Þórir Guðmundur Þorbjarnarson er íþróttamaður KR. Þórir var fyrirliði KR liðsins á tímabilinu sem leið á sínu öðru tímabili í KR eftir að hann snéri heim eftir dvöl í háskólaboltanum og atvinnumennsku erlendis. 

Þórir átti vægast sagt frábært tímabil með KR og var hann valinn á lokahófi KKÍ besti leikmaður Bónus deildar karla auk þess að vera í úrvalsliði deildarinnar. Þórir lék einnig með íslenska landsliðinu í undankeppni HM í körfubolta. Í febrúar leiddi Þórir KR liðið með stakri prýði þegar þeir unnu til bikarmeistaratitils, fyrsta titils KR í körfubolta í 7 ár. Það sem liðið staðfesti endurkomu sína á toppi íslensks körfubolta.  

Rebekka Rut Steingrímsdóttir er íþróttakona KR. Rebekka Rut sem er einungis 17 ára gömul leiddi KR liðið á þeirra fyrsta tímabili í efstu deild síðan 2021.

Á lokahófi KKÍ var Rebekka  valin besti ungi leikmaður Bónus deildar kvenna ásamt því að vera í úrvalsliði deildarinnar. Rebekka lék einnig sína fyrstu leiki með A-landsliði kvenna og vakti þar verðskuldaða athygli og var okkur KR-ingum til sóma.