Kúttarinn 2018

Minnum á Kúttarann 2018 , Gala viðburð í Félagsheimili K.R.  2.mars n.k.  Glæsilegt sjávarréttahlaðborð sem á engan sinn líka. Miðabókanir hafnar.  Viðburður með áratuga sögu. Allt 1. flokks og vel það. Vinsamlega hafið samband við Sverri Pálmason bókunarstjóra. (pls contact mr. Sverrir Palmason booking manager) til að tryggja ykkur miða.  sverrir@cato.is   

Tekið verður við örfáum sjálboðaliðum í hreinsun. Þar sem drengir verða að mönnum…

Umsjón með viðburðinum hefur handknattleiksdeild K.R.

 

 

 

Næsta pílumót 9. febrúar 19:30

Það er nýjum formanni heiður að tilkynna næsta pílumót. Það verður haldið föstudaginn 9. febrúar og hefst klukkan 19:30.

Ég vil hvetja alla til að mæta tímanlega. Það hefur farið allt of langur tími í að byrja mótin. Nú ætlum við að taka okkur taki hvað það varðar.

Byrjum venju samkvæmt á X-inu. Svo verður spilað 301 og munum við draga saman byrjendur og lengra komna. Þetta fyrirkomulag hefur verið reynt áður og gengið vel.

Ef einhverjir píluvinir gætu mætt klukkan 19:00 við að setja upp salinn væri það vel þegið.

Sjáumst næsta föstudag í pílu stuði.

Úrslit í Vallamótinu 2017

Hér birtast útslit í Vallamótinu 2017

X-ið Vallameistari og bikarhafi

1.sæti  Kristján Þorsteinsson

2. sæti  Ólafur Sigurjónsson

3.sæti  Árni frændi

301,úrslit.

1.sæti Siggi Indriða og Jón ingi

2. sæti Stjáni Þorsteins og Helgi Jarl

3. sæti Óli Sigurjóns og Gunni Rós.

Það sem er athuglisverðast við þessi úrslit er að Vallabikarinn fer úr Smiðjunni, en þar hefur hann verið til húsa undanfarin ár.20171201_210407 20171201_210434 20171201_223307 20171201_233207 20171201_233218 20171201_233319 20171201_233326

Minningarmót Valla Bjarna 1.des 2017

Hið árlega minningarmót um Valgarð Bjarnason f.v. formann Píluvinafélagsins fer fram fullveldisdaginn 1. des n.k.  Flaggað verður í fulla stöng um alla borg, bæði við opinberar stofnar og einkaheimili í tilefni dagsins og mótsins. HHÍ stendur við bakið á okkur sem endranær, 500 kr seðilinn verður virðisaukinn við greiðslu á keppnisgjaldi og veitingum. Sérstakur  virðisaukaauki mun bætast við ef fjárfest er í framtíðinni og happaþrennum.  Allir velkomnir, hvort sem er til keppniÍslenski fáninn 2 eða samverustundar með góðum félögum.

KR mynd Valli Bjarna

 

 

Hrikalega stóra ! ! !

Sjaldan hefur þessi fyrirsögn átt betur við.  Nýliðið Nesskipamót er einn stærsti viðburður sem Píluvinir hafa staðið fyrir s.l. tvö ár. Gríðarlega góð mæting var á mótið og mátti til mikillar gleði sjá gömul andlit í bland við ný. Af celebum má nefna Rúnar Kristins, Bjarna Guðjóns, Sigurvin Ólafs, Kristján Finnbogason og þá bræður Óla Geira og Geira Geira. Í celebahópnum var einnig Jakob Pétursson rithöfundur og f.v. útgefandi Tonnsins, sem er að líkindum fyrsta íþróttatímaritið sem kom reglulega út. Frekari upplýsingar um gesti er að finna á “Hver var hvar”, á Smartlandi.  Garðar Jóhannsson framkvæmdastjóri Nesskipa reyndist sannspár þegar hann lét þessu fleygu orð falla. ,,Fólk flykkist á bak við foringja”  Félagið þakkar Garðari, sem bæði er ” an officer and a gentleman” fyrir hans aðkomu. Fumlaus mótsstjórn var í höndum Páls Sævars.  Gulli hjá Ræstingu og ráðgjöf átti ekki heimangengt vegna anna en sendi  peningagjöf.20171103_200622 20171103_200634 20171103_200756 20171103_200759 20171103_200840 20171103_201813 20171103_201821 20171103_201827 Nesskip 301 2017 feiti gaurinn Gæi frændi

 

Úrslit í 301

1.sæti

Þorgeir Guðmundsson og Ólafur Ásgeirsson.

2.sæti

Reynir Valgarðsson og Kristinn Wiium

3. sæti.

Kristján Finnbogason og Arnar Einarsson, Ólafssonar völundar.

Nesskipameistarinn 2017

DSC_0081 DSC_0043 DSC_0038 DSC_0027Eins og fram  hefur komið mun Nesskip styrkja næsta mót Píluvina, sem haldið verður 3.nóvember n.k. Í fyrirsvari fyrir Nesskip er íþrótta-og afreksmaðurinn Garðar Jóhannsson, sem allir ættu að þekkja sem eitthvað hafa fylgst með íþróttum, einkum körfuknattleik. Nesskip er leiðandi fyrirtæki í flutningum um heimshöfin og á heimasíðu þess má lesa um siðferðisáherslur þess og öryggiskröfur, sem ættu að vera öðrum fyrirmynd. VIð þökkum Nesskipum stuðninginn og væntum þess að sjá sem flesta á Nesskipamótinu.

 

www.nesskip.is

 

feiti gaurinn Gæi frændi Navy Nelson Píluhrollur

Nesskip meistarinn 2. nóvember

Gæi frændiSælir píluvinir,

Nesskipameistaramótið verður haldið föstudaginn 3. nóvember. Kosniningar verða yfirstaðnar og ráðaleysið verður vonandi komið í fastar skorður. Mótið hefst klukkan 19:30. Venju samkvæmt verður keppt í X-inu til að byrja með og svo ræðst það af fjölda keppanda hvort við spilum 301 eða 501. Hvetjum alla til að mæta tímanlega.

Nesskip hefur hefur stutt við bakið á píluvinum svo árum skiptir. Kunnum við þeim bestu þakkir fyrir það.

Miklu meira um Nesskip á næstu dögum.

Ég hvet ykkur Píluvini að kynna ykkur efni heimasíðu Nesskipa

http://nesskip.is/

Úrslit í Thorship grand opening mótinu.

Thorship grand opening mótið var haldið 13.10.2017 og voru all nokkrir þátttakendur skráðir til leiks.  Að venju var fyrst keppt í X inu, Þar hafði Sigurðar Sölvason sigur. Minna mátti það ekki vera, enda ók maðurinn 487 km í striklotu til að komast á mótið. Í öðru sæti varð Arnar Einarsson, Ólafssonar völundar. Þriðji varð Bjarni Þorsteinsson, Kristjánssonar Klaka. Genetískur kastari og keppnismaður.  Að þessu loknu var tekið stutt hlé.Eftir hlé var skálað í boði félagsins fyrir gömlum kempum , lifandi og látnum, áður en tekið var til við keppni í 301 þar sem leikið var til þrautar undir öruggri handleiðslu Páls Sævars móttsstjóra. Margt má um þessa keppni segja, en upp úr stendur þó að Bjarni Þorsteinsson, maðurinn með stáleistun, tók tvisvar út á bull. Félagið þakkar Einar Ólafssyni og hans mönnum sérstaklega fyrir sína þátttöku. Ekki aðeins átti Vélsmiðja Einars Guðbrandssonar menn í öllum verðlaunasætum, heldur bætti Einar um betur með rausnarlegu framlagi. En hér er röðin eins og við höldum að hún hafi verið.

1.sæti Óli Sigurjóns og Helgir Jarl.

2.sæti Arnar Einars og Bjarni Þorsteins

3.sæti Siggi Sölva og Jón Ingi

20171013_232452 20171013_232446 20171013_232427 20171013_232423 20171013_232356 20171013_232350 20171013_225953 20171013_225945 20171013_224126 20171013_210153 20171013_210148 20171013_210143 20171013_210132 20171013_205246 20171013_205242 20171013_205225 feiti gaurinn KR mynd Píluhrollur