Sundfréttir

Skriðsundsnámskeið í Laugardal

📁 Sundfréttir 🕔17.September 2020

Sunddeild KR stendur reglulega fyrir skriðsundsnámskeiðum fyrir fullorðna. Þriðjudaginn 29. september hefst næsta skriðsundsnámskeið sem verður haldið í Laugardalslauginni að þessu sinni.

Á námskeiðinu er farið yfir undirstöðuatriði skriðsundsins, einnig verða aðrar sundaðferðir rifjaðar upp, gefin góð ráð í bringusundi og baksundi og jafnvel flugsundi fyrir þá áhugasömustu.

Námskeiðið stendur yfir í fjórar vikur 8 skipti. Kennsla fer fram í Laugardalslauginni á þriðjudögum og fimmtudögum kl. 20:30-21:30.

Kennari er engin önnur en Ragnheiður Ragnarsdóttir, margfaldur íslandsmeistari og ólympíufari í sundi. Námskeiðið kostar 12.000 krónur og er miðað við 10 manns að hámarki í hóp.

Sundgleraugu eru nauðsynleg á æfingum þá er líka gott að hafa froskalappirnar með fyrir þá sem þær eiga. Hér er kjörið tækifæri að læra og bæta sundkunnáttuna.

Skráning fer fram í skráningakerfi félagsins https://www.sportabler.com/shop/krsund

KR mun einnig bjóða uppá skriðsundsnámskeið í Vesturbæjarlaug og hefst það 5. október, enn eru nokkur laus pláss í það.

Deila þessari grein