RAFÍÞRÓTTIR

Rafíþróttir hafa undanfarin ár rutt sér til rúms í tómstundastarfi barna á Íslandi. Rafíþróttastarf miðar að því að auka við færni iðkenda í keppnistölvuleikjum, byggja upp sterk félagsleg tengsl í hópnum og fræða um mikilvægi heilbrigðs lífsstíls og líkamsstöðu. 

Æfingar fara fram í Háskólanum í Reykjavík tvisvar í viku, 90 mínútur í senn. Hver æfing hefst á líkamlegri hreyfingu, eins og teygjum, yoga, þreki eða leikjum. Þá taka við skipulagðar æfingar í tölvuleikjum. Iðkendur æfa sig í ýmsum tæknilegum þáttum í tölvuleikjunum, samvinnu við aðra og samhæfingu augna og handa.

Leikirnir sem eru í boði hjá Rafíþróttadeild KR og Skema eru:

• Valorant
• CS:GO
• Rocket League
• Fortnite
• Overwatch 2