RAFÍÞRÓTTIR

Rafíþróttadeild KR & Skema

Um námskeiðið

Rafíþróttadeild KR & Skema bjóða upp á markvissa og skipulagða þjálfun sem styður bæði við persónulegan þroska og framfarir við keppni.

Þjálfuninni er skipt eftir aldurshópum til að tryggja að hver iðkandi fái viðeigandi áskoranir, leiðsögn og tækifæri til að þróast á sínum eigin hraða.

Í öllum aldurshópum leggjum við áherslu á að árangur í rafíþróttum tengist almennri heilsu og vellíðan. Hver æfing hefst á hreyfingu undir handleiðslu kennara, til dæmis liðleikaæfingum, teygjum, samhæfingaræfingum eða léttri þolþjálfun. Þátttakendur læra einnig rétta líkamsbeitingu, einbeitingu, endurheimt og heilbrigðar venjur, þar á meðal mikilvægi næringar og jafnvægis í daglegu lífi.



Við leggjum áherslu á jákvætt og félagslegt æfingaumhverfi þar sem þátttakendur vinna saman að sameiginlegum markmiðum, mynda sterk tengsl og þroskast sem liðsfélagar. Rafíþróttaþjálfun hjá okkur snýst um meira en leikina sjálfa, hún snýst um samskipti, aga, samvinnu og heilbrigðar leiðir að árangri.

Þátttakendur fá einnig tækifæri til þess að taka þátt í mótum á vegum RÍSÍ, þar sem þeir keppa fyrir hönd KR/HR-liðsins. Þessi mót fara að jafnaði fram um helgar.

Hvað er í boði?

8–10 ára — Grunnur byggður á leikgleði og samvinnu

Hjá yngri þátttakendum er lögð áherslu á keppnisleiki við hæfi aldurshópsins sem hvetja til samvinnu, samhæfingar og skapandi hugsunar í stuðningsríku umhverfi.

• Grunnfærni og tæknileg atriði
• Samvinna og skýr samskipti
• Jákvæð leikjamenning og íþróttamannsleg framkoma
• Að byggja upp sjálfstraust innan skipulagðs hóps
• Heilbrigð líkamsbeiting og góðar hreyfivenjur

Markmiðið er að byggja upp sterkan grunn — bæði líkamlega og andlega — á sama tíma og námið er skemmtilegt og hvetjandi.

11–14 ára — Taktík, keppni og þróun á frammistöðu

Eldri þátttakendur æfa í krefjandi keppnisleikjum sem kalla í auknum mæli á taktíska hugsun, skýr hlutverk innan liðs og markviss samskipti.

• Taktísk hugsun og aukinn leikskilningur
• Verkaskipting og leiðtogahæfni
• Frammistaða undir álagi
• Skipulögð liðsvinna og ábyrgð
• Skilningur á því hvernig hreyfing, hvíld og næring styðja við frammistöðu

Þátttakendur læra að árangur í keppni byggist á undirbúningi, jafnvægi og heilbrigðum venjum, bæði á æfingum og utan þeirra.

Leikirnir sem eru í boði hjá Rafíþróttadeild KR og Skema eru: Valorant CS:GO Rocket League Fortnite Overwatch 2

Þjálfari rafíþróttadeildar KR/Skema er Aron Fannar Rúnarsson.

Aron hefur áralanga reynslu af tölvuleikjum og rafíþróttum og hefur meðal annars starfað við beinar útsendingar frá rafíþróttum á Íslandi. Hann var á meðal þeirra sem stofnuðu Fortnite-rafíþróttadeildina á vegum RÍSÍ.

Aron hefur einnig góða reynslu af þjálfun úr fótbolta eftir að hafa þjálfað hjá Leikni Reykjavík og er með KSÍ C-þjálfaragráðu.

Skipulag

• 15 vikna námskeið, tveir dagar í viku, 90 mínútur í senn

• Frá 7. september til 16. desember 2026

• Staðsetning: Háskólinn í Reykjavík — stofa M107, Menntavegur 1, 102 Reykjavík

Hagnýtar upplýsingar