Keppni hófst í deildakeppni BTÍ helgina 19.-20. september og voru leiknar tvær umferðir í flestum deildum. Leikið var í Íþróttahúsi Snælandsskóla í Kópavogi og í Íþróttahúsi ÍFR við Hátún.

C-lið KR vann báða leiki sína í 2. deild og hefur tekið forystu í deildinni með 4 stig.

B-lið KR er í 2. sæti í 1. deild með 3 stig eftir jafntefli við A-lið KR og sigur á A-liði HK. A-liðið tapaði hins vegar fyrir A-liði BH og hefur 1 stig eftir tvær umferðir.

D-lið KR er í 3. deild og hefur tvö stig eftir leiki helgarinnar.

KR er með þrjú lið í höfuðborgarsvæðisriðli 4. deildar. KR-E og KR-F eru meðal þeirra fjögurra liða sem eru efst með 3 stig eftir tvær umferðir, en G-lið KR er án stiga.

Úrslit úr einstökum viðureignum

1. deild

KR-A – KR-B 5-5
BH-A – KR-A 6-0
HK-A – KR-B 4-6

2. deild

HK-B – KR-C 3-6
BH-C – KR-C 3-6

3. deild

Akur – KR-D 6-3
HK-D – KR-D 4-6

4. deild höfuðborgarsvæðisriðill

KR-E – KR-G 6-1
BH-D – KR-F 5-5
ÍFR-A – KR-E 5-5
KR-F – KR-G 6-2

Á forsíðunni má sjá lið KR-D.