR

Einliðaleikur sveina 14-15 ára

1. Kristján Ágúst Ármann, BH

2. Tómas Hinrik Holloway, KR

3.-4. Krystian May-Majewski, BR

3.-4. Viktor Daníel Pulgar, KR

Tvíliðaleikur telpna 13 ára og yngri

1. Helga Ngo Björnsdóttir/Marsibil Silja Jónsdóttir, KR/Dímon

2. Álfheiður Silla Heiðarsdóttir/Dagný Lilja Ólafsdóttir, Dímon

3. Eva Michaelsdóttir Tran/Margrét Jóhannsdóttir, KR

Tvíliðaleikur meyja 14-15 ára

1. Guðbjörg Vala Gunnarsdóttir/Helena Árnadóttir, KR

2. Emma Niznianska/Natálía Marciníková, BR/KR

3.-4. Lea Mábil Andradóttir /Weronika Grzegorczyk, Garpur

3.-4. Marta Dögg Stefánsdóttir/Þórunn Erla Gunnarsdóttir, KR

Tvíliðaleikur sveina 14-15 ára

1. Heiðar Leó Sölvason/Kristján Ágúst Ármann, BH

2. Lúkas André Ólason/Tómas Hinrik Holloway, KR

3.-4. Dawid May-Majewski/Krystian May-Majewski, BR

3.-4. Ólíver Dreki Martinsson/Viktor Daníel Pulgar, KR

Tvíliðaleikur drengja 16-18 ára

1. Alexander Chavdarov Ivanov/Hergill Frosti Friðriksson, BH

2. Anton Óskar Ólafsson/Benedikt Aron Jóhannsson, Garpur/Víkingur

3. Darian Adam Róbertsson Kinghorn/Magnús Thor Holloway, HK/KR

Tvenndarleikur 14-15 ára

1. Guðbjörg Vala Gunnarsdóttir/Tómas Hinrik Holloway, KR

2. Helena Árnadóttir/Lúkas André Ólason, KR

3.-4. Emma Niznianska/Dawid May-Majewski, BR

3.-4. Lea Mábil Andradóttir/Kristján Ágúst Ármann, Garpur/BH

Aðalfundur knattspyrnudeildar, ný tímasetning

Sat, 16 Mar 2024 20:31:10 GMT

Áður auglýstur aðalfundur knattspyrnudeildar KR er frestaðist af óviðráðanlegum ástæðum fer fram í félagsheimili KR, miðvikudaginn 20. mars kl. 18.

Að öðru leyti er vísað í fyrri auglýsingu.

Stjórnin.

Aðalfundi knattspyrnudeildar KR hefur verið frestað

Thu, 14 Mar 2024 17:02:56 GMT

Af óviðráðanlegum orsökum hefur aðalfundi knattspyrnudeildar KR verið frestað um óákveðinn tíma. Við biðjumst velvirðingar á stuttum fyrirvara.

Stjórnin.

Vinningaskrá í happdrætti 8. fl. kvenna í körfu

Thu, 14 Mar 2024 11:53:48 GMT

Við þökkum fyrir veittan stuðning um leið og við birtum vinningaskrá í happdrætti 8. flokks kvenna í körfu.

Vonandi var heppnin með þér .... vinningaskrá

Vinningar verða afhentir föstudaginn 15. mars fyrir leik KR og ÍA í meistaraflokki karla.

Þrír Íslandsmeistarar í taekwondo

Thu, 14 Mar 2024 10:54:47 GMT

Um nýliðna helgi fór fram Íslandsmót í bardaga í Heiðarskóla í Keflavík. Skipulag mótsins var í höndum mótanefndar TKÍ og taekwondodeildar Keflavíkur og var til fyrirmyndar. KR átti sex keppendur á mótinu sem stóðu sig allir með prýði og sýndu miklar framfarir.

Guðmundur Flóki sigraði sameinaðan flokk +73 kg junior karla, Anton Tristan Lira Atlason sigraði -57 kg flokk cadet karla, Guðmundur Leó Gunnarsson sigraði -45 kg flokk cadet karla, Bjartur Guðmundsson hlaut brons í -57 kg flokki cadet karla og Prasun Tiwari Duwadi fékk brons í -57 kg flokki cadet karla.

Litlu munaði að Christian Eyjólfur Mba kæmist einnig á pall, eftir flottan bardaga á mótinu.

Auk þess var KR í þriðja sæti í liðakeppni mótsins.

Til hamingju, allir!

Á myndina vantar Christian og Prasun.

Kraftur í KR sigraði í sínum flokki í Lífshlaupinu

Tue, 12 Mar 2024 11:36:52 GMT

Lífshlaupið 2024 var ræst í sautjánda sinn þann 7. febrúar síðast liðinn. Í ár var flokknum Hreystihópar 67+ bætt við Lífshlaupið og tóku 550 manns þátt í þeim keppnisflokki og alls 15 hópar í í fjórum flokkum.

Okkar fólk í Krafti í KR tóku þátt og gerðu sér lítið fyrir og sigraði í sínum flokki.

Til hamingju þið miklu snillingar - Við erum stolt af ykkur!

Fjórir KR-ingar æfðu með færeyska unglingalandsliðinu

Mon, 11 Mar 2024 22:39:04 GMT

Þrír KR-ingar á palli á unglingamóti Víkings

Fjórir af átta leikmönnum sem voru valdir til að æfa með færeyska unglingalandsliðinu að Laugalandi um sl. helgi, þau Guðbjörg Vala Gunnarsdóttir, Helena Árnadóttir, Lúkas André Ólason og Tómas Hinrik Holloway.

Sunnudaginn 10. mars hélt Víkingur svo aldursflokkamót, þar sem Tómas varð í 2. sæti í flokki 13-15 ára og Lúkas varð í 3.-4. sæti.

Pétur Xiaofeng Árnason fékk svo brons í flokki 16-18 ára.

Úr myrkrinu í ljósið - KR styður Píeta samtökin

Mon, 11 Mar 2024 11:15:18 GMT

KR hefur alla tíð verið annt um samfélagið sem það starfar í. Karlalið KR í körfubolta vill sýna það í verki í leik sínum á móti ÍA í 1. deild karla sem haldinn verður á Meistaravöllum 15. mars nk. Sá leikur er til styrktar Píeta samtökunum.

Andleg heilsa er málefni sem stendur leikmönnunum okkar nærri og vilja þeir leggja sitt að mörkum til að efla umræðu um málefnið á Íslandi og um leið safna fjármagni sem rennur til samtakanna.

Miðasala er hafin á Stubb

KR-liðið mun leika í viðhafnarútgáfu af keppnisbúningi sínum auk þess sem ýmislegt annað verður gert til fjáröflunar í tengslum við leikinn. Allur ágóði af miðasölu leiksins og hluti af sölu sérstakra KR-Píeta-bola, rennur til Píeta samtakanna.

Una Torfadóttir tónlistarkona, Vesturbæingur og KR-ingur, mun flytja KR-lagið fyrir leik. Þetta er eitthvað sem enginn KR-ingur má missa af. Sá flutningur fer fram rúmlega klukkan 19 inni í keppnissalnum.

Una kom eins og stormsveipur inn í íslenskt tónlistarlíf fyrir nokkrum árum síðan og vann til fjölda tónlistarverðlauna á síðasta ári. Una átti m.a. lag Hinsegin daganna í fyrra og stýrði fjöldasöngi þúsunda kvenna og kvára í kvennaverkfalli á Arnarhóli.

Við erum ótrúlega stolt af Unu og ævinlega þakklát fyrir að hún styðji við þetta góða málefni með tónlistarflutningi sínum.

Ingvar Örn Ákason, betur þekktur sem Byssan, verður með uppistand inni í félagsheimili eftir leik. Ingvar er öllum KR-ingum kunnugur enda uppalinn Vesturbæingur og grjótharður KR-ingur, þó að hann búi reyndar uppi á Skipaskaga í dag.

Dagskrá:
18:00 BBQ inni í félagsheimili, sala á KR-Píeta bolum
19:00 Una Torfa
19:15 KR – ÍA
21:00 Opið inn í félagsheimili eftir leik, Ingvar Örn Ákason (Byssan) með uppistand, sala á KR-Píeta bolum

Miðasala er hafin á Stubb:

Nánari upplýsingar um Píeta samtökin

Axel Óskar Andrésson í KR

Fri, 08 Mar 2024 16:25:28 GMT

Axel Óskar Andrésson hefur gert 3 ára samning við KR.

Axel er miðvörður og alinn upp í Aftureldingu. Axel hélt ungur út í atvinnumennsku, fyrst í Reading Englandi og í sumar spilaði Axel með Örebro í Svíþjóð.

Við bjóðum Axel velkominn í KR og hlökkum til að sjá hann í KR treyjunni í sumar.

Sjö manna borðtennisfjölskylda á Íslandsmótinu

Thu, 07 Mar 2024 23:38:36 GMT

Sjö manna fjölskylda úr Vesturbænum í Reykjavík sýndi hvað borðtennis er góð fjölskylduíþrótt en þau Guðrún Gestsdóttir og Gunnar Skúlason og börn þeirra fimm, Pétur, Skúli, Gestur, Eiríkur Logi og Guðbjörg Vala kepptu öll á mótinu. Þau fóru heim með fern verðlaun, þar á meðal ein gullverðlaun.

Þau hafa öll unnið til Íslandsmeistaratitla í borðtennis nema fjölskyldufaðirinn Gunnar.

Þau hafa líka verið öflug í starfi borðtennisdeildarinnar og voru þau Guðrún og Gunnar meðal þeirra sem voru heiðruð fyrir störf sín í þágu KR á afmæli félagsins í febrúar.

Sigurður Bjartur og Kristín Erla snúa á önnur mið

Thu, 07 Mar 2024 09:31:38 GMT

Sigurður Bjartur Hallsson hefur ákveðið að ganga til liðs við FH. Sigurður Bjartur er uppalinn í Grindavík en kom til KR fyrir tímabilið 2022.

Siggi spilaði 64 leiki og skoraði 17 mörk fyrir KR.

Við þökkum Sigga fyrir hans framlag til félgasins og óskum honum velfarnaðar á nýjum slóðum.

Kristín Erla Ó. Johnson hefur gengið til liðs við Víking. Kristín Erla er uppalin í KR og hefur undan farin sumur komið heim og spilað með KR þegar hún hefur verið í fríi í háskólaboltanum í USA. Kristín hefur spilað 42 leiki fyrir meistaraflokk KR og skorað 1 mark. Kristín á 12 leiki með yngri landsliðum.

Takk fyrir þitt framlag til KR Kristín Erla og gangi þér sem allra best í Víkinni.

Aðalfundur knattspyrnudeildar KR

Wed, 06 Mar 2024 16:47:09 GMT

Aðalfundur knattspyrnudeildar KR verður haldinn í félagsheimili KR næstkomandi fimmtudag, 14.mars kl. 18:00.

Á dagskrá eru hefðbundin aðalfundarstörf, skv lögum félagsins.

Framboðsfrestur til stjórnar rennur út á miðnætti
9. mars, framboðum skal skila til framkvæmdarstjóra félagsins, Bjarna Guðjónssonar á bg@kr.is

Ársreikningur knattspyrnudeildar KR 2023

Birtist Knattspyrnufélag Reykjavíkur ekki á þínu skattframtali?

Mon, 04 Mar 2024 20:06:21 GMT

Því miður urðu mistök við skráningu hjá okkur en upphæðirnar eru komnar inn hjá skattinum.

Samkvæmt ráðleggingum frá Skattinum biðjum við alla sem eru enn ekki að sjá KR í sinni skýrslu að bæta við eftirfarandi athugasemd í sitt framtal:

"Vantar almannaheillastyrk frá Körfuknattleiksdeild K.R./Knattspyrnudeild K.R/ Knattspyrnufélagi Reykjavíkur (eftir því sem við á), þau eru búin að skila."

Það er því óhætt að skila inn framtalinu þó að KR sé ekki að birtast. Skatturinn hefur staðfest við okkur að það muni koma inn í leiðréttingu hjá öllum, en þetta sé bara til öryggis fyrir þá sem eru að bíða eftir þessu.

Okkur þykja þessi mistök leið og þökkum fyrir skilninginn.

Ef þú hefur einhverjar spurningar máttu endilega senda póst á skrifstofa@kr.is

Sigursælir KR-ingar á Týr móti fjölnis

gunnaregillb@gmail.com (Gunnar Egill Benonýsson) — Mon, 04 Mar 2024 20:01:09 GMT

Sunddeild KR tók þátt á Týr móti fjölnis í Laugardalslaug um helgina. Alls vorum við með 27 keppendur og stóð okkar sundfólk sig gífurlega vel

Aldís Ögmundsdóttir og Jón

Haukur Þórsson bættu við lágmörkum á Íslandsmeistaramótið í 50m laug sem er

haldið í apríl

Þórður Karl Steinarsson og Timotei Roland Randhawa náðu lágmörkum inn á

Sumarmót SSÍ sem er haldið í Júní

Samtals náðu krakkarnir okkar sér í

12 gullverðlaun

12 silfurverðlaun

16 bronsverðlaun

Aldís Rún Íslandsmeistari í tvíliðaleik

Mon, 04 Mar 2024 00:01:58 GMT

Guðbjörg Vala og Anna sigruðu í 1. og 2. flokki

Aldís Rún Lárusdóttir varð Íslandsmeistari í tvíliðaleik kvenna á Íslandsmótinu sem fram fór í Íþróttahúsinu í Digranesi helgina 1.-3. mars. Aldís lék með Sól Kristínardóttur Mixa úr BH. Þær mættust svo innbyrðis í úrslitaleiknum í meistaraflokki kvenna, þar sem Sól sigraði 4-2.

Guðbjörg Vala Gunnarsdóttir sigraði í 1. flokki kvenna, en hún er aðeins 13 ára gömul. KR átti þrjá af fjórum verðlaunahöfum, því Ársól Clara Arnardóttir varð önnur og Helena Árnadóttir í 3.-4. sæti.

Anna Sigurbjörnsdóttir vann 2. flokk kvenna, og þar átti KR líka þrjá af fjórum verðlaunahöfum. Kristjana Áslaug Káradóttir Thors varð önnur, og Natálía Marciníková fékk brons.

Guðbjörg Vala Gunnarsdóttir fékk brons í meistaraflokki kvenna og Davíð Jónsson í meistaraflokki karla.

Bræðurnir Eiríkur Logi og Pétur Gunnarssynir höfnuðu í 2. sæti í tvíliðaleik karla, eftir 1-3 tap í úrslitum. Ellert Kristján Georgsson fékk brons, en hann lék með Óskari Agnarssyni úr HK.

KR átti líka bronspar í tvíliðaleik kvenna en Guðrún G Björnsdóttir og Kristín Ingibjörg Magnúsdóttir urðu í 3.-4. sæti.

Í tvenndarleik komu bæði bronspörin úr KR. Þau voru þau Guðrún G Björnsdóttir og Pétur Gunnarsson og Þóra Þórisdóttir og Ellert Kristján Georgsson.

Þá fékk Tómas Hinrik Holloway bronsverðlaun í 2. flokki karla.

Úrslit úr öllum leikjum á mótinu má sjá á vefnum Íslandsmótið 2024 | Tournamentsoftware.com

Myndir með fréttinni eru frá Finni Hrafni Jónssyni.

Íslandsmótið í borðtennis fer fram í Digranesi um helgina

Fri, 01 Mar 2024 22:14:48 GMT

Íslandsmótið í borðtennis fer fram helgina 1.-3. mars og er leikið í Íþróttahúsinu Digranesi í Kópavogi. Mótið var sett kl. 17 föstudaginn 1. mars og leikið til undanúrslita í tvíliðaleik og tvenndarleik. Keppni heldur áfram laugardaginn 2. mars og flestir úrslitaleikir fara fram sunnudaginn 3. mars. Dagskrá má sjá á vef BTÍ,

www.bordtennis.is .

Úrslit úr öllum leikjum má sjá á vefnum Íslandsmótið 2024 | Tournamentsoftware.com

Á forsíðunni á sjá hóp KR-inga frá Íslandsmótinu 2023.

Ívar Ingimarsson kemur inn í þjálfarateymi mfl. kvenna

Mon, 26 Feb 2024 14:47:58 GMT

Ívar Ingimarsson hefur verið ráðinn í þjálfarateymi meistaraflokks kvenna út keppnistímabilið 2024. Ívar er flott viðbót við teymi kvennaliðsins og erum við gríðarlega ánægð að fá hann í hópinn.

Vertu velkominn Ívar!

Þrír titlar til KR á Íslandsmóti öldunga

Sun, 25 Feb 2024 11:17:55 GMT

Aldís, Anna, Guðrún og Ingólfur Íslandsmeistarar

Ingólfur Sveinn Ingólfsson varð Íslandsmeistari í einliðaleik karla 40-49 ára og í tvenndarleik 40 ára og eldri með Aldísi Rún Lárusdóttur á Íslandsmeistaramóti öldunga, sem fram fór í Íþróttahúsi Hagaskóla 24. febrúar.

Anna Sigurbjörnsdóttir og Guðrún Gestsdóttir urðu Íslandsmeistarar í tvíliðaleik kvenna 50-59 ára.

Margir aðrir KR-ingar hlutu verðlaun á mótinu. Yfirlit yfir alla verðlaunahafa og myndir af flestum verðlaunahöfum má sjá á vef BTÍ, www.bordtennis.is .

Úrslit úr öllum leikjum á mótinu má sjá á vef Tournament Software, https://www.tournamentsoftware.com/tournament/7041dd1c-c174-43bc-abc5-7ca98371139f .

Þrír Norðurlandameistarar í taekwondo

Fri, 23 Feb 2024 15:21:51 GMT

Síðustu helgina í janúar fór fram Norðurlandamót í taekwondo í Laugardalshöll, samhliða Reykjavíkurleikunum. Skipulagning mótsins var í höndum Taekwondosambands Íslands og var það glæsilegt í alla staði.

Alls voru 233 keppendur frá öllum Norðurlöndunum skráðir til leiks, þar af 67 frá Íslandi, og sitja sumir hverjir hátt á heimslistanum. Keppt var í bardaga og formum. Sameinuðust íslenskir keppendur í einu Íslandsliði og stóð það uppi sem bardagalið mótsins. Finnar voru með lið mótsins í formum.

KR átti fimm keppendur á mótinu og fengu þrjú þeirra gull í sínum flokki í bardaga og urðu þar með fyrstu Norðurlandameistarar taekwondodeildar félagsins. Guðmundur Flóki Sigurjónsson sigraði -68 kg junior flokk karla, Anton Tristan Lira Atlason sigraði -53 kg cadet flokk karla, og Bryndís Eir Sigurjónsdóttir sigraði -51 kg cadet flokk kvenna. Auk þess komust Bryndís Eir og Bjartur Aðalsteinsson á pall í formum. Alls urðu 10 Íslendingar Norðurlandameistarar á mótinu.

Þetta er glæsilegur árangur hjá okkar keppnisfólki í KR. Auk þess erum við stolt að hafa átt tvo fulltrúa í alþjóðlegu dómaraliði í formum, þau Karl Jóhann Garðarson yfirþjálfara deildarinnar og Álfdísi Freyju Hansdóttur poomsae-þjálfara.

Til hamingju Guðmundur Flók Sigurjónsson, Anton Tristan Lira Atlason og Bryndís Eir Sigurjónsdóttir með titlana - þið eruð félaginu til sóma!

Knattspyrnufélag Reykjavíkur 125 ára

Wed, 21 Feb 2024 17:24:03 GMT

Þann 16. febrúar var Knattspyrnufélag Reykjavíkur 125 ára. Elsta og sigursælasta félag landsins með mikla og merkilega sögu. Við höfum lært ansi margt og höldum áfram að draga að okkur þekkingu og gera félagið okkar betra.

Við erum öflug liðsheil sem fórnar sér, innan sem utan vallar, fyrir félagið okkar og berum höfuð hátt hvar sem við erum. Við erum KR!

Til hamingju með daginn öll sem eitt - Áfram KR.

Tilkynning frá 8. flokki stúlkna í KR Körfu

Wed, 21 Feb 2024 17:12:05 GMT

Dregið verður í happdrætti hjá 8.flokki stúlkna í KR körfu mánuði seinna en auglýst er á happdrættismiðanum.

Við biðjum velvirðingar á þessum tímamismuni...þið sem voruð orðin spennt að athuga hvort vinningur leyndist á ykkar miða.

Það verður smá bið...takk fyrir skilninginn, 8. flokkur stúlkna KR

A-lið KR tapaði í úrslitum í bikarkeppni BTÍ

Tue, 20 Feb 2024 19:31:47 GMT

KR-A sló KR-B út í undanúrslitum

A-lið KR tapaði 1-4 fyrir liði BH í úrslitaleik bikarkeppninnar í borðtennis, en leikið var í TBR-húsinu 17. febrúar. Lið KR-A skipuðu Helena Árnadóttir, Norbert Bedo og Skúli Gunnarsson. Norbert vann eina leikinn sem KR-A vann.

Í undanúrslitum mættust A- og B-lið KR og vann A-liðið 4-1. Í B-liðinu léku þau Ellert Kristján Georgsson, Elvar Kjartansson og Þóra Þórisdóttir.

KR Super Challenge

gunnaregillb@gmail.com (Gunnar Egill Benonýsson) — Mon, 19 Feb 2024 12:33:29 GMT

KR Superchallenge fór fram á laugardaginn 10 febrúar. Eins og alltaf var þetta gífurlega hörð keppni sem fór fram með ljósa sýningu og tilheyrandi látum. Keppt var í 50m flugsundi og var þetta útsláttarkeppni þar sem fyrst syntu 8 hröðustu í karla og kvenna flokki, síðan 4 hröðustu og að lokum bara 2 hröðustu

Sigurvegarar KR Superchallenge Karla voru:

1. Sæti Einar Margeir Ágústsson frá Íþróttabandalagi Akranes hann synti á 25,61 sekúndum

2. Sæti Daði Björnsson frá Sundfélaagi Hafnafjarðar hann synti á 26,42 sekúndum

Sigurvegarar KR Superchallenge kvenna voru:

1. Sæti Ragnheiður Ásta Magnúsdóttir frá Sunddeild Breiðabliks hún synti á 29,62 sekúndum

2. Elísabet Arnoddsdóttir frá Íþróttabandalagi Reykjanesbæjar hún synti á 30,40 sekúndum

Óskum þeim innilega til hamingju með árangurinn

Gullmót KR

gunnaregillb@gmail.com (Gunnar Egill Benonýsson) — Mon, 19 Feb 2024 12:20:56 GMT

Gullmót KR fór fram í laugardalslaug helgina 9 – 11 febrúar. Eins og seinustu ár var Gullmótið stærsta sundmót ársins, Alls voru 422 keppendur á mótinu frá 17 sundfélögum. KR-ingar stóðu sig stórkostlega á mótinu og viljum við þakka þeim KR – foreldrum sem unnu hörðum höndum að mótinu í sjálfboðaliða vinnu. Án ykkar væri þetta ekki hægt.
Áfram KR!!!

125 ára afmæli KR þann 16. febrúar

Tue, 13 Feb 2024 14:46:33 GMT

Þann 16. febrúar verður Knattspyrnufélag Reykjavíkur 125 ára. Af því tilefni mun félagið blása til afmælisviðburðar þar sem heiðursviðurkenningar verða veittar til félagsmanna og fyrrverandi leikmanna allra deilda sem hafa lagt sitt af mörkum fyrir félagið.

Dagskrá

16:00 Húsið opnar með léttum jazztónum

16:30 Formleg dagskrá hefst

- Ávarp formanns afmælisnefndar

- Ávarp formanns Knattspyrnufélags Reykjavíkur

- Heiðursviðurkenningar afhentar

18:30 Dagskrá lýkur

Afmælisviðburðurinn er upphafið af mörgum viðburðum á afmælisárinu.

Allir KR-ingar hjartanlega velkomnir á alla viðburði.

KR-C og KR-D í úrslitakeppni í 2. og 3. deild

Mon, 12 Feb 2024 22:40:44 GMT

Úrslitakeppnin 6. og 13. apríl

C-lið KR varð í 4. sæti í 2. deild eftir lokadag deildarinnar 10. febrúar. D-lið KR varð í 2. sæti A-riðils 3. deildar og tekur þátt í úrslitakeppni 3. deildar.

Undanúrslit í deildakeppninni fara fram 6. apríl, en þá mætir KR-C B-liði HK, sem urðu deildarmeistarar í 2. deild.

D-lið KR mætir liði BM (Borðtennisfélags Mosfellsbæjar) í undanúrslitum 3. deildar sama dag.

Á forsíðunni má sjá hluta leikmanna liðs KR-D.

Fimm gull til KR-inga í Hróarskeldu

Sun, 11 Feb 2024 12:00:27 GMT

KR-ingar unnu fimm gullverðlaun á Spar Nord Roskilde Cup, sem fram fór í Hróarskeldu í Danmörku 3.-4. febrúar.

Norbert Bedo fékk gull í Herre klass 2 og í flokki Åben B.

Tómas Hinrik Holloway sigraði í flokki Herre junior D.

Viktor Daníel Pulgar fékk gull í flokki Drenge D.

Lúkas André Ólason vann flokk Yngre drenge B.

Aldís Rún Lárusdóttir varð í 2. sæti í Dame klasse 1 og í 3.-4. sæti í flokknum Damer elite.

Þá fékk Marta Dögg Stefánsdóttir silfur í flokknum Dame ungdom åben B.

Vegna óhapps á Keflavíkurflugvelli föstudaginn 2. febrúar var fluginu út aflýst og var flogið út að morgni laugardags. Misstu flestir leikmenn KR því framan af keppni á laugardeginum en létu það ekki á sig fá.

Myndir af öðrum verðlaunahöfum KR má sjá á vef BTÍ, Góður árangur í Hróarskeldu | Borðtennissamband Íslands (bordtennis.is)

A-lið KR deildarmeistari í 1. deild karla

Sun, 11 Feb 2024 11:30:29 GMT

KR-B féll í 2. deild

A-lið KR varð deildarmeistari í 1. deild karla eftir 5-5 jafntefli við A-lið BH í lokaumferð deildarinnar. Bæði liðin luku keppni með 15 stig en KR-A var með hagstæðara hlutfall unninna og tapaðra leikja. Leikið var í Íþróttahúsi Hagaskóla laugardaginn 10. febrúar.

Úrslitakeppni um Íslandsmeistaratitilinn fer fram í apríl. KR-A mætir HK-A í undanúrslitum þann 6. apríl, en í hinum undanúrslitunum leika BH-A og Víkingur-A. Úrslitaleikurinn verður 13. apríl.

B-lið KR hafnaði í neðsta sæti deildarinnar með 3 stig, og féll í 2. deild.

Á forsíðumyndinni má sjá lið KR-A sem lék úrslitaleikinn, þá Norbert Bedo, Pétur Gunnarsson og Ellert Kristján Georgsson. Auk þeirra léku Gestur Gunnarsson og Karl A. Claesson með liðinu í vetur.

Metþátttaka í Krafti í KR

Fri, 09 Feb 2024 12:54:12 GMT

Það er alltaf mikið líf og fjör á þriðjudags- og föstudagsmorgnum þegar fólk á besta aldri mætir í Kraft í KR.

Í morgun var metþátttaka þar sem hátt í 60 manns mættu á æfingu. Það sem við erum glöð á fá þetta jákvæða og glaða fólk í heimsókn til okkar tvisvar í viku.

Takk fyrir komuna - þið eruð frábær!

Nítján KR-ingar leika í Hróarskeldu um helgina

Fri, 02 Feb 2024 18:10:56 GMT

Alls leika 19 leikmenn frá KR á árlegu borðtennismóti í Hróarskeldu í Danmörku. Flestir leikmenn leika í mörgum flokkum og fá flestir því leiki við sitt hæfi.

Eftirtaldir leikmenn KR taka þátt í mótinu:

Aldís Rún Lárusdóttir, KR
Ellert Kristján Georgsson
Eiríkur Logi Gunnarsson
Elvar Kjartansson
Gestur Gunnarsson
Guðbjörg Vala Gunnarsdóttir
Helena Árnadóttir
Karl Andersson Claesson
Lúkas André Ólason
Magnús Thor Holloway
Marta Dögg Stefánsdóttir
Norbert Bedo
Oliver Dreki Martinsson
Pétur Gunnarsson
Pétur Xiaofeng Árnason
Skúli Gunnarsson
Tómas Hinrik Holloway
Viktor Daníel Pulgar
Þórunn Erla Gunnarsdóttir

Hér má sjá heimasíðu félagsins: https://roskildebordtennis.dk/ .

Forsíðumynd af fésbókarsíðu BTÍ.

7. fl. drengja á FH móti

Tue, 30 Jan 2024 17:33:35 GMT

7.flokkur karla lék á FH-móti síðastliðinn sunnudag þann 28. janúar. Við tefldum fram þremur liðum, tvö á eldra ári og eitt á yngra ári.

Strákarnir stóðu sig með prýði og sýndu sínar bestu hliðar á mótinu og skemmtu sér konungslega.

7.flokkur karla æfir tvisvar sinnum í viku kl. 16:00-17:00 á mánudögum og miðvikudögum í íþróttahúsi Hagaskóla.

Þjálfarar flokksins eru Antoine Óskar Pantano og Kári Benediktsson. Þeir taka þeir vel á móti öllum strákum sem vilja prófa æfingu.

Guðrún G Björnsdóttir sigraði í kvennaflokki á RIG

Mon, 29 Jan 2024 18:40:09 GMT

KR vann tvöfalt í kvennaflokki

Guðrún G Björnsdóttir sigraði í einliðaleik kvenna í borðtenniskeppni RIG. Í úrslitum vann Guðrún Ársól Clöru Arnardóttur 4-3 og lauk oddalotunni með 11-9 sigri Guðrúnar.

Ellert Kristján Georgsson fékk brons í karlaflokki en hann tapaði í undanúrslitum fyrir Víkingnum Inga Darvis Rodriguez, sem sigraði í karlaflokki.

Sundfólk KR á Reykjavik International Games

gunnaregillb@gmail.com (Gunnar Egill Benonýsson) — Mon, 29 Jan 2024 15:40:21 GMT

Þau Aldís Ögmundsdóttir og Jón Haukur Þórsson voru fulltrúar Sunddeildar KR á RIG um helgina, Þau stóðu sig rosalega vel á mótinu og bættu sína bestu tíma í öllum greinunum sem þau syntu á mótinu.

Þriðja mót vetrarins hjá 7. fl. kvenna

Mon, 29 Jan 2024 15:09:13 GMT

Þriðja mót vetrarins hjá 7.flokki kvenna var haldið helgina 27. - 28. janúar á Ásvöllum.

Stelpurnar byrjaðu mótið af mikkum krafti með stórsigri í fyrsta leik. Næstu leikir gengu einnig vel og enduðu stelpurnar sáttar eftir gott mót.

Stelpurnar sýndu miklar framfarir og geta verið stoltar af sinni frammistöðu á mótinu.

Þjálfari flokksins er Katrín Scheving.

Þær æfa tvisvar sinnum í viku í íþróttahúsi Hagaskóla.

Æfingar:

mánudögum og miðvikudögum kl. 15:00-16:00.

Allar stelpur fæddar 2014 og 2015 er velkomnar að prófa handboltaæfingar.

KR meyjar Íslandsmeistarar í liðakeppni unglinga

Sun, 28 Jan 2024 20:34:21 GMT

Lið KR í meyjaflokki í flokkakeppni unglinga varð Íslandsmeistari í sínum flokki (fæddar 2009-2010). Þær Guðbjörg Vala Gunnarsdóttir og Helena Árnadóttir unnu öruggan 3-0 sigur á liði Garps, sem varð í 2. sæti. Þær unnu líka lið Dímonar sem lék í stúlknaflokki 3-0, þ.e. næsta aldursflokki fyrir ofan meyjaflokk.

Leikið var á Selfossi 27. janúar og olli vont veður og færð því að önnur skráð lið frá KR mættu ekki til leiks.

Vinningshafar í happdrætti Þorrablótsins

Tue, 23 Jan 2024 21:27:48 GMT

Við þökkum fyrir frábærar viðtökur á sölu á happdrættismiðum á Þorrablóti Vesturbæjar þann 13. janúar.

Vonandi var heppnin með þér .... Vinningaskrá

Takk!

KR á fulltrúa í æfingahópum U15 og U17 kvenna

Mon, 22 Jan 2024 12:21:08 GMT

KR á fimm flotta fulltrúa í U15 kvenna sem æfa í Miðgarði dagana 23.-25. janúar. Þær eru allar að æfa saman í 3. flokki Gróttu/KR.

Inga Ásta Hafstein

Kamilla Dilja Thorarensen

Kara Guðmundsdóttir

Matthildur Eygló Þórarinsdóttir

Rakel Grétarsdóttir

KR á einnig tvo flotta fulltrúa æfingahóp U17 kvenna dagana 29.-31. janúar.

Íris Grétarsdóttir

Katla Guðmundsdóttir

Vel gert stelpur þið eruð vel að þessu komnar. Gangi ykkur sem allra best.

KR-ingar í verðlaunasætum á BH Open

Sun, 21 Jan 2024 21:49:40 GMT

Fjölmargir KR-ingar voru í verðlaunasætum á BH Open, sem haldið var í Íþróttahúsinu við Strandgötu í Hafnarfirði 20.-21. janúar. Á mótinu var keppt í á annan tug flokka og meðal þátttakenda voru 8 leikmenn frá Hróarskeldu í Danmörku.

Í meistaraflokki kvenna elite átti KR þrjá af fjórum verðlaunahöfum. Guðbjörg Vala Gunnarsdóttir varð í 2. sæti, og Aldís Rún Lárusdóttir og Helena Árnadóttir í 3.-4. sæti. Þær máttu játa sig sigraðar gegn Sól Kristínardóttur Mixa úr BH, sem sigraði.

Í meistaraflokki karla varð Pétur Gunnarsson í 2. sæti og Eiríkur Logi bróðir hans í 3.-4. sæti. Magnús Gauti Úlfarsson úr BH sigraði.

Lúkas André Ólason var eini sigurvegari KR í einliðaleik en hann sigraði í a-flokki undir 14 ára. Marta Dögg Stefánsdóttir varð í 3.-4. sæti í flokknum.

Lúkas varð líka í 3.-4. sæti í opnum flokki C ásamt Tómasi Hinriki Holloway.

Magnús Thor Holloway sigraði í tvíliðaleik "hæsta og lægsta" með Tómasi Inga Shelton úr BH, en í þessum flokki voru stigahæsti og stigalægsti leikmaðurinn paraðir saman. Elvar Kjartansson varð í 2. sæti í tvíliðaleik með Benedikt Jiyao Davíðssyni úr Víkingi og Jón Hansson í 3. -4. sæti með Magnúsi Gauta Úlfarssyni úr BH.

Magnús Holloway varð líka þriðji í a-flokki undir 19 ára.

Óliver Dreki Martinsson varð í 2. sæti í b-flokki undir 15 ára og Marta Dögg Stefánsdóttir í 3.-4. sæti.

Fleiri myndir af verðlaunahöfum má sjá á vef BTÍ, www.bordtennis.is .

Gunnar Einarsson stýrir m.fl. kvenna

Sat, 20 Jan 2024 10:48:52 GMT

Stjórn knattspyrnudeildar KR hefur ráðið Gunnar Einarsson sem þjálfara meistaraflokks kvenna út keppnistímabilið 2025.

Gunnar hefur verið aðstoðarþjálfari liðsins undanfarna mánuði og þekkir liðið og umhverfið vel. Gunnar spilaði fyrir KR þegar hann kom heim úr atvinnumennsku og varð þrisvar sinnum Íslandsmeistari með liðinu.

Gunnar er með þjálfaragráðu UEFA A og hefur mikla reynslu í þjálfun, m.a. hefur Gunnar þjálfað Víking og Leikni Reykjavík.

Theodór Elmar Bjarnason verður Gunnari innan handar, Hildur Guðný Káradóttir mun sá um styrktarþjálfun og markmannsþjálfari er Jamie Brassington, en hann sér einnig um markmannsþjálfun meistaraflokks karla.

Pálmi Rafn ráðinn aðstoðarþjálfari

Fri, 19 Jan 2024 18:18:22 GMT

Stjórn knattspyrnudeildar KR hefur ráðið Pálma Rafn Pálmason sem aðstoðarþjálfara meistaraflokks karla. Pálmi er uppalinn Húsvíkingur, spilaði sem atvinnumaður í Noregi í 7 ár áður en hann kom í KR árið 2015 þar sem hann lauk knattspyrnuferlinum árið 2022.

Pálmi tók við þjálfun meistaraflokks kvenna á síðasta keppnistímabili við góðan orðstýr ásamt því að sinna starfi íþróttastjóra KR.

Pálmi var nýverið ráðinn yfirþjálfari yngri flokka knattspyrnudeildar KR og mun hann sinna því starfi áfram. Pálmi hefur UEFA A þjálfaragráðu.

Nýr þjálfari meistaraflokks kvenna verður tilkynntur á morgun, laugardag.

A-lið KR efst í 1. deild karla fyrir síðasta leikdag

Tue, 16 Jan 2024 17:45:14 GMT

KR-D í baráttu um að komast í úrslitakeppni í 3. deild

A-lið KR hefur nauma forystu í 1. deild karla fyrir lokaleikina, sem fara fram þann 10. febrúar. Liðið hefur 12 stig eftir 8 leiki eins og A-lið BH en hefur hagstæðara hlutfall unninna og tapaðra leikja. A-lið Víkings er í 3. sæti með 11 stig. Tveir leikir eru eftir og mætast KR-A og BH-A í lokaumferðinni.

B-lið KR er í neðsta sæti í 1. deild karla með 3 stig.

C-lið KR leikur í 2. deild og er 4. sæti með 5 stig.

D-lið KR er í 2. sæti A-riðils 3. deildar og á góðan möguleika á að komast í úrslitakeppni deildarinnar. KR-E, KR-F og KR-G leika sömuleiðis í 3. deild.

Sjá má úrslit úr öllum leikjum innan skamms á vefjunum www.bordtennis.is og www.tournamentsoftware.com .

Alex Þór til KR

Mon, 15 Jan 2024 15:05:41 GMT

Alex Þór Hauksson hefur skrifað undir þriggja ára samning við KR, út keppnistímabilið 2026.

"Það er okkur sönn ánægja að bjóða Alex velkominn til KR. Við bindum miklar væntingar við hann og erum sannfærð um að karakter hans, leiðtogahæfileikar og hugarfar muni hjálpa liðinu okkar að komast í fremstu röð aftur. Koma Alex staðfestir að KR nær að laða að sér bestu leikmennina sem í boði eru og teflir fram sterku liði á komandi tímabili." segir Gregg Ryder

Frábær árangur á Reykjavíkurmeistaramótinu í sundi

gunnaregillb@gmail.com (Gunnar Egill Benonýsson) — Sun, 14 Jan 2024 20:03:16 GMT

KR-ingar stóðu sig stórkostlega á Reykjavíkurmeistaramótinu um helgina

Miklar bætingar og góður liðsandi

Sundfólk KR vann16 gull , 17 silfur og 14 bronsverðlaun á mótinu

Áfram KR!!!

Aron Sigurðarson til KR

Thu, 11 Jan 2024 08:59:16 GMT

Aron Sigurðarson hefur skrifað undir þriggja ára samning við KR, út keppnistímabilið 2026.

"Aron hefur ákveðið að snúa aftur til Íslands eftir farsælan feril í atvinnumennsku erlendis og erum við í skýjunum yfir því að KR hafi orðið fyrir valinu. Það eru ekki bara ótvíræðir knattspyrnuhæfileikar hans heldur vinnusemin, karakterinn og leiðtoghæfileikarnir sem hann býr yfir sem við fögnum hvað mest að fá inn í okkar metnaðarfulla hóp.

Aron mun tvímælalaust styrkja liðið okkar mikið og geta stuðningsmenn KR farið að hlakka til komandi tímabils." segir Gregg Ryder

Tómas fékk silfur á aldursflokkamóti HK

Wed, 10 Jan 2024 20:06:35 GMT

Tómas Hinrik Holloway fékk silfur í sveinaflokki á unglingamóti HK, sem fram fór í Íþróttahúsi Snælandsskóla laugardaginn 6. janúar. Tómas tapaði í úrslitum fyrir Kristjáni Ármann úr BH.

Tómas var einn þriggja KR-inga sem kepptu á mótinu en hinir tveir komust ekki á verðlaunapall.

Vinningshafar í jólahappdrætti KR Körfu

Wed, 10 Jan 2024 16:35:59 GMT

Dregið hefur verið í jólahappdrætti KR Körfu. Vinningar verða afhendir á Meistaravöllum þriðjudaginn 16. janúar milli kl. 16 og 18.

Vinningaskrá

Við þökkum ykkur kærlega fyrir stuðninginn. Einnig viljum við nota tækifærið og þakka þeim fjölmörgu fyrirtækjum sem styrktu deildina í þessu happdrætti.

Áfram KR!

Prófaðu handbolta

Tue, 09 Jan 2024 16:41:35 GMT

Í tilefni af EM í handbolta karla vilju við bjóða öllum krökkum að koma í og prófa handbolta hjá KR þeim að kostnaðarlausu í janúar.

Frábæru þjálfararnir taka vel á móti krökkunum.

Sjá æfingatöflu: https://www.kr.is/handbolti

Áfram KR, áfram Ísland og áfram handbolti

Flottir fulltrúar KR í yngri landsliðum KSÍ

Fri, 05 Jan 2024 13:34:23 GMT

Unga fólkið okkar er svo sannarlega að standa sig vel og eigum við flotta fulltrúa í yngri landsliðum KSÍ á æfingum núna næstu daga.

Hæfileikamótun KSÍ & N1

Hanna Katrín Magnúsdóttir

Kara Guðmundsdóttir

Margrét Kjartansdóttir

Ragna Lára Ragnarsdóttir

U15 ára karla

Skarphéðinn Gauti Ingimarsson

U16 ára karla

Björgvin Brimi Andrésson

U17 karla

Jón Arnar Sigurðsson

U19 karla

Benoný Breki Andrésson

Jóhannes Kristinn Bjarnason

Lúkas Magni Magnason

Rúrik Gunnarsson

Gangi ykkur vel - þið eruð flottir fulltrúar KR og erum við mjög stolt af ykkur.

Áfram þið - Áfram KR

Nýárskveðja frá Þórhildi, formanni KR

Tue, 02 Jan 2024 16:57:15 GMT

Kæru KR-ingar.

Í upphafi nýs árs langar mig til þess að þakka fyrir allt það ómetanlega starf sem sjálfboðaliðar félagsins hafa unnið. Við vitum að starfsemi félagsins byggir ekki síst á velvild og þeim samtakamætti sem finna má innan KR fjölskyldunnar.

Markmið KR fyrir komandi ár eru sem fyrr skýr, að gera KR að því stórveldi sem það er og hefur verið. Slíkt verkefni er langhlaup. Það vita fáir betur en KR-ingar. En ég heiti því gera það sem í mínu valdi stendur til þess að það takist.

Á þessu ári á KR 125 ára afmæli og á því ári munum við taka fyrstu skóflustunguna að nýju húsi. Því miður hefur KR setið eftir, eitt Reykjavíkurfélaganna, þegar kemur að aðstöðumálum, en nú er það forgangsmál að lyfta grettistaki í þeim málum, jafnt sem í viðhaldi og nýframkvæmdum.

Með sameiginlegu átaki tekst okkur allt, við höldum kát og full bjartsýni inn í nýtt ár.

Gleðilegt ár kæru KR-ingar og takk fyrir árið sem var að enda.

Þórhildur Garðarsdóttir
Formaður KR

Stjörnuljósa sund Sunddeildar KR

gunnaregillb@gmail.com (Gunnar Egill Benonýsson) — Fri, 29 Dec 2023 13:58:02 GMT

Það var rosalegt fjör í vesturbæjarlauginni í gær þegar árlega stjörnuljósa sund KR var haldið hátíðlega.

Sunddeild KR óskar öllum gleðilegt og farsælt nýtt ár

Áfram KR!!!

Stjörnuljósa sund í vesturbæjarlaug

gunnaregillb@gmail.com (Gunnar Egill Benonýsson) — Wed, 27 Dec 2023 20:01:38 GMT

28 desember klukkan 17:00 mun fara fram hið árlega stjörnuljósasund Sunddeildar KR í Vesturbæjarlaug, allir velkomnir !!

KR stendur með ECA

Fri, 22 Dec 2023 11:14:55 GMT

Knattspyrnufélag Reykjavíkur ítrekar sína afstöðu að velferð knattspyrnu í Evrópu geti aðeins verið tryggð með samvinnu félaga í gegnum ECA í öflugum samskiptum og samstarfi með UEFA. Sjá mynd .

Knattspyrnufélag Reykjavíkur reiterates our position that European football’s future well-being can only be secured through clubs working together through ECA in strong partnership and collaboration with UEFA. See picture .

Bikarkeppnin 2023

gunnaregillb@gmail.com (Gunnar Egill Benonýsson) — Sun, 17 Dec 2023 11:24:26 GMT

15-16 desember fór fram Bikarkeppni SSÍ í Laugardalslaug. Sunddeild KR keppti í 2.deild og stóðu okkar sundmenn sig gífurlega vel. Stelpurnar höfnuðu í 4 sæti deildarinnar en strákarnir náðu 2 Sæti. Sunddeild KR stefnir að því að ná upp í 1. Deild á næstu árum.

Kvennaliðið skipuðu:

Aldís Ögmundsdóttir

Arna Ingólfsdóttir

Elma Egilsdóttir

Freyja Kjartansdóttir Narby

Viktoría Vasile

Karlaliðið skipuðu:

Benedikt Bjarni Melsted

Jón Haukur Þórsson

Jón Ingi Laufeyjarsson

Luca Magni Barreiro Concheiro

Timotei Roland Randhawa

Þórður Karl Steinarsson

Þjálfari:
Gunnar Egill Benonýsson

Áfram KR!!!

Nimrod Hilliard á Meistaravelli

Fri, 15 Dec 2023 15:39:44 GMT

Stjórn KKD KR hefur samið við Nimrod Hilliard IV um að leika með liðinu. Nim er 30 ára bandarískur bakvörður sem á glæstan feril í Evrópuboltanum að baki. Á sínu fyrsta tímabili í atvinnumennsku varð hann danskur meistari með Horsens auk þess sem hann var valinn verðmætasti leikmaður úrslitaeinvígisins. Þaðan lá leiðin til Þýskalands og svo Svíþjóðar þar sem hann hitti fyrir þjálfara KR liðsins Jakob Örn í liði Boras. Tímabilið 2018-19 var Nimrod valinn verðmætasti leikmaður sænsku úrvalsdeildarinnar. 2019-20 lék hann með öðrum leikmanni úr þjálfarateymi KR, Adama Darboe, er þeir urðu danskir meistarar með Bakken Bears. Eftir tímabil í þýsku Bundesligunni og efstu deild í Ungverjalandi ásamt stoppi á Kýpur hefur Nimrod ákveðið að halda ferlinum áfram í svörtu og hvítu.

Nim er afar reyndur og fjölhæfur leikmaður sem stjórn KKD ber miklar væntingar til það sem eftir lifir tímabilsins.

Áfram KR.

Jólaskemmtun Sunddeildar KR

gunnaregillb@gmail.com (Gunnar Egill Benonýsson) — Thu, 14 Dec 2023 21:14:50 GMT

Það var mikið fjör í Sundhöll Reykjavíkur í dag þegar árlega jólaskemmtun sunddeildar KR var haldin. Iðkenndur og þjálfarar stungu sér útí og margir af okkar allra yngstu iðkenndum tóku sitt fyrsta skref í djúpu lauginni og stóðu sig stórkostlega.

Einar Eyþórsson Íslandsmeistari

Tue, 12 Dec 2023 17:14:22 GMT

KR-ingurinn Einar Eyþórsson varð Íslandsmeistari í +90 kg flokki og einnig í opnum flokki.

Við óskum Einari til hamingju.

Jólabasar í KR

Tue, 12 Dec 2023 17:11:33 GMT

Miðvikudaginn 13. desember ætlum við að hafa jólabasar í KR. Fjölmörg fyrirtæki ætla að kynna og selja vörur sínar.

Dæmi um fyrirtæki sem koma eru:
- Urð https://urd.is/is/
- Hjörtur og Steinunn hjá Vúlkan verða með sósurnar sínar
- Erna Aðalsteins á Gullborg mætir með fallegu vettlingana sína
- Guðmundur í Jör https://www.facebook.com/jorstudios/?locale=is_IS
- Hannyrðir frá Þuríði
- ENDURTAKK endur gera föt úr gömlum fötum

Jólasveinar mæta og skemmta krökkunum og verða jafnvel með glaðning.

Einnig koma nemendur úr DoReMi og leika jólalög.

Aðgangur ókeypis - verið öll hjartanlega velkomin.

KR tapaði leikjum sínum í Europe Trophy keppninni

Mon, 11 Dec 2023 23:40:21 GMT

Lið KR tapaði öllum leikjum sínum í Europe Trophy keppninni, sem fram fór í Eskilstuna í Svíþjóð um helgina. Liðið mætti BH frá Hafnarfirði, Eskilstuna frá Svíþjóð, Pöytätennis Espoo frá Finnlandi og Rytas frá Litháen. Gestur Gunnarsson vann lotu gegn Rytas og Pétur Gunnarsson gegn Pöytätennis Espoo. Aðrir leikmenn liðsins voru Ellert Kristján Georgsson og Norbert Bedo.

KR leikur í Europe Trophy keppninni

Fri, 08 Dec 2023 23:03:31 GMT

KR leikur í Europe Trophy keppninni helgina 9.-10. desember. Liðið leikur í B-riðli keppninnar, sem fer fram í Eskilstuna í Svíþjóð. Auk KR og Eskilstuna, leika BH frá Hafnarfirði, Pöytätennis Espoo frá Finnlandi og Rytas frá Litháen í riðlinum. Sigurliðið fer áfram í 8 liða úrslitakeppni seinna í vetur.

Lið KR skipa Ellert Kristján Georgsson, Gestur Gunnarsson, Norbert Bedo og Pétur Gunnarsson.

Hér má sjá úrslit leikja: https://www.ettu.org/en/events/europe-trophy-men–amp–women/results/

Forsíðumynd frá vori 2022, þegar KR fagnaði Íslandsmeistaratitli.

Pálmi Rafn ráðinn yfirþjálfari yngri flokka KR

Tue, 05 Dec 2023 16:56:02 GMT

Pálmi Rafn Pálmason þjálfari m.fl. kvenna í knattspyrnu hefur verið ráðinn yfirþjálfari yngri flokka KR.

Megin áhersla yfirþjálfara er að hafa umsjón með falgegu starfi yngri flokka knattspynudeildar meðal annars með því að ráða og styðja við þjálfara yngri flokkanna, setja upp æfingatöflur, sjá um samskipti við KSÍ, stýra afreksstarfi deildarinnar og síðast en ekki síst vinna með og vera þátttakandi í barna- og unglingaráði.

Pálmi Rafn gengdi áður stöðu Íþróttastjóra KR og er verið að leggja lokahönd að finna arftaka hans í þá stöðu. Nánar um það von bráðar.

Guðbjörg og Helena sigruðu á Stóra Víkingsmótinu

Mon, 04 Dec 2023 21:38:15 GMT

Guðbjörg Vala Gunnarsdóttir sigraði í 1. flokki kvenna og Helena Árnadóttir í 2. flokki kvenna, á Stóra Víkingsmótinu, sem fór í TBR-húsinu 2. desember.

KR vann þrefalt í 1. flokki kvenna, þar sem Guðrún Gestsdóttir varð í 2. sæti og Anna Sigurbjörnsdóttir í 3. sæti. Anna varð svo í 2. sæti í meistaraflokki kvenna.

Guðbjörg varð líka í 2. sæti í 2. flokki karla.

Marta Stefánsdóttir varð í 2. sæti í 2. flokki kvenna.

HM í handbolta að hefjast - frítt að æfa handbolta

Mon, 04 Dec 2023 16:44:32 GMT

HM í handbolta kvenna hófst með leik Íslands og Slóveníu sl. fimmtudag.

Í tilefni af því að íslenska kvennalandsliðið keppur á HM þá býður KR og Grótta/KR öllum stelpum sem vilja koma og prófa handbolta frítt á æfingar á meðan mótið stendur yfir. Mótinu lýkur með úrslitaleik þann 17.desember.

Mótið er sýnt í beinni útsendingu á RÚV.

Æfingatöflu KR má finna hér: https://www.kr.is/handbolti

Frábæru þjálfararnir okkar taka vel á móti krökkunum.

Aldís Rún leikur á Finlandi Open

Sun, 03 Dec 2023 11:55:09 GMT

Aldís Rún Lárusdóttir er ein fimm leikmanna úr landsliðshópnum, sem leikur á Finlandia Open mótinu, sem fram fer í Helsinki 30. nóvember til 3. desember.

Aldís lauk keppni í 22. sæti í einliðaleik kvenna.

Guðbjörg Vala sigraði í flokki stelpna og stráka yngri en 16 ára

Mon, 27 Nov 2023 19:24:20 GMT

Margir KR-ingar á verðlaunpalli

Guðbjörg Vala Gunnarsdóttir sigraði í flokki stelpna og stráka undir 16 ára á KR Open, sem fram fór í Íþróttahúsi Hagaskóla 25.-26. nóvember.

Fjölmargir aðrir KR-ingar fengu verðlaun á mótinu. Aldís Rún Lárusdóttir varð í 2. sæti í meistaraflokki kvenna Elite, Pétur Gunnarsson í 2. sæti í Opnum flokki karla A og Lúkas André Ólason í 2. sæti í Opnum flokki karla C.

Leikmenn gátu mest keppt í þremur flokkum og unnu systkinin Guðbjörg Vala og Pétur til verðlauna í öllum flokkum sem þau tóku átt í.

Verðlaunahafar :

Meistaraflokkur karla elite

Magnús Gauti Úlfarsson, BH
Óskar Agnarsson, HK

3.-4. Norbert Bedo, KR
3.-4. Pétur Gunnarsson, KR

Meistaraflokkur kvenna elite

Sól Kristínardóttir Mixa, BH
Aldís Rún Lárusdóttir, KR
Helena Árnadóttir, KR
Guðbjörg Vala Gunnarsdóttir, KR

Opinn flokkur A (undir 2500 stigum)

Magnús Gauti Úlfarsson, BH
Pétur Gunnarsson, KR

3.-4. Eiríkur Logi Gunnarsson, KR
3.-4. Ellert Kristján Georgsson, KR

Opinn flokkur B (undir 2000 stigum)

Óskar Agnarsson, HK
Alexander Chavdarov Ivanov, BH

3.-4. Eiríkur Logi Gunnarsson, KR
3.-4. Ísak Indriði Unnarsson, Víkingi

Opinn flokkur C (undir 1500 stigum)

Kristján Ágúst Ármann, BH
Lúkas André Ólason, KR

3.-4. Guðbjörg Vala Gunnarsdóttir, KR
3.-4. Piotr Herman, BR

Stelpur og strákar yngri en 16 ára

Guðbjörg Vala Gunnarsdóttir, KR
Snorri Rafn William Davíðsson, BR

3.-4. Helena Árnadóttir, KR
3.-4. Hergill Frosti Friðrikss on, BH

Strákar og stelpur undir 14 ára

Kristján Ágúst Ármann, BH
Dawid May-Majewski, BR

3.-4. Aleksander Patryk Jurczak, BR
3.-4. Lúkas André Ólason, KR

Stelpur og strákar yngri en 11 ára

Benedikt Darri Malmquist, HK
Brynjar Gylfi Malmquist, HK
Kári Kristinn Úlfarsson, HK

Karlar og konur 40 ára og eldri

Michal May-Majewski, BR
Piotr Herman, BR
Ladislav Haluska, Víkingi
Michal Sobczynski, BM

Opinn byrjendaflokkur

Brynjar Gylfi Malmquist, HK
Stefán Logi Svansson, HK

3.-4. Jóhann Ingi Benediktsson, KR
3.-4. Kormákur Garðar Atlason, HK

Flokkur öfugrar handar

Magnús Gauti Úlfarsson, BH
Birgir Ívarsson, BH

3.-4. Björgvin Ingi Ólafsson, HK
3.-4. Pétur Gunnarsson, KR

Myndir af öllum verðlaunahöfum má sjá á vef BTÍ, www.bordtennis.is.

Leikskólahópur 2018-2019

Mon, 27 Nov 2023 16:53:21 GMT

Í janúar ætlum við að bjóða upp á körfuboltaæfingar fyrir hressa leikskólakrakka fædd 2018-2019.

Æfingarnar verða á laugardögum frá kl. 08:45-09:30.

Tímabilið er 20. janúar til 23. mars, samtals 10 skipti.

Þjálfari verður Gunnhildur Bára Atladóttir.

Skráning er hafin á Sportabler .

Verð: 20.000 kr.

KR Swimming School

gunnaregillb@gmail.com (Gunnar Egill Benonýsson) — Mon, 27 Nov 2023 08:45:00 GMT

KR Swimming school is open for registration for the spring semester!!!

Classes start on January 8th

The school is for 4-7 year old children. The lessons take place indoors in Sundhöllinn, In the swim school the basic movements of swimming are taught and various exercises are introduced to get the kids used to water, regular exercise, good swimming strokes, games and more!!!

Registration: https://www.sportabler.com/shop/kr/sund

Sundskóli KR

gunnaregillb@gmail.com (Gunnar Egill Benonýsson) — Mon, 27 Nov 2023 08:30:02 GMT

Það er búið að opna fyrir skráningar í sundskóla KR fyrir vorönnina!!!

Kennsla hefst mánudaginn 8 janúar

Skólinn er fyrir 4-7 ára börn. Kennslan fer fram innanhúss í Sundhöllinni , Í þessum hópum eru grunnhreyfingar sundsins kenndar og ýmsar æfingar kynntar til þess að venja krakkana við vatn, reglulega hreyfingu, góð sundtök, leiki og fleira!!!

Skráning fer fram á https://www.sportabler.com/shop/kr/sund

Aðventumót Fjölnis

gunnaregillb@gmail.com (Gunnar Egill Benonýsson) — Mon, 27 Nov 2023 08:00:00 GMT

Kátir KR-ingar stóðu sig með prýði á aðventumóti Fjölnis um helgina, Miklar bætingar og mikið fjör

Áfram KR!!!

KR Open í Íþróttahúsi Hagaskóla 25.-26 nóvember

Fri, 24 Nov 2023 18:11:24 GMT

Borðtennisdeild KR heldur KR Open í fyrsta skipti 25.-26. nóvember í Íþróttahúsi Hagaskóla. Keppni hefst kl. 14 á laugardeginum en kl. 10 á sunnudeginum. Þann dag verður leikið í tveimur blokkum og hefst seinni blokkin kl. 14.

Bæði er keppt í styrkleikaflokkum fullorðinna og í aldursflokkum unglinga, sem og í byrjendaflokki.

KR Konur 50 ára

Wed, 22 Nov 2023 23:24:13 GMT

Þann 28. nóvember nk. eru 50 ár frá stofnun KR Kvenna.

Af því tilefni verður opið hús í Félagsheimili KR milli kl. 20-22 þann sama dag.

Léttar veitingar í boði, söngur og samvera.

Hlökkum til að sjá ykkur sem flest.

Leikur, uppistand og almenn gleði

Wed, 22 Nov 2023 22:55:42 GMT

Laugardaginn 25. nóvember mætir m.fl. kvenna Hamar/Þór kl. 18.

Beint eftir leik verður uppistand og almenn gleði í Félagsheimilinu.

Frítt inn á uppistandið og veitingasala á meðan stemning leyfir.

Vonumst til að sjá ykkur sem flest

JólaHerrakvöld KR

Sat, 18 Nov 2023 11:17:10 GMT

Knattspyrnudeild KR verður með Jóla Herrakvöld þann 1. desember nk.

Glæsilegur smurbrauðskvöldverður ásamt skemmtiatriði og happdrætti.

Veislustjóri kvöldsins verður enginn annar en einn af vallarþulum sumarsins, Hilmar Guðjónsson leikari.

Ræðumaður kvöldsins verður Guðmundur Pétursson sem nýverið gaf út bókina, Öll nema fjórtán, sögur úr vesturbænum og víðar.

JólaHerrakvöld

1 des kl. 19:00

BakaBaka (gamla Kornhlaðan Lækjarbrekku)

Vonandi sjáum við ykkur sem flesta !

Leikið í deildakeppninni í Íþróttahúsi Hagaskóla 18.-19. nóvember

Sat, 18 Nov 2023 09:56:38 GMT

2. deild leikur í Íþróttahúsi Snælandsskóla

5. og 6. umferð í deildakeppni karla fara fram 18.-19. nóvember. 1. deild leikur í Íþróttahúsi Hagaskóla 18. nóvember og hefst keppni kl. 14. KR á tvö lið af sex í deildinni og mætir A-liðið A-liði BH kl. 14, en liðin léku til úrslita í deildinni í fyrra.

C-lið KR leikur í 2. deild, en hún spilar í Íþróttahúsi Snælandsskóla í Kópavogi þann 18. nóvember og hefst keppni kl 9.

3. deild spilar í Íþróttahúsi Hagaskóla 19. nóvember og hefst keppni kl. 10. KR á fjögur lið í deildinni.

Aðgangur er ókeypis.

Forsíðumynd af Skúla Gunnarssyni tekin af Finni Hrafni Jónssyni.

Ásta Jónsdóttir 80 ára

Wed, 15 Nov 2023 15:05:15 GMT

Ættmóðir einnar þekktustu KR-fjölskyldunnar, Ásta Jónsdóttir er 80 ára í dag.

Ásta hóf afskipti sín af KR í gegnum KR Konur, rétt fyrir 1980, en fór svo að vinna að ýmsum öðrum verkefnum. Þekktust var hún sem liðsstjóri, fyrst í yngri flokkunum en síðan í meistaraflokki í knattspyrnu, og um langt árabil.

Ásta var sæmd Stjörnu KR á aðalfundi félagsins 2023.

KR óskar Ástu til hamingju með afmælið.

KR á þrjár stelpur í lokahóp U15

Wed, 15 Nov 2023 14:54:53 GMT

Magnús Örn Helgason landsliðsþjálfari U15 kvenna hefur valið Kamillu Diljá, Matthildi Eygló og Rakel Grétars í lokahóp sem tekur þátt í UEFA-Development móti sem fram fer í Lissabon dagana 17.-23. nóvember.

Til hamingju stelpur, þið eruð vel að þessu komnar. Gangi ykkur sem allra best og munið að njóta!

KR á fjóra stráka í U19

Mon, 13 Nov 2023 10:40:05 GMT

Benóný Breki, Jóhannes Kristinn, Lúkas Magni og Rúrik Gunnars eru á leið til Frakklands fyrir Íslandshönd í leiki í undanriðli EM.

Leikirnir fara fram í Frakklandi dagana 13.-22. nóvember.

Gangi ykkur vel strákar - þið eruð félaginu til sóma

C-lið KR sigraði í 2. deild kvenna

Sun, 12 Nov 2023 12:54:42 GMT

A-lið KR varð í 3. sæti í 1. deild

C-lið KR sigraði í 2. deild kvenna, en leikið var í kvennadeildunum í Íþróttahúsinu við Strandgötu í Hafnarfirði 11. nóvember. Liðið skipuðu Guðbjörg Vala Gunnarsdóttir, Helena Árnadóttir, Marta Dögg Stefánsdóttir, Natália Marchíniková og Þórunn Erla Gunnarsdóttir.

A-lið KR varð í 3. sæti í 1. deild kvenna eftir töp gegn BH og Víkingi. Liðið kemst því ekki úrslitaleikinn um Íslandsmeistaratitilinn í fyrsta skipti í áraraðir, en þar mætast BH og Víkingur. KR-konan Kristín Ingibjörg Magnúsdóttir, sem er í láni hjá BH, varð deildarmeistari með liðinu.

B-lið KR varð í 4. sæti í 1. deildinni.

Við hugsum til Grindvíkinga

Sat, 11 Nov 2023 17:15:47 GMT

KR býður öllum iðkendum Grindavíkur endurgjaldslaust á æfingar hjá öllum deildum félagsins.

Æfingatöflur má finna á heimasíðu KR undir hverri deild fyrir sig.

Hugur okkar er hjá Grindvíkingum á þessum óvissutímum. Við sendum ykkur öllum okkar bestu strauma og baráttukveðjur.

KR-ingar á verðlaunapalli á stórmóti HK

Tue, 07 Nov 2023 00:01:47 GMT

Aldís Rún varð í 2. sæti í kvennaflokki

Fimm KR-ingar voru á verðlaunapalli á stórmóti HK, sem fram fór laugardaginn 4. nóvember. Aldís Rún Lárusdóttir varð í 2. sæti í kvennaflokki, en hún tapaði fyrir Nevenu Tasic, Víkingi, sem sigraði. Guðbjörg Vala Gunnarsdóttir varð þriðja og Anna Sigurbjörnsdóttir fjóra.

Í karlaflokki höfnuðu Ellert Kristján Georgsson (vantar á myndina) og Pétur Gunnarsson í 3.-4. sæti.

Skriðsundnámskeið í Vesturbæjarlaug

gunnaregillb@gmail.com (Gunnar Egill Benonýsson) — Mon, 06 Nov 2023 12:34:09 GMT

Það er kominn tími á annað skriðsundnámskeið hjá Sunddeild KR. Næsta námskeið hefst 13 nóvember og er kennt í 8 skipti. Mánudaga og miðvikudaga 19:30 – 20:10. Námskeiðið fer fram í Vesturbæjarlaug. Seinasta námskeið fylltist þannig að áhugasamir ættu að bregðast skjótt við.

Skráning fer fram á : https://www.sportabler.com/shop/kr/sund

Syndum saman

gunnaregillb@gmail.com (Gunnar Egill Benonýsson) — Mon, 06 Nov 2023 12:23:59 GMT

Sunddeild KR hvetur alla til að taka þátt í „Syndum“ saman til Parísar. Nýtum tækifærið, lærum ný sundtök, styrkjum heilsuna, lengjum vöðva og upplifum vatn og samveru í öllum sundlaugum landsins. Landsmenn allir, nýtið tímann og takið þátt í „Syndum“ og skráið vegalengd dagsins inn á www.syndum.is

Aldarafmæli Gunnars Huseby

Sat, 04 Nov 2023 13:41:08 GMT

Laugardaginn 4. nóv. er aldarafmæli einhvers fræknasta íþróttamanns sem við Íslandingar höfum alið, KR-ingsins Gunnars A. Huseby.

Gunnar var fyrsti Íslendingurinn til að verða Evrópumeistari í frjálsum íþróttum, með sigri sínun í kúluvarpi á EM í Osló árið 1946. Þar kastaði hann kúlunni 15,56 m, eða 30 cm lengra en næsti maður. Á Evrópumótinu í Brussel 1950, bætti hann um betur er hann varði titil sinn með glæsibrag með 16,74 m kasti, sem var nýtt Evrópumet og nær 1½ m lengra en næsti maður kastaði. Var þetta lengsta kast Gunnars á ferlinum. Á sama móti varð félagi hans Torfi Bryngeirsson Evrópumeistari í langstökki með stökki upp á 7,32 m. Þetta eru enn einu Evrópumeistaratitlar íslendinga í frjálsum íþróttum utanhúss. Gunnar og Torfi voru valdir inn í heiðurshöll ÍSÍ árið 2015.

Gunnar átti löngum við áfengisvandamál að stríða sem sem olli því að hann komst ekki til keppni á Ólympíuleikum. Um síðir tókst honum þó að vinna bug á fíkn sinni, og var eftir það dugmikill leiðbeinandi í AA-samtöknum. Gunnar lést þann 28. maí 1995.

Vinavikur handboltans

Sat, 04 Nov 2023 13:21:33 GMT

Handboltadeild KR er með vinavikur frá 6.-19. nóvember nk.

Á vinavikum hvetjum við alla sem æfa handbolta í KR að bjóða vinum eða vinkonum að koma með sér á æfingar án endurgjalds.

Kristinn Jónsson heldur á ný mið

Fri, 03 Nov 2023 10:41:28 GMT

Kristinn Jónsson ætlar að halda á önnur mið og verður ekki með KR á næsta tímabili.
Kiddi kom til KR frá Breiðablik 2017 og hefur verið lykilmaður í liði KR undanfarin ár.

Við þökkum Kidda fyrir hans framlag til félagsins og óskum honum velfarnarðar í framtíðinni.

100 ára afmæli og stjörnuljósa sund KR 28 desember

gunnaregillb@gmail.com (Gunnar Egill Benonýsson) — Wed, 01 Nov 2023 21:11:49 GMT

Fimmtudaginn 28 desember ætlar sunddeild KR að fagna 100 ára afmæli með stjörnuljósa sundi í vesturbæjarlaug. Við bjóðum öllum KR - -ingum að koma og taka þátt í gleðinni með okkur. Stefnt er að því að setja nýtt met í fjölda sundlaugargesta í heita pottinum.
Sunddeild KR mun líka bjóða uppá veitingasölu og kynningu á starfi deildarinnar.

Byrjendanámskeið í borðtennis fyrir fullorðna

Tue, 31 Oct 2023 22:42:45 GMT

Fjögur skipti í nóvember

Borðtennisdeild KR býður upp á byrjendanámskeið í borðtennis fyrir fullorðna. Kennt verður fjóra sunnudaga í nóvember í Íþróttahúsi Hagaskóla. Þjálfari er Pétur Gunnarsson, yfirþjálfari deildarinnar og kostar námskeiðið kr. 9.900.

Skráning fer fram í gegnum Sportabler, Byrjendanámskeið fyrir fullorðna | KR Borðtennis | SHOP | Sportabler .

Kennie yfirgefur KR

Tue, 31 Oct 2023 16:03:48 GMT

Kennie Chopart hefur yfirgefið KR og mun því ekki spila með KR á næsta tímabili.

Kennie kom til KR frá Fjölni 2016 og var fyrirliði liðsins á nýafstaðinni leiktíð.

Við þökkum Kennie fyrir hans framlag til félagsins og óskum honum velfarnaðar í framtíðinni.

Tómas sigraði á aldursflokkamóti Dímonar

Mon, 30 Oct 2023 19:51:24 GMT

Sex af sjö leikmönnum KR á palli

Tómas Holloway sigraði í flokki sveina 14-15 ára á aldursflokkamóti Dímonar, sem fram fór fyrsta vetrardag, 28. október, í Íþróttamiðstöðinni á Hvolsvelli. KR átti alla leikmennina á palli í þessum flokki. Guðbjörg Vala Gunnarsdóttir varð í 2. sæti og Helena Árnadóttir og Viktor Daníel Pulgar urðu í 3.-4. sæti. Þær Guðbjörg og Helena ákváðu að keppa frekar við strákana heldur en við stelpurnar.

Marta Stefánsdóttir varð í 2. sæti í flokki meyja 14-15 ára og Þórunn Erla Gunnarsdóttir varð í 3. sæti.

Myndir frá Pétri Gunnarssyni.

Lúkas André Ólason keppti í Riga

Mon, 30 Oct 2023 19:40:28 GMT

Einn þriggja ungra landsliðsmanna

Lúkas André Ólason var einn þriggja ungra leikmanna úr unglingalandsliðshópnum, sem lék á Riga City Council Cup helgina 27.-29. október. Mattia Contu unglingalandsliðsþjálfari var í Riga með drengjunum auk foreldra.

Lúkas keppti í flokki 13 ára og yngri og varð í 16. sæti af 36 keppendum. Hann keppti líka upp fyrir sig í flokki 15 ára og yngri og varð í 51. sæti af 61 keppanda. Alls vann Lúkas 5 leiki á mótinu. Forsíðumynd af fésbókarsíðu BTÍ.

Lið KR við toppinn í A- og B-riðli 3. deildar

Sat, 28 Oct 2023 23:21:58 GMT

KR er með fjögur lið í 3. deild

D-lið KR er í 2. sæti A-riðils 3. deildar með 6 stig eftir fjórar umferðir. Liðið, sem er eingöngu skipað konum, vann F-lið KR 6-2, B-lið BR 6-0, Garp 6-2 en tapaði 1-6 fyrir C-liði BH, sem er eina taplausa liðið í deildinni.

F-lið KR leikur einnig í A-riðli. Liðið, sem er að mestu skipað ungum stúlkum, hefur ekki fengið stig þar sem af er keppni, tapaði naumlega 4-6 fyrir liði ÍFR, 1-6 fyrir Garpi og 1-6 fyrir BH-C.

E- og G-lið KR leika í B-riðli deildarinnar. G-liðið er eitt þriggja liða á toppi riðilsins með 6 stig. Liðið er skipað ungum drengjum, og vann KR-E 6-1, en E-liðið skipta leikmenn úr öðlingahópi deildarinnar. G-liðið gerði 5-5 jafntefli við BM og C-lið BR en vann Víking-D 6-0.

KR-E hefur 3 stig í 4. sæti B-riðils, vann HK-C 6-3, gerði jafntefli við Víking-D en tapaði 1-6 fyrir BR-C.

KR-C er í 4. sæti í 2. deild eftir fjórar umferðir

Sat, 28 Oct 2023 22:47:35 GMT

Liðið vann sig upp úr 3. deild í vor

C-lið KR er í 4. sæti af 6 liðum í 2. deild, að loknum fjórum umferðum. Liðið er með 2 stig eftir 6-1 sigur gegn C-liði Víkings, en tapaði 1-6 fyrir B-liði Víkings, A-liði BR og 3-6 fyrir B-liði HK.

Gregg Ryder tekur við KR

Sat, 28 Oct 2023 10:36:43 GMT

Gregg Ryder hefur verið ráðinn þjálfari meistaraflokks karla í knattspyrnu.

Gregg hefur þjálfað Þrótt Reykjavík og Þór Akureyri og þar á undan aðstoðarþjálfari ÍBV. Nú síðast var hann að þjálfa 19 ára lið Köge í Danmörku.

Við í KR erum mjög ánægð með að hafa náð samningi við Gregg til næstu þriggja ára. Gregg tekur formlega við liðinu þegar hann kemur til landsins í janúar eftir að tímabilinu lýkur í Danmörku.

Knattspyrnudeild KR boðar til blaðamannafundar

Sat, 28 Oct 2023 09:39:46 GMT

Stjórn Knattspyrnudeildar KR boðar til blaðamannafundar í Félagsheimili KR í dag kl. 16:00.

Blaðamannafundurinn er opinn fyrir stuðningsmenn félagsins.

Allir sem einn - Áfram KR !

Nýjar fréttir af framkvæmdum

Thu, 26 Oct 2023 13:25:11 GMT

Á fundi sameiginlegrar byggningarnefndar KR og Reykjavíkurborgar síðastliðinn þriðjudag var tekið stórt skref í uppbyggingu fjölnota íþróttahús á KR svæðinu. Borgin hefur nú samþykkt að hefja forval þar sem kallað er eftir aðkomu verktaka að framkvæmdum við húsið.

Forvalið fer fram í nóvember og að því loknu fá 4-5 verktakar afhent útboðsgögn er grundvallar tilboð þeirra í verkið. Mun þá byggingarnefnd yfirfara tilboð og að óbreyttu taka hagstæðasta tilboði.

Verkið verður eins og áður hefur komið fram unnið í svokölluðu alútboði þar sem lokahönnun og framkvæmd er á hendi sama aðila. Hér er um stórt skref að ræða og ljóst að það styttist í að framkvæmdir hefjist á svæðinu.

Körfuboltabúðir í vetrarfríinu

Thu, 26 Oct 2023 10:14:33 GMT

Körfuboltabúðir í KR-heimilinu verða haldnar í vetrarfríi grunnskólanna dagana 26., 27. og 30. október nk.
Búðirnar eru fyrir metnaðarfulla krakka fædd 2008-2015 og standa yfir frá klukkan 09:00-12:00. Gunnar Ingi Harðarson mun hafa yfirumsjón með búðunum en ásamt honum munu þjálfarar og leikmenn KR sjá um þjálfun.
Búðirnar verða tvískiptar en fyrir nestispásu verða stöðvar og eftir pásuna verður spilað. Krakkarnir eru því hvattir til þess að taka með sér hollt og gott nesti.

Vetrarfríið er frábært tækifæri til að æfa sig aukalega og verða enn betri leikmaður.

Skráning á Sportabler.

Fyrir frekari upplýsingar sendið póst á gihardarson@gmail.com

Fótboltaskóli í vetrarfríinu

Thu, 26 Oct 2023 10:05:03 GMT

Í vetrarfríinu er fótboltaskóli í KR fyrir börn fædd 2012-2017.

9:00-12:00 Fótboltaskóli

12:00-15:00 Gæsla með hádegisverði

Skólastjóri er Hjörvar Ólafsson, þjálfari

Skráning er á Sportabler

A-lið KR er ósigrað í 1. deild karla

Wed, 25 Oct 2023 21:51:58 GMT

Fjórar umferðir hafa verið leiknar í deildinni

A-lið KR er efst í 1. deild karla eftir fjórar umferðir. Liðið vann B-lið KR 6-0 og A-lið Víkings 6-4 þann 30. september. Þann 21. október vann liðið BH-B 6-1 og HK-A 6-2.

B-lið KR hefur eitt stig eftir jafntefli við B-lið BH en hefur tapað hinum þremur leikjum sínum.

Gullmót KR 2024

gunnaregillb@gmail.com (Gunnar Egill Benonýsson) — Tue, 24 Oct 2023 15:42:35 GMT

Undirbúningur er hafinn fyrir Gullmót KR 2024, mótið verður 9 til11 febrúar í Laugardalslaug. Undanfarin ár hefur Gullmótið verið fjölmennasta sundmót ársins og stefnir í enþá glæsilegra mót árið 2024. Við eigum von á keppendum frá Danmörk þar sem Poseidon Svømmeklub í Skive ætla að taka þátt á mótinu.

KR Superchallenge verður á sínum stað einsog alltaf en það er útsláttarkeppni í 50m flugsundi. Þar sem undanrásir eru syntar á föstudeiginum en útsláttarkeppnin sjálf fer fram á laugardagskvöldið með tilheyrandi ljósasýningu og látum.

Sunddeild KR keppti á Cube móti SH

gunnaregillb@gmail.com (Gunnar Egill Benonýsson) — Mon, 23 Oct 2023 16:29:01 GMT

Hörð keppni í Hafnafirði

Sunddeild KR keppti á Cube móti SH í ásvallalaug um helgina. Frábært mót með miklum bætingum og mörgum persónulegum sigrum. Þjálfararnir gífurlega ánægðir með sundfólkið okkar.

Áfram KR!!!

Sundskóli KR

gunnaregillb@gmail.com (Gunnar Egill Benonýsson) — Mon, 23 Oct 2023 16:15:15 GMT

Í sundskóla KR leggjum við áherslu á að börn læri bæði að synda og hafa gaman í lauginni. Í gær fékk elsti hópurinn í sundskólanum að skemmta sér á stökkbrettinu í sundhöllinni í lok tímans.

Það er enn hægt að skrá sig í Sundskólann!

Hópefli

gunnaregillb@gmail.com (Gunnar Egill Benonýsson) — Mon, 23 Oct 2023 16:15:14 GMT

A hópur fór í laser tag

Það er mikilvægt í íþróttastarfi að hlúa líka að félagslegu hliðunum og breyta aðeins um umhverfi.

A hópur Sunddeildar KR skellti sér í laser tag í dag og skemmtu sér allir konunglega.

Krakkarnir áttu þetta vel skilið eftir harðar æfingar seinustu vikur

Áfram KR!!!

Kynning á starfi Sunddeildarinnar

gunnaregillb@gmail.com (Gunnar Egill Benonýsson) — Mon, 23 Oct 2023 16:15:11 GMT

Krakkarnir í A hóp á fullu að kynna vetrarstarfið hjá Sunddeild KR í andyri Frostaskjóls! Rosa stuð og allir spenntir fyrir vetrinum

Sunddeild KR keppti á Ægismóti laugardal

gunnaregillb@gmail.com (Gunnar Egill Benonýsson) — Mon, 23 Oct 2023 16:15:09 GMT

A-hópur Sunddeildar KR tók þátt á Arena móti Ægis í laugardalnum um helgina. Flottar bætingar og margir að taka stórt skref með því að synda 400 metra fjórsund og 200 metra flugsund í fyrsta skipti.

Áfram KR!!!

Fyrsta mót tímabilsins

gunnaregillb@gmail.com (Gunnar Egill Benonýsson) — Mon, 23 Oct 2023 16:15:05 GMT

Flottur hópur KR inga tók þátt á fyrsta sundmóti tímabilsins. Mikil gleði og flottar bætingar. Spennandi tímabil framundan hjá okkur. Áfram KR!!!!

Stelpurnar í 7.flokki KR á Cheerios móti Aftureldingar

Fri, 20 Oct 2023 18:13:33 GMT

Þetta var fyrsta mót vetrarins hjá flokknum og stelpurnar spenntar að byrja loksins að keppa.

Stelpurnar mættu með eitt lið til leiks og spiluðu fjóra leiki. Mótið gekk mjög vel, stelpurnar sýndu hvað þær gátu og nokkrar nýjar fengu að spreyta sig á móti í fyrsta skipti.

Þjálfari 7.flokks kvenna er Katrín Scheving.

Æfingar flokksins eru á mánudögum og miðvikudögum kl. 15:00-16:00 í íþróttahúsi Hagaskóla.

Allar eru velkomnar að koma og prófa.

7.flokkur á fyrsta móti vetrarins

Fri, 20 Oct 2023 12:19:38 GMT

Helgina 13.-15. október fóru strákarnir á yngra ári í 7.flokki á fyrsta mót vetrarins. Við tefldum fram einu liði og spiluðu strákarnir fjóra leiki. Þeir stóðu sig frábærlega og fer þetta allt beint í reynslubankann. Næsta mót strákanna er 3.- 5. nóvember í umsjón nágranna okkar í Gróttu.

Samlokukort í KR

Thu, 19 Oct 2023 12:09:36 GMT

Nú er hægt að kaupa samlokukort á Sportabler. Samlokukortin er geymd í afgreiðslu KR á nafni barnsins.

Hvert samlokukort er með 10 samlokum.

Hægt er að kaupa samlokukortin hér

Andlát: Victor Knútur Björnsson

Thu, 19 Oct 2023 11:43:32 GMT

Victor Knútur var fæddur 18.09.1946, hann lést 07.10.2023.

Victor ólst upp í Vesturbænum fyrst á Hjarðarhaga og síðar á Hagamel. Gekk ungur í KR , æfði knattspyrnu með félaginu og lék með öllum yngri flokkunum og upp í meistaraflokk. Victor var í sterkum árgangi sem var mjög sigursæll m.a. Íslandsmeistari í 2. flokki 1963.

Eftir að Victor hætti knattspyrnuiðkun sneri hann sér að félagsmálunum og sat um skeið í stjórn knattspyrnudeildar.

Árið 1989 tók hann við sem gjaldkeri aðalstjórnar og var í því embætti til ársins 1995.

Eftirlifandi eiginkona Victors er Kristín Kristinsdóttir og eignuðust þau fjóra syni sem allir æfðu og kepptu með KR.

Victor var alla tíð mikill KR ingur og lagði félaginu lið á ýmsum sviðum allt til síðasta dags.

KR ingar kveðja Victor með virðingu og þakklæti og eru aðstendum sendar innilega samúðarkveðjur.

Vel heppnað Alvotech og KR mót á Meistararvöllum

siggao@gmail.com (Sigríður Ólafsdóttir) — Tue, 17 Oct 2023 13:32:33 GMT

Um síðastliðna helgina öttu tæplega 150 lið kappi í tæplega 300 leikjum á Meistaravöllum á hinu árlega Alvotech móti. Mótið er minniboltamót fyrir 6 til 9 ára börn og voru mörg þeirra að taka þátt í sínu fyrsta móti. Mikil leikgleði, frábærir taktar leikmanna og barátta einkenndi spilamennsku liðanna. Og allir á hliðarlínunni voru til fyrirmyndar.

Barna- og unglingaráð KR þakkar styrktaraðila mótsins Alvotech og sjálfboðaliðum helgarinnar fyrir þeirra ómetanlega framlag.
KR þakkar jafnramt liðunum, leikmönnum þeirra, þjálfurum, foreldrum og fjölskyldum kærlega fyrir komuna og við vonumst til að sjá sem flesta á næsta ári á Meistaravöllum.

Theodór Elmar skrifar undir nýjan samning

Sat, 14 Oct 2023 09:55:52 GMT

Gleðifréttir frá Meistaravöllum. Theodór Elmar Bjarnason hefur skrifað undir nýjan tveggja ára samning við KR, út keppnistímabilið 2025.

Emma þarf vart að kynna fyrir KR-ingum, enda uppalinn í KR treyjunni og erum við gríðarlega ánægð með að Emmi klári ferilinn á Meistaravöllum.

Við óskum Emma til hamingju með nýja samninginn.

KR óskar eftir þjálfara

Thu, 12 Oct 2023 15:57:28 GMT

Knattspyrnudeild KR auglýsir eftir þjálfara fyrir 5.fl. kvenna í knattspyrnu.

Viðkomandi þarf að hafa góða samskiptahæfileika og KSÍ/B þjálfaragráðu.

Áhugasamir sendi umsókn ásamt ferilskrá á framkvæmdastjóra KR, Bjarna Guðjónsson, bg@kr.is

Guðjón Örn nýr styrktarþjálfari KR

Thu, 12 Oct 2023 12:16:38 GMT

Knattspyrnudeild KR hefur ráðið Guðjón Örn Ingólfsson sem styrktarþjálfara meistaraflokka félagsins.

Guðjón kemur frá Víking þar sem hann hefur verið styrktarþjálfari sl. fimm tímabil.

Guðjón mun sinna styrktarþjálfun fyrir meistaraflokk karla og kvenna næstu þrjú árin.

Við bjóðum Guðjón Örn velkominn til KR!

Lokahóf Knattspyrnudeildar 2023

Tue, 10 Oct 2023 12:29:16 GMT

Á lokahófi KR sem fram fór um helgina voru veitt verðlaun fyrir besta og efnilegasta leikmann í m.fl. karla og m.fl. kvenna. Það voru leikmenn og þjálfarar beggja liða sem kusu. Þetta var ekki flókið að þessu sinni.

Efnilegasti leikmaður m.fl. kvenna 2023: Íris Grétarsdóttir ´07

Efnilegasti leikmaður m.fl. karla 2023: Benóný Breki Andrésson ´05

Besti leikmaður m.fl. kvenna 2023: Íris Grétarsdóttir

Besti leikmaður m.fl. karla 2023: Benóný Breki Andrésson

Til hamingju með árangurinn Benóný og Íris, þið eruð vel að þessu komin og búin að standa ykkur frábærlega í sumar.

Í gær kvöddum við Bjarna Fel.

Thu, 05 Oct 2023 14:40:42 GMT

Í gær kvöddum við góðan vin og KR-ing, Bjarna Felixson. Meistaraflokkar KR í knattspyrnu, bæði karla og kvenna, stóðu heiðursvörð þegar kista Bjarna Felixsonar var borin úr kirkjunni. Magnús Ingimundarson, stjórnarmaður Knattspyrnufélags Reykjavíkur skrifaði minningarorð fyrir hönd félagsins. Minningarorðin má lesa hér að neðan.

Í dag kveðja KR-ingar og Vesturbæingar auk annarra Bjarna Felixson. Bjarni ólst upp á Bræðraborgarstígnum svo leiðin í KR var bein í orðsins fyllstu merkingu; niður Bræðraborgarstíginn og Kaplaskjólsveginn að KR. Bjarni lék og æfði knattspyrnu með yngri flokkum KR ásamt bræðrum sínum, Herði og Gunnari, og lék sinn fyrsta meistaraflokksleik 1956, þá tvítugur að aldri. Hann lék 225 leiki fyrir KR á tímabilinu 1956-1967 og þá yfirleitt í stöðu vinstri bakvarðar. Bjarni var lítríkur og skemmtilegur leikmaður með mikið keppnisskap. Hann var fljótur, ákveðinn og fastur fyrir, ef á þurfti að halda, og gaf sig aldrei. Á þessu Gullaldartímabili KR varð Bjarni fjórum sinnum Íslandsmeistari og bikarmeistari sjö sinnum, sem er líklega met, sem hann deilir með vini sínum Ellert B. Schram.

Bjarni var í liði KR er leikið var gegn Liverpool 1964, en það voru fyrstu Evrópuleikir, sem íslenskt félagslið tók þátt í. Bræðurnir þrír, Bjarni, Hörður og Gunnar, léku fjölda leikja fyrir KR og léku saman landsleik gegn Bretum 1963, en sennilega eru þeir einu þrír bræðurnir í knattspyrnuheiminum sem hafa verið saman í landsliði.

Eftir að keppnisferlinum lauk hélt Bjarni áfram að starfa fyrir félagið sitt. Hann þjálfaði yngri flokka, sat í stjórn knattspyrnudeildar og var formaður hennar árin 1975-1976. Hann sat í stjórn KSÍ 1973 og 1974 og gegndi starfi ritara.

Bjarni fékk snemma áhuga á ensku knattspyrnunni og ungir Vesturbæingar smituðust af eldmóði hans. Þeir máttu gjarnan heimsækja hann á Birkimelinn á laugardögum, fylgjast með lýsingum í breska útvarpinu og forvitnast um úrslitin í enska boltanum. Áhugi Bjarna á ensku knattspyrnunni og íþróttum almennt varð til þess að Bjarni varð með tímanum ástsælasti íþróttafréttamaður landsins.

Að leiðarlokum viljum við KR-ingar þakka Bjarna fyrir samfylgdina, vináttuna og tryggðina við félagið og félagana. Það er eitt sæti autt í laugardagskaffinu vestur í KR-heimili en minningarnar um góðan dreng lifa.

KR-ingar senda fjölskyldu, vinum og ættingjum Bjarna innilegar samúðarkveðjur.

F.h. Knattspyrnufélags Reykjavíkur, Magnús Ingimundarson

Í minningu Bjarna Felixsonar mun Framtíðarsjóður KR útbúa sérstakt minningarskjal um Bjarna Fel sem sent verður til aðstandenda. Þeir sem vilja minnast hans gera það með framlagi í sjóðinn, reikn 133-15-4877, kt. 700169-3919, merkt BFel.

Viktor Bjarki hættir sem yfirþjálfari yngri flokka

Mon, 02 Oct 2023 17:06:45 GMT

Viktor Bjarki, yfirþjálfari yngri flokka í knattspyrnudeild KR hefur látið af störfum og hefur hafið störf hjá Víking, Reykjavík.

Við þökkum Viktori Bjarka fyrir vel unnin störf fyrir félagið og óskum honum góðs gengis á nýjum vettvangi.

Á meðan nýs yfirþjálfara er leitað þá beinum við öllum fyrirspurnum er varða yngri flokka starf knattspyrnudeildar til framkvæmdastjóra félagsins, Bjarna Guðjónssonar, bg@kr.is

Rúnar Kristinsson hættir

Fri, 29 Sep 2023 17:17:31 GMT

Rúnar Kristinsson, þjálfari meistaraflokks KR mun láta af störfum sem þjálfari meistaraflokks KR að loknu tímabili. Samningur Rúnars rennur út um mánaðarmót og var það ákvörðun knattspyrnudeildar að framlengja ekki samninginn við hann. Rúnar mun stýra KR liðinu í þeim tveimur leikjum sem eftir eru af tímabilinu.

Rúnar tók við meistaraflokki haustið 2017 en hann hafði áður stýrt liðinu árin 2010-2014. Á þessum tíma hefur Rúnar unnið þrjá Íslandsmeistaratitla og þrjá bikarmeistaratitla. Rúnar hefur unnið ómetanlegt starf fyrir félagið, innan vallar sem utan, og vandfundnir eru vandaðri menn.

Knattspyrnudeild KR vill fyrir hönd allra KR-inga þakka Rúnari kærlega fyrir framlag hans til félagsins og óskar honum velfarnaðar í leik og starfi.

f.h. Knattspyrnudeildar KR ,

Páll Kristjánsson, formaður Knd.

Sala árskorta er hafin!

Tue, 26 Sep 2023 21:07:56 GMT

Sala árskorta er hafin!

Biðin er senn á enda, það styttist í að meistaraflokkarnir okkar hefji leik á Íslandsmótinu og því er um að gera að næla sér í árskort. Það er eitthvað fyrir alla í boði og hægt er að velja um mánaðarlegar greiðslur eða eingreiðslu.

Sala árskorta fer fram í gegnum Stubb: https://stubb.is/kr/passes (veljið "Körfubolti").

Kynnið ykkur mismunandi árskort á Stubb: Árskort fyrir 1, Árskort fyrir 2, Bakhjarl fyrir 1, Bakhjarl fyrir 2, Foreldrakort, U25 kort og 67+ ára kort.

Ef þú óskar eftir öðrum greiðsluleiðum, hafðu þá samband við okkur og við finnum lausn á því.

Skráðir iðkendur í yngri flokkum KR fá frítt inn á alla heimaleiki KR körfu!

Hlökkum til að sjá ykkur öll á Meistaravöllum í vetur.

Áfram KR!

Bjarni Felixson látinn

Tue, 26 Sep 2023 20:35:02 GMT

Bjarni var fæddur 27. desember 1936.

Bjarni lék knattspyrnu með yngri flokkum KR og í fyrsta skipti með meistaraflokki 1956. Alls lék Bjarni 225 leiki fyrir KR – alla nema þá þrjá síðustu á árunum 1956-1967, þar af voru 93 í Íslandsmótinu. Yfirleitt í stöðu vinstri bakvarðar. Hann varð Íslandsmeistari fjórum sinnum, 1959 (þar átti hann fast sæti í liðinu sem vann alla leikina), 1961, 1963 og 1965. Þá varð hann bikarmeistari 7 sinnum (og er það met sem hann á með Ellerti B. Schram), 1960, 1961, 1962, 1963, 1964, 1966 og 1967. Eina mark sitt skoraði hann í bikarleik 1967, þegar hann jafnaði 3:3 með bylmingsskalla í undanúrslitaleik við Fram á síðustu sekúndum leiksins. Því þurfti að leika annan leik sem KR vann 1:0 , og í framhaldi af því úrslitaleikinn gegn Víkingi 3:0. Það liðu 27 ár þangað til KR vann bikarinn næst, 1994.

Bjarni var þátttakandi í fyrstu Evrópuleikjunum gegn Liverpool 1964, og í flestum Evrópuleikjum á árunum 1965-1967. Þá lék Bjarni alls 6 landsleiki á árunum 1962-1964. Þeir Felix-bræður, Hörður, Bjarni og Gunnar léku fjölda leikja saman fyrir KR en náðu einnig að leika saman fyrir landsliðið gegn Bretum 1963, sem var einstakt afrek

Bjarni sat í stjórn knattspyrnudeildar KR á fyrri hluta áttunda áratuginn, og sem formaður 1975-1976. Þá var hann kjörinn í stjórn KSÍ 1973 og 1974 og gegndi þar starfi ritara.

Pálmi Rafn hefur verið ráðinn þjálfari meistaraflokks kvenna

Mon, 04 Sep 2023 18:14:40 GMT

Pálmi Rafn Pálmason hefur verið ráðinn þjálfari meistaraflokks kvenna í knattspyrnu næstu þrjú árin.

Pálmi tók við meistaraflokki kvenna af Perry í lok júlí og er mikil ánægja með hans störf hjá félaginu. Stjórn knattspyrnudeildar treystir Pálma Rafni fyrir því mikilvæga verkefni að koma kvennaknattspyrnu KR aftur í fremstu röð.

Til hamingju Pálmi, við hlökkum til að sjá þig takast á við komandi verkefni.

Loka æfing 7. flokks kvenna

Thu, 31 Aug 2023 14:07:19 GMT

7. flokkur kvenna var með lokaæfingu sína í gær.

Eftir æfingu var myndataka og svo Pálínuboð fyrir stelpurnar, foreldra og systkini.

Í lokin voru allar stelpurnar leystar út með KR húfu.

Mikil gleði var við völd og fóru stelpurnar allar glaðar heim eftir vel heppnaða lokaæfingu.

Einar og Kristey Sunna til KR

Wed, 30 Aug 2023 12:23:25 GMT

Einar Eyþórsson, Glímukóngur Íslands 2022 og Kristey Sunna hafa gengið til liðs við Glímudeild KR. Fyrir Glímudeild KR er þetta mikill liðsstyrkur.

Einar kemur frá Mývatnssveit og Kistey Sunna frá Glímufélagi Dalamanna.

Velkomin í KR, Einar og Kristey. Gangi ykkur sem allra best.

Opið hús í Hagaskóla í dag

Wed, 30 Aug 2023 10:07:38 GMT

Starf Borðtennisdeildar KR hefst þann 1. september með krafti!

Það er frítt fyrir alla að koma og prófa, en æfingar eru opnar öllum, frá ungum byrjendum (1. stig) og upp í byrjendur á öllum aldri (Öðlingahópur).

Æfingar fara fram í íþróttahúsi Hagaskóla, en þar fer einnig fram opið hús Borðtennisdeildar KR, miðvikudaginn 30. ágúst, kl 18.

Endilega kíkið við ef þið hafið spurningar um starfið eða viljið prófa að spila smá borðtennis.

Rafíþróttir hefjast aftur eftir sumarfrí

Wed, 23 Aug 2023 19:38:30 GMT

Rafíþróttir hefjast aftur eftir sumarfrí.

Æfingar fara fram í Háskólanum í Reykjavík.

Allar nánari upplýsingar eru að finna á heimasíðu KR

Handboltaæfingar hefjast aftur eftir sumarfrí

Wed, 23 Aug 2023 18:38:14 GMT

Ný æfingatafla er á heimasíðu KR .

Þar er hægt að finna æfingatíma og skráningarhlekk fyrir hvern og einn flokk.

Ekki er komið á hreint hvenær æfingar verða hjá 9. flokki en verður það tilkynnt á síðunni þegar það er komið á hreint. Æfingar í þeim flokki hefjast 2. september.

Eins og í fyrra er æft í Hertz höllinni, Seltjarnarnesi eða Hagaskóla.

KR á fjóra flotta fulltrúa í U19 karla

Tue, 22 Aug 2023 20:48:58 GMT

Flottir fulltrúar KR í U19 karla

Ólafur Ingi Skúlason, þjálfari U19 karla, hefur valið leikmannahóp á æfingamót í Slóveníu 4.-13.september nk., KR á fjóra flotta fulltrúa í hópnum, en það eru þeir Benoný Breki Andrésson, Jóhannes Kristinn Bjarnason, Lúkas Magni Magnason og Rúrik Gunnarsson.

Við erum mjög stolt af okkar mönnum og óskum þeim góðs gengis í Slóveníu.

Til hamingju strákar - þið eruð vel að þessu komnir.

Árgangamót KR

Wed, 09 Aug 2023 12:28:19 GMT

Árgangamót KR verður haldið á KR-velli, gervigrasinu, föstudaginn 18. ágúst nk. kl. 16:30.

Gleðskapur í félagsheimilinu að móti loknu þar sem boðið verður upp á mat og drykk á vægu verði.

Fyrir þá sem vilja verður pílumót í Félagsheimilinu um kvöldið.

Upplagt fyrir gamla skólafélaga eða vini og kunningja að eiga skemmtilegan dag saman.

Þátttökugjald er 25.000 kr á hvert lið.

Skráning á omolafsson@gmail.com

Aðalfundur Skákdeildar KR

Fri, 04 Aug 2023 13:40:02 GMT

Framhaldsaðalfundur Skákdeildar KR fer fram 15. ágúst og hefst kl. 19:00 í Frostaskjóli.

Dagskrá fundarins eru hefðbundin aðalfundarstörf, auk lagabreytinga sem kynntar voru á aðalfundi félagsins í maí sl.

USA Cup Gold sigurvegarar

Thu, 27 Jul 2023 17:42:57 GMT

17. júlí síðastliðinn var merkisdagur í lífi 3.flokks kvenna í Gróttu/KR, en þá héldu þær til Bandaríkjanna til að taka þátt í USA Cup í Minnesota. Spennan lá í loftinu þegar þær stigu upp í rútuna við KR-heimilið og eftirvæntingin og stemmningin leyndi sér ekki enda einstaklega flottur hópur að leggja upp í spennandi ferð. Þrátt fyrir langt ferðalag stóðu stelpurnar sig einstaklega vel og komu á heimavistina við Háskólann í Minnesota að kvöldi, vel þreyttar, en alltaf með bros á vör.

USA Cup er stórt og vinsælt mót þar sem yfir 1.200 lið frá öllum heimshornum taka þátt. Stelpurnar voru með tvö lið á mótinu og lið 1 átti fyrsta leik strax kl 09:00 morguninn eftir svo vekjaraklukkurnar stóðu vaktina þá nóttina eins og næstu nætur á eftir. Stelpurnar létu það ekki á sig fá og mættu galvaskar í fyrsta leik á móti Twin Cities, sem þær unnu mjög sannfærandi 9-0. Lið 2 stóð sig ekki síður vel þennan fyrsta dag með glæsilegum 10-1 sigri á móti Minnesota United. Það er því óhætt að segja að stelpurnar hafi stimplað sig rækilega inn í mótið strax frá upphafi. Næstu daga mættu þær fleiri liðum frá Ameríku, en einnig liðum frá Noregi og Hawai. Eins og þeim einum er lagið lögðu þær sig fram í alla sína leiki og uppskáru eftir því þrátt fyrir að vera aðeins með einn varamann í hvoru liði og að spila við allt aðrar aðstæður en þær eru vanar, þ.e. í miklum hita og raka. Vatn og Gatorade sinnti stóru hlutverki við hliðarlínuna og kaldar vatnssturtur í öllum pásum gerðu gæfumuninn. Það má því segja að frammistaðan hafi verið enn meira þrekvirki fyrir okkur Íslendingana, en lið 1 vann alla sína leiki á mótinu og endaði sem USA Cup Gold meistarar 2023 í 16 ára flokki með markatöluna 28-3. Lið 2 vann sína leiki í 16 ára Silver flokki fram að 8-liða úrslitum, þar sem það mætti sterku liði Fylkis. Þær voru aðeins hársbreidd frá sigri í þeim leik, en töpuðu í framlengingu 0-1 eftir frábæra frammistöðu og enduðu með markatöluna 15-3.

Auk hetjulegrar frammistöðu á mótinu sjálfu voru stelpurnar til fyrirmyndar utan vallar einnig. Bros, hlátur og skemmtun einkenndi hópinn og ýmislegt var brallað þegar tími gafst, en stelpurnar skelltu sér m.a. í Twin Cities Premium Outlets að versla, Mall of America, í bíó á Barbie, á Cheesecake factory og ekki má gleyma nokkrum ferðum í Target og á McDonalds. Þær upplifðu einnig óvænta rauða veðurviðvörun, sem var í þetta sinn ekki vegna íslensks ofsaveðurs heldur vegna eldingahættu. Sú veðurviðvörun seinkaði úrslitaleik liðs 1 um nokkrar klukkustundir, en stelpurnar létu það nú ekki slá sig út af laginu ekkert frekar en neitt annað.

Það má með sanni segja að þessi vikuferð hafi skapað stútfullar fjársjóðskistur af dásamlegum minningum fyrir stelpurnar allar en einnig fyrir þjálfara, farastjóra og þá foreldra sem fylgdu. Það er enginn vafi að þessi hópur á framtíðina fyrir sér og við erum öll virkilega stolt af þeim enda virkilega flottar fyrirmyndir allar sem ein.

Innilega til hamingju stelpur, þið eruð frábærar fyrirmyndir.