Forsíðu kubbur Knattspyrna

KR – Grindavík á mánudagskvöld – handhafar félagsskírteina geta boðið vini með

📁 Forsíðu kubbur Knattspyrna, Knattspyrnudeild, Meistarafl. karla 🕔26.July 2018

Meistaraflokkur karla tekur á móti Grindavík á Alvogen-vellinum næstkomandi mánudag klukkan 19:15. Upphitun hefst í félagsheimilinu klukkan 18. Eftir 2 sigurleiki í röð er KR-liðið skyndilega komið í hörkubaráttu um Evrópusæti en Grindavík er í hópi þeirra liða sem gera atlögu að Evrópusæti í sumar. Því er mikið undir í leiknum en undanfarnir leikir gefa KR-ingum von um að liðið sé komið á beinu brautina.

Sem fyrr er hægt að kaupa miða á leikinn á http://www.kr.is/midasala

Handhafar félagsskírteina KR-klúbbsins geta boðið einum með sér á leikinn gegn Grindavík. Við sölu félagsskírteinanna í vor var auglýst að slíkt myndi gilda um 3 leiki í sumar. Leikurinn gegn Grindavík er sá fyrsti af þeim þremur. Til upprifjunar líta félagsskírteinin svona út:

Deila þessari grein