Körfuknattleiksdeild

Hafþór Björnsson genginn til liðs við KR

📁 Körfuknattleiksdeild 🕔11.July 2006

Unglingalandsliðsmaðurinn Hafþór Björnsson er genginn til liðs við KR úr FSu.  Hafþór er uppalinn Bliki, en ákvað á dögunum að söðla um og leika með KR.



Hafþór Björnsson er 204 cm hár og fæddur 1988, hann lék í fyrra með FSu á Selfossi, þar sem að hann var bróðurpart vetrarins meiddur á ökkla og þurfti meðal annars að ganga undir aðgerð.  Hafþór spilaði því lítið með liðinu en hann bætti líkamlegan styrk sinn og mun reynast KR-ingum mikill styrkur bæði í drengja- og unglingaflokk.  Að auki mun Hafþór æfa með meistaraflokk félagsins.


Mynd til hægri: Hafþór Björnsson tók sig vel út í KR-búningnum.


Hafþór var spurður hvað hefði ráðið því að hann skipti yfir í KR:
Ég vildi breyta til eftir góðan tíma hjá FSu og fannst KR vera með besta prógrammið í gangi, og ákvað þá í samráði við foreldra mína að skipta.  Ég vildi skipta í lið sem hefði alvöru drengja og unglingaflokk og vonaðist einnig til að fá að æfa með meistaraflokk.  Mig hlakkar til að takast á við veturinn framundan, því það eru traustir strákar í KR.



Hafþór er í tólf manna hóp í 18 ára landsliðinu, sem heldur til Grikklands á laugardaginn.  Þar tekur liðið þátt í A-keppni evrópumóts 18 ára liða. 



Stjórn KR og heimasíðan bjóða Hafþór Björnsson velkominn í félagið og óskar honum góðs gengis í Grikklandi og með KR í vetur.

Deila þessari grein