BORÐTENNIS

Sex KR-ingar leika með unglingalandsliðinu á Norður-Evrópumótinu í borðtennis 26.-28. júní. Mótið er haldið í Eistlandi og er leikið í liðakeppni og einliðaleik. Stúlknalið Íslands (leikmenn undir 19 ára aldri) er eingöngu skipað stúlkum úr KR en það skipa þær Guðbjörg Vala Gunnarsdóttir, Helena Árnadóttir, Marta Dögg Stefánsdóttir og Þórunn Erla Gunnarsdóttir. Viktor Daníel Pulgar er í liði drengja undir 19 ára aldri ásamt þremur leikmönnum úr BH. Lúkas André Ólason er í liði sveina undir 15 ára ásamt leikmanni úr HK. Hér má sjá úrslit úr leikjum á mótinu: ELTL - Eesti Lauatenniseliit Að mótinu loknu fara Guðbjörg Vala, Helena og Lúkas til í æfingabúðir til Noregs í boði norska borðtennissambandsins.  Viktor lék einnig með hópi leikmanna úr unglingalandsliðinu á Mega Cup í Noregi 13.-14. júní og sótti hópurinn æfingabúðir í Noregi í framhaldinu.

Á ársþingi Borðtennissambands Íslands þann 10. maí sl., voru þrír KR-ingar heiðraðir fyrir störf þeirra í þágu borðtennisíþróttarinnar. Það voru þau Auður Tinna Aðalbjarnardóttir sem fékk gullmerki BTÍ, Finnur Hrafn Jónsson og Hlöðver Steini Hlöðversson, sem fengu silfurmerki. Auður Tinna hefur verið formaður BTÍ frá árinu 2022 og var endurkjörin á þinginu til tveggja ára. Finnur hefur verið ötull við að taka myndir á borðtennisviðburðum, sem hann birtir síðan á netinu og leyfir öllum að nota.  Hlöðver var í stjórn BTÍ í mörg ár og sá að mestu um mótamál sambandsins, en er nú snúinn aftur til félagsins og hefur verið formaður Borðtennisdeildar KR undanfarin ár.

Guðrún Gestsdóttir varð þrefaldur Íslandsmeistari

Guðbjörg Vala Gunnarsdóttir sigraði í kvennaflokki á lokamóti BTÍ og Gullfisks, sem fór fram í Íþróttahúsi Snælandsskóla í Kópavogi föstudaginn 8. maí. Til keppni var boðið 8 stigahæstu leikmönnunum í karla- og kvennaflokki að loknum fjórum mótum í mótaröðinni á keppnistímabilinu. KR átti þrjár efstu í kvennaflokki, því Þórunn Erla Gunnarsdóttir varð í 2. sæti og Helena Árnadóttir í 3. sæti. KR átti einn verðlaunahafa í karlaflokki, því Lúkas André Ólason varð fjórði. Verðlaunahafar: Opinn flokkur kvenna 1. Guðbjörg Vala Gunnarsdóttir, KR 2. Þórunn Erla Gunnarsdóttir, KR 3. Helena Árnadóttir, KR 4. Magnea Ólafs, BM Opinn flokkur karla 1. Magnús Jóhann Hjartarson, BH 2. Óskar Agnarsson, HK 3. Kristján Ágúst Ármann, BH 4. Lúkas André Ólason, KR 

A-lið KR lék til úrslita um Íslandsmeistaratitilinn í 1. deild kvenna við lið Víkings laugardaginn 25. apríl. Víkingskonur sigruðu í leiknum 4-0 og eru Íslandsmeistarar. Lið KR-A skipuðu þær Aldís Rún Lárusdóttir, Guðbjörg Vala Gunnarsdóttir og Helena Árnadóttir en einnig lék Sól Kristínardóttir Mixa með liðinu í vetur. Það má segja að þessi dagur hafi verið "stöngin út" fyrir KR, því allar tæpar lotur í leiknum töpuðust. C-lið KR, sem varð í 2. sæti í 2. deild karla lék umspilsleik við A-lið HK, sem hafnaði í næstneðsta sæti í 1. deild karla. HK-A sigraði 4-1 en athygli vakti að Guðbjörg Vala Gunnarsdóttir sigraði sterkasta leikmann HK 3-0. KR mun engu að síður eiga tvö lið af sex í 1. deild karla á næsta keppnistímabili, en C-KR leikur áfram í 2. deild. D-lið KR lék umspilsleik um sæti í 3. deild á næsta keppnistímabili við D-lið HK. HK-D vann 4-1. KR mun samt eiga lið í 3. deild á næsta keppnistímabili því E-lið KR hélt sæti sínu í deildinni.

A-lið KR í 2. sæti í 1. deild kvenna

Guðbjörg Vala, Helena, Lúkas og Viktor spila í Linz

Aðalfundur Borðtennisdeildar KR verður haldinn miðvikudaginn 8. apríl í skáksalnum í KR-heimilinu.  Á dagskrá eru hefðbundin aðalfundarstörf.

KR-ingar á verðlaunapalli í öllum flokkum