HANDBOLTI
FRÉTTIR
Fréttir
Okkur KR-inga langar að gera starfssvæði okkar flotta félags heilbrigðara og enn betra og viljum því minna íþróttafólk, þjálfara og gesti KR á skaðsemi nikótínpúða. Verum góðar fyrirmyndir öll sem eitt fyrir okkar ungu KR-inga og komandi kynslóðir!
Vetrarleyfi og skipulagsdagar grunnskólanna eru á næsta leiti. Í tilefni af því bjóðum við upp á handboltaskóla fyrir alla krakka í 1. - 6.bekk eða þá krakka sem eru fædd 2014-2019. Skólinn fer fram í Hertz-höllinni. Hver dagur kostar 3700 kr og fer skráningin fram í Abler. Beinn hlekkur á skráninguna er hérna: https://www.abler.io/shop/grotta/handbolti/product/Q2x1YlNlcnZpY2U6NTMzODM=/ Þjálfarar á námskeiðinu eru þjálfarar yngri flokkanna og leikmenn meistaraflokks.
Helgina 23. - 25. janúar fóru strákarnir í 7.flokkk Gróttu/KR á sitt fyrsta mót á árinu. Mótið var haldið á Ásvöllum í Hafnarfirði og skemmtu strákarnir sér konunglega! Næsta mót verður í byrjun mars upp í Kórnum í Kópavogi. Strákarnir í 7. flokki æfa í Íþróttahúsi Hagaskóla á mánudögum og miðvikudögum klukkan 15:15-16:15. Það eru allir strákar velkomnir að koma og prófa.
EM í handbolta að hefjast og öllum krökkum boðið að koma á æfingar Íslenska karlalandsliðið stendur í ströngu næstu vikurnar en EM í handbolta er að hefjast. Fyrsti leikur Íslands er gegn Ítölum á föstudaginn kl. 17:00. Í tilefni af EM þá bjóðum við öllum krökkum að koma og prófa handbolta þeim að kostnaðarlausu á meðan EM stendur yfir, 15.janúar - 1.febrúar. Frábæru þjálfararnir okkar taka vel á móti krökkunum. Upplýsingar um þjálfara og æfingatíma má finna á heimasíðu KR en æfingataflan er hérna: https://www.kr.is/handbolti Ef það eru einhverjar spurningar, ekki hika við að hafa samband við Andra yfirþjálfara ( andri.sigfusson@reykjavik.is ).
Hinn árlegi jólahandboltaskóli fer fram um hátíðarnar líkt og undanfarin ár. Námskeiðsdagarnir eru fimm talsins og er hægt að skrá sig á staka daga eða allt námskeiðið. Skólinn er frá 09:00-12:00 og fer fram í Hertz-höllinni á Seltjarnarnesi. Skólinn er fyrir krakka í 1. - 6.bekk eða krakka fædd 2019-2014. Byrjendur jafnt sem krakkar lengra komin eru velkomin. Við hvetjum stelpur sérstaklega til að taka þátt. Skráningin fer fram í gegnum Abler en beinn hlekkur er hérna: https://www.abler.io/shop/grotta/handbolti/product/Q2x1YlNlcnZpY2U6NDk4NzM=/
Helgina 22.-23. nóvember fóru strákarnir í 8.flokki á sitt annað mót í vetur. Við tefldum fram tveimur liðum og keppti hvort lið fjóra leiki. Strákarnir stóðu sig frábærlega og sáust miklar framfarir hjá þeim. 8.flokkur karla (f. 2019 og 2018) æfir á mánudögum 16:15-17:15 og miðvikudögum 16:15-17:05 upp í íþróttahúsi Hagaskóla. Við minnum á að allir mega koma prófa frítt á meðan stelpurnar okkar keppa á HM í handbolta.
Helgina 15.-16. nóvember fóru strákarnir í 7.flokki á sitt annað mót. Mótið var haldið í Myntkaup höllinni í Mosfellsbæ og spilaði hvert lið fjóra leiki. Strákarnir skemmtu sér mikið og taka allt með sér í reynslubankann. Næsta mót verður á nýju ári upp á Ásvöllum. 7.flokkur heldur áfram að æfa fram að jólum í Íþróttahúsi Hagaskóla á mánudögum og miðvikudögum klukkan 15:15-16:15.
KOMDU OG PRÓFAÐU HANDBOLTA
Næstu tvær vikur í handboltanum eru vinavikur. Þá hvetjum við alla iðkendur til að bjóða vinum og vinkonum sínum með sér á æfingu þeim að kostnaðarlausu. Enn fremur mega allir krakkar koma á þessum tíma og prófa æfingar. Þjálfarar flokkanna taka vel á móti öllum sem koma á æfingar. Æfingatöflu handboltans má sjá hér: https://www.kr.is/handbolti Á fram KR og áfram Grótta/KR !
Handboltaæfingarnar eru komnar á fullt og okkur langar að fá enn þá fleiri krakka til að prófa handbolta. Við erum með frábæra þjálfara sem taka vel á móti krökkunum. Það kostar ekkert að koma í heimsókn og prófa nokkrar æfingar. Æfingatöflu yngstu flokkanna má sjá hér á myndinni. Allar nánari upplýsingar má finna á https://www.kr.is/handbolti Áfram handbolti !
