FRÉTTIR

A- sveit KR vann C-flokk (8 ára og yngri) Íslandsmóts barna- og unglingasveita í skák sem fram fór sunnudaginn 18. nóvember. Í sveitinni voru: Jón Fenrir Ragnarsson, Dalmar Bragi Aronsson, Theodór Nóel Schram, og Ari Hrafn Briem. KR vann einnig C-flokkinn fyrir ári síðan. Í B-flokki (9-12 ára) lenti A-sveit KR í 2. sæti og í A-flokk (13-16 ára) lenti A -sveit KR í 4. sæti.  Samtals tefldu 39 krakkar úr KR á Íslandsmóti barna- og unglingasveita í 9 sveitum. Tæplega helmingur af öllum iðkendum í Skákdeild KR tefldi á Íslandsmóti barna- og unglingasveita.

Á 46. sambandsráðsfundi UMFÍ, sem haldinn var á Ísafirði 10. október sl., hlaut Íþróttabandalag Reykjavíkur (ÍBR) Hvatningarverðlaun UMFÍ fyrir öflugt starf KR á sviði félagsmála og forvarna. Sérstaklega var horft til víðtæks átaks félagsins gegn notkun nikótínpúða og aukinnar áherslu á sýnileika sjálfboðaliða í félagsstarfinu. Við erum með frábærar fyrirmyndir í meistaraflokkum okkar sem vilja leggja sitt af mörkum til að skapa heilbrigt og jákvætt umhverfi fyrir yngri iðkendur félagsins. Með öflugri fræðslu, góðum fyrirmyndum og samstilltu átaki viljum við stuðla að heilbrigðum lífsstíl og sterkri félagsvitund innan KR. Við erum stolt af þessari viðurkenningu sem hvetur okkur til að halda áfram á sömu braut!

Íslandsmótið í liðakeppni unglinga, sk. flokkakeppni, fór fram að Laugalandi í Holtum laugardaginn 10. október. KR sigraði tvöfalt í stúlknaflokki 19 ára og yngri. A-lið KR, skipað Guðbjörgu Völu Gunnarsdóttur og Helenu Árnadóttur urðu Íslandsmeistarar og B-lið KR, skipað Mörtu Dögg Stefánsdóttur og Þórunni Erlu Gunnarsdóttur urðu í 2. sæti. Þetta er fjórða árið í röð sem þær Guðbjörg Vala og Helena verða Íslandsmeistarar. Flokkakeppnin féll niður árin 2021-2023 en þær unnu líka árið 2020 og hafa því ekki tapað í flokkakeppni síðan árið 2019. Lið KR í flokki pilta 13 ára og yngri varð í 3.-4. sæti, en liðið skipuðu þeir Dalmar Bragi Aronsson og Hilmar Þór Róbertsson. KR sendi færri keppendur á mótið en oft áður og átti eingöngu lið í þessum tveimur flokkum.

Luca sigurvegari í opnum flokki B

Ingi Þór Ágústsson nýr yfirþjálfari Sunddeildar KR Það er okkur mikil ánægja að tilkynna að Ingi Þór Ágústsson hefur verið ráðinn yfirþjálfari Sunddeildar KR. Ingi Þór kemur til okkar með yfir þrjátíu ára reynslu af sundþjálfun og víðtæka reynslu af uppbyggingu sundstarfs. Hann hefur meðal annars gegnt starfi yfirþjálfara hjá Vestra, Breiðabliki og Sundfélaginu Óðni, auk þess að hafa þjálfað hjá öðrum sundfélögum. Hann þekkir jafnframt KR vel frá fyrri tíð. Reynsla Inga Þórs nær langt út fyrir bakkann. Hann hefur setið í stjórn Sundsambands Íslands og landsliðsnefnd SSÍ, auk þess að hafa setið um árabil í framkvæmdastjórn ÍSÍ. Á Sundþingi 2025 var hann sæmdur gullmerki SSÍ fyrir margvísleg störf í þágu sundíþróttarinnar á Íslandi. Með ráðningu Inga Þórs tekur Sunddeild KR mikilvægt skref í áframhaldandi uppbyggingu deildarinnar, með fagmennsku, stöðugleika og metnað að leiðarljósi. Við hlökkum mikið til samstarfsins og bjóðum Inga Þór hjartanlega velkominn til KR.  Áfram KR!

Bónus deildin 2026-2027

Who are the remote analysts supporting KR?

Guðbjörg Vala Gunnarsdóttir var valin í landsliðið fyrir Norður-Evrópumót fullorðinna, sem fer fram í Rakvere í Eistlandi 24.-27. september. Hún keppir í einliðaleik, tvíliðaleik með Sól Kristínardóttur Mixa úr BH, og tvenndarleik með Inga Darvis Rodriguez úr Víkingi. Heimasíða mótsins: ELTL - Eesti Lauatenniseliit