Hafþór Geirhadt
KR-INGUR MÁNAÐARINS
Hafþór hefur staðið þétt við bakið á bæði kvenna- og karlaliðinu í mörg ár og lætur sig aldrei vanta í stúkuna, sama hvernig viðrar eða hvar er spilað og KR fáninn alltaf með!
Hann hefur einnig hjálpað félaginu ósjaldan þegar þörf er á rafvirkja, bæði í neyðartilvikum og öðrum verkefnum.
Við þökkum Hafþóri kærlega fyrir ómetanlegan stuðning í sumar og í gegnum árin. Í tilefni þess fær hann gjafabréf á Flatey!
KR-ingur mánaðarins er sá einstaklingur sem hefur lagt sitt af mörkum til félagsins eða verið félaginu til sóma utan skipulagðra æfinga, keppna eða launaðra vinnu á vegum KR.
Einstaklingurinn getur verið iðkandi, starfsmaður, forráðamaður, sjálfboðaliði eða stuðningsmaður, þvert á deildir félagsins.
Starfsfólk aðalstjórnar valdi KR-ing júní mánaðar en framvegis verður hægt að senda inn tilnefningar. Allar tilnefningar verða skoðaðar en krafa er gerð um rökstuðning. Starfsfólk aðalstjórnar fer yfir tilnefningar í lok hvers mánaðar og birtir KR-ing mánaðarins á miðlum sínum og heimasíðu félagsins.
KR-ingur mánaðarins hlýtur gjafabréf á Flatey Pizza í þakkarskyni!
Fyrri mánuðir
Júní
Þorsteinn Rúnar, vallarstjóri KR smíðaði boltastand fyrir meistaraflokk kvenna í fótbolta í sínum frítíma þar sem honum fannst vanta boltastand fyrir kvennaleiki. Áður var boltastandur Bestu deildar notaður í öllum kvennaleikjum en liðið spilar í Lengjudeild.
